| | | |
| |||||||
 |
 |  |  |
| القصص والروايات المنقولة قصص عربية , قصص أطفال , قصص غراميه , قصه قصيره , قصه طويله , روايات , قصص الانبياء , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء , والكثير |
 |
| | LinkBack | أدوات الموضوع | انواع عرض الموضوع |
01-09-2004, 07:52 PM
| #1 (permalink) |
| Saudi Aramco  تاريخ التسجيل: Aug 2004 الدولة: الرياض حي النهضه أستاد الملك فهد السن: 24 الجنس: ذكر عدد النقاط: 2112
المشاركات: 1,019
  |  قصة محزنة حصلت لي مع بنت من بنات قصة محزنة حصلت لي مع بنت من بنات المنتدى ...(( ليس منتدى قلبي )).. لاحظت في فترة من الفترات أن فيه عضوة من أعضاء المنتدى اللي أنا فيه مركزة على مواضيعي وترد عليها.. وكانت ردودها ردود إعجاب شديد... لدرجة إنها صارت تدور مواضيعي كلها وترد عليها... حتى لو كانت قديمة..... أنا جاني الغرور وبديت أشوف نفسي... إيه من قدي صار لي معجبات... صرت أجلس على الإنترنت أكثر من جلستي مع أي شخص ثاني... حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى.... يعني الغرور كان واصل حده عندي... وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل...( حنا يالشباب الفاضي 12بالليل . يعتبر أول الليل عندنا )... المهم وأنا راجع وقاعد أسولف مع نفسي وأغني وأهيجن وموسع الصدر على الآخر... ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا.... وفجأة... لقيت وحده لحالها بالشارع وتأشر... أنا حسبتها تأشر لليموزين وراي ... بس يوم طالعت مع المراية ماوراي سيارات... قلت في نفسي ... وش عندها ذي...ووش قصتها..... خلني أخذ فرة ثانيه بالشارع وأشوف وش السالفة... خذت لي فرة وفرتين وثلاث.... وكانت كل مامرت سيارة أشرت لها... ومحد يوقف لها... أنا قلت أبوقف لها.. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي.... قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا.... وفعلا وقفت.... قلت : نعم وش عندك تأشرين؟.. قالت: لو سمحت يااخوي أبيك توصلني للبيت.... أنا : ومتى المعرفة عشان أوصلك لبيتكم.. هي : أجل وشوله واقف لي.... أنا : أنا واقف أبشوف وش سالفتك... يعني بنت تالي الليل وفي شارع فاضي .. وش القصة..؟.. هي : ومو معنى هالشي إني أكون من اللي في بالك... أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو خاف ووقفني هنا.... أنا : لاحوووووول ولاقوة إلا بالله... طيب طيب ...بيتكم وينه فيه؟.... هي : قريب ...يعني تقريبا ثلاث كيلوات من هنا.... أنا : طيب .. يالله أركبي خل نوصلك نكسب فيك أجر.... جت تبي تركب ورا وقلت لها : لا تعالي قداااام ... رفضت ..... قلت لها : ركوبك ورا يجيب لي الشبهة تعالي قدااام ومايكون إلا كل خير... وفعلا ركبت قداام.... وأول ماركبت .. قلت : إسمعي يابنت الناس... أنا مابعد تأكدت أنك بنت.. أنا اخاف أنك من قطاعين الطرق واللي يتقنون أصوات الحريم.. وعشان كذا ماخليتك تركبين ورا... أخاف وأنا أسوق تجيني من ورا غدر وتسوي فيني شي... ردت علي وقالت : والله بنت ... وماني من ذا اللي تقول عنهم...صدقني.. قلت : إكشفي لي وجهك.. قالت: ( وبسرعة) مستحيل... قلت : أجل إنزلي... قالت: تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي... قلت : أن لازم أتأكد أنك بنت.. قالت : والله بنت.. وأرجوك لاتستغل الموقف... قلت : هذا حقي ... انا ماقلت أبسوي معك شي حرااام لاقدر الله.... أنا أبي أريح نفسي بس.... قالت: أنا وكلت رب العالمين في أمري.... وكشفت نصف وجهها.. وشفت دموع تسيل من عينها.... أستغربت... بس جمعت قواي وسحبت لثامها كله... وشفت شي عجيب..... شفت وجهها ..... شفت الحسن كله....شفت الجمال... سبحان الله صورها....وشفت دموع تسيل على خدها..... كانت تبكي بدون صوت... حتى مارفعت عينها بعيني...... غطيت وجهها وصديت.. ومسكت طريقي ومشيت فيه.... كان تفكيري يلعب فيني شمال ويمين... هي وش طلعها من ليموزين تالي الليل..وش سالفتها... ياولد لاتكون من بنات الليل ....وقاعدة تمثل عليك....أطلع بها ... اطلع بها محد داري عنك.... وبدأ إبليس يشاركني تفكيري.... بس كنت كلما تذكرت كلمتها ( وكلت رب العاملين في أمري ).... وكل ماتذكرت دموعها... أستغفر الله وأرجع عن الأفكار السوداء.... وبعد وقت قصير وصلتها لبيتهم ... ونزلت بسرعة أختفت ورا الجدران... وأنا قاعد أتابعها...وأفكر في هالبنت العجيبة... ووش قصتها .... ومادريت إلا وأبوها ينزلني من السيارة غصب ... ويجلد فيني جلد... ومافكني منه إلا البنت...يوم حلفت له إني مالمستها بشر..... الأب وقف وهو مازال ماسكني ... وطالعني وقال : تنام هنا... وبكرة نروح للمستشفى ونتأكد من كل شي...فااهم.. وافقت مضطر يعني واحد في نفس موقفي وش يبي يسوي... وأتصلت على أهلى وقلت لهم إني أبنام عند صديقي محمد اللي ساكن لحاله لأنه مريض وابغى أشوف طلباته.... والله ويدخلني أبوها للمجلس..ويقفل علي الباب.... نمت عندهم وأنا عيوني مفتوحة...أفكر في هالورطة اللي ورطت نفسي فيها بدون داعي....البنت أنا وش دخلني فيها أروح أوصلها كان خليتها ويرزقها رب العالمين من يوصلها... كنت خايف ويزداد خوفي إذا سمعت خطوات أبوها وهو قاعد يمشي عند الباب رايح جاي...... وأصبح الصبح...وقبل كل شي... نقزنا للمستشفى...وسوينا التحاليل للبنت والفحوصات وكل شي... و  طلعت البنت شريفة وأنها مازالت بكر... هالشي خلاني أشيل فكرة أنها من بنات الليل نهائيا عن بالي.... وحنا طالعين من المستشفى ... قال لي أبوها.. ياوليدي أنا اسف ... بس العذر والسموحة يعني واحد موقفه مثل موقفي ...يعني يطلع للحوش الساعه 1 الفجر ويلقى بنته تدخل عليه البيت... وواحد غريب هو اللي موصلها.. وش تبغا يكون تصرفي غير هذا.... قلت : ياعم .. أنا ماشرهت عليك... ومن حقك كل اللي سويته.. وتتطمن على بنتكم المصون... قال : ياوليدي أنا أبسألك سؤال؟. قلت : تفضل . قال : أنت متزوج؟؟.. قلت : لا....توني موظف جديد في ارامكو ..يا عم أنت عارف أن هالزمن صعب.الزواج.. قال : الله يستر عليك زي ماسترت على بنتي... ويوفقك لبنت الحلال اللي تسعدك انشاء الله.... قلت : اللهم أمين... أنا أبمشي اللحين توصيني على شي.. قال : سلامتك ياوليدي والله يحفظك.... وانا اسف مرة ثانية... تركتهم ومشيت.... ورجعت لبيتنا... والخوف و الروعة مازالت في قمتها..لدرجة أني ماطلعت من البيت أسبوع... إلا ما طلعت حتى من غرفتي.... وبعد هالأسبوع بديت على شوي شوي أطلع على خفيف.. ورجعت للأنترنت مرة ثانيه ..وتذكرت المعجبين.... إيه اللي يدورون مواضيعي.... واروح أشوف وش صار على المنتدى وعلى مواضيعي.... ويوم دخلت المنتدى ...لقيت موجود رساله خاصة.... قلت أشوف منهي منه... لقيتها من العضوة اللي دايم ترد على مواضيعي بأعجاب... وكانت تطلب في الرسالة... أن عندها قصة وتبغاني أكتبها بأسلوبي لأنه زي ماتقول معجبها الأسلوب... أنا ارسلت لها وقلت هاتي القصه ونشوف وش نقدر نسوي.... المهم رجعت للمنتدى وقعدت أتصفحه ... كنت مشتاق له حيل.... وبعد نص ساعه لقيت .... انه يوجد عندي رساله خاصة توها تجي .... فتحت الرسالة.. ولقيتها من نفس العضوة.. وترد على رسالتي.... وكاتبة القصة... قعدت أقرأ بطريقة الكبار يعني أدقق عند كل حرف واوقف عند كل كلمة... بس...... هذي هي نفس قصتي.... إيه قصتي مع البنت اللي لقيتها بالشارع.... وش الكلام هذا..... وشلون.... معقوله تكون هي نفسها البنت..... لالا ما أظن.. إذا أنا وأنا رجال... قعدت منهار أسبوع كامل... وشلون حالتها هي.... فكرت كثير .. وقررت إني أعرف منهي ذا العضوة... ارسلت لها وطلبت انها تسوي اضافه بالماسنجر عندها عشان أناقشها على القصة... وفعلا بعد يومين لقيت إضافه بالماسنجر.. ((@HOTMAIL.COM------ ) .... عبق الزهور يرغب بالتحدث إليك).... قبلت الإضافة.... وجلست أنتظرها... وفعلا بعد ثلاث ساعات لقيتها داخلة الماسنجر...ودار بيننا الحوار التالي: ذيــ العتيبي ـاب says: السلام عليكم... عبق الزهور says: وعليكم السلام ذيــ العتيبي ـابsays: يالله حيها ... كيف الحال ... وش الأخبار.. بشرينا عنك... عبق الزهور says: بخير.. عبق الزهورsays: ممكن تقولي إيش سويت بالقصة لو سمحت؟؟.. ذيــ العتيبي ـابsays: أنا ودي أسألك سؤال إذا ممكن؟.. عبق الزهور says: بس أنت ماجاوبت على سؤالي؟؟... ذيــ العتيبي ـاب says: القصة غريبة شوي... وما أتوقع انها ممكن تكون حقيقية زي ماقلتي لي بالرسالة الخاصة.. عبق الزهور says: لأ... لا والله حقيقية وصايرة مع صديقتي... ذيــ العتيبي ـابsays: صديقتك...؟؟؟... ممكن أعرف أسمها ؟؟... عبق الزهور says: نعم؟؟... أنت وش خصك بالإسم ... صحيح إنك تجيد فن القصص بس الأسماء مالها علاقة بالموضوع... ذيــ العتيبي ـاب says: أنتي تعرفين اللي وصلها لبيتهم من يكون.... عبق الزهور says: لأ.. طبعا لأنه وصل صديقتي ماوصلني أنا و مو من طبعي الإلحاح مثل الغير... ذيــ العتيبي ـابsays: عموما أنا أبقولك من اللي وصلها... مادام أنا اجيد فن القصص... ترا أنا أجيد فن التوقعات.. عبق الزهور says: طيب خل نشوف يابديع زمانك.. من هو.. ذيــ العتيبي ـابsays : أنا.. عبق الزهور says: ؟؟؟؟؟ إيش تقصد ؟؟؟؟ ... ذيــ العتيبي ـابsays: أنا اللي وصلتها... وعندي الدليل... ذيــ العتيبي ـابعبق الزهور says: الدليل ؟؟؟.. says: إيه الدليل اللي يثبت أنه أنا نفس الشخص... أنا مستعد أذكر لك أشياء... صارت في نفس الليلة ومااحد غريب ممكن يعرفها غير نفس الشخص اللي وصلها... عبق الزهور says: مثل؟؟؟؟؟.. saysذيــ العتيبي ـاب: وش كانت شنطتها ووصف ووجهها ... ولون ثوبها..... ووأوصف لك أبوها بعد لوتبين.. عبق الزهور says: طيب يالله قول أوصف خلني اشوف... ذيــ العتيبي ـاب: أنتي وش يهمك طيب؟... عبق الزهور says: أنت اللي طلبت مو أنا؟؟؟... ذيــ العتيبي ـاب says: إيه صح .... وبديت أوصف لها كل شي ... واثبت لها اني أنا نفس الشخص اللي وصل صديقتها... عبق الزهور says: فعلا أنت صادق بكل اللي قلته... ذيــ العتيبي ـاب says: شفتي أنه أنا نفس الشخص اللي وصل صديقتك... عبق الزهور says: أنت تدري مين البنت؟؟؟... saysذيــ العتيبي ـاب: كل اللي أعرفه انها صديقتك... عبق الزهور says: أنا... هي نفس البنت... ذيــ العتيبي ـابsays: معقولة؟؟؟؟.... ( تعذر تسليم الرسالة لكافة المستخدمين saysذيــ العتيبي ـاب : معقولة؟؟؟؟؟؟.) وانتهت ذيك المحادثة وأنا ماخذت جواب شافي... وكنت مستغرب كيف الأقدار تجمع بيننا بعد ماظنيت أني خلاص أنتهيت من سالفتها... قررت أني أجلس لها واقعد أنتظرها في كل الأوقات لين ألقاها.... وجاء يوم ودخلت وكلمتها.... وسألتها saysذيــ العتيبي ـاب: ممكن سؤال ؟ عبق الزهور says: تفضل... saysذيــ العتيبي ـاب: أنا أبغى أفهم أنتي وش طلعك ذيك الليلة وخلاك تركبين مع ليموزين ... انا ترا من ذيك الأيام وأنا أفكر في هالشيء.... عبق الزهور says: إسمع ذياب.. أنا أمنتك على نفسي وركبت معك توصلني...وأظن لو قلت لك على سري ماراح تتكلم عني فيه عند الناس.. وخصوصا... إنك حتى البيت تعرفه.. sayذيــ العتيبي ـابs: وأنا انشاء الله أبكون عند حسن ظنك... عبق الزهور says: أنا كنت عند نايمة عند خالتي ...لأنه بنت خالتي في نفس عمري.... وفي الليل سمعت زوج خالتي قاعد يصارخ على خالتي... وبدأ يتكلم كلام جرحني... يقول أننا ماتحملنا بناتنا عشان نتحمل بنات العالم... ومن هذا الكلام اللي يجرح....وخالتي مسكينه تحاول تسكته وهو يصارخ بصوت أعلى ... أنا ماقدرت اتحمل أني قاعدة في بيته وهو مايبغاني أجلس فيه... حسيت إني أنجرحت بكلامه.. ومالقيت نفسي إلا برا البيت... ذيــ العتيبي ـابsays: إيه بس انتي بنت ومايصير تطلعين لحالك في وقت متأخر.... عبق الزهور says: وقتها ماقدرت أفكر... لاتلومني... حس فيني الله يخليك... ذيــ العتيبي ـابsays: انا ماأدري وش أقولك بس الأيام راح تبين لك هل اللي سويتيه صح ولا خطأ... أخيرا عرفت السبب اللي خلاها تطلع تالي الليل.. وكان بالنسبة لي كافي ومقنع ماادري ليش.... ومع مرور الأيام بديت أحس بقرب لها..... وبديت احس انها لي .... وبديت أحس أن رب العالمين أرسلها لي ذيك الليلة... ووخلاها بطريقي عشان أعرفها... وتكون من نصيبي... وصارحتها بهالشي.... وكان عندها نفس الإحساس والشعور... وعشنا مع بعض ايام كلها حب وسعادة... وماكن ينغص علينا شي أبد ... أصلا ماكنا نسمح لشي يخرب علينا جونا اللي معيشين نفسنا فيه.... ولكن.. كان القدر اقوى مننا... ومارست الأيام جبروتها علينا..... وفرقت بيننا.. إيه فرقت .... تقدم لخطبتها شاب من هالشباب... هي ماكانت تبغاه..بس ابوها كان خايف عليها لأن العمر يمشي وهي مابعد تزوجت... وفعلا تزوجت بعدها بشهور... وانا متضايق ومقهوور.... أحداث هذه القصه وقعت في الرياض بعد منتصف ليلة 21 /8 /1424ه ماراح انسى ذاك اليوم وحتى الحين والله مقهور ..خساره تروح مثل هاذي البنت . الله يصبرني ..شكرا لكم على قرءاة القصه ..تحياتي..ذياب العتيبي.. |
|      |
|
01-09-2004, 08:10 PM
| #2 (permalink) |
| *^*فـ^^ـارس ســ^^ـوريــ^ـة*^* تاريخ التسجيل: Feb 2004 الدولة: ســـــوريــة السن: 21
المشاركات: 1,574
| اقول والله ان قصتك غريبه والبنت ذي هي الأغرب وةاتمنى انو اي بنت يصير معها نفس الشي يرزقها ولد حلال زيك اشكرك على القصه الرائعه لاكن القصه ماكان فيها شي حزين الا لما اتزوجت غيرك هذا اللي زعلني ههههههههههه يعطيك العافيه سيوووووووو |
|
| |
|
01-09-2004, 08:24 PM
| #4 (permalink) | |
| اللهم إياك نعبد ولك نسجد تاريخ التسجيل: May 2004 الدولة: المملكة العربية السعودية
المشاركات: 3,759
| Re: قصة محزنة حصلت لي مع بنت من بنات اقتباس:
[ALIGN=CENTER]تجيب يا ذياب صورة أجمل رجل في العالم وتضعها توقيعا لك ولا تريد البنات يعجبن فيك يا اخي لو على الصورة بس . انا يا محيرف هنا ، لوكنت لا سمح الله بنت ماكان اكتفيت بالماسنجر على الملازيم كان أزوك في بلدك اللي انت فيه . لكن ماقلت ويش سبب دموع البنت ؟؟ محيرف[/ALIGN] | |
|
| |
|
01-09-2004, 08:31 PM
| #5 (permalink) |
| Saudi Aramco تاريخ التسجيل: Aug 2004 الدولة: الرياض حي النهضه أستاد الملك فهد السن: 24 الجنس: ذكر عدد النقاط: 2112
المشاركات: 1,019
| اخوي محيرف ..سبب بكاء البنت معروف ..الخوف مني عندما قلت لها اريني وجهك !! اخوي محيرف ليس انا الوحيد الذي وضع صورته في المنتدى !! وشكرا لك على وصفي بوصف على مااظن ان فيه مبالغه كبيره ((أجمل رجل في العالم )) !! اخوي محيرف انا وضعت صورتي ليس من اجل الهدف الذي في بالك ..كنت استطيع ان اضع صورتي وارد على مواضيع المنتدى كامله بدون ان اضع ولا موضوع لي وسوف يعرفوني بنات المنتدى من خلال مشاهدتهم للردود..لكن انا احببت هذا المنتدى وحبيت ان اكون العضو المميز فيه وتستطيع مشاهدة مشاركتي الاولى في المنتدى في الترحيب والتهاني ..شكرا لك خي محيرف ..ارجوا ان اكون وضحت لك كل شي ..تقبل تحياتي العطره ..اخوك في الله ذياب العتيبي.. |
|
| |
|
01-09-2004, 09:55 PM
| #6 (permalink) |
| [قلب متألق] تاريخ التسجيل: Jul 2003 الدولة: جـدة الرياض
المشاركات: 9,869
| [ALIGN=CENTER]اهلين  قصتك والله غريبة وعجيبة وكانها خيالية وتوقعت انها تكون مقلب من المقالب اللي تعودنا عليها بس قوللي كيف ضيعت البنت منك ! لو احد غيرك والله يتزوجها مهما يكون!!! عالعموووم الله يعينك سلامي [/ALIGN] |
|
| |
|
01-09-2004, 09:57 PM
| #7 (permalink) |
| Saudi Aramco تاريخ التسجيل: Aug 2004 الدولة: الرياض حي النهضه أستاد الملك فهد السن: 24 الجنس: ذكر عدد النقاط: 2112
المشاركات: 1,019
| الزواج قسمه ونصيب اختي ندى الزهور ..لو هي لي كنت باخذها غصب عن انوف الجميع ..شكرا كل على مرورك ..تقبلي تحياتي العطره ..ذياب العتيبي.. |
|
| |
|
| مواقع النشر (المفضلة) |
 جديد منتدى القصص والروايات المنقولة |
| |
| أدوات الموضوع | |
| انواع عرض الموضوع | |
|
|
العرض العادي
