قالت سـعــودي ووصــفـــك ما يــضــيع ؟؟

قالت سـعــودي ووصــفـــك ما يــضــيع







الله اكبر كيف تخدمني الضروف &&& لجل بنت شفتها بيـن الضيـوف

من بنات الحور خضبات الكفوف &&& حسنها مع وصفها شـي كبيـر

أضحكت لي واشرت بنت الحلال &&& وارمشت بالعين غمزة مع دلال

محتواها اثنين حسن مع جمال &&& ليتنـي اكسـب رضاهـا بالمسيـر

وقفت قالـت تكلـم باختصـار &&& أتعبتنـي وقفتـي طـول النهـار

لو تقول وش انت من أي الديار &&& ما يهم ان كنت تاجـر آو فقيـر

قلت آنا يا بنت من دار الكرام &&& من لفانـا قاصـدآ يلقـى احتـرام

حبنا للضيف تقدير وسلام &&& الكرم والجـود وعكسـه مـا يصيـر

قالت كويتي اضني ما خطيـت &&& بيـن ممشـاك جـزم لا نويـت

شيخكم جابر بخيص بكل بيت &&& ما يداني شوفت احد (ن) مستجيـر

قلت آنا يا بنت صعب تعرفين &&& وان عرفتي مـا هقيتـك تبخصيـن

بالقبايل والعرب وش تفهميـن &&& يـا هنـوف يجهلـك شـي كثيـر

قالت انت من المحرق والمنامه &&& وان تكلم واحد (ن) يوزن كلامـه

يمشي بعز وشموخ واستقامـه &&& الخليفـة ومـن يجاورهـم بخيـر

جعل ربي يحفضك بنت الأصول &&& ان عرفتي مقصدي شرحه يطول

مقصدي واضح ولا ضني يزول &&& لكن اخطيتـي بتحديـد النضيـر

قالت الشكوى على الله من قطر &&& ياعسى سقياها سيـل مـن مطـر

الفخر في أصلهم كل الفخـر &&& ديـره ال ثانـي عساهـا تستنيـر

قلت والله حيروني هالبنات &&& ذكرهم بالخيـر فـي كـل الصفـات

الحقيقة صعب تحديد السمات &&& بـس تـوك مـا وصلتـي للستيـر

قالت الظاهر عرفتك من بعيد &&& وش يفيـد ان قلـت والله مـا يفيـد

دار زايد يا عسى خيره يزيد &&& هي ديـار العـز والخيـر الوفيـر

قلت والله منيتي في دار زايد &&& التمني وان حصـل صعـب وكايـد

هم هل الفزعات وأهل للشدايد &&& شيخهم زايد ولـه قـدر(ن) كبيـر

قالت اسمع لا تفارق هالمكان &&& ولا تحاول لو يطول ابـك الزمـان

حد علمي من صلاله في عمان &&& انكشفـت وبيـن السـر الخطيـر

قلت والله ما وصلتي للجواب &&& وكل وصفك جاوز حدود الصعـاب

يا عسى مسقط يغطيها سحاب &&& وتزدهر بالخير فـي جـو مطيـر

قالت سعودي ووصفك ما يضيع &&& هم هل الشيمة وأهل قدر(ن) رفيع

كل بيت شامل حب الجميع &&& ديره ابـن سعـود يحسـب للمجيـر

قلت والله في كلامك صادقة &&& ديرتـي يـا بنـت الطائف وشمسه شارقـة

كما سحاب ومزن شعشع بارقة &&& مملكة والجـود فيهـا مـا يحيـر

أضحكت ضحكة وقالت واهني &&& من بقربـك لـو بساعـة يهتنـي

والثقفي صعب راسه ينحني &&& وان حنى راسـه يعلـه للكسيـر


تحياتي...ذياب العتيبي..

قلت آنا يا بنت من دار الكرام &&& من لفانـا قاصـدآ يلقـى احتـرام

حبنا للضيف تقدير وسلام &&& الكرم والجـود وعكسـه مـا يصيـر

كلمــــــــــات أكثر من رائعـــــــــــــة
ويعطيـــــــــك العافيـــــــــــة أخــــــــوي
أختــــــــك نووووفــــــــــة

يعافيك ..شكرا على مرورك الكريم ..تقبلي تحياتي ..ذياب العتيبي..

[ALIGN=CENTER][TABLE="width:70%;"][CELL="filter:;"][ALIGN=center]
.. هــــلا وغـــــلا ..
اخوي ذياب العتيبي ..[/ALIGN][/CELL][/TABLE][/ALIGN]
[ALIGN=CENTER][TABLE="width:70%;"][CELL="filter:;"][ALIGN=center]
صح لســــانك مليووون ..
قصيده رائــــعه بروعة حضورك ..
تسلم يمينك على كل حرف خطته لنا ..
واحنا بانتظارك لا تحرمنا جديدك ..[/ALIGN][/CELL][/TABLE][/ALIGN]

[ALIGN=CENTER][TABLE="width:70%;"][CELL="filter:;"][ALIGN=center]تقبل خالص تحياتي واعجابي ..
*خفـــــايا الروح*[/ALIGN][/CELL][/TABLE][/ALIGN]

صح بدنك اختي خفايا الروح ..شكرا لك على تشريفك موضوعي ..تحياتي..ذياب العتيب]..