السلام عليكم ورحمة الله وبركاته

هذي كلمات أغنية الفنانين عبدالمجيد عبدالله وراشد الماجد التي تغنوا بها في عمل جمعهم الأثنين وأترككم مع الكلمات الجميله :

عبدالمجيد عبدالله يقول :

يا صاحبي وش فيك قاعد لحالك . . ليش انت متغير ومشغول بالـك

صارحني قاسمني عناك وهمومك . . ما أطيق أشوفك متعب الهم حالك

يقول راشد الماجد :
يا صاحبي ضاقـت علـي الليالـي . . باللي شغل قلبـي وفكـري وبالـي

خوفي اسولف و اخسر إنسان غالي . . ياأخسرك أو أخسر اللي في بالـك

عبدالمجيد عبدالله يقول :
حيرتني واحترت باللـي تقولـه . . وإن كان عندك سـر بالله قولـه

ما عاش من يخسر غلاك بسهوله . . ولا عاش من يقطع بعمره وصالك

يقول راشد الماجد :

خايف أقول واصدم إحساس قلبك . . واحد لعب بي في الغرام ولعب بك

هو حبني وانتـه تفكـر يحبـك . . لاهو وفا لحبـي ولا هـو فالـك

عبدالمجيد عبدالله يقول :

يعني أنا وانته بها الحب ضعنـا . . واللي تحبه ياحسافـه خدعنـا

مثل غرامه واتقن الدور معنـا . . والغدر طال إحساس قلبي وطالك

يقول راشد الماجد :

هذا الذي هو صار بينـي وبينـك . . واسهر عيونك في غرامه وعيني

كلمة احبك لي تجي لـك تجينـي . . والشوق نفس الشوق جاني وجالك

عبدالمجيد عبدالله يقول :

يا صاحبي مهما تكون الحقيقه . . لو تشتعل في القلب مية حريقه

أنا من اللي صعب يخسر رفيقه . . لجل المحبـه أو أبـدل بدالـك

يقول راشد الماجد :

وأنا من اجل الحب مخسر رفيقي . . ولا اغيّر عن طريقـه طريقـي

واللي جمعني معك حب(ن) حقيقي . . لك ماتبي حتـى حياتـي فدالـك
تحياتي..ذياب العتيبي..

[ALIGN=CENTER]وعليكم السلام ورحمة الله وبركاته

مرحبا ذياب

مشكور على الابيات والله يعطيك العافية

وسلمت يمينك على النقلة الرائعة

وتابع الموضوع في قسم القصائد المنقوله

قيوود الحب[/ALIGN]

العفو أختي قيود الحب ..شكرا لك على مرورك ..تحياتي...ذياب العتيبي..

مرحبااااا
بصراحه كلمات روعه وابداع فني ومشكور لانك كتبتها لنا
مع تحيااااااات
الجريئه

العفو اختي الجريئه ..شكرا لك على المرور..تحياتي..ذياب العتيبي..