--------------------------------------------------------------------------------

إلى أحلى داجين وداجات ====> تراها مدحه

عندي لكم اليوم قصه===> الله من زين الأسلوب ..عاد عطوني وجه وجاملوني بأول مشاركه

‏ رؤس الأقلام والمساطر: ====> مصاله

الزمان: في الضحى
المكان: في المدرسه
البلد: امريكا ==> الله يدمرهم
العمر: 8 سنوات وشوي تقريباً 9‏
متزوج/عازب: ==> اقولي ضفي خشتس تكفين ادخلي في السالفه


السالفه:

هي السالفه الله يسلمكم صارت لي يوم كنت بزقه في ثاني ابتدائي في أمريكا ..هم هناك ‏كل شهر يرشحون ستار ستيودنت==> لغير الناطقين بالعنقلينزي (نجم الفصل) على حسب ‏اخلاقه وتصرفاته ودفارته وتعامله مع البزران حوله المهم جا ذاك اليوم وامي دعت لي ‏ورشحوني اناوعاد أنا انبسطت==> لا تسألوني شلون رشحوني.. بس رشحوني وبس

وبعد الترشيح معناها اني اصف الأول في الطابور اختار نوع الرياضه اللي نبيها واسوي ‏حركات وكذا المهم اخترنا حصة رياضه كانت لعب بكور اسفنج وحنا نازلين تحت للملعب ‏وطبعاً انا في خشة الطابور عشاني ستار B) وكان صاف معي واحد اسمه(لي) => اساميهم حرفين ‏موب زينا
قصه..

المهم لعبنا وجلسنا شوي نريح تعبنا لأن بعدها عندنا رياضه اساسي ما ‏يخيروني حتى لو ما ابي بيقولون لي ضفي عاجبتس ولا طسي.. وحنا جالسين قلت للأستاذ ممكن ‏اروح اشتري لي ببسي عطشانه من الكابينه اللي برا (هي قريبه من الملعب عند بابه) هو وافق ‏بس قالي لا تتأخرين لأن خمس دقايق وتبدا الحصه اللي بعدها قلت طيب وانا طالعه الا والقى ‏‏(لي) عند الكابينه

قلت وش فيك ??

قال ما تشتغل شكلها خربانه

قلت طيب تعال نروح للكابينه اللي ‏فوق

هو قال اخاف يقول الأستاذ ليه تأخرتوا

قلت لالا ما عليك انا ستار ==> يميدكم على ‏الثقه..

قال طيب يالله ((مخفه)) يوم جينا ركبنا المصعد وهو جالس يناظرني يوم التفت ضحك

قلت ‏وش فيك

قال لا يالله اطلعي ((انفتح المصعد))

قلت طيب وطلعنا و رحنا للكابينه وطلعت دولار ‏وشريت لي وهو ساكت ما شرا شي

وعاد انا مسويه اخلاق طلعت دولار ثاني وشريت له

قالي ‏شكراً ورجعنا في المصعد بننزل وهو ما زال يناظرني ويبتسم انا اقول في نفسي وش عنده لأن ‏مالي علاقه فيه أبد موب جمبي في الفصل ولا قد كلمته ولا شي وبعد برهه ===> حلووه برهه ‏خخخخخخ..‏


انفتح المصعد وجينا بنطلع مسك يدي وسحني برا انا قلت وش فيك ق

ال بقولك شي

قلت ‏وشو..

قالي
i love you ‎‏((أحبك))

انا ههييييييييييييييييييءءءءءء==> تراها شهقه((لا تفوتكم اخر الشهقه ‏صارت تفحيط))

قلت طيب..طيب بعلم عليك الأستاذ يأدبك ===> هو تنننح وش فيها ذي

هو ‏حسبني بانبسط واقوله حتى انا خخخخخخخ

المهم رحت للأستاذ لقيته يكلم مدرسة ويتناقشون ‏بحده يعني مشغول موب فاضي لي .. وعاد انا دمار خربت النقاش وذبيت خشتي

و قلت للأستاذ ‏ممكن شوي

قالي وش عندك

قلت لالا بس شوي ضرووووري

هو سكت قال لالا ‏

شي خطير صار طاحت عماره مات احد الموضوع مهم ..

المهم جا وعاد انا يقالي مستحيه مدري ‏وشولون اقوله السالفه

قلت وكنت ساكته من زود الحيا هو حامت كبده

قالي تكلمي أنهجي وش ‏فيك

قلت بصرااحه تعرف (لي) اللي في الفصل

قال ايه وش فيه ((ارتاع))

قلت قالي كلمه وسخه ‏هو تغيرت ملامحه

قال وشي

وانا مستحيييه ما قدرت اقول شي وبعد التعصر والحيا والتعفص ‏ق

لت قالي احبك هو تغيرت ملامحه بقوه وطلعت معالم الغضب كانه يقول في نفسه عشاني كذا ‏مناديتني يابنت الأييييييه

قالي طيب عادي كصديقه وانا خذتني الحميه قلت لالالا ‏خييييييييييييييييرررررررررررر ان شاءالله انا مسلمه وما أسوي هالحركات القذره

و قال ‏طيب طيب خلاص طنشيه

قلت لا كلمه عشان ما يتمادى ===> امووووووت على اللي يخافون


قال طيب وراح له وقام يكلمه

وهذاك ناظرني نظرات حقد احس الأستاذ يقوله وععع حرااام ‏عليك الله يحوم كبدك ما لقيت الا ذي الشينه تحبها لاااا وبعد جايه تشتكي اقولل اهاا بس خلها ‏عنك ودور غيرها و((لي)) احس انه يقول ايه والله انك صادق ضاقت الدنيا احب ارهابيه ‏الشرهه موب عليها علي ان اللي جبت في بالي وحبيتها وعاد رجعوا لنا واناطاقتني ام الركب ‏اخاف يفقع وجهي ((لي))

وهو يناظرني نظرات بس غير عن اللي في المصعد وده يطحني هههههههههههههههههه صدق اني بزر الله لو اني حابته كان يوم جا بيروح كلنتن ويرشحون ‏بوش رشحت خويي ((لي)) ....‏

تمت ====> متأثر من المجلات

أشكركم على حسن انتباهكم وقرائتكم لخنبقتي
وأتمنى يعجبكم المضوع B)
‏ ‏
حقوق اللطش محفوظه ====> من زين السالفه

[ALIGN=CENTER]خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

:D:D:D

ابوتس يالدددجه

اجل بزقه

كركركركركركركر

ياعيني على اللي تستحي

صارت حرب طاحنه على هالكلمة

موضوعك خفيف دم مثلك يامصرقعة الشرقية

اتمنى تزورينا في استراحتنا المثبته فووووووووووق { 1}

وتجدين مايسررررررك

وسلم لي على لي :p

تحياتي لك

د.مصرقع بن زعتر ابو المناقيش[/ALIGN]

[ALIGN=CENTER]:rolleyes:

:rolleyes:

:rolleyes:


يؤ يؤ يؤ

كأني كأني كأني

انا المقصود

:mad:[/ALIGN]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه



مصرقعه شرقيه جديده


وجايه على ملا وجها تحتفل الداجين والداجات


التماسيح الداجين

والبطات الداجات


الدجه يعني التسكع في الشوارع والمنتزهات

وزوايا الاحياء السكنيه


تحياتي

لا احلا بطه جديده ويانا منوره


الحس اس