{4 }

[ALIGN=CENTER]السلام عليكم ورحمه الله وبركاته :)[/ALIGN]



[ALIGN=CENTER]انا انسان ماحب الف ودور عشان كذاا بحكي قصتي ومعناتي بدون بربره :) (( بربره : ممثله في فلم مكسيكي ))

كل انساان له ماضي وله حااضر وله مستقبل ولكل انسان يفتخر بما يحصله من ماضيه ومن حاضره :o

<< هياط مدرس الله يذكره بالخير :D

بس انا كل الي فهمت من كلام هالمدرس(( الطيب)) ان لكل انسان مرحله نمو وستقرارومراهقه :cool:


بالقلم الاحمر العريض ضعوو خط على كلمه مراهقه :)

ظ ,, ض << مشكلتي من يوم انا بصف ثالث ابتدائي :D وقررت اني ماستخدم حرف ظ طوول حياتي :mad:

الله يا زين ايام المراهقه ياربييييهليتها ترجع ليتني اعشق بالريوس وارجعها :)

ايام المراهقه وسنينها والذكرى اللي ما تنمحي ابد...تبقى بالذاكره الين يشيب الواحد وهو يذكرها ويذكر مواقفها ويمكن يتذكرها لما يجيه عيال

واللي ما يجيه عيال وشلون يتذكرها يا { 1}

ياا...وشوو كمل :rolleyes:

عادي اللي ما يجيه عيال ربنا يتولاه وماله داعي يتذكرها {4 }

{ 1} << ان رزيت وجهك مره ثانيه بموضوعي لعنت سلسل سبيلك :cool:

وزي منتو عارفين مافيه شيء بالدنيا ماينقسم الاا اقسام :)


[RAM]http://song4.6rb.com/kw/alahmad/alahmad-alfajr_alba3eed.ram[/RAM]


المراهقه لها ثلاث اقسام مراهقه هاديه ومراهقه متوسطه ومراهقه جايب التنده {4 }

{4 } << ياحبي له

تصدقون ماسجلت بمنتداكم الاا عشانه ;)

انا كنت مراهق من النوع المتوسط يا كثر ما نخطي ونخمل لكن ما احد يكتشف شئ منورانا :)

الوالد الله يطول بعمره ما غير يمدح ويقول ولدي وسنايدي وطير شلوى يحسب اني عاقل وانا من جنبها

والله لو يدري وش كنا نسويكان يقول الا يا سمرمدي يا داج يا خبل يا قاطع الجاده :D

ووالدتي الله يطول بعمرها كانت تقول له لاتمدحه كثير هذا عقرب طين يقرص ولا يبين { 1}

وكانت تشك فيني وتتدري ان العقاله بصوب وولدها بصوب ثاني... :p

دخلت الثانويه احسب ان التتن مرجله ومتطلب اجباري في مادة الحياة

كان لي رفيق داج وساقط في ثالث ثانوي سبع سنين وكان يقولي انتليه ماتدخن كنت اقوله اصبر شوي لين يبدى يخط الشنب :D واسقط لي كم سنه علشان اصير عربجي

ما احس اني رجال الين اجي متاخر الحصه الاولى تدرون ليه علشان ما اصف في الطابور لانه في نظر العرابجه ما يصف فيه الا الجحلط { 1}

بدات اطالب بالسياره وانواع الجحود من الوالد يالطيب يالحبيب ابي سياره

وهو يقول انقلع عن وجهي والله لو لو يقول الديك ميو ميو ما عطيتك اياها
يقول انت توك صغير وهوو والله انه صاق بس انا اذاا نشبت بالشي انشب فيه من قفاته وسؤالو عني بالشاات :D

جت الساعه اللي خلت مراهقةتنقلب وتصير مراهقه رومنسيه وحالمه

كنت امشي على رجولي رايح للمدرسه (ليه احد قايل لك تمشي على يديك ) وطبعا متسكب وطاق بنت البكا

عند اهل جده يسمونها الشرينبوا ..

والنعال تكرمون زبيريه من النوع الممتاز حق الهواش { 1}

مجرد ما تضرب فيها احد بيودونه للانعاش ويمكن يعيش ..

الحااصل اني كنت كشخه ايام مراهقتي كنت وسيم ((شيلو حرف الواو الي بكلمه وسيم )) ;)

المهم كبرنا وكبرت احلامنا وتطورنا وتطورت امانينا :)

ونا اتمشى وكان صديقي جمبي يقولي احداا كذباته لمحت ضحكه ساحره ضحكه حسيت انها ضحكه اعجااب

والتفت جهه الضحكه وذاا ببنت مملوحه تنتظر الباص

والتفت عليها وحطيت يدي على شنبي وقعدت العب فيه وانا احرك حواجبي علشان اوريها محاسن وجهي :D

وجلست اقول في نفسي الحب كله امامي المهم سحرتني وقعدت قبالها اسوي نفسي ان كتبي طايحه وانا قاعد القطها..واعطيها ذيك الابتسامه الساحره طبعا لزوم التشبيك ;)

المهم جاني خويي قال لي وش عندك مطيح كتبت وواقف قدام البنت التفت عليها وانا اصمخه بكتاب الاحياء لانه كان اثقلهم وقلت وش ماخرك يا السمرمدي قال لي راحت علي نومه

حسيت في ذيك اللحظه ان مافيه الا خويي الخبل اعلمه بان قلبي بدا ينبض قلت له يا ولد ان حبيت هالبنيه وميت معاها وابكلمها باي طريقه يعني اني اشكي له همومي التفت علي وقال طيب وش اسوي لك...وان اصبخه بكتاب الرياضيات على جبهته { 1}

قلت يالخبل انت خويي وانا اشكي لك همومي.....قلت له وش اسوي قال خلنا نروح للمدرسه وانا اصبخه بكل الكتب اللي معي

وامسك شماغه ونقعد نتباكس بالسياره ولا وعينا الا وحنا راكبين الرصيف :(

رحنا للمدرسه ولا عرفت انتبه لاحد وحسيت اني طول وقتي مسرح..ولا قدرت اكل فسحتي ولا قدرت اشرب ماء ولا قدرت ادخن :confused:

طلعنا من المدرسه انا والخبل خويي ولما شفته مروق قلت له وش اسوي ابي اكلم البنت....قال لي مالك الا هيفاء قصدي مالك الا ترقمها...

قلت له وشلون قال ابعلمك من بكرا لامرينا من عندها الصبح....

قلت طيب ورحت للبيت وانا مهموم وتعبان وحالتي حاله لاني خرجت من مرحله ودخلت مرحله

ههههههه...لاني اصبت بكابوس الحب وضربني في اعماق اعماق قلبي واصبح قلبي ينزف من الوريد الى الوريد (ابوك يالحب)... :o[/ALIGN]

[ALIGN=CENTER]
{ 1} عشاان اطوول بموضوعي { 1}

وجاء الصباح ((كنا باليل يعني )) وانتظرته وقلبي احساسه يقول صوتي خلي اليوم ما ظن اسمعه

الاا وهذا خويي جااي وقلت هاه وش الخطه ههههه لقيته الخبل مشتري قصدير وقال لي اكتب لها رقمك ولفه

بقصديره واحذفه عليها الله يرج ذا الراس انا ابي اعطيها رقمي ولا ابسوي محشي علشان تجيب لي

قصدير قال لي ما عليك واكتب رقمي والفه في قصديره الين غدت زي الكوره ونمر من عند حبيبتي وانا اطلع

راسي مع السياره واحذفه بقوة الا البنت سمعت صرختها بيني وبينكم انا لفيته في قصدير لين صار تقل طابوقه ولما حذفت القصديره جت في جبهتها :( الظاهر اني فلعتها كخخخخخخ :D

ماش جاء الباص وركبت ويدها على جبهتها ولا خذت الرقم...رجعنا وخذينا رقمنا....وفشلت المحاوله

الاولى....:(

قال لي مالك الا تتشجع وتروح تعطيها الرقم بيدها قلت لالالا ما اقدر قال لي انت كنت عربجي سابق

وحبيب الان ولازم تستخدم شجاعتك بانك توصل رقمك لحبيبتك وكلمه منه وكلمه مني وافقت :rolleyes:

جاء اليوم الثاني ونزلني قبل بيتهم بمسافه قليله واجيك وانا طاير واول ما وصلت عندها وانا الرقم بيدي الا امها

المدرسه طالعه وشافتني وصرخت وفصخت الكعب وانا احط رجولي بس الكعب طبعا كان سابقني...ورحت

لااقرب مستوصف وخمس غرز في صلاهمة راسي وانا اندب حظي ماش مافيه فايده قال لي ابو رقيبه ماعليك لاتياس وانا اخوك { 2}

جاء اليوم الثالث وسفطنا الكرسيدا قريب من بيتهم وسوينا اننا متعطلين ومناك قاعدين نخز ونكحل عيوننا

كخخخخخخ اثر العالم كلها تعرف قصتنا وما درينا الا با اك الشباب اللي جايين من الخلف ومعهم:- :p

اللي معه طابوقه....واللي معه ليور واللي معه عفريته واللي معه قطعة رخامه واللي معه عجرء ودارت معركه استخدمت فيها جميع الاسلحة الخفيفه ةالثقيله وانتهت بالدماء

وطبعا سوينا النون وما يعلمون فيهم لكن الكثره تغلب الشجاعه ;)

وانسحبنا بسرعه بعد ان فلعونا وفلعناهم وضربونا وضربناهم....

والبنت تتفرج علينا حسبي الله عليك وعلى قلبي اللي ما جره الا ابتسامه....وعاهدة نفسي ان انساها

وطبعا تركتها وانا قلبي ينزف الما وحسره ولكن للحديث بقيه مع الحب.....والمراهقه المتوسطه :rolleyes:

على فكره انا ما ادري وشلون اهلنا كانوا مستحملين شوفة وجيهنا يوم حنا مراهقين واللي بيصدق كلامي يروح يشوف صورته في بطاقة الاحوال المدنيه تقول راعي غنم مضيعا غنمه ويدور عليه :D

ونتهت قصتي انشالله تنال اعجابكم :)


على فكره اسم مضوعي عطني عمرك وطلع اسم امك كلام فااضي بس عشاان اكسب كم زبوون :D[/ALIGN]

مشكوووووووووووووور اخوي على الموضوع


عمري من الى
خخخخخخخخخخخخخخخخخخخخخخخخخخخخ

هههههههههههههههههههههههههه.....
اجل طحت في الحب هههههههههه....

مشكووووووووور لك عمري

الزعيم

خخخخخخخخخخخخخخخخخخخخخخخخخخخخخخخخخخخخخخخخخخ
هههههههههههههههههههههههههههههههههههههههههههههههههه