| | | |
| |||||||
 |
 |  |  |
| قصص وروايات قصص وروايات, قصة ورواية, عالمية, عربية ! |
 |
| | LinkBack | أدوات الموضوع | انواع عرض الموضوع |
29-09-2004, 10:46 PM
| #1 (permalink) |
| [قلب جديد]  تاريخ التسجيل: Jul 2004 الدولة: نجمه الشرق
المشاركات: 23
 |  قصه حب روايه من تأليفي السلام عليكم والرحمه بعد السلام انا بالوقت الحالي قاعده اكتب روايه وحابه احطها لكم لانه بالنسبه لي هالمنتدى لاحظت فيه انه وايد يهتم بالقصص ذات الاجزاء واليوم بحط اول جزء بس ياليت اتسامحوني لو طولت لاني للحين اكتبها وقولولي رايكم ولو مو عاجبتكم بتقبل النقد بكل رحابه صدر :D تعريف بالشخصيات : *عايله بومنذر : بومنذر اكبر اخوانه واهو متزوج من بسمه ( ام منذر) واهيه متوفقه من اربع سنين وعندهم خمس شباب وبنت اكبر الاولاد منذر (30) سنه متزوج من ( فاطمه ) وعندهم ولدين وبنت[بسمه(5سنين) عبادي (3 سنين) وعموري ( بيكمل سنه حلاته ) ] وبعد منذر ايون التوأم فارس وفراس (25)سن[وايد قراب من بعض يفهمون بعض من النظرات يعني صج توام مع اختلاف بالاطباع بتلاحظونه من القصه J ] وبعدهم دلوعه العايله الجوري (21) سنه [ بنت ابوها بكل معنى الكلمه مدلله من الكل لانها البنت الوحيده على خمس شباب بنت طيبه وحساسه واتحب الكل بس مشكلتها الغرور ]<<<<< يحقلها بنت ابوها وبعدين حمد(19) سنه { حمد واحد فرفوش راعي نكته وسوالف محبوب من بين اخوانه وايد لانه مهتم بالكل وحت ابوه يعتمد عليه باكثر المشاوير لانه روحه حلوه بس اللي مخرب هالصفات ويضايق الكل ابتعداه عن عيال عمه لانه دوم مع ربعه وما يختلط مع عيال عمه بالمره اللهم مجرد سلام بالاعياد والمناسبات الرسميه لووووووووووووووووووووووووووووووووووووووووووووووووو ووووووووووووووووووول واخر العنقود جسوم (16) سنه [اصغر واحد ضايع معاهم مع انه مفروض يكون مدلل لانه اصغر واحد بس الجوري ماخذه الدلال كله واهمه على طول يشوفونه صغير وهو بطبعه مايحب يخالط الناس وايد بس يحب الكل ومحترم الكل وعمره ماجرح احد يعني نقدر انقول عنه لايهش ولاينش] J *عايله بوجراح : بوجراح اصغر من بومنذر بجم سنه متزوج من موزه ( ام جراح ) وعندهم 3 شباب و3 بنات اكبر عيالهم جراح (28)سنه متزوج من سهيله بنت خالته [وعنده ولد وبنت (حمودي6سنين) سارونه سنتين) ] وبعده مشاري ( 24 سنه) [وايد محبوب من عيال عمه والكل يستانس عليه لانه صريح وصادق واللي قلبه على لسانه ] وبعده نور (20) سنه اكبر بنت لهم [طيبه وحبوبه بعد وهاديه وايد ] وبعده السنيورات جور وحور (18) سنه [ وايد قراب من اختهم ويحبونها وعلاقتهم فيها وايد قويه واهمه الثنتين يتشابهون وايد بالشكل بس بالطبع الله خلق وفرق] واخر العنقود عندهم فوازو (10) سنين [ اشطن ياهل بالكون يسمونه وايد حوسه وكل شي يبيه ويبي عرفه بس طبعا دلوع البيت لانه اصغر واحد ويموتون عليه وخصوصا ام جراح ] *عايله بوخالد:ابو خالد + ام خالد واكبر عيالهم خالد (23) سنه بس وايد حبوب وطيب ويسمونه رجل الموقف الصعبه ] وبعده لجين (19) سنه وبعدها ملاك [ كبر السنيورات حور وجور واهيه صج ملاك ] واخر عنقودهم التوام فهد وعهد (9 سنين) وهذا الجزء الاول الجزء الاول : يوم الجمعه الضحى في بيت بومنذر : بومنذر: يالله ياحمد بتفوتنا الصلاه بسبتك حمد من فوق يصرخ : ياك يبا ياك عبادي ولد منذر نازل من فوق حق يده: بابا عود ودني معاك اثلي <<<<بصوته ولهجته الطفوليه بومنذر: حبيبي انت الحين روح غسل واتجهز حق المزرعه وانا اوديك اتصلي معاي مره ثانيه انزين عبادي : زين بابا وراح يركض فوق يحليله مو مصدق انه بيطلع ، (ياحب اليهال حق السياره) والا حمد نازل وهو مبتسم نفس المعتاد :يالله يبا مشينا بومنذر متنرفز من برود ولده : لا تو الناس خلنا نقعد بعد اشوي اخوانك راحوا من زمان وانا معتمد عليك يالدرو حمد يروح صوب ابوه ويحبه على راسه وهو مبتسم : السموحه الغالي ابشر بوصلك المسجد وبتلحق على الصلاه انشاء الله بس ممكن نمشي الحين بومنذر : امش يالله خلصني والله ان فاتتني الصلاة ياحميد لاتلوم الا نفسك يحليلهم الشياب من كل شي مسوين سالفه وراحو السياره وحمد طول الوقت يضحك على عصبيه ابوه الزايده في بيت بوجراح الرياييل رايحين المسجد بس الحريم اللي تامين بالبيت حور تركض صوب امها : يما اليوم متى بنروح المزرعه ام جراح تدري انهم لازم يروحون بس بتطفر حور لانه اتقول عن بناتها وايد يطلعون يحليلهم عطله وماكو مجمع ماراحوله : ما ادري والله اذا بنروح ولا لأ حور منصدمه :ليش يمما مانروح دراسه وماعندنا لانه معطلين وشغل مافي ممكن اعرف ليش مانروح ام جراح تروح صوب حور وتمسك اذنها : انتي لي متى طواله اللسان هذي بنروح بسج حنه والحين يالله ذلفي صلي حور : اللهم صلي وسلم عليك يارسول الله ، من عيوني يا ساره [ اسم امها ] جم سويره عندنا J ام جراح : وبعدين معاج جم مره اقولج لاتناديني باسمي انا امج مو اصغر عيالج حور : زين زين اعصابج الغاليه كلش ولا زعلج ، يالله باي مامي <<<<< اونها لغه J حور واهيه صاعده فوق تتحلطم : بنصغر من عمرها وهم مو عاجبه صج اهلنا ما يعجبهم شي ام جراح :حور يمه قلتي شي حور : سلامتج يمه ماكو شي راحت حور فوق وظلت ام جراح تضحك على خبال بنتها وخذت القرآن على شان تقرى في بيت بوخالد عهد شايله المكان بصراخها ( الاخت ماتبي تروح المزرعه ) ملاك : عهوده حبيبتي تعالي معانا وبقعدج معاي عهد :ملاك كل مره جذي ملاك : لاتقولين جذي يعني قصدج اني جذابه عهد والدمعه بعيونها : ملاك انا اصلا ما احب اقعد معاكم انتوا ما تلعبون بس تسولفون والبنات كانهم يهال كله عند امهاتهم مافي احد الا فواز وفهود الدب ملاك يمكن فواز يتضايق منج على شان جذي فهد مايخليج عهد واهيه تصيح : لافواز يحبني ويستانس لما اقعد معاهم بسفهود الدب مايبيني ملاك اختها وايد كسرت خاطرها وتبي اتسكتها باي طريقه : اوكي انتي اليوم تعالي وانا اوعدج بتستانسين انشاء الله واذا ما اعجبج الوضع لاتيين مره ثانيه اوكي عهد طالعت ملاك واهيه تدري انه ملاك ماراح اتسويلها شي بس تبي تسكتها وتمت ساكته وطلعت من غرفه ملاك ملاك كملت لبس وخلصت وراحت غرفه لجين وقالتلها سالفه عهد وطبعا ما قصروا كل وحده اتقول بخليها عندي وانا بعلم فهد الادب ومن هالحجي وعقبها ماكو احد ما حشو فيه طبعا بنات وماعندهم شغل شنو تتوقعون بيصير بالمزرعه ؟؟ شنو بيصير بالاهل ؟؟ بنعرفه بالجزء الثاني نطروني مع تحيات اختكم ودعت جرحك لو ما عجبتكم عادي بوقف كتابه وماراح ازعل :D |
|      |
|
30-09-2004, 05:13 AM
| #2 (permalink) |
| ..๑][سوآر الياسميـنے][
تاريخ التسجيل: Jun 2003 الدولة: مصـر ،، أم الدنيـا السن: 18 الجنس: أنثى عدد النقاط: 14475
المشاركات: 4,501
 | [ALIGN=CENTER] يسلموا عزيزتي ودعت جرحك القصة بااين عليها رووعة جدا و إن شا الله تدخل بالمسابقة و التقييم لأنها من تأليفك يعني مو منقولة بس الله يرجك ضحكتيني لما عهد قالت فهود الدب اههههههههه :cool: ثانكس عنونتي ودعت جرحك تحياتي لك عزيزتي و أنتظر الجزء الثاني من إبداعاتك أختك .. Rosa ..[/ALIGN] |
|
| |
|
30-09-2004, 07:41 PM
| #6 (permalink) |
| .. *! نـبـض قلـــبـي !* ..  تاريخ التسجيل: Apr 2003 الدولة: مادري نسيت السن: 24
المشاركات: 878
| تسلمي حبيبتي على القصة شكلها راح تكون قمة في الابداع بما انها من يدك بانتظار الاجزاء الثانية اوكي وبعدين حبيبتي انتي تقولي انك كاتبة اوكي شوفي لنا قصة جاهزة ونزليها لنا نشوف ابداعاتك مع حــــــــــــــــــبي |
|
| |
|
30-09-2004, 07:48 PM
| #7 (permalink) | |
| *^*فـ^^ـارس ســ^^ـوريــ^ـة*^*  تاريخ التسجيل: Feb 2004 الدولة: ســـــوريــة السن: 21
المشاركات: 1,574
| اقتباس:
| |
|
| |
|
| مواقع النشر (المفضلة) |
| الكلمات الدلالية (Tags) |
| اجمل قصة حب, رواية حب, قصة حب, قصص حب |
 جديد منتدى قصص وروايات |
| |
| أدوات الموضوع | |
| انواع عرض الموضوع | |
|
|
العرض العادي
