السلام عليكم ورحمة الله وبركاته



اخواني واخواتي الاعضاء والمشرفين اود ان اكون اول المشاركين بهذه المسابقه

المطروحه من شاعرنا ومشرفنا الغالي سلطان الاحباب

وهي عباره عن قصه وقصيده وهي فكره رائعه فعلا فعلا فعلا

اشكرك اخوي على مجهودك المبذول الرائع والله يعطيك العافيه



واعتز وافتخر ان اكون اول المشاركين في هذه المسابقه وان شاء الله تعجبكم القصه والقصيده



القصه ..



قصيده كتبتها ام الى ابنائها الذين تركوها (( وهي الان باحد مستشفيات بحائل ))



القصيده ..




[ALIGN=CENTER][poet font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" glow(color=burlywood,strength=1)"]
تكفين يا طيور حرار افزعيلي
أبي عن ديــــار الأهل منك الأخبــار

تكفين حومي فوقهم وارجــعيلي
وإلا إن حصل لك حومة داخل الدار

تكفين حول ابيوتــــــهم دوري لي
سبعة فروخ يـوم أخــليهم صغار

شوفي ضناي وعودي وانكفي لي
وشلونهم ياعلهم صــــــاروا كبار

نسوا دفاي ونومهم في شلـــــيلي
وش علمهم ياعلهم طول الأعمار

قولي لهم إن إمـــكم له عويــــــلي
خمسة سنين دمعـــها دوم مدرار

وقولي لهم إني علـــــى طول ليلي
أنوح ولــــيا قرب الصبح أنهار

وقولي عـــــيونه دايم له همــــيلي
تبكي ليا شافت من الناس زوار

كل يوم أقول غدي حديهم يجي لي
راحـــت سنيني مابهم واحد زار

وأنا اللي من سبــة سوات الحليلي
حالـــــي تردت كل ماله وتنـــهار

وفرقى ضناي اللي تردت بحــــيلي
كني على شوفتهم اصلى على نار

ياويلي كان الله عــــــجل رحــــيلي
وأنا لي ســـنين أبي لوهي أخبار

ياعــــونة الله من يبي يرتكـــي لي
جارت علي بأمر الولي كل الأقدار

تنكروا من يدخــــلون الدخــــــيلي
واللي بوسط ديارهم يامن الجـــار

قولي لهم ياطــيور قلبي علـــــيلي
الله يكافي قلوبهم صــارت أحجار

وأنا اللي لبراق الخيال استـــحيلي
وأقول ياعـــــــل (.......) للأمطار

تكفين وسط ديارهم صـوتي لي
شوفي عسى لاسمي مع الناس تذكار

وقولي لمن نسيانهم يستـــــحيلي
يااللي نــسيتوها ترى الوقــت دوار

(ياهيه )ياللي بالسما لك هديلـــي
ردي خـــــــبر تكفين يكفيني أمرار

شوفي أكا اللي نومهم في شليلي
من آذان المغرب لوقــــت الأسحار

شوفي أكا اللي ماهتني في مقيلي
إلا بمقيل معــــــــــهم كبار وصغار

وقولي لهم إن كان حـــملي ثقيلي
مره يجــون وعقبها شي ماصار

وأنا يـــــــتولا ني كريم جلــــــيلي
ياعلــــني في جنته وسط الأبرار
[/poet][/ALIGN]




هذا كل شي .. تقبلوا تحياتي ولكم مني خالص الشكر والتقدير ..
اخوكم ..
صالح