عابره سبيل 000وبعض قصائدها




كتبت ما قرأتم من خاطري واضافة لقصيدة مؤثرة جداً قد وصلتني بالبريد الالكتروني وهي تحكي قصة زوجة اُصيبت بمرض خطير (( اسأل الله ان يجعلة كفارة لذنوبها )) وقد اقام لها اهلها عندما خرجت من المستشفي احتفال ذُبحت فيه الخراف وقد كانت تعلم بمرضها وتحّس بدنو اجلها, وقد وجّهت هذه القصيدة لزوجها فأسأل الله ان يتولاها برحمته ووالدّي وجميع المسلمين والمسلمات ..


ترى الذبايح و أهلها ما تسّليني .... أنا أدري إن المرض لا يمكن علاجه

أدري تبي راحتي لايا بعد عيني .... حرام ما قصّرت إيديك في حاجه

أخذ وصاتي وأمانه لا تبّكيني .... لو كان لك خاطرٍ ما ودي إزعاجه

أبيك في يديك تشهدني وتسقيني .... أمانتك لا يجي جسمي بثلاجه

لف الكفن في يديك وضف رجليني .... ما غيرك أحدٍ كشف حسناه واحراجه

أبيك بالخير تذكرني وتطريني ..... يجيرني خالقي من نار وهاجه

سامح على اللي جرى ما بينك وبيني .... أيام نمشي عدل وأيام منعاجه

همي عيالي وأنا اللي فيْ ..كافيني ..... علمهم الدين تفسيره ومنهاجه




نعم هي الشاعرة المشهورة عابرة سبيل(( أم فهد ))

ولم تعلن عن أسمها الحقيقي لأنها لاتعمل لقاءات صحفية او غيرها ..

وهي كويتيه ودفنت في الكويت ....

ولها ديوان شعري نزل للأسواق وكان الإهداء موجه لزوجها ابو فهد ..


والقصائد كثيرة ورائعه وبلا تكلف ..

ولعل ابرزها :


ومن يــوم ماذوقتني حر فرقاك ... واليأس زرعه في حياتي غرسته

شريت لي ثوب ٍ على شان لقياك ... والثـــــوب راحت موضته مالبسته

وشريت عطـــر ٍ مازهاني بلياك ... اربـــــــــع سنين ٍ بعلبته مالمسته



أما بطاقتها الشخصية فهي تقول عن نفسها :


أناعجوز مطلـــقة وام ورعـــــــان .... وأيضاً مدام وبنت وآنس وعانس

أنا بدوية وعايشه عند حضـــــران .... وبنت البحر وابوي زارع وغارس

أمية ماتعرف حروف وألــــــــــوان .... وتلميذة دشت جميع المدارس

ضفره وخبله ، عاقله، وفي نقصان .... شرود وأنطح لي ثمانين فارس


أما قصائدها الهزلية فتقول


جاء يعيرني يقـــول انتي متين .... حلقك المفتــوح لازم نغلقه

هيـه يادبّــه لــزوم تخفّـفين .... والا اثوّر فيك عشــرين فشقه

وفي رجيمـي استمريت سنتين ... جدي اللي مات قاربت الحقه

ويش رايـك ؟ قلتها بصوتٍ حزين ... قال : دبّــه ، وانقـلبتي لسلقه ..


وتقول:


لي صــــاحب منه تبي تطلع الروح ... خبل ٍ ومن هي مولعه فيه خبله

عـــــامين المح له مع الجد ومزوح ... واقــــــول ياعنتر تناديك عبله

طال المدى ثم قلت انا اغليك يالوح ... مجروحة جرحٍ مخاطره عجله

دنق وقـــــال انا من العام مجروح ... وأشر لجرحٍ مبطيٍ وسط رجله ..


وتقول في إحدى قصائدها :



ليته درى صبحية العيد وش صار .. ياهي جرت لي من عذابي هوايل

يوم العذارى بيحن كل الأسرار .. وجت السوالف بين قيلٍ وقايل

هذا معايدها قبل وقت الأسحار .. وهذيك صاحبها عطاها رسايل ..

إلى آخر القصة التصويريه عن لحظات المعايدة بين العشاق ..


حيث قالت أخيراً فاقدة أمل اللقاء :


وأنا أطالع فوق ويمين ويسار .. بالعيد حتى مامشطت الجدايل ..


كذلك تقول



أنتم تحبوني وانا أحب ثاني .. واللي أحبه باغيٍ ناس ثانيين

هذا أبتلى فيني وهذا بلاني .. واللي بلى مبلي وباليه مسكين

أنا ترجيته وغيره رجاني .. والمشكلة ماينقل القلب حبين ..


كذلك قصيدة الأحلام والتي تقول :


ياما على نفسي بالأحلام كذبت .. ويا ما صبرت وصبرنا مانفعنا

وياما .. وياما من وداعه تعذبت .. وياما نحاول نفترق ما استطعنا

كم مرةٍ ودّع وكم مرةٍ غبت .. وكم مرة عقب الوداع إجتمعنا

لا قادره أنساه مهما تهربت .. ولا معترف في حبنا مجتمعنا ..



وتقول :



ياكثر شعرٍ كتبته أمس والبارح .. وياكثر شعرٍ عقب فرقاه سجلته

دفاتري إمتلت من سبة الجارح .. هذا .. وغير الذي للحين ماقلته ..!!


وتقول :


ليتني البارحه يانايفه ماسريت .. يم درجٍ مقفل من قديم السنين

أشهد إني فتحته وأنتحبت وبكيت .. شفت ماهيّض الجرح القديم الدفين

شفت وسطه رسالة وليتني ماقريت .. بيت شعرٍ وظرف مع صورتين

لا طرالي حبيبي بصوت واطي حكيت .. إنا لله وإنا للولي راجعين

__________________________________________

اطلبوا لها الرحمه ..

تحياتـــــــي لكــم.....

شكرا على الموضوع والله يرحم الشا عرة عا برة سبيل ويصبر ذويها أختك عيون الأصا يل

مبدع دوما اخي
يعطيك العافية وبانتظار مميزك ,,,

[ALIGN=CENTER][TABLE="width:70%;"][CELL="filter:;"][ALIGN=center].. هلالالا وغلالالا ..
.. ( اخو بدوه ) ..
الف شكر لك على النقله الرائعه ..
تسلم يمينك على كل حرف خطيتيه لنا ..
وربي يعطيك الف عافيه ..
تقبل خالص تحياتي وتغديري ..
*خفـــــــايا الروح*[/ALIGN][/CELL][/TABLE][/ALIGN]

عيون الأصايل +ندى الزهور + *خفــايا الروح*


اشكركم على كلامكم الرائع