هلا وغلا
بالله لو سمحتوا بالدور خلكم نظاميين
أقول أسمعوا والا أقول بلاش بربرة ٍ زايده :D
نخشششششششش بالماضوووووع

من المعروف أنه إذا صار عند الواحد عزيمه يقعد يحتوس علشان يمد سفرة ٍ سنعة ;)

امـّـا وقتنا الماضي فهو فعل ضد المستقبل كيؤ ماكني مصـّختها وخرّبت السالفه
ودخلنا بالقواعد و مقرات بن لادن :rolleyes:

في صباح شمس ٍ مشرقة ٍ كالشمس -->أقول ورى ما تتلحــّطين وتنطمـّـين مهوب أصرف لتـس..؟ :D



رحت لبيت جدتي ودخلت البيت الا شغالاتها جالسين بالحوش مشغلين مسجـّل ومغير ردح ورقص فاتحينها (( بار)) الله بس يرجهم ويرحم حالهم :D
وأنا يوم شفت الرقص قلت خلني بس أتوزّا عنهم وأشوف وش هالخبال { 1}
اللي هم يسوونه وأتوارى <-- هذا المصطلح سارقته من مجلـّة ماجد للأطفال :cool:
المهم توزيت ورى خيشة رزّ <-- شوفو هالمخلوق عجزنا ياأهل الرياض نتخلـّى عنه والله عشاء غدا فطور سحور !! { 2}
وجع على قولة واحد الله يذكره بالخير يقول : لو يفتحون بطونـّا لقوا فيها صندقة حمام من كثر الرز ّ!!:D
وبعد ماتوزيت الا وش أشوف ووش أخلــّي لقيتهم لابسين ثياب وغتر <-- سارقينها من غرفة عمـّي الله يرجهم خخخخخخخخ :p

ولابسين زبيرياته وكل وحده بيدها:
ملا ّس . :D
يد نجر.
والا الثالثة بصراحه تفاجأت منها!! :confused:
لابسه ثوب وغترة وجايبه عصا مكنسه وحاطه فوقها جلالها وكان لونه أخضر..وقاعدين ردح عرضه !!! { 2}




والله بغيت أجيب العيد من الضحك عليهم :D
الثالثه على بالها بن مطرف اللي شايل العلم!!

هههههههههههع هع هعالله يرجــّــها والله يا عرضوا عرضه ولا متعب بن عبد الله يوم أنه يعرض { 1}
كله من جدتي تخليهم عند هالتلفزيون وهم ماغير يطبقون كل مايشوفونه والله مادرى عنهم((..........))<-- والا بلاش نبعد عن السياسه أحسن لا يلحـّطونـّا { 2}
وبعد ماقضوا من العرضه جابوا لهم منقد جمر وحطوه بالوسط وقعدوا يرقصون رقصة الزار والله التلفزيون ضرهم وما حسنت فيهم جدتي :p ... وفيما هم يقامزون وينططون على الزار الا وحده الظاهر انها طلعت مسكونه صدق <<--بن مطرف هههههههههههههههههههههههع هع هع :D.. والله وتطيح بالارض وتقعد تمحــّط بنفسها يمنه ويسره à هذي عاد سارقتها من إذاعة اليمن السعيد ;)
ومافيه الا تبقيس بالشغالات اللي معها وتمعيط شوش .. بيني وبينكم بصراحه خفت وبغيت أشق الشعيب والعطــّــه يابطــّه بس قلت: خل أشوف وش بيصير فيهم هالمساكين اللي يمكن تذبح أحد فيهم والا تدخل على جدتي هالمنتوفه وتنتــّفها زياده ...:D
وأشوى بعد ما صمــّــخت بهم صحصحت البنت وقعدت تضحك وتقول لهم لعبت عليكم ... وقاموا يلاحقونها
وطلعت عليهم ويوم شافوني قاموا يخترشون ويقولون : بلديـّه بلديـّه<--
نعنبوهم أنا بلديـّه !!؟ :confused:
لاكن هيـّن يالتكارنه ..<--هم سريلانكيــّات ..من زين الطبايع . :D
ويدخلون المطبخ ويسكرون الباب ويقفلونه عليهم.. ودخلت الملحق وسفهتهم ((بنات شربت )).. :rolleyes:


والقى جدتي منبطحه على بطنها وفالة ٍ هالشعر ولابسه ((بكيني ))كانت تبي تروح تسبح الله يرجها.. :D
بس جالسه تشوف مسلسل متابعته .. { 2}

وأدخل وأقول لها : هلا وغلا ياحلوه ... :cool:
ولا ردّت عليّ معطتني أشكل .. وأعيد هالكلمه ..هلا وغلا ياحلوه ؟؟ ;)

والله ولا حد هنا ..
كان الجدار بيرد فهي بترد!!! :confused:

أنا والله حمقت عليها وقلت : جدّي يناديك :mad: .. وتقحص ذيك القحصه اللي ولا قحصة قيس يوم شاف ليلى ..
وتقول وينه فيه : قلت بدري الله يسلمتس أحاكيتس ورادت ٍ بي ولا تردين الا يوم قلت جدي يناديس ....؟؟ الله بس يرحمه .. :p
.. وتذكر أن جدي أصلا ً ميّــت .. الله يرحمه ويغفر له .. والله تقوم تمصع راسي بالدله :rolleyes:
وأنا جاني شد بالأذن اليسرى من الصمخه .. وأحولـّت عيوني .. وجاني أبو الوجيه ..وطاح ضرس العقل .. وأنقشع حاجبي :D.. وصار أنزواء بالرمش السادس عشر ... والا الرمش الثالث توفــّى الله يرحمه <--عني طاح .. {4 }
ومافيه عصفور ٍ يذكر الا وشفته ,, ولا نجمة ٍ بالسما الا وشرفت الملحق .. {3 }
والله وأقوم وأقول لها : خير عسى ماشر .. أنهبلتي <--خربت الأخلاق ..:D
قالت : أقول روه روه هوماره <--يمدحون موقع عجيب للترجمة الأيرانيـّـة : يعني بالعربي (( أنقلعي يا حماره )) ..:)
وأقول لها : يعني الواحد مايمزح معتس .. :mad:
قالت : ياشييخ هازا فيه مزه هازا استيهبال يامهبولا..<-- برضو موقع عجيب للترجمة الإيرنيـّــة { 1}..(( تقصد هذا مهوب مزج ذا أستهبال..))

وقلت : الشرهه مهيب عليتس أصلا ً !!
الشرهه على اللي يحط ّ عندتس رسيفر وتلفزيون ..:mad:

يووووووو ياهي تحب المسلسلات البدويـّـه كنها فاهمه شي الحين .. من وضحى وبن عجلان ليـــــــن
فرناس ..:p

والمشكله لين أحد حاكاها ياليتها ترد ... تسفهه لين يخلص المسلسل ....

المهم وأقول لها : أسمعي أنا طفشانه... يالله سولفي عليّ.. <--أمون وبقوّه ههههخخخخخخ :p

قامت تناظر فيني ...
قلت : لاأأأأأأأأأأأأأأأأأأأأأ :eek:
مش ممكن ...
لا تناظريني كذا ترى أخاف من هالنظرات .. :confused:
تذكرني بالأخوان في تنظيم القاعده في باكستان وهي من إيران .. يعني مايفرقون عن بعضهم ...كلهم رَبــْــع ..

وأروح ورى المركه والا تقول : أهاااااااااااااااااااا أنا فيه تزكر..((يعني تذكرت))

قلت لها : الله يرجتس كل هالنظرات علشان تتذكرين أجل لو أنتس ذاكره وشلون بتناظريني ..؟ بترسلين
لي صاروخ ..؟!!! :D



ماعلينا المهم .. وتقعد تهرج عليّ وأنا اللي أقول أيوه أيوه ولا أدري وش تقول .. ومتحمـّـسه هي المسيكينه
وأنا أقول :لا والله,, باللهي ,, يؤ,,أف,, ههههاااااي !!:D
وهي اللي مجتهده على بال أمها أنـّــي فاهمه :rolleyes: .. الله يزدّي لها ويطوّل عمرها ..
والله ويجيني النوم من هالسوالف اللي مجهولة الهويـّـة ..
ويدخل عمـّـي أشوى لينه يعرف يفكّ شفرات الكلام ,, قلت: بالله أسألها وش تقول ؟؟
قال : ماما أيس فيه ..
قامت تقص عليه القصــّـه وهو متسدّح من الضحك وأنا ماغير كل ما ضحك .. أنفزع من ضحكته ..
أحس أنها طالعه من قلب ,, يعني فاهم عليها .. :D
والله وتخلص من القصص .. وأسأله بالله وش تقول أمك ذي à يؤ مره شايله التكلفه ..
قال : الله يسلمس تقول : يوم كنــّا صغار كان عند جدّي الله يرحمه عزيمه .. وبيجيه ناس مهمين بالحيل .. à مهوب عاقل كوفي عنان .. { 2}
وهم كانوا يلفون سمبوسه بالحوش وكان فيه غنم مفلوته .. الا يجيهم عمـّــي مهوب اللي يقصّ القصـّـه لي الثاني .. جايهم وكان عمره سنتين .. و عيونه حمر كأنه مسطـّـــل قاعد يترنــّــح يمين يسار كنـّـه شارب ٍ له قارورتين بطل à نوع من أنواع الباور هورس .. :D
وكانت ريحته تعطعط كلوركس<<-(( تعطعط هذي يعني منتشرة بس بلغة ربع شارع البراميل..))
أثره شاربه يامال المشقّ اللي ينتّــف أظافر البعير ..:p.

ويشيلونه ويودونه المستشفى ويدخلون به على الدختور يؤ عفوا ً

الدكتور:D بس الله يهديها جدتي وهي تقص كانت تقول دختور وأنا ما فهمت الا هالكلمه من قصتها ..
ويوم شافه الدكتور قال لهم : وش فيه ..
قالوا له : شارب كلوركس شارب كلوركس شارب كلوركس..
قال لهم : يؤيؤيؤ ماصار شي وش فيكم شارب شارب شارب ؟؟
الله لو أنـّــه لحيه كلوركس ألحــين <-- ماكنه يستخف دمّـــه هالدكتور؟ :p

وقال لهم : جيبوه حطّــوه فوق السرير خل أشوف هالعلــّــه .. :eek:
وقاعد يناظر فيه ويتأمل والولد مسيكين ماغير كل ما فتح فمـّــه تعال شوف أنواع التفافيخ اللي تطلع منه ..
قال لهم الدكتور وبعد تأمل دام لــدقائق بغت تطلع روحه من هالدقائق : أنتم معزّمين أنكم تبونه ؟؟
وش تبون به خلــّوه يموت بس !!!

والله تقوم جدتــي تفصخ العبايه :confused:ومافيه الا جمباز وفقـّــعت وجهه لين عرف أن الله حق ..
وغسلو له معدته الله يقلقه صارت عيونه خضر من الكلوركس

ويوم رجعوا للبيت لقوا الغنم ماكله السمبوسه اللي بالصحن كلــّها ..ههههههههع هع هع هع { 2}
ساد وش خلاّ هم يروحون كلـّــهم المستشفى .. حتــّى الشغاله ماخذينها .. وولد الجيران لقوه يمشي بالحارة
خذوه معهم :D.. وهم عند الإشارة جاهم طرّار يبي فلوس ركـّــــبوه معهم انا مستغربه وشلون كفت السيارة

والله ويتوهقون والمشكله ياليت الغنم بس كلوا السمبوسه وبس يعنبوهم كبوا الغدى اللي بالقدر وهجــّوا بعد من الباب خخخخخخخخخخخخخ
ياااااااااااحليلهم بس

وخلصت القصــّه وقلت لعمي بس ؟؟؟ هذي القصــّه ..؟؟ قال أيه وش تبين بعد .. :confused:
قلت : كل هالتمزّع من الضحك وتقول هذي القصــّه بس :mad:.. أقول أنت وأمك ماعندكم الا الدجــّه
وآخذعفشي وأطلع . وش عفشه بعد ؟؟؟ قصدي خذت عبايتي وهجــّيت مثل الغنم اللي هجــّوا يوم كلوا السمبوسه ..
ههههههههههااااااااي :D































هااااااااااه وش تبون بعد :mad:

هههههههههههههههههههههههههههههه
حلوة قصتك مررررررة

تسلمين

شوشو

يسلموووووووووو شذى


على مرورك وردك للموضوع


تشااااااااو

يناس على الخياليه تعرفي انك لزوزوه وكلامك جنان ومرسي


سي يووووو