[SIZE=3]:( هـذي قـصـتــي ويــاهـا(قصــة حقيقية
انا كملت القصة وعدتها لكم من البداية عشان تكون واضحة اكثر وهي الان مكتملة
اول شي اقسم بالله اقسم بالله هذي قصة حقيقية ارجو منكم تعليق عليها

(اسألكم بالله يالمشرفين انكم تحطون موضوعي في البداية عشان كل الناس تقراه)
طبعا قصتي طويلة شوي احاول اختصرها لكن اقسم بالله اني بحاول اقولكم كل شعور حسيته وقتها ولسه بحسه
القصة هذي بطلها انا ووحدة من البنات الله يستر عليها ويوفقها دنيا وآخرة
نعم !بعد كل اللي سوته فيني من هموم ارجع وادعيلها
طبعا اللي يحب
عمره مايكره
وانا من جد حبيتها بكل مافيني من مشاعر
(للأسف! انا تعرفت على وحدة بالصدفة عن طريق الجوال طبعا اول مرة بالغلط
بعدين استمريت على الإتصال عليها إلين ما شبكتها بعد اسبوعين بعد كل المحاولات المشروعة وغير المشروعة
طبعا طلبت تشوفني ولبيتلها طلبها بس ما شفتها انا الا بعد شهرين تقريبا
بالرغم من اني كنت اكلم 3 او 4 بنات غيرها ومن قبلها بس ماحسيت بأي شعورجهتهن كنت اتسلى وبس!
إلا هذي دخلت قلبي من اول اتصال
اقسم بالله اني صادق بكل كلمة قلتها او بقولها
نعم حبيتها
وكل يوم يزيد الحب هذا
ماادري ايش حبيت فيها بالضبط بس كل شي فيها حلو
أخلاقها.. جمالها.. طيبة قلبها وركزوا على هالميزة
طبعا هي حلوة كثيــــــــــــــــــــــــر بدرجة ماتتصورونها هي تشبه الفنانة لمياء طارق بدرجة كبيرة
بعض الأحيان أحسد نفسي عليها
(انا مااقدر أكتب القصة مرة وحدة عشان ماتملوا لأنها طويلة هي مو مملة بس اذا كتبتها مرة وحدة
راح تملو من الكتابة عشان كذا انا راح اكتبها على فترات ارجو انكم ماتنزعجوا من الشي هذا
اتمنى منكم تعلقوا على كل جزء من القصة لأني انا فعلا محتاج آرائكم)
نرجع لقصتنا
جلست اكلمها تقريبا 9شهور والله والله انها مرت وكأني مو على الأرض من حلاوتها
خلال التسع شهور هذي طلعت كل الرومانسية اللي في العالم واعطيتها لها طبعا كنسلت البنات اللي اول كانو معاي
من دون سبب بس ممكن لأني مالقيت عندهم اللي لقيته فيها وهو الحب والحنان اللي انا محتاجله
كانت هي محتاجتلي مثل ماأنا محتاجلها وكنا مكملين لبعض
..............................
والله اني جالس ابكي وانا اكتبلكم ذكرياتي عن احلى ايامي
انا راح اطول شوي في التفاصيل هذي لأني كثير احبها
واحاول اتذكر كل شي
طبعا هي بتحكيلي عن همومها وتبكي وتقول مشاكلها وتبكي....طبعا هي وثقت فيني لأني كنت صادق معاها
وهي حاسة بهالشي
لما كانت تحكيلي مشاكله وتبكي كنت استمتع!
مو لاني اتشمت فيها او انا افرح بمشاكلها
لا والله السبب هو لأني انا احب أساعد أي أحد محتاجلي اي احد
مابالكم هي عاد! طبعا كنت اتأثربس اتماسك عشان احاول اشوفلها حل
وانا بعد كنت اقولها عن كل شي وهي الوحيدة اللي فالعالم كانت تعرف همومي
هي ماكانت هموم بس انا كنت اعتبرها كذا!
والله انها كانت تحبني بس بعد فترة اتغيرت ماادري ليش؟!
كنت حاس بمشاعرها من غير ماتتغير علي حتى لما وقفت عن حبي مااتكلمت ولا اتغير تعاملها معاي
بس انا حسيت اللي بداخلها حسيت اني مو مرتاح
حاولت اعرف وش فيها بس ماكانت تقوللي
طبعا انا كنت متعلق فيها لدرجة الجنوووووووووووووووووووووون
اقسم بالله اني كنت احبها اكثر مما تتصورون
اكثر بكثيـــــــــــــــــــــــــــــروهذ اللي اثر فيني اكثر شي

طبعا مثل ماقلتلكم جلسنا مع بعض 9 شهور حسيت انها مرت بلحظة
من كثر ماهي حلوة
هي في الحقيقة حلم ماكنت ابغى اصحى منه
(كل الكلام هذا عشان اثبتلكم وش كثر احبها)
كانت بيننا اتصالات ورسايل طبعا على الجوال تحكيني عن كل شي يمر عليها او يصير معاها
رسايلها كانت كلها حب
وبعضها كانت تكتبها من راسها يكون كلام عادي لدرجة انها تحلفلي انها تحبني لاني انا كنت اطلب منها كذا.
بداية المأساة:
في آخر شهر تقريبا حسيت انها متغيرة بس ماكانت تقوللي وش السبب وكنت الح عليها ابغى اعرف السبب
بس ماكانت تتكلم
فيه شي نسيت اقوله لكم وهو مهم وهو انه لما سألتها تعرفي أحد غيري
كانت تقوللي (لا)
وفي آخر شهر خليتها تعترفلي وقالتلي:
انها كانت تعرف واحد, واستمرت علاقتهم 6 شهور, وانه كان متفق معاها يخطبه, وانها هي تحبه واخت الولد هذا تعرف انه يكلمها لانها صديقتها بس صارت شوية مشاكل خلت الاتصالات تنقطع بس الحب هذا ماانقطع
(طـبـعــــــــا الخــــــــــــبر هـــــذا نزل علي مثل الصاعقة اقسم بالله اني حسيت اني فقدت الدنيا كلها.... كل هذا وهي جالسة تكلمني وانا بوادي وهي بوادي شفت الاحلام اللي بنيتها كلها تتكسرقدامي ماني مصدق
شفت الدنيا ظلمت بعيوني! بلحظة وحدة بس عرفت ان الدنيا مافيها خير ومافيها راحة .. بلحظة وحدة بس كرهت نقسي وكرهت العالم !!! اتخيلوا
حسيت اني بكابوس ولازم اصحى منه وصحيت منه لكن للاسف صحيت ولقيته حقيقه قدامي
حاولت ارتب نفسي , وسويت زعلان.( يعني ليش ماقلتيلي من الاول؟ طيب ليش حلفتيلي؟ لهذي الدرجه مستخفة بربك!!!)
طبعا هي تقوللي انها ماكانت تتوقع ان العلاقة تدوم قالت ممكن اني اتسلى
وسالتها هل مشاعر الانسان فيها تسلية انا ماني من النوع اللي يكذب وخصوصا اني حلفتلك
وهي جالسة تبكي وانا سويت فيها اني متماسك وانا من الداخل محرووووووووق!!
سألتها تكملي معاي والا لا؟ واديتها فرصة ثلاث ايام!(يعنني ثقيل)!
طبعا ماقدرت اصبر عنها اتصلت في اليوم الثاني!! وهي ماصدقت على الله اتصل
سألتها عن نتيجة تفكيرها, وقالتلي انت بطريق وانا بطريق!!!!!!!!!!!!!
لانها تقوللي ان حبيبها الاول اهله زاروهم في البيت وممكن يخطبونها وانها ارتاحت لاهله وهم ارتاحولها , طبعا وين يلقون وحدة بجمالها وحنيتها؟!
المهم! اني قلتلها الله يوفقك وانشالله تعيشي حياتك بسعادة
وهي اعتذرتلي تقولي اسفة وماني عارف ايش ومرات تبكي
استمرت المكالمة هذي 3 ساعات بين تبرير منها وعتاب مني
قفلت الخط على اني ماراح اكلمها...
وجلست استرجع كل كلامها:(انت بطريق وانا بطريق,ليه قالتلي كذا؟ طريقنا مو واحد؟على الاقل بالنسبة لي؟!
حبيبها؟! يعني انا ماني حبيبها؟! وليه قالتلي انها تحبني؟!
هل انا استاهل منها كل هذا؟! مااتذكر اني غلطت عليها! اجل ليه تسوي معاي كذا؟؟؟!!!)
كل هذي الافكار واكثر كنت افكر فيها!
بس من حسن حظها انها لعبت مع واحد طيب . لو واحد غيري كان قلب عليها عيشتها نكد!!
كنت بالسيارة وقتها وجالس الف مثل المجنون مااعرف وين اروح!!!
اقسم بالله اني جلست ابكي ! اتصوروا!
كنسلت الجلسة حقتي اللي مع العيال وقفلت الجوال وقررت اني اروح في خلا عشان آخذ راحتي
انا ماابغى احد يشوفني وانا ابكي , المهم اني طلعت برا وتعال يا بكاء
جريت بكاء إلين مادخت
اقسم بالله اني ماكنت اتوقع اني كذا
ماكنت اتوقع اني ضعيف
بس الضربة هذي جات في أضعف شي فيني وهو قلبي
اقسم بالله اقسم بالله اقسم بالله اني ماقدرت اتحمل اكثر من كذا واتصلت عليها! اتصوروا!
انا في العادة مااحب اترجى احد مهما كانت الظروف ومهما كنت محتاج
في الحقيقة انا مااتصلت ارسلتلها رساله طبعا بعد مافتحت الجوال كتبت فيها بالحرف الواحد( انا مااقدر اعيش من دونك انا جالس الف في الشوارع مثل المجنون)
ومن جد هذا اللي حصل
هي اتصلت علي على طول
الحقيقة انا ماصدقت انها اتصلت
ماقدرت اتحمل جلست ابكي مثل الطفل!
اقسم بالله اني في حياتي مابكيت مثل ذاك البكاء إلا مرتين
طبعا اتذكر انا هالمرتين.
هي اول ماسمعتني ابكي جلست تبكي!
وتقوللي خلاص ماراح اتخلى عنك.. ماراح اسيبك....
اقسم بالله هذا اللي صار!
المهم هي هدت فيني شوي وانا عقلي خلاص رميته
اصبحت مثل الطفل!
كنت اسالها ليش كذبت علي
انا وش سويتلك عشان تسوي فيني كذا
وهي تقوللي : خلاص ماراح نترك بعض.. وانا ماراح اتخلى عنك.... ومن هالكلام الحلو..
المهم انا مثل الطفل صدقتها
كان لازم اصدقها لاني كنت بظرف مافيه خيارات كثيرة
خيارين بس! يا أصدقها او ما اصدقها
وانتم عارفين نتائج كل واحد فيهم!
مثل ماقلتلكم كنت انا اسألها : يعني ماراح تتركيني !! اكيد ماراح تتركيني!!(اتخيلوا المأساة!! انا كثير منحرج الحين على هالكلام وقلت اكثر من كذا بعد.

المهم.. هي اعطتني وعود وكلام بعدها قررت اني لازم اضحك على نفسي واصدقها!!
اتكلمنا يومين مع بعض . بعدها قررت اني لازم اسوي خطوة ايجابية عشان مااخسرها فقررت بيني وبين نفسي اني اتزوجها (بعد ماشفت اني مااقدر استغني عنها) كلمتها عن الموضوع, وقالتلي خلاص راح ارد عليك, جلست اسبوع تفكر وانا كنت اكلمها في كل المواضيع الا هالموضوع عشان مااضغط عليها.
بعد الاسبوع هذا ردت علي بانها مو موافقة ! تخاف من المشاكل في المستقبل..(عارفين يعني شكوك واشياء مثل كذا)

حاولت اقنعها باني لايمكن اني اشك فيك بعد ماصارحتيني بكل شي
(كل المحاولات هذي عشان اكون قريب منها وتنتهي علاقتنا بزواج)
بس مارضيت, بالرغم من انها كانت في البداية مترددة شوي!.

لما شافتني متمسك فيها عرضت علي عرض واللي هو: اني اكون مثل صديقها او اخوها
انا طماع شوي قلتلها ابغى اكون الاثنين يعني اعتبريني مثل صديقك وبنفس الوقت اخوك
والله والله والله اني لو ماحبيتها ماكان قلتلها الكلام هذا
استمرينا اسبوعين اتصالاتنا فيه قليلة وكل يوم تقل اكثر واكثر
في الفترة هذي انا رجعت لعقلي بعد ماكنت مضيعه!
قلت ماابغى ارمي نفسي عليها ! اخليها هي تتصل
المهم تطنيش مني وتطنيش منها ماكلمنا بعض شهر كامل!!!!!!!!!!!!!
كان فيه طرف ثالث بيننا وهو شخص قريب لي هو الوحيد اللي كان يعرف العلاقة اللي بيني وبين البنت
والبنت تعرف انه يعرف
لاسباب امنية انا قلتله!
طبعا بعد مااخذت موافقتها على الطرف الثالث.
الشخص هذا وصللي كلام عنها . انا حبيت اتأكد اتصلت عليها
اتخيلوا ! بعد شهر
المهم جلست تبكي وتقوللي ان الكلام هذا مو صحيح
انا ماادري ليه بس المهم اني ماصدقتها
طبعا عرفت ان القصة كلها كذب بكذب وان قريبي هو اللي مألفها!!
اتصلت عليها عشان اعتذر قبلت عذري بعد محاولات.
وسألتها ليه مااتصلتي علي ؟ يعني شهر كامل ماتتصلي؟!
قالتلي انها لما شافتني مطنش ظنت اني خلاص ماابغاها (يعني ماصدقت خبر!)
قلتلها كان سألتييني وش فيك على الاقل تعرفي انا بخير والا لا
وقلتلها بعد( انا ما حبيت ارمي نفسي عليك أكثر من كذا عشان كذا قلت اخليها هي تتصل متى ماحبت وانا اتصل بين فتر وفترة)
بعد كلام كثير وصلت هي لنقطة النهاية وقالتلي خلاص لاعاد تتصل . حسب كلامها انها انخطبت (تصريفة طبعا)
المهم انا بكل قوة قلب قلتلها خلاص على كيفك ... ومع السلامة.
جلست اول اسبوع تمام. مو مرة تمام. شوي
المهم اتغير طبعي كثير. وهذي خلاصة التغييرات:
اصبحت عصبي جدا في البيت.. في الشارع.. على امي.. على ابوي.. على اخواني.. على اصحابي .. على اعز اصحابي.
بعد مااخرج من الدوام اروح على طول للبيت... العيال.. الشلة.. خلاص مااجلس مع احد حتى اذا جلست مالي نفس مااتكلم الا قليل مااضحك ماامزح مثل اول, الفرفشة اللي كانت في كلها راحت .. اتحولت لشخص ثاني غيرالاول اللي كل الناس تعرفه طيب.. حنون... فرفوش.. كل هذي راحت وجات مكانها صفات غير .
طبعا اهلي يسألوني واصحابي يسألوني.. وزملائي يسألوني.. بس ماكنت اقوللهم عن اللي فيني!!
قلت خلاص جرحي واعالجه بنفسي.
اصبحت ابكي كل مااتذكرتها B B
نفسيتي اتدهورت .. جسمي نحل.. عيوني دخلت على جوه..
باختصـــــار.. حالي انقلب فوق على تحت
آخر مكالمة طبعا مثل ماقلتلكم واللي اتودعنا فيها كانت قبل 5 شهور من الآن التاريخ الآن وهو كتابة الجزء الثالث شهر 6 / 1425هـ
في الاربع الشهور الاولى انا مااسميها شهور هي قرون! الشهر بمية سنة بالنسبة لي المهم في الشهور او القرون هذي مافي شي مو حلو ماصارلي(والحمدلله على كل حال)
حتى اني راجعت طبيب نفسي قبل شهر وقاللي انت عندك إكتئاب وصرفلي علاج مااخذت منه الا ثلاث ايام بس وتركته.. والطبيب ماراجعته بعدها الى اليوم ولاني مراجعه إن شاءالله المهم انا في الوقت هذا خفيت والحمدلله ماباقي الا الجروح اللي بقلبي واتمنى انها تنتهي بمساعدتكم انتم بالتخفيف عني
انا بصراحة اتكلمت معاكم لسببين اول شي عشان انا ارتحتلكم وعندي إحساس اني راح القى تجاوب منكم وحاب أشكركم مقدما لان نظرتي فيكم انشالله بمحلها
والسبب الثاني عشان مااعرفكم ولا تعرفوني لانكم انتم الوحيدين اللي يعرفون قصتي هذي.
انا بصراحة خرجت من التجربة هذي بعبر كثييييرة اتمنى اني استفدت منها لان الحياة تجارب والحياة مدرسة لاتظن انك تعرف كل شي فيها كل يوم تتعلم حاجات كثيرة يمكن تنتبهلها ويمكن تعدي.
أسئلة لها B :
ليه سويتي معاي كذا؟ هل انا استاهل منك كل ذا؟! ماأظن ان احد استمعلك بكل إخلاص وانتي تشتكي او وانتي تبكي مثلي , وفي الاخير هذا جزاي؟؟!لو شفتيني وانا ابكي بسببك في السيارة..في البيت.. في كل شارع مظلم كنت استغله عشان ابكي...! وكل ذا بسببك! ماشفتيني قبل ماانام كيف كنت ابكي بحرقة ومرارة .. اعجز لا انام ماينومني الا التعب انام من غير مااشعر بلذة قبل النوم او بعد النوم وكل ذا بسببك ! ماشفتيني لما يجي الاكل ومالي نفس. آكل حتى اذا أكلت آكل عشان اسد الجوع مو لذة مثل اول .. وكل ذا بسببك!
ليه.. وليه.. وليه..؟ أسئلة كثيرة اتمنى لو تجاوبي عليها بصدق , مو مثل اول تكذبي عليه!
مين كان يوقف معاك في الأحزان قبل الافراح مو انا؟! جاوبي؟
مين اول واحد هناك لما نجحتي مو انا؟
مين كان بعد كل اختبار يتصل عليك يسألك إن كان حليتي.. وكيف كان حلك؟؟ مو أنا؟!
مين كان صادق معاك بكل كلامه ومشاعره.. مو انا؟!
مين .. ومين.. ومين؟ موانا كنت كل شي بحياتك؟ كل شي اشاركك فيه, حتى حزنك كنت اشاركك فيه! وفي الاخير هذا جزاي.
انا كنت فاقد الحنان والحب ولقيته عندك.. كنت فاقد الامل ولقيته عندك.. كنت الامان ولقيته عندك!
بدال ماتساعديني ترميني مثل أي حاجة عندك مالها داعي!!!!!!!
هل كل الجنس الناعم كذا؟! ليش سموكم الناعم أجل؟!!
كل هالاسئلة هذي اوجهها لك واتمنى انك تجاوبي عليها بينك وبين نفسك . انا راح اتركك لضميرك.
وفيه اسئلة كثير وكثير ماني حاب اقولها . اول شي جاوبي على هالاسئلة.))
اعزائي .. إخواني وأخواتي هذي هي قصتي واتمنى انكم ماتملون منها . وانكم تاخذوا العبر منها
وتعرفوا ان الزمن هذا مافيه امان .. ولا تسلمون قلوبكم لجلادينها
مـــــــلاحــــــــــظة(((على فكرة ترى انا داخل للموقع باسم (بحبوح) بس الاسم هذا يمثل المرح وانا في الوقت هذا ناسي المرح كله. ولقيت في الاسم الثاني اللي هو ضحية اكثر شي يمثلني في الوقت الحالي)))
انا عارف انكم اخذتم عني فكر مو حلوة .. اني شخص استسلامي.. وانهزامي .. وضعيف....
بالرغم من اني انا ماني من هذي النوعية بالعكس انا دائما محارب احب المواجهه او اعشقها بالاخص
احب الخير لكل الناس سواء عدوي او صديقي اقسم بالله ان ذي صفاتي واكثر بعد
وانا اتكلم عن نفسي عشان اوضحلكم حقيقتي بس!
انا اظاهر اني طولت كثيييييييييييييييير. لكن سامحوني القصد منها اني افضفض عن نفسي شوي
والله يعطيكم الف الف عافية.

خواطر شعرية:
((محد فيهم قدر في لحظة يقراني
أسولف..
وأبتسم..
واضحك..
وانا اتألم!!
وأجامل
والاسى يطحن بوجداني!!
وأشوف العمر يطويني ولا يرحم!
واشوف الحظ يتباهى بخذلاني!
ابي..
كف أصافحها ولا اندم
وابي شخص يلملمني من احزاني!!))


B((البارحة سريت مع القلم وبيض الاوراق
على هجعة الليل كتبت ابيات حزينة
تذكرت الوليف اللي سكن وسط الاعماق B
راح وترك وسط الحشـا جروح دفينة
وتذكرت كيف الرسايل مانت بيننا تشتاق
من شوقها الفاضح بالغلا اهتزت مدينة!!))B

الف شكر لكم على متابعتكم لقصتي اللي اعتقد انها مملة لكم واسف لاني طولت عليكم

مـــع خـالـــــــــص تـحـيـــــــــــــــــــــاتـي لــــكــم:/
N ضـحيـة حــب جـنـــــــــــونـي N[/size]

[ALIGN=CENTER]سلام عزيزي
بصراحة قصتك جدا مؤثرة
وانا اقولك انو الحياة كدة يوم فرح ويوم نكد
واللي صار لك مايدل على انك انهزامي او ضعيف لان الانسان تمر عليه ظروف قاهرة خارجة عن ارادته فيضطر لمواجهتها والصمود امامها ليستمر في العيش !
وعلى الانسان تحمل مايصادفه من مواقف وتجارب سواء كانت مفرحة او محزنة !!
ولاتظن انو الشيء اللي حصل لكهو نهاية العالم وانها اكبر مصيبة فهناك مانسمع من مصائب يشيب لها الراس وتقرح من شدتها جفون العيون!!!
وتذكر عزيزي ان الحياة ليست على وتيرة واحدة !
ودوام الحال من المحــــــــــــال
كل شي يتغير حتى الزماااان تغير ياعزيزي
وبامكانك انك تنسى الماضي اذا كانت البنت ناسيتك وتبني حياتك من جديد وتفتح صفحة جديدة مليئة بالامل والتفاؤل !!!
نصيحتي عزيزي ارجو تقبلــــــــــــــها من اخت عزيزة مخلصة
سلامـــــــــــــــــي[/ALIGN]

مشكووورة أختي العزيزة ندى الزهور على كلماتك الرائعة
وصدقيني ياعزيزتي اني كلماتك راح تكون نور لدربي المظلم
والقصد من كتابة القصة هو اني افضفض عن نفسي وفي نفس الوقت القى منكم التخفيف والمساعدة
واشكرك على تجاوبك الرائع


ضــحـيـــة حـــب جـنــــــــــــــــــوني N

B B B B B

السلام عليكم
اهلين اخوي ..
انا الصراحه قريت قصتك مع البنت ..وماشاء الله اختي ندى الزهور
قالت تقريبا نفس الكلام اللي بقوله وبعدين انت لاتصنف نفسك انهزامي وخلاص ماتقدر تعيش
من دونها .. اللي نسالك انساه .. خل هذي الكلمه قدامك لما تتذكرها .. وصدقني انا لما قريت القصه توقعت انك تعافها لأنها الصراحه قاسيه .. بس انصدمت انك الى الآن تفكر فيها .. ولا بعد حطيت رد للقصه فيه بس حرف اسمها..
اسمحلي بس اقول انك انت اتدور الشقا لنفسك ..
انت لاتفكر ولا تحزن هي اصلا ما تستاهل لأنها ماصارحت انها تكلم من الأساس
وهي خانت الحب وتركتك ..
ماراح ترجى شي منها .. بس بتلقى التعب والهم ..
انت فكر وفكر وفكر .. وشف النتيجه وش بتطلع ؟؟؟
بتنلقاها أكيد .... هم وغم وحزن وضياع وتشتت .. بالك مو مرتاح ..
انت تقول ان التغير واضح فيك .. طباعك تغيرت تصرفاتك كلش تغير فيك ..
انساها .. هذي البنت انساها
وهذ اللي اقدر اقوله
وآسفه على الأطاله واذا كان ردي شوي قاسي
اختك : دلوعة أمها