[ALIGN=CENTER]هو موضوع اعبر فيه عن انتقادات تحصل في حياتنا العامه

منها ما يخصنا ومنها ما يخص غيرنا .. وانا لا اعمم فيها

لكن قد تكون مائله الى خانة الاغلبية .. نشوفها مع بعض


لـــــــــــــــــيــــــــــش كــــــــــــــــذا

ناس كثيره تنتقد غيرها في المبالغة في التكاليف الزائده في عزايمهم وزواجاتهم
واذا جت العزيمه عند واحد منهم تعال تفرج على انواع التكاليف اللي يحزن لها القلب قبل العين.


لـــــــــــــيــــــــــش كـــــــــــــــذا ..

رجال المرور ( الله يعطيهم الصحة والعافية ) يحسبون انفسهم دايم على صواب وان المواطن
هو اللي يغلط بس .. واذا غلط ياخذ جزاه ولازم يجلس يترجاه ويعتذر ..
لكن اذا غلطوا هم يمشون الموضوع ولا كان شي صار وبدون حتى اعتذار بعد .


لـــــــــــــيــــــــش كـــــــــــــــذا ..


واحد من الشباب متزوج من خمس سنوات تقريباً سالته : هل حياتك الان وكلامك
وتصرفاتك مع زوجتك هي نفسها اللي كان خلال شهر العسل ( مثل ما يسمونه ) ؟؟
قال : طبعاً لا اختلفت .. سالته : ليش طيب ؟ قال : الظروف اختلفت
قلت له : والله ما اختلف الا راسك .. المفروض تكون حياتك كلها

شهر عسل


لــــــــيــــــــــش كــــــــــــذا ..

ليش الشركات اللي ما يهمها الا استغلال عملائها وتنظيف جيوبهم .. اول ما تشوف
شركات جديده منافسه نازله السوق تبدأ في تقديم العروض والتخفيضات وعمل كل
شي من اجل كسب رضاء العملاء واستعطافهم بعكس ايااام زماااان ..


لــــــــــيـــــــــش كــــــــــــذا ..


الوحده اذا كانت معزومه في زواج اوعند صديقاتها او حتى طالعه للسوق
تحصلها حاطه اللوان قوس قزح في خشتها .. ولبسها فيه جميع انواااع الاغراااء
والعطور حدث ولا حرج .. لكن تعال تفرج عليها في بيت زوجها ..
تصدقون ان بعض الازواج احيانا ما يفرق بين زوجته والشغاله .


لـــــــــيــــــــش كـــــــــــــــذا ..


بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .


لــــــــــــيـــــــــش كــــــــــــــذا ..

بعض القنوات اشوفها شاده حيلها في زيادة سطور وخانات شات الرسايل والسواليف
اللي فيها وطبعاً انا ما الومها حتى لو صارت الشاشه كلها شات
دام فيه ناس متخلفه همها الاول والاخير هالشي .


لـــــــــــــيـــــــــــــــش كـــــــــــذا ..


فيه مجموعه من الناس تحصلها تسافر وتوسع صدورها وتغير جو ويصرف بدون حساب
وانا مو ضد هالفكره .. لكن المشكله انه في ديرته اذا شاف واحد محتاج او اعلان خيري
صد عنه ولا كانه شاف شي .
لــــــــــيــــــــــــش كــــــــــــــذا ..

يازمن




[/ALIGN]

ليش كذا توقيعك لية ماخليته أفتح شوي يكون أفضل وبعدين لو كنت آهــــــــــــــات 2004 تكون أحدث وكل شخص لة وجهت نظر يراها صحيحة ولايحب احد يخالفة وبعدين مافية شئ يستمر على حاله كل يوم حال ومزاج وأفكار الدنيا دوارة ومافية شئ يبقى على حاله أو يدوم ؟؟؟؟

ليـــــــــــــــــــــش كـــــــــــــــــــــــذا...


البقاء لله وحده

اخوكــ كل الشوووق{ 1}

[ALIGN=CENTER]هلا وغلا اخوي كل الشوق

زي ماقلت كل واحد وله وجهت نظر

وانا رجال ماتشوف الشنب:(

شاكر لك مرورك العطر

اخووووك اهـــــــــات 2002[/ALIGN]

:)

[ALIGN=CENTER]هلا وغلا اهاات اخوي,,,,

ليـــــــــــــــــــــــش كذا ؟؟!!!

الحياة صارت سخيفه بالمرة ولا لها طعم ,,,,,

ليــــــــــــــــــش كذا ؟؟!!!!

الصديق يحقد على صديقه

والاخو يكره اخوووووووووووووه.,,,,,,,


ليـــــــــــــــــــش كذا!!؟؟؟

الناس صارت تتهاوش على اسباب تافهه وصارت تتنرفز على اقل شي ,,,


ليــــــــــــــــــش كذا!!!؟؟؟؟

القلووووووووووووووب صارت متروسه على بعض

وكل حبيب يترك حبيبه:(:(


ويسلموووووووووو اخوي على المشاركه الحلووووووووووووه

N[/ALIGN]