[ALIGN=CENTER]
المهم فيه واحد اسمه سعيدان مصاب بهيدروكسيد الدلاخه الذي اكتشف مواخراً بالمختبرات الاستراجاجيه وهو انسان داج في دراسته ما يتابع الا القناة الثانيه على باله انه مثقف قلينزي
طموح هالانسان انه يكون نظام المدارس مختلط ودايم يفكر اذا تبطح على السرير ويتخيل انه جمبه بنتين على يساره وعلى يمينه وانهن يتهاوشن عليه ويغارون من بعض عليه
وهو مرة منبطح ويتابع هوايته ( يناظر القناة الثانيه) سمع في الاخبار ان المدرسه احترقت وان البنات ماتن وطقته العبره مسيكين .. وقال في نفسه الحين بدال مايخلونهن لحالهن ورا مايخلونا معهن عشان حنا ننقذهن ونكون معهن اما البنات دبش مايعرفن يتصرفن ... يعني بين قوسين كلن ينقذ خويته ولا صار اللي صار
المهم ذا المسيكين جالس يتذكرهن ويدعي لهن ويناظر القناة الثانيه الاخبار .. وسمع
انهم اقالوا المرشد وحطوا الرئاسه حقت البنات مع المعارف حقت العيال الولد قام يطامر ويناقز على السرير ومن الوناسه يسوي حركه يرقا للسطح وينزل على المواصير حقت المجاري متاثر ببرنامج ( 911 ) اللي على القناة الثانيه ذاك اليوم ماجاه نوم يطامر ويناقز وخربها وراح واشترى شورما بـ 3 ريال ومعها ببسي .. مع انه بالعاده يشتري مطبق بريالين ويشرب مويه من برادة المسجد .. _( يقالكم الحين انه مسوي احتفال ) خلص بلع وراح للحلاق وخذ ياتنعيم وقصات وغسيل بستم وحلق شعر اباطه اللي كنهن نخل يابسات ونظفوا وجهه بستوب ( STOP) ولمعوه الين دلا يلق تقول مرايه .. بعدها مر المكتبه اللي جمبهم وشراله قلم خطاط عريض حق سبوره ورسم الشنب وحبك السكسوكه وحدد الحواجب بالقلم وضبط وضعه
المهم راح للبيت انسدح على السرير يقول متى يجي بكرا يتحرى يقابل البنات ويدعي ربه يقول ( يارب ان دحيم ذا المخيس ذا اللي ريحت اثمه تقول صنان عبد انه مايجي الا متأخر عشان تجلس بنت محله ) وفكر لبعيد وجاب كتاب تعليم كارتيه ( هالكتاب اذا فرشوه عيال جيرانهم راح يقراه واذا نزل يضاربهم نسا كل اللي قراه ورفّسوه الين يتفل العافيه ) المهم انه جلس يقرا هالكتاب عشان ان دحيم قوم البنت يفرشه
المهم قام وناظر الجدول لقاه :
رياضيات - جولوجيا- رياضه - فسحه - احياء - توحيد - كيمياء - طلعه
( ياعمري على العلمي )
كذا كاتبه بالترتيب
جلس يفكر انه دخل المدرسه الساعه 5 <-- مستعجل يبي يحجز له بنت ... ولقا هالبنات مجتمعات والعيال مابعد جو لانه هو الوحيد اللي يفهم انجليزي ويناظر الاخبار ودرا ان البنات يبي يجون معهم .
وجلس يحوس بينهن ويدور الاحلى ( طبعا جالس يتخيل ) وانه راح صف في الطابور حق فصله وكانت فيه وحده قدامه موت بالنسبه له اسمها دلال
قال هيه انتي تصدقين ان فصلنا احسن فصل وان ماصتي احسن مدرسه في الماصه ( تلعثم الولد )
قالت له وانت بعد احسن واحد شفته .. انهبل سعيدان وضاع منه الحتسي ( متعوب ) المهم سوو الاذاعه ورقوا فوق للفصول وجرها الين جلسها على ماصة دحيم خويه وقال ان قالك قومي قولي لا .. من حظه ان دحيم غاب هاليوم
المهم اول حصه رياضيات .. طبعا هو مايجيب دفاتر ولا شي ماجاب الا الرياضه حقت وزارة المعارف ويتمنى ان لونها يعجب البنت
المهم طلعت البنت دفترها تبي تكتب اسم الموضوع والتاريخ .. ويجي ويتل الدفتر منها وجلست تناظره بعيون حاقده : : وهو ارتاع قال ابكتب عنك انتي ارتاحي انا وش شغلتي هنا مسوي يبي يكسب رضاها .. وتقوم وتتل منه الدفتر وتقول ماطلبتك ياملقووف
ضاق صدره سعيدان وخلصت حصة الرياضيات وماصدق على الله لانه دايم يتشائم بها ... جت حصة الجولوجيا
دخل المدرس وكتب الموضوع وقامت البنت دخلت دفتر الرياضيات وطلعت الجولوجيا جا يبي يسوي نفس الحركه ويكتب عنها وتذكر نظراتها
قال مابدهاش اسكت لاتخرب العلاقه .. المهم المدرس بدا يشرح وبدا يسال الطلاب والطالبات طبعا الطلاب مفهين كلن يناظر اللي جمبه ... المهم المدرس سال دلال ( اللي هي جمب سعيدان) وش اكثر الجبال فيها صخور بازلت ..( سعيدان فهم خطا بازلت يحسبها ازفلت توهم مزفلتين شوارعهم وحاطين باقي الزفلت فوق جبل)
المهم دنق تحت الماصه يبي يغششها وقالها الجبل اللي عند بيتنا متاكد انا .. جاوبي وما عليك البنت من دلاختها جاوبت وقالت الجبل اللي عند بيت سعيدان وجلس المدرس يضحك وهزأها وسكتت .. ودلال حقدت عليه غير الحقد الاول
خلصت حصة الجولوجيا وجت الرياضه سعيدان قام يشخص وطق رياضة وزراة المعارف وقال وش رايك فيني لو خيروك بيني وبي وائل كعفوري من تاخذين؟؟‍‍!! البنت ماردت عليه المهم البنت بدلت في الحمام وشافها سعيدان وانهبل على لبسها وناظر رجليها ولقاها لابسه صندل ويقوم مسوي راعي فزعه ويسدحها وياخذ الصندل من رجلينها وينطلهن في الحمام ويسحب السيفون عليهن عشان ماترجع تاخذهن .. ويجي ياخذ كنادر الاديداس حقته اللي اذا لبسها طلعت اصابعه من قدام ويلبسها البنت ويعّقد الحبال على رجولها عشرطعشر عقده عشان ماتعرف تفكها
البنت شافت العقد وش كثرها وانها مهيب قادرة تفكها .. قالت خلني اسكت بدال ما احاول واتفشل.. وسكتت
المهم نزلواصار سعيدان كابتن و واحد ثاني صار كبتن المهم قال سعيدان انا اول اختياره واختار دلال واختاروا ووزرعوا اللعب ... المهم سعيدان مسك دلال وقال انتي راس حربه وش رايك البنت بلمت ماتدري وش راس حربة المهم سعيدان يصلح لها وهي ان جت تشوت فنفست على خشتها وطلعت الشلحه من عند عصاقيلها وطاحت .. بعدها جت هجمه مرتده بقيادة سعيدان ويرفع الكوره وكانت دلال لاهيه تفكر وتجي الكوره وتصقع في دمجتها وتجيب هدف ويجي يرككككككككض
ويخخممممممممممهههاااا وتبويس واحلا انتي قويه وانتي محترفه ومادرى الا وذاك الكف جايه يمشي مليون
سعيدان تحطم وطلع بداعي الاصابه واول هزيمه له وهو كابتن تجي بسبتها .. المهم جلس يتعبر
وتررررررن خلصت الرياضه ولبسوا وراح يشتري لها سن توب وتويكس من المقصف وعطاها وقال هذا عشان المجهود اللي سويتيه كنتي مبدعه ودي تعلميني وشلون وتدربيني
المهم دلال صدقت وابتسمت له وسعيدان ضاااع مايدري وش يسوي من الفرحه
قام من اللخمه وحط يديه على سيقانها يبي يهمّزها يقالك يبي يريحها وبوز بكنادر الاديداس حقته اللي عطاها على خشته
سعيدان من اللي صار انقطع خياله وصحا .. وخاف وضاق صدره ومن الضيقه نام
وقام الصبح من بكرا وراح للمدرسه ومالقا الا اشناب وشلة اخوياه الشيون وحمد ربه وقال اشوا ان مافيه بنات
لو فيه كان صارت هناك الكثير من المهتارات والبقوس والكفوف والترجيف والترفيس وما الى ذلك من دواعي الغيره وبتصير المدرسه
مرتع تميلح ومغازل وترقيم
<== أقول ياكثر هذرك

منقووووووووووووووووووووووووووووووووووووووووووووووو وووووووووووووووول [/ALIGN]

الله الله الله الله الله الله
الله الله اله الله الله
الله الله الله الله
الله الله
الله

طووووووووووويل موضوعك ياسعععععيدان
بس تتتتتتتتتتتسلم على المووضوع ولو اني مماقريته 000 بس اكيد قممممممممممممممه زيك
لانك تعرفين زين عجاازه وماااحب اقرى المواضيع الطووووووويله 000 تحملوني هذي انا
خخخخخخخخخخخخخخخخخخخخخخخخ
تحياتي
اختك دينا

[ALIGN=CENTER]


الله لا يبارك بابليسك ياقطوة

مدام انتي ماقريتي القصه كامله اجل ليه اللقافه والرد على القصه

بس علشان تكسبي مساركه يعني

افففففففف

والله كسل

على العموم مشكوووورة على اللقافه والرد بدون قراءه الموضوع والله عارف انه طوويل اعذريني لكن

مرة ثانيه لا تتلقفي وتردي على موضوع ما قريتيه كامل

تحياتي لك اختي دينا ولا تزعلي من الرد تراني امزززززززح

ومشكووووورة

اخوك سعيد

بس المهم بلا زعل

باي [/ALIGN]

لاتخخخخخخخخخخخخخخخاف
انا مو زعووووله
حبيبه تراني
ولا شالي مخلين عاااااااااالقه بالمنتدى الى الحين
لو اني زعلوله
كان انا كل اسبووع بمنتدى 000000
خخخخخخخخخخخخخخخخخخخ
يالدب
احمد ربك انا الي عبرتتتتتتتتتتتك بموضووعك الطوويل هذاااااااااا
هااههاهاهاهاهاهاههااهاهه
هاهاهاهاهاهااهها
هاهاهاهاهاه




تحياتي اختك دينا

[ALIGN=CENTER]


هههههههههههههههههههههههههههههههههههههههههههههههههه هههههه

انا عارف انك مو زعلانه ولا تقدري تزعلي على سعووووده

اللي هو انااااااااا

اناالدب

انتي الدبه :D

خلاااااااص اذا الموضوع مضايقك احذفه ولا لالا بنتظر الى بكرة اذا ما احد رد عليه بكرة احذفه


يالله نشوف ننتظر الى بكرة والله ان المنتدى نااااااااايم مو زي اول

تحياتي لك يالدبه

سعيدوووو[/ALIGN]