16 سنه ياوزير كثير اتمنى يثبت

[ALIGN=CENTER]مع هالعنوان ..تحسون إني على كرسي دوار في مجلس الوزراء ..وحاطتن رجل على رجل من زود الميانه






الـ16 سنه اللي أقصدها هي مدة الدراسه عندنا ..واللي نقضي منها 12 سنه مابين ابتدائي ومتوسط وثانوي ..ثم 4 سنوات للجامعه ..ويمكن تطول للي يحب يواصل ..

ولو رجعنا بذاكرتنا لزمن جدتي ..بنلقى إن الـ16 سنه هذي هي عمر الولد في سن الزواج يعني بيخطبون له وبعد سنه بيصير أبو عيال . . وفي عصرنا يالله تكفيه يخلص دراسته هذا إذا كان شاطر بعد .. وما أخذها دبل

يمكن تقولون وضع عادي ..وفي كل الدول
لكن هل هو وضع صحيح ؟
في رأيي : لا ..
ولأسباب كثيره أقدر أقول إن الوضع هذا خطأ ومحتاج معالجه .. 16 سنه كثير ومدة دراسه طووويله .

وطبعا أنا أقصد الدراسه النظاميه .. مو التعلم . لإن الانسان يجلس طول عمره يتعلم .. لكن مافيه شيء يجبره يرتبط بالكرسي والطاولة والشهادة سنين طويله

وش النتيجه بعد كل هذا ؟
أما ..متفوق وناجح .. وفي هذه الحالة بيكون عبء على أهله ...وعلى الدوله ..مع شح الوظائف اللي نعاني منه .. وبيجلس عاطل ..والله يعلم وش آخرته .. لإنه بيكون مثل القنبله الموقوته اللي بتنفجر في أي لحظه من زود الغضب والقهر

وأما بيكون راسب .. يعني عبء أكبر .. و عاله وخطر على المجتمع .. بعد سنوات من الفشل الدراسي ممكن تكون حطمته أو تسببت له في عقد نفسيه تأثر فيه وفي توجهاته !

لكن لو اختصرت الدوله سنوات الدراسه .. بتوفر مصاريف كبيره تستفيد منها في ايجاد وظائف للمتخرجين .. يتخرج الطالب ويستلم وظيفته على طول ..ويستفيد من شهادته .





السبب الثاني اللي يخلينا نطالب باختصار سنوات الدراسه .. هو سبب اجتماعي


لو لاحظنا .. إن سنوات الدراسه الطويله ..يقابلها طفــوله طويله .. يعني يتأخر نضوج الولد والبنت
غالبا يوصل الولد 18 سنه وهو (بزر ) مايُعتمد عليه .. مشغول بدراسته ..ومايهمه من الدنيا إلا وناسته ..ولايدري وش يدور في العالم من حوله ..

لو اختصرنا سنوات الدراسه .. بيكون الولد في عمر 18 سنه إما في الجامعه وعلى وشك تخرج .. أو اكتفى بالشهادة الثانويه ودخل مجال العمل .. واتيحت له الفرصه للاحتكاك بالناس وتكوين الخبره .. والاعتماد على النفس
ولما يوصل 20 سنه يكون حدد طريقه وعرف ملامح مستقبله .. بعكس اللي جالس يصير الحين وهو أن الشاب يوصل 25 سنه وهو مايدري وش يبي ..






السبب الثالث صحي


كل واحد منا عنده ( قرص ) داخل رأسه ..اللي هو الذاكره .. والذاكره هذي لها مساحه محدوده وطاقه محدوده .. يعني المفروض مايتخزن عليها إلا شيء ينفعنا ونستفيد منه
لكن لو أخذنا شريحه من طلابنا .. وفتحنا رؤوسهم .. وحاولنا نشوف القرص .. مع الأسف ماراح نلقاه
وبنلقى مكانه همبرغر كبير محشي ومتروس على الآخر ..لكن حشوته أكثرها يضر.. ماينفع

يعني كل هالسنوات الطويله ..كان يحشى رأس الطالب بأشياء مالها فائده ...تعالوا نلقي نظره :

الجغرافيا مثلا / اشوف إن هالماده مالها داعي ابد
البركه في نشرات الاخبار قائمه بالواجب وأكثر .. حفظنا اسامي البلدان ورؤسائها .. وعواصمها ..وأدق أحداثهم وتفاصيل حياتهم
وعرفنا بعد إن رابطة الدم والدين والجوار ..كانت نكته كبيره
الخلاصه ..المادة بكبرها ماتلزم


التاريخ / يبي له مراجعه .. يحذف منه أشيــاء ..وأشياء
وأوراق التاريخ صارت مكشوفه ويقراها الأعمى


السلوك / مادة جديده على مناهجنا ..تدرس في الابتدائي ..يبيلها اهتمام ..ومراجعه وتعديلات
مثلا ..بدال ماتكون الأولويه لآداب الأكل والشرب ..ليه مانغرس في نفوس الأطفال الرقابه الذاتيه ..احترام الرأي .. النقد الذاتي .. لأننا شعب ينقد كل شيء إلا نفسه
نحمل لواء اصلاح العالم ..ومانلتفت لعيوبنا اللي تغطي الشمس
بالمناسبه أمس كنت اقرا مقال في جريدة الرياض .. كان الكاتب يقول فيه : رغم إن ماعندنا مسارح ..ولاسينما ( وأغلب البيوت مافيها ستالايت ) ..إلا إن اتصالاتنا وأصواتنا هي اللي تحسم النتائج في سوبر ستار ..ومس ليبنون

مؤشر خطير .. يأكد الكلام اللي قاله صلفاح .. مره في الأسره :
إن المجتمع يتفكك سريعا .. ويهوي سبعين خريفا في الجهل


الاقتصاد المنزلي / تخيلوا البنت عندنا تقعد عشر سنين تدرس اقتصاد منزلي .. وفي الاخير تروح بيت زوجها ماتعرف تسوي شاهي ولاتدري وش هو الاقتصاد

الخياطه والرسم / أحس ماجلّس الشعب السعودي على بساط الفقر إلا هالمادتين ..ياكثر مصاريفهم

لو يحذفون هالمواد ..ونحط مكانهم مادة التفكير مثلا ..نعلم الأجيال كيف تفكر ؟ وكيف تستخدم عقولها صح ؟ ..يمكن ينصلح حال الأمه على يديهم

وفيه بعد ملاحظه مهمه هنا : الانجليزي والحاسب الآلي ..اللي مايخلى اعلان للوظائف من طلب خبره فيهم ..
ومع ذلك مانالت الأهميه اللي تستحقها في مناهجنا

السبب الأخير يتعلق بالموهوبين والعباقره من الطلاب ..اللي اثبتت الدراسات أن نضوج أغلبهم سريع .. وفترة توهج موهبته وعبقريته محدوده ومرتبطه بسن معينه ..بعدين يصبحون أشخاص عاديين
تخيلوا مع السنوات الدراسيه الطويله والممله كم موهبه خسرناها ..وماحظت بالرعايه اللي تستحقها ..يمكن لو أنهوا دراستهم مبكر .. لقوا وقت للاهتمام بمواهبهم وتوظيفها .. لكن اللي حصل أن بعض المواهب تتوهج وتنطفيء خلال هالسنوات بدون مااحد يدري عنها .


هذي الاسباب اللي عندي ويمكن فيه غيرها كثير .. لكن لو عملت الوزاره دراسه جاده لامكانية وفوائد اختصار سنوات الدراسه ...أظن النتيجه بتكون مدهشه ..وبنطلع بفائده ..بدال مانجلس 16 سنه نحشي العقول بمعلومات تأخذ مساحه ومانستفيد من أغلبها في حياتنا اليوميه



وبسسس خلالاص .. << قفلة شعبان عبدالرحيم

الموضوع اناا عجبني بأحد المنتديات وحبيت نتناقش فيه ويثبت لو لمده اسبوع [/ALIGN]

[ALIGN=CENTER]وعليكم السلام ورحمة الله وبركاتة
اخوي الكريم
the jewel
الشكر والتقدير لك
لاختيارك لهذا الموضوع
روعة هذة المشاركة
تجعلنا متلهفين لجديدك
تحياتي
معاند الجرح [/ALIGN]

يسلموووووووووووووو اخوي ويعطيك العافيه

[ALIGN=CENTER][TABLE="width:70%;"][CELL="filter:;"][ALIGN=center]
هلا والله فيك اخوي ..
كل اللي قلته معاك حق فيه وبصراحه انا شايفه كل هالسنوات كثييره
وبجد الحين اللي يطلع من الثانويه بعده صغير ولا نقدر نعتمد عليه
وطبعا هذا البعض مو الكل ..
وبصراحه انا اشوف مرحلة الشباب كلها تروح بالدراسه
وبعد ما نخلص الدراسه تكون مرحلة الشباب راحت
ويحل مكانها التعب والشقا ..
وبالفعل ما نستفيد ابدا من الدراسه بقدر ما اهي ممله بمعنى الكلمه ..
والاقلب بعد ما يخلص الثانوي يروح يسجل بتخصص اهو ما يبيه بس مو لاقي احد يقبله بالتخصص اللي يبيه وينجبر بهذي الحاله انه يدرس بشي ما يقدر ينبق ويطور فيه ويفيد اكثر من ما يستفيد وهذا للاسف اللي قاعد يصير
وانا عارفه ان البعض يحب الدراسه وله وجهات نظر ثانيه ..
لكن هذي من وجهة نظري ..
وانا احترم رأيكم ..
وربي يسلمك اخوي على كتابتك لهذا الموضوع ..
تحياتي لكم ..
*خفـــايا الروح*[/ALIGN][/CELL][/TABLE][/ALIGN]

معاند الجرح

حياك معاند الجرح

وهذا الواقع