قصيدة مؤثرة جداً تحكي قصة زوجة وقد اقام لها اهلها عندما خرجت من المستشفي.
احتفال ذُبحت فيه الخراف وقد كانت تعلم بمرضها وتحّس بدنو اجلها,



وقد وجّهت هذه القصيدة لزوجها فأسأل الله ان يتولاها برحمته ووالدّي وجميع المسلمين والمسلمات


ترى الذبايح وأهلها ماتسّليني
أنا أدري إن المرض لا يمكن علاجه

أدري تبي راحتي لا يابعد عيني
حرام ما قصّرت يديك في حاجه

أخذ وصاتي وأمانه لاتبّكيني
لو كان لك خاطرٍ ما ودي أزعاجه

أبيك في يديك تشهدني وتسقيني
أمانتك لا يجي جسمي بثلاجه

لف الكفن في يديك وضف رجليني
ما غيرك أحدٍ كشف حسناه واحراجه

أبيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
أيام نمشي عدل وأيام منعاجه

همي عيالي وأنا اللي فيْ كافينـي
علمهم الدين تفسيره ومنهاجه

منقوول
ولكم تحيااتي

ذياب العتيبي

الله يرحمها رحمة واسعة والقصيدة جدا مؤثرة
ومن كثر ما اثرت فيني قريتها لامي
وفاضت الدمع من عينيها ودعت لاهلها بالسلوان

برضوا نا والله قريتها مره ثانيه وماقدرت امسك نفسي ..الله يرحمه ويسكنها فسيح جناته ..شكرا لك على مرورك اختي العزيزه الفتاة الورديه ..تقبلي تحياي العطره ..ذياب العتيبي..

الله
ما اجمل القصيدة

شكرا لك على مرورك ..تحياتي..ذياب العتيبي..