{4 }السلام عليكم اخواني واخواتي
اول شي مشكورين عل حسن تجاوبكم معاي
:(:(راح أكملكم قصتي اللي بديتها في المرة الماضية:(:(
طبعا مثل ماقلتلكم جلسنا مع بعض 9 شهور حسيت انها مرت بلحظة
من كثر ماهي حلوة
هي في الحقيقة حلم ماكنت ابغى اصحى منه
كل الكلام هذا عشان اثبتلكم وش كثر احبها
كانت بيننا اتصالات ورسايل طبعا على الجوال تحكيني عن كل شي يمر عليها او يصير معاها
رسايلها كانت كلها حب
وبعضها كانت تكتبها من راسها يكون كلام عادي لدرجة انها تحلفلي انها تحبني لاني انا كنت اطلب منها كذا
بداية المأساة:
في آخر شهر تقريبا حسيت انها متغيرة بس ماكانت تقوللي وش السبب وكنت الح عليها ابغى اعرف السبب
بس ماكانت تتكلم
فيه شي نسيت اقوله لكم وهو مهم وهو انه لما سألتها تعرفي أحد غيري
كانت تقوللي (لا)
وفي آخر شهر خليتها تعترفلي وقالتلي:
انها كانت تعرف واحد واستمرت علاقتهم 6 شهور وانه كان متفق معاها يخطبها وانها هي تحبه واخت الولد هذا تعرف انه يكلمها لانها صديقتها بس صارت شوية مشاكل حلت الاتصالات تنقطع بس الحب هذا ماانقطع
(طـبـعــــــــا الخــــــــــــبر هـــــذا نزل علي مثل الصاعقة اقسم بالله اني حسيت اني فقدت الدنيا كلها كل هذا وهي جالسة تكلمني وانا بوادي وهي بوادي شفت الاحلام اللي بنيتها كلها تتكسرقدامي ماني مصدق حسيت اني بكابوس ولازم اصحى منه وصحيت منه لكن للاسف صحيت ولقيته حقيقه قدامي
حاولت ارتب نفسي , وسويت زعلان يعني ليش ماقلتيلي من الاول؟ طيب ليش حلفتيلي؟ لهذي الدرجه مستخفة بربك!!!
طبعا هي تقوللي انها ماكانت تتوقع ان العلاقة تدوم قالت ممكن اني اتسلى
وسالتها هل مشاعر الانسان فيها تسلية انا ماني من النوع اللي يكذب وخصوصا اني حلفتلك
وهي جالسة تبكي وانا سويت فيها اني متماسك وانا من الداخل محرووووووووق!!
سألتها تكملي معاي والا لا؟ واديتها فرصة ثلاث ايام!(يعنني ثقيل)!
طبعا ماقدرت اصبر عنها اتصلت في اليوم الثاني!! وهي ماصدقت على الله اتصل
سألتها عن نتيجة تفكيرها, وقالتلي انت بطريق وانا بطريق لانها تقوللي ان حبيبها الاول اهله زاروهم في البيت وممكن يخطبونها وانها ارتاحت لاهله وهم ارتاحولها , طبعا وين يلقون وحدة بجمالها وحنيتها؟!
المهم! اني قلتلها الله يوفقك وانشالله تعيشي حياتك بسعادة
وهي اعتذرتلي تقولي اسفة وماني عارف ايش ومرات تبكي
استمر المكالمة هذي 3 ساعات بين تبرير منها وعتاب مني
قفلت الخط على اني ماراح اكلمها...
وجلست استرجع كل كلامها
كنت بالسيارة وقتها وجالس الف مثل المجنون مااعرف وين اروح!!!
اقسم بالله اني جلست ابكي ! اتصوروا!
كنسلت الجلسة حقتي اللي مع العيال وقفلت الجوال وقررت اني اروح في خلا عشان آخذ راحتي
انا ماابغى احد يشوفني وانا ابكي , المهم اني طلعت برا وتعال يا بكاء
جريت بكاء إلين مادخت
اقسم بالله اني ماكنت اتوقع اني كذا
ماكنت اتوقع اني ضعيف
بس الضربة هذي جات في أضعف شي فيني وهو قلبي
اقسم بالله اقسم بالله اقسم بالله اني ماقدرت اتحمل اكثر من كذا واتصلت عليها! اتصوروا!
انا في العادة مااحب اترجى احد مهما كانت الظروف ومهما كنت محتاج
انا ماتصلت ارسلتلها رساله طبعا بعد مافتحت الجوال كتبت فيها بالحرف الواحد( انا مااقدر اعيش من دونك انا جال الف في الشوارع مثل المجنون)
هي اتصلت علي على طول
ماقدرت اتحمل جلست ابكي مثل الطفل!
اقسم بالله اني في حياتي مابكيت مثل ذاك البكاء إلا مرتين وانا صغير
طبعا اتذكر انا هالمرتين.
هي اول ماسمعتني ابكي جلست تبكي!
وتقوللي خلاص ماراح اتخلى عنك ماراح اسيبك اقسم بالله هذا اللي صار!
المهم هي هدت فيني شوي وانا عقلي خلاص رميته
اصبحت مثل الطفل!
كنت اسالها ليش كذبت علي
انا وش سةيتلم عشان تسوي فيني كذا
وهي تقوللي : خلاص ماراح نترك بعض.. وانا ماراح اتخلى عنك.... ومن هالكلام الحلو..
المهم انا مثل الطفل صدقتها
كان لازم اصدقها لاني كنت بظرف مافيه خيارات كثيرة
خيارين بس! يا أصدقها او ما اصدقها
وانتم عارفين نتائج كل واحد فيهم!





اخواني باقي كثييييييير اكثر من اللي قلته بس سامحوني مااقدر اكمل
اكمل القصة في وقت ثاني
ومشكورين
:(B:(