[ALIGN=CENTER]هلا كيفكم من زمان ماسويت مقلب

بقولكم شي عور قلبي:(

مره يوم كنت سرحانه بالفصل سألتني الابله وش اعراب كلمة يتيم الافراح:cool:

كان انا شاطره قلت لها يتيم مبتدأ والافراح مضاف اليه مرفوع بالكسره;) ههههههههه

كان تنصدم الابله من ذكائي وتسألني سؤال على بالها ماراح احله بس انا طلعت قمه في الذكاء <<<باين :D

ماهو سبب تسمية يتيم الافراح بهالاسم مع الدليل ؟{ 1}

الموهم انا فكرت اعطيها الحل بس قبلها قلت لازم ادوش راسها

واخليها تنسى اليوم اللي مانولدت فيه (اقطع يد شغالتنا اذا كانت تعرف يوم ميلادها)ههههههه

الموهم كان اقولها هذا يتيم سالفته سالفه

يتيم ولد زين بس من صادق هاللي اسمه جالس وهو مايذاكر

ولما وصلو ثالث ثانوي قرر يتشطر عاد وافهمها قصدي يصير شاطر

وقام الولد يأكل الكتب من المذاكره (ذكروا الله مو ناقص )

واكتب في البراشيم (لازم الواحد يحتاط اذا ما احتاط في ثالث متى يحتاط خخخخخخخخ)

وخلى الخدامه تجن يوم يقول كبتشينو ويوم يقول قهوه

تعرفون الولد من زمان ماسهر وتعب في المذاكره قال بسوي مثل المصريين اللي بالتلفزيون (اقول خلك زي ماكنت ابرك لك )

الموهم

الولد ماكذب خبر وذاكر ويوم الامتحان يكرم يتيم او يهان:p

ودخل القاعه واستعمل عقلهو وبرشومتهو ههههه اعجبكم انا بالعربي

ويوم جا اخر اختبار مسكين الولد طاح عليهم بالقاعه تعرفون من زمان مانام ...خارج النص لذالك تنصح وتوره كل مواطن مقبل على ثالث ثنوي لايسهر كثير عيونه بتروح وبيطيح عليهم بالاختبار <<<<اقول اعجبكم في النصايح ههههههه:mad:

وموبس كذا بيصير فيه زي ما صار في يتيم ما جلس من غشيته الا اليوم الثاني وراحت عليه ماده { 2}:eek:{ 2}

كان يزعل ويعصب ولا يروح يوم الشهادات .....بس يتيم بيضها (بيض الوجه ) خلى جالس صديقه ( الشاطر<<<العكس صحيح ) يشيك على النتيجه

وطلع الخامس على الفصل رغم انه حمل ماده بتقولون كيف تجي بقول لكم الاولاد الله خلقهم كسلانيين شسوي لهم انا اصير مدرس خصوصي لهم (والله كان مانجحوا )<<<<اقول سمعتك خخخخخخخ
مسكينه وتور جنت وجننت الابله هههههههههههه

الموهم فرح يتيم انه نجح في كل المواد بس زعل علشان الماده اللي رسب فيه

فاصل اعلاني صح ما درينا شنو صار في جالس ...مسكين جلس يصيع في الشارع لا شغله ولا عمله

وفي هذه الاثناء قرر يتيم يجتهد في دراسته وصار يذاكر عدل بس
صارت مشكله عمه خفوق الغرام قرر يتزوج مبرووووووووك خفوق
المشكله تكمن في ان العرس قبل الامتحان بليله ...ويتيم خايف على الماده خايف يرسب وقاعد يفكر بعرس عمه

وبعدها استسلم للامر الواقع وجا العرس وسهر وياهم وانبسط بس حاول يسلم على المعرس ويبارك له ويعتذر منه انه بيروح كان يقوله ابوه د.مسركع لا وانا ابوك ماتروح تفشلنا قدام المعازيم وش يقولون يقولون ولدي موهوب فيه اجلس وانا ابوك لا ازعل عليك :confused::eek::mad:

وجلس وهو معصب وش يسوي الموهم انسحب من العرس لما انشغل ابوه بصدقانه ...وراح ركض مبسوط على باله بيرتاح كان لما وصل البيت ويدق عليه ابوه تعال بنزف المعرس وينك ما اشوفك
يتيم :أبوي........... انا............ الحين بجيك .

وراح ركض ولما وصل زفوا المعرس وقال لأبوه يبا تامرني على شي بروح بكره عندي دوام

قاله رح وانا ابوك الله يوفقك فرح وراح هو والابو البيت

وتوه حاط راسه على المخده الا والجوال يدق

ساحرة القلوب :يتيم وينك وانا امك ابيك تجي تاخذني عورني راسي من الطبول والطق كان مسيكين هالولد راح ركض لامه تعرفون الولد الوحيد ....كسر خاطري :D

كانا يوصل الصاله وياخذ امه ويسألها وين ريوووومه ما راح تجي

ساحره :لا يولدي ودها تنبسط مع البنيات بالعرس كان ينقهر ويبلع القهر ....(لو انا منك انتحر )
كان يوصل امه وينام ....وما اخذله نص ساعه من نام الا والجوال يدق (درييرن دن دن دن ديه دورن درررن دن ديه ) نغمة وائل عجرم خخخخخ ياحبيبي اقرب ليه اه ونص
كان مايرد ويحطه مشغول كان يدق مره ثانيه
يتيم اوووووووف الواحد مايرتاح بهالبيت ...الو نعم :mad:

ريوووومه :يتيم تعال خلص العرس وانا اللي بقيت بالصاله فشيله تعال خذني ......يتيم :طيب اووووووووف وش هالغثه كان خليتي واحد من العيله يرجعك

وراح يتيم وجاب ريومه وكان الوقت الساعه الرابعه فجرا بتوقيت جرينتش يعني خمس عندنا

مسكين يتيم ....كان يروح ينام ويقول للشغاله جلسيني الساعه ثمان

كان من التعب ناااااااااااااااااااااااام الولد وماجلس الا على الخدامه {4 }تقوله بابا يتيم قومي الساعه اتنعش بابا انتي قوليتي لاجم قوم الساعه سمان بابا قعدي
يتيم متروع نعم :الساعه كم راح الاختبار
كان يغسل وجهه ويروح المدرسه ركض ويدخل الفصل يشوفه فاضي
ويقعد يصارخ اااااااااااااااااااااااااااه نجوووووووووووووى الله يرحم ايام هالمسلسل ودي يعيدونه خخخخخخ
كانت ايام ...الموهم
ويقرر انه مايعيد ثالث ولسان حاله يقول (ان شاء الله عمري ما درست )
ويجلس بالبيت ماعنده لاشغله ولا عمله ما غير مزهق اخته ريم
ويفكر فكره جهنميه ...ادور لي شغل احسن من هالقعده <<تدرون الشغل كثييييييير ولله الحمد :confused:
وقم ياولد من الصبح دور لك شغل ...على الطاري شفتوا حلقة طاش ماطاش من اللي يصمل يتيم متأثر بهالحلقه
الزبده دور شغل ومالقى ورجع البيت معصب :mad:......كان الاميمه الحنونه سحور تقول له وش فيك ياولدي عسى ماشر
يتيم :اتكسرت رجلي وانا ادور شغل وكلهم يردون بنفس الكلام .....كم نسبتك وشنهي شهاداتك ...الا بدخلة الابو د.مسركع ها وش سويت
يتيم مالقيت شغل

الابو :منك لو انك مذاكر ومتشيطر اجل تلعب في ايام الدراسه والحين تبي شغل ...انت وجه شغل انت انت حدك البيت زي الحريم :D

كان تقفل الدنيا بوجه هالمسكين .......وامه تهدي بأبوه وتقوله انا عندي فكره قال لها ادلي بدلوك (ليش اهي مسطوله خخخخ)
ساحره :شغله عندك بالمؤسسه ونزوجه ورح يصير عنده مسؤوليه ورح يتزن ويصير رجااال
والابو وافق وحطه بالمؤسسه عنده وعلمه الشغل ...وطلع يتيم خطير تعلم الشغل عدل وتسنع بس الفرحه ماتمت الابو مو راضي عن شغله ودايم يقوله ابي شغل احسن =ابوك يالتحطيم =
بصراحه ابوك مايعجبه شي الله يعينك
د.مسركهع خف عن الولد شوي جامله يمكن يصير شغله شي

الام توسطت للولد وقالت لابوه نفس الكلام اللي فوق ^ أي نصائحي :rolleyes:
وقام الابو يجامل ولده والولد انبسط وعلى باله الفرحه فتحت له بابها

المهم ...جا يوم من الايام قالت سحوره لولدها يتيم بخطب لك ابي افرح فيك واربي عيالك ...يتيم يمه انتي اخبر نقي البنت وانا موافق :o

ومن داخل راس مال هوا في قول (وينك من زمان وان احتري هالكلام اخيرا ما بغينا نعرس)
وهات يالخطبه ودور هالبنيات كان يخطبون له أميرة الثلوج ...ها اميره جالك عريس ....وش مؤهلاته .....ثانوي ......نعــــــــــم .....وس اسوي له ثانوي انا غير جامعي ما ابي .......طيب انتي شوفي الولد ...... لا جامعي وبس ......وتقوم هالام وتدور وتحوس من ياربي جسيكا لا هذي مخطوبه ...امممممم سهاد لا هذي متزوجه امممم

بنت جيراننا الشوك المعصور اروح اشوفها وتروح وتشوفها وتخطبها والبنت ماصدقت من على الله موافقه موافقه من غير ما اشوفه هههههههه وتقدمو رسمي وجا يوم العرس ويتيم كاشخ وحركات وقاعد يتخيل العروس
كان يدخل الغرفه ويشوف يشوف الشوق كان يقول

يماااااااااااااااااااااااااااااااااااااااااااااااا اااااااااااا بسم الله الرحمن الرحيم

كان يهرب ويستجن ويكتب مأساته بالجرايد والمجلات قسم اريد حلا

ويكتب تحتها الاسم : يتيم الافراح

وخلصنا القصه والسبب والدليل اني تخربطت وياهن <<<بعد خشمي المريخي;)
وماخلصت القصه الا الابله دموعها غرقتنا ......
كان اقول لها اكذب عليك هذا يتيم واحد في منتدانا منتدى قلبي كان يغشى عليها وتجن
ملاحظه: هذه القصه من نسج خيالي

بتقولون وش دراك انو يتيم كتب في المجلات قسم اريد حلا

بقول لكم انا الاخصائيه النفسه تبع هالقسم في المجله

جميع الحقوق محفوظه لأوتار الحب وعلى من تسول له نفسه يروح الاسواق هالايام الطراره على افا من يشيل
{ 2}{ 2}{ 2}{ 2}

صور الممثلين
الممثل الرئيسي يتيم كفوري

جالس لوعدك

ساحرة القوب

د. مسركع

خفوق الغرام

ريومه

أميرة الثلوج

جيسيكا

سهاد

الشوك المعصور

وتووووووووووووره
[/ALIGN]

[ALIGN=CENTER]

خخخخخخخخخخخخخخخخخخخخخخخخخخخخخخخخخخ

طن طن طن

قســــــــــــــم بالله انتي مهوووويه ياوتووووره

{ 2}{ 2}{ 2}

الحين مالقيتي الا اصير ابو الصايع يتيم

:D:D:D

جيبي واحد مثل الناس

مهووب هالدددب

كركركركرركر

وناااقص انا اخلي ولدي يماشي يالس على عتبة الباب قصدي جالس لوعدك

:mad::mad::mad:

وبعدين انتي ماتدرين اني ما اطيق هالدددب جااااالس

خخخخخخخخخخخخخخخخخخخخخخخخخخخخخخخخخخخخخخخ

تدرين ليه؟؟

لانه نكره ولايعترف بافضالي عليه

هههههههههههههههههههههاي

شوفي...ياما تعبت وسهرت الليل اعلمه على التصاميم

لحد مانبت له اجنحه

وبالاخير ينكر دوري ولا عمره قال اشكر عمو مسركع

لاني اان اللي علمته علم التصاميم من الالف الى الشين << اختصار اشششش { 1}

:D:D:D

نرجع لسالفة يتيم :D

يتيم وانا ابوك انت ماتستاهل الا البرتقاله :D






















بس مهيب البرتقاله اللي خبري خبرك { 1}

اقصد برتقالة ابو صرة اصكها بوجهك

خخخخخخخخخخخخخخخخخخخخخخخخخخخخخخ

اجل احد يحصل لهع هالفرفوره الحلوة الشوق ويرفضها :mad:


انا قايل لك من زمان لاتماشي جالس وانت ماتسمع الكلام

هــــــــــــــــــــع

هذا اللي مايسمع كلام ابووووه واممممه

:D

بس حبيت اسال اذا ممكن يا اوتاار

سهوووده متى تزووووووجت

:eek::eek:

:D <<< كان ناوي يدخلها ضررره على سااحره

{ 2}{ 2}

لي عودة فيما لو احد حش فيني

{ 1}{ 1}

ويسسسلمو وتووووووووووووره على هيك قصة طريفه

بس الله يرحم والديك ثاني مرة خليني انا اقوم بدور يتيم <<< يحب دور الصايع :D[/ALIGN]

[ALIGN=CENTER]ههههههههههههههههههه
الله يرجك بخلاط مولينكس أبو علامة حمراااء خخخخخخخخخخ

والله موضووووووع جونااااااااان بس كان قطيتيني معاهم خخخخخخخخخخخ

بس يتيم طلع حركتاااااات ودختوورنا يضحك هالشايب ههههههههههه

يسلمووووووووو على الموضووووووووووه الرووووووعة[/ALIGN]

[ALIGN=CENTER]أقوووووووووول..
:mad:هي أنتوا يالخونه..:mad:
محد رد على أخيتي.. مافيكم خير يالدببه..>>حلوه أخيتي..:)

الموووووووووهم..
وربي انك مسركعه أخت مسركع أبو يتيم الأحزان..يؤ يؤ يؤ:D
قصدي الأفراح بس سقط سهون..:D

عمومتن..:mad:
تراني أحذركم وبما أني زعيمة عصابة السفارة:cool:..
ترى البعد عن أختي غنيمه ورقيه وسبيكه بعد:eek:..
بس قلعه تقلعكم من جذوركم..
ياما حذرت وقلت وحكيت..ولكن لا من مجيب:eek:..
عمك أصمخ مايشوف...>>وش دخل:confused:..

:mad:أقول أختي :mad:..
وش رايك أسوي فيك مثل ماسويتي فيني..
ماارد عليك هنا أرد عليك بالبيت أحسن..
أخلص حبر المنتدى ليه..>>>مو هذا كلامك علي:mad:..

بس أنا طلعت كريمه:rolleyes:..
ورديت ..
مو بس على موضوعك..
تحذير لمن هم لايعرفوننا نحن عصابة السفارة:cool:;):D..

وبعد..حتى أخبر "سفير الحب" أن حنا قبلناه يكون البودي قارد
حقنا مع يتيم الآحزان:(..يووووووووووه..مدري ليه دوم أنسى اسمه
مير انه صعب وحزين..لذلك>>قلبت أعربي انتبهوا علي:cool:..
لذلك لقد سوف ماأحفظه بسرعتن>>أقطع إيد شغالتنا لو فهمتوا كلامي:o..
^
^
^
إيــــــــــه..من عاشر القوم "وهج الشمس...أند أوتار حوووووبي" يوماً بس يوماً..صار من طقتهم وشرواه:mad::mad:م..
لا أطول عليكم..
بس حبيت اسرد نصيحتين فيذا وانطلز لموزوع آخر:rolleyes:..>>كل ذا وماطولتي..أمحق بس:rolleyes:..
يايتيم ترى العقل والرزانه زينه وأنا أخت من تسببت فيك:cool:..
يعني لاتعصب وتتهور تراها تنزل قصة حياتك بالكامل{ 1}..
وشوووووكتنا المفعوصه..تراها جميله صحيح أن شعرها منثور:eek:
وضرسها مكسور:eek: ووجهها محفور:eek:..بس لاباس بووووووها..
يعني ماتنعاف..;)
^
^
^
كني زودتها حبتين.:D:rolleyes:.
خلصنا..

مشكووووووره وتوره لأنك خيتي..
ومشكوره أني صرت كريمه ورديت عليك في موزوعك..
وشكرن..;)

"سفيرة الآهات"[/ALIGN]

[ALIGN=CENTER]{ 2}{ 2}{ 2}

وربي مت من الضحك وتوره والله منتي بسيطه

تتحدين فجر السعيد:p

ياشيخه لو ذي عيلتي انتحرت

لا وحاطه الابو د.مصرقع

عز الله لو اقعد مليون سنه مانجحت عند ذا الابو

كل يوم موديني سوق الغنم<<<هذي الوظيفه اللي لقاها لي يوم بطلت الدراسه:D

والام ساحرة القلوب<<<كل يوم قالبتها لنا مناحه ماتبي تلبس الا قصير ذا العجوز

على بالها انها نجوى كرم{ 2}

وريومه <<<حدث ولا حرج ما ارتفع سعر البترول الا بسبتها

كل يوم وهي مضربتني مشاوير ما خلت ولا سوق الا عرفت كم الطول والعرض حقه

لا وكل يوم تنزل نفس السوق تشأل ما في جديد نزل:confused:

هبلت فيني:(<<<من يشتريها من العيله ترى عارضينها للتقبيل لعدم التفرغ:D

والشوك المعصور:D:D<<عاجبني الاسم الجديد

هذي شغله ثانيه عاد انا من يوم انا صغير فيني شوكه مو راضي تطلع

لين الحين<<<يعني شوكتين براس توجع مره<<<سوري الشوق المأسور;)

اميرة الثلوج وجسيكا<<<انا رفضتهم عشان عيونهم زرق تقول قطاوه والنور طافي

يكفيني فجعة الرسوب <<<<سوري اميره وجسيكا;)

اما جالس على الرصيف <<<هذا شي ثاني;)

هذا صديق عمري وصديق الطفوله البريئه اصلا انا ويا جالس اول من اسس

شركة بامبرز من كثر الفرفره في الشوارع وحنا صغار

والله لايوريك ولا سياره الا كسرنا قزازها<<فضايح:D

وفي الثانويه <<ما قصر قال ولا يهمك انا راح اغششك بس للأسف

جاوبت على راسي بدل ما اجاوب في الورقه

خخخخخخخخخخخخخخخخخخ

:D:D:D


مشكوره وتوره على السيناريو الحلو

ولي عوده اخرى

تحياتي للجميع;)[/ALIGN]