[ALIGN=CENTER]
السلاااااااااااااااااام عليكم
كيــــف حــــــــال الـــــــجـــمـــــيع انشــــاء الـــله بـــخـــــــير
على العموم هذي راح تكون اول مشاركه لى فى المنتدي قلبي :D
شـــــــــــبــــــــاب وصــــــبـــــايــــــــا ركــــــزوا مــــعي شــــوي
عنـــدي هالمــــــــــوضوع
وأرجوا انـــــــــــه ينـــــــــال اعـــــجـــــــابـــــكم
بس المـــــهم
الصـــبر وطــــولة البـــــال
الموضـــــوع طويـــــل شــــوي بــــس يجــــنـــن وراح تشـــوفوا بنفوســـكم
راح ينغشي علـــيـــــكم من الضــــحك
أوعـــدوني أنـــــــكم راح تقــــروه كلـــــــه
وأنــــكم تبـــــدون لـــــي رايــــــكم بـــــكل صــــراحـــــة
أستـــــعدوا
شدوا الأحــــــــــــزمة بكـــل ماأعطـــــاك الله مــــن قــــوة
قبل القراءة :ياشباب, ترى الموضوع ملغم , بس فرق ألغامه عن الغام الحرب, ان ألغام الحرب تنفجر فيك اذا مريت عليها وانت ماتدري, بس ألغام الموضوع ماتنفجر فيك الا إذا مريت عليها وانت تدري
ابطـــال القصـــة:
حمود الدلخ: ينطبق عليه المثل مايدري هي فيه وإلا بالخيشة,ماربح الليموزينات اللي هو, دايما يودي امه وينساها, ومطربته المفضلة مــريــم نـــور.
بخيت عنبر: ينطبق عليه المثل, كل له من اسمه نصيب, باين من التظليل , هذا اللي قصته مشهورة, هو اللي يوم كنا في ثاني متوسط توفى المدير ,قالنا الوكيل تعالوا بكرة بثياب سود, قال بخيت,: استاد انا ماعندي ثوب اسود, رد عليه الوكيل : لا انت عادي تعال مفصخ
شبيب بن عسيفان : من النوع اللي عند ابوه بعارين كل وحده لها اسم وضايفها معه في دفتر العايلة واسامي خواته على اسامي اي شي يشوفه ابوه لحظة ولادتهن,. واسم اخته الصغيرة دمـنــة.
سليمان الداشر: باختصار من النوع اللي يحب مادة الاحياء خصوصا فصل التكاثر
شادي, من فصيلة الرخويات, من مواليد عاصمة الدانمارك, دبنهامز .
أنا: محاتسيكم , وأعوذ بالله من كلمة محاتسيكم,
المشهد الأول: إتصــل نــصــل.
تبدأ القصة, يوم الخميس بالليل يوم دق على جوالي وطلعت لي امي وقالت تعال جبـنا من العرس,. رحت ابغى اجيبهم , وإلا امي الله يهديها كل ماشافت حرمة من الحارة ماجاها سواقها والا عيالها الا وتناديها. وكل شوي منادية وحدة , وهم يتحاشرون ورى التفت امي عليهن وقالت اذا مايكفي اقعدن بحضن بعض. عاد بغيت اقول لأمي سوقي بدالي وانا بركب ورى.... علشان يركبون قدام, و طلع المجموع تسع حريم, المشكلة طلع مافيهن الزينة كلهن عجايز وشيون , ماشاء الله امي جمعت كل متردية ونطيحة في العرس وركبتها معي. شوي ولا امي تنادي وحدة ثانية بعد, االحين بالموت كفت السيارة وتنادي ناس بعد, المهم التفت على اللي جاية, إلا وش اشوف... وحدة تهون عندها مريم الغضبان, لا ومشيتها كنها شاحنة مبنشر كفرها الخلفي, . يا أللـــه هذا كيف بتركب الحين , قلص ويالله . المهم اخيرا كفت السيارة. وصارت هالظرنطة (الدبة)هذي وراي. مامدانيا نمشي شوي . الا حسيت ان الهواء خلص وجا بدالة ريحة مجاري, أكيد بعد, حريم وجاياتن من عرس , الله ياخذ روحهن يخلصن البوفيـــه ويرقصن ويطامرن ويخضن ام بطونهم زي البيبسي ولارجعناهن للببيت قاموا يطلقون علينا الكيماوي. واللي قاهرني يوم تلطمت والا المح االدبة من زين الطبايع والروايح تضحك, ماامداني امشي خمس دقايق الا ترفع طرف شيلتها وتهفهف على ووجها, يوم شفت ,,,إلا وش اشوف, اول مرة اشوف خشة بثلاث براطم., لا وتقول: يوووووه , فطسنا,, رديت عليها وانا معصب: مهوب منك , بلاه والله من اللي حدرك . التفت على امي وغمزت لي بطرف عينها غمزة هواش, وسكت. ماعليه كله يهون, انا بقولكم وش صبرني عليهن والا كان نزلتهن في الشارع واولهن برميل الفسو اللي وراي. سوالفهن عقب العرس هذا والله اللي هجدني, هذا هو مربط الفرس, وظني ان الفرس عقب هالسوالف هج ماعاد ينربط.
ااااه ياحلو سوالف الحريم عقب العرس, تعال كأنك ماتدري واجلس واسمع وش يقولون , خصوصا العجايز لاقامن يسبن ملابس البنات, لا سمعت جملة (ربي لا تخفس بنا). على طول اعرف ان اللي بعده وصف لبنت لابسة شي مغري, اجل في وحده لابسة -والكلام لأمي- فستان مفتوح ظهره كله من علباها لبعبوصها والبعبوص-والكلام لي انا- هو اخر فقرات العمود الفقري. والا الصدر واخزياه , لو مالبست شي احسن, (اه بابعد صدري )والثالثة لابسة عاري ,(ااه ياعاري قلبي انا)ـ لا بعد وتجيك جارتنا مجاوبه وتقول :انا اهون ماشفت فلانة ماشاء الله عليها, ثوبها ساتر من وري ومن قدام, وترد عليها امي, بلاك ماشفتيه من تحت! , تعجبني امي عندها نظرة ثاقبه للبنات, اشك انها ابوي بعض المرات, ثوبها من تحت -والكلام لأمي- مفتوح من ساقها الي فوق الركبة,.... يافتحة روحي هالفتحة. وتعال اسمع انواع السب واللعن من أمي وبالنسبة لي انواع الوصف والإغراء .هن يوصفن من هنا وانا سعابيلي تقطر من هنا احسن شي بوصفهن يعطونك رؤوس اقلام والباقي اطلق ابوكوفي عنان لخيالك وخل العبد يهذب بحصانك , وانت تخيل على حسب مواصفاتك القياسية, مع اني متاكد لو تشوف بعض اللي يوصفون بالطبيعة كان بيصيرن اقل من تخيلاتك لان اللي تشوفها على الطبيعة مافيه مجال لتخيل شكلها, ماعليكم بطول السالفة, انا في بداية المشوار عقب الريحة كنت مسرع و حاطن رجلي, يوم الحريم قامن يسولفن السوالف الخاثرة اللي يحبها قلبي مسكت المسار الأيمن ومشيت على اقل من مهلي واول مرة بحياتي أتمنى تكون الاشارة حمرا.وأول وحدة نزلتها الدبة , أول مانزلت رجلها , رحت وقدمت السيارة شوي . وطاحت على خشتها وتـدربــت من بداية الشارع الى باب بيتهم, يوم قامت صارت ترجع على ورى لانه عباتها ملتويه على فخذها, تراها من النوع اللي فخذها واصل لاصابع رجلينها. يوم قامت ترجع واسمع صوت طــيــط, طيـــــط, طيــط . زي الشاحنات, . وأول ما مشيت واشوفها تأشر لي بعباتها واسفهها كني ماشوفها, بس امي قالت لي ارجع لها شف وش تبغى, قلت لامي مااقدر اعكس الخط, مع انه شارع عشرة , وقالوا الحريم اللي ورى نعلتها بالسيارة, , قلت طيب عطوني اياها, واخذها وافتح الدريشة ,واحذفها بكل قوتي عليها واشوي صكت جبهتها, قاهرتني هي وزنودها لاهي اللي تسوالف مع الحريم عن العرس ولاهي اللي فاكتنا من شكمانها. .
الزبدة, اني ذيك الليلة ماني بخيرعقب سوالف الحريم, وفي قمة مانيب خير اللي انا فيها, قطع على خيط افكاري رنة الجوال , وارد ويطلع شبيب, شبت النار في بعارين ابوه بلا, ها وش عندك ياشيبوب, قال والله الشباب عندي وودنا انك تجي, قلت عسى الوليد بن طلال عندكم بس, قال لا عندي حمود المفهي وبخيت عنبروشادي وسليمان الداشر. لا واللي قاهرني يسميهم شباب , قلت امري لله, خلاص خربانة خربانه نروح نشوف هالسلنتح وش عندهم
المشهد الثاني : المـؤامــرة الكــبرى. , يوم وصلت ماامداني اطق الباب الا وصوت شبيــب يلعلع
شبيب : إقـــلــــــــــــــــــــــط.
أنــا: إقـــلـــــــــــــــــــــــــــب وجهك, قاهرني من يوم خرب علي ليلتي.
قبل مادخل المجلس شفت نعلة مقلوبة وعدلتها, من يومنا بزران يقولون لنا , اعدلوا النعول علشان يصير وجهها على الشيطان, وشكلها نعلة حمود الدلخ, لانهن ثنتينهن يسـار..
اول مادخلت المجلس, وإلا هالشلة متسدحين كلن لاهي بعمره, شبيب المهايطي مسوي فيها رجال وجالس يبهرالدلة, شادي جالس يراقب شبيب وهو مستغرب كنه جالس في الجنادرية ,الداشر معه الريموت وحاطة على قناه اسمها مقاس فنيلة مهوب بقناة, . اللي لفت انتباهي حمود الدلخ, جالس في زاوية ثاني إركبه عند رقبته وراسة بين ركبه ويحوس, بيدية الثنتين, وملامح وجه تتغير بسرعة يتعصر وبعدين يبتسم , يتعصر ويبتسم , انا استغربت من هالموقف, لو يد وحدة مشيتها, بس الثنتين, يلا شكله الدلوخ يسوونها كذا..واجي فوق راسه والا الدلخ جالس يلعب بجواله الحية. يوم شفته كذا رفسته وقلت ياشيـــخ فهمت غلـــط, حسبتك تغازل بالتلفون وجالس تبوس, ولاهوب يمي, مغير يلفلف رويسه وكتوفه يمين يسار وهو يلعب, كنة بزارينا لالعبوا بلي ستيشن. قلت لهم هـــــــاه ياوجيه الفلس, مزعجينا وحالتكم حالة وش عندكم ؟ قالوا سلامتك, بس بغينا نسولف معك, قلت لهم والله السالفه عندي, وقلت لهم سالفة العرس, ماأمداني اتكلم اللي الداشر حاذف الريموت وناقزن بجنبي , استغربت كيف نقز وظلاله لاهالحين يطالع التلفزيون, يوم ركزت ويطلع بخيت عنبر . المهم الشباب عقب ماسولفت لهم عن وصف بنات العروس صاروا ماهم بخير , الظاهر اني اعديتهم, قال الداشر انا بدخل اي عرس, داخل داخل, والله وكلمته هذي لقت صدى طيب عندنا . بس كيف؟ وجلسنا نفكر كيف, وقالوا لي يلا ورنا شطارتك, انت العقل المدبر(المدبر من دبر ماهوب من الدبرة).وفي قمة تفكيرنا , صرخ حمود الدلخ::
"لقيتــها....لقيتـــها"
شادي: وش عنده ارخميــدس
الدلخ: ارخميدسك انت واشكالك.
أخيرا,اقترحت عليهم نصير طقاقات وندخل العرس, بس كيف؟؟ قلت شوفوا نخطف جمس الطقاقات ونلبس لبسهن وحددنا يوم الخميس الجاي المغرب ساعة الصفر ,
7
7
77
7
المشهد الثالث :حف الســاق عند الحــلاق
إتفقنا اننا نجهز انفسنا جسديا علشان نصير طقاقات, طبعا كان مستشارنا شادي بكيفية التحول, وقال لازم تشيلون كل الشعر االي باجسامكم الا شعرراسكم وحواجبكم. طبعا شادي ماتعوق معه جاهز خلقه بس ثلاث شعرات موزعهن تحت خشمه يزعم شنب, البلشة والله بالداشر وش يحلق وش يخلي لعنبو ابليسة حتى كفوفه واظافره فيها شعر. المهم ما طقينا خبر لشادي , واتفقنا اننا نحلق وجيهنا بس , والدلخ صدق كلام شادي و جانا حاف سيقانه ثلاثتهن لا ومسوي له سكسوكة بركبته, انا بعد ماحلقت شعر وجهي كله, رحت للمرايه ابشوف, واجلس ساعه اطالع نفسي وانا ميتن علي من الضحك, اول مرة اشوف وجهي سلط ملط, حتى إني تلخبطت بالفتحات .......... مدري الفتحة فتحة خشمي ولافمي وقمت اتنفس مع فمي واحط الاكل في خشمي. تاخر علينا شبيب ماشفناه وقالنا سليمان الداشر انه وصاه يروح لحلاق فلبيني, شبيب وحلاق فلبيني لاوالله كملت, شبيب وين والحلاقين وين ,اصلا ماعمره حلق لحيته الا في بيتهم بشفرة ابوتمساح,مع المكينة الموس اللي تنفر فر لاجيت تركب راسها. ورحنا للحلاق بنشوف وش ليه تاخر, اول مادخلنا الا وشبيب حاشرن الفلبيني بزاوية ومحط بالعقال, ومحط ,الفلبييني , يصيح ويقول لا مابيـــه كولووه, ونجي نمسك شبيب, والداشر راح يهدي الفلبينيني, مايبغي يخرب العلاقات لانه زبونه. ها وش سالفتك على الفلبيني, قاال :خله يولي ملعون الوالدين قليل للادب قال الداشر وهومعصب: شفيك عليه : ماتبغى قله لا مهوب كذا بالعقال بس شكلك ماأنت كفو تنظيف وجه بالبخار, قال شبيب لا, مهوب علشان كذا ضربته, , ملعون الوالدين عقب ماحلق دقني قال تبغاني احلق لك عكس, سألته وشو العكس, قال احلق لك من تحت لفوق. يوم قال كذا متنا من الضحك, يعني ماتعرف عكس عكس ياثور يعني يحط الموس على دقنك من تحت ويحلق على فوق.
المهم خلصنا حلاقة كلنا وصرنا مستعدين للهجوم.
المشهد الرابع : أحجام الصدور بين الجح , والرمـان والبذور
في ساعة الصفر, وفي طريق جمس الطقاقات سكرنا الشارع ووقفنا سيارة الدلخ كأنها خربانة, يوم جو الطقاقات, نزلنا السواق واختطفنا الطقاقات ولبسنا لبس حريم ا شادي لبس فستان, مقاسة بالضبط وحلو مرة , شكله المعلون مفصلة له من مبطي, اما شبييب صايرن يلمع من الثوب الزري اللي لابسه انا لبست ثوب جدتي الأسود مشجر بورد احمر اللي فيه طقطق من ورا, مدري هو ثوب جدتي والا سروال ابوي ,الداشر لبس ملابس شغالتهم كلها حتي ملابسها الداخليه. يقول علشان الدور يزبط. بخيت لابسن له لبس فستان لونه كأنة لون اللمبة اللي تصيد الناموس. الدلخ لابسن مريول اخته الكحلي, لا وعلشان يعيش الدور جايب شنطتها بعد. وبعد مالبسنا ملابسنا, الداشر قام يناظر شادي نظرتن انا خفت منها, وبعدين قام يناظر شبييب ولف علينا واحد واحد, وقال , شوفوا, فيه شي غلط كيف طقاقات ولابسين لبس حريم والصدر فاضي.
قال شبيب , لاعقب مانطق في العرس ونقول "كل المعاريس خيالة بينقطون علينا ونحط الفلوس بصدورنا, قال الداشر لاقصدي صدورنا مهيب بارزه.
قال الدلخ: يعني تبغانا نشتري اللي يطلع بدعاية اوربت. قاله الداشر تلايط بس,
عاد انا كنت السواق وعرفت قصدة رحت وغيرت اتجاهي الى سوق الخضار. وقلت يالله كل واحد ياخذ مقاسه, الداشر شرا له رمانتين, وانا تفاحتين, شادي مشمشتين, وشبيب جحتين لأنه متعافي ربنا وربه الله, الدلخ اناظر فيه والا شاري لي خس
ونشوفكم في الجزء الثاني من :طقــاقات ســـوبر ستـــار, ونشوف وش صار لهم يوم دخلوا العرس
انشــــاء الــله أعجـــــبكــــم
تقبلــــوا تحــــيــــاتي
أخوووووووووكم عوكل :D[/ALIGN]
05-09-2004, 03:56 صباحاً
عيال حارتنا 
Re: عيال حارتنا 
جديد منتدى الفرح والمرح والفرفشه 
العرض العادي
