[ALIGN=CENTER][TABLE="width:70%;"][CELL="filter:;"][ALIGN=center]ابني العزيز

أنا بخير هنا وأتمنى انك تكون بخير هناك
اكتب هذه الرسالة ببطء لأني اعرف انك لا تستطيع القراءة بسرعة

أبوك قرأ في الجريده أن اكثر الحوادث العرضيه تقع على بعد 20 ميل من بيتنا عشان كذا انتقلنا لبيت جديد يبعدعن بيتنا القديم اللي تعرفه 20 ميل
و ما اقدر أرسلك عنوان البيت الجديد عشان اللي شرينا منه البيت اخذ عنوانه معه
ما يبي يغيره و حنا في الأسبوع الجاي راح نجيب عنوان بيتنا القديم عشان كذا عنوانا ما راح يتغير

البيت الجديد حلو مرررررره
فيه غساله وسط الحمام على يمين المرحاض .. بس شكلها ما تشتغل كويس
الأسبوع اللي راح حطيت فيها ثلاث قمصان و سحبت السلسله و لا حصلتهم بعدين

الجو في هالمنطقه مهوب شين .. أمطرت مرتين الأسبوع اللي راح .. المره الأولى جلس المطر ثلاث أيام .. و المره الثانيه جلس المطر اربع أيام

عمتك تقول ما تقدر ترسل لك الجاكيت اللي تبي عن طريق البريد
لان وزنه ثقيل بسبب ازرته الحديديه
عشان كذا قطعت الازره و حطيتها وسط الجيب

أبوك اشتغل شغله جديده و تحته 500 رجال يحصد الحشيش اللي ينبت في المقبره

أختك ولدت اليوم الصبح .. بس ما ادري وش جابت ولد و الا بنت .. عشان كذا ما ادري انت وش تبي تصير خال او خاله

عمك مناور طاح في البير .. و كان فيه رجال حاولوا يسحبونه .. لكنه قاومهم بكل شجاعة و غرق ... أحرقناه و جلس يحترق ثلاث أيام لأنه رطب من الماء

أبو اعز أصدقائك يحتضر .. و طلب من صديقك سلمان انه يدفنه وسط البحر إذا مات ... و راح يحفر قبر لأبوه وسط البحر و غرق و مات

خلاص هذا كل اللي عندي الحين

امك المخلصه [/ALIGN][/CELL][/TABLE][/ALIGN]