هذي قصة ...
وصلتني ...واعجبتني ..
هذي قصة راعي ديك منسم هههههههههه
المهم اقولكم القصة :
فيه ولد طفران (ماعنده ولا فلس)
راح لابوه وقاله : عطني فلوس
الاب : انقلع ماعندي تراها واصله معي.
الولد :تكفا يبه,, بشترى كورة ...
الاب : ماعندي فلوس .
إذا تبي فلوس روح بيع الديك المريض..
الولد :بس هذا مريض ومحد بيشتريه...!
الاب : ماعلي منك,,,دبر نفسك...
والله الولد استسلم للأمر الواقع واخذ الديك..
أول واحد قابله في وجهه اكيد أبوه....
قاله الولد: تشتري الديك؟
الاب :اقول انقلع لا أقوم اتوطا في بطنك؟
الولد :خلاص خلاص طلع الولد
من البيت ومعه الديك في محاوله
يائسه إن الديك ينباع
عرض الديك على أهل الحاره كلهم
ولا واحد فيهم قبل إنه يشتري الديك ...
قال الولد: ممممممممم,
والله مالي إلا فلانه,,عقلها خفيف
وأكيد بقدر ألعب عليها بسهوله
فلانه هذي وحده متزوجه
بس للاسف كانت رايحه فيها
وتلعب بذيلها من ورا زوجها....
راح لها الولد عشان يبيع عليها الديك!!!
الولد :تشترين الديك تكفين؟
هلا والله بحبيبي .. تعال قرب مني
عشان ابوسك بوسه خفيفه
الولد :اقول مانيب فاضي لك ..
خذي مني الديك وخليني اروح..
تروح مين ياعمري!!
انا ماصدقت إني شفت رجال عندي ...
الولد :ومنهو اللي قالك إن انا رجال؟
خذي مني الديك وخلينى أنقلع
شوي الا الباب يدق خافت الحرمه
وقالت للولد تعال إندعس هنا في
الدولاب لايطلع زوجي ترى انروح فيها.
حطت الولد في الدولاب وراحت فتحت
الباب طلع حبيبها ...
الحرمه:هلا والله بعمري وحياتي.....
ما أمدا الرجال يقول شي إلا والباب يطق..
الحرمه: ياويلي ويلاه,,هذا شكله زوجي..
تعال وادخل في الدولاب.....
دخل حبيبها في الدولاب
وفجاه سمع صوت يكلمه داخل الدولاب .
ويقوله: تشتري الديك؟
الرجال: اصصصصصصصص,,,,
قصرصوتك الله يرحم والديك لاتفضحنا
الولد :أقول تشتري الديك؟
الرجال: ياخوي خلاص بشتري الديك
بس قصرحسك تكفا,,,
الولد :طيب
الرجال: بس بكم تبيعه؟
الولد :ب 100 ريال....
الرجال: ايش!!؟؟؟؟؟!!!
هالديك المنتوف المريض ب 100ريال.!!
الولد :تبي تشتري ولا ارفع صوتي؟
الرجال: لا لا خلاص,,بشتري وأمري لله
5 دقايق الا والولد يقوله تبيع الديك؟
الرجال: توك بايعه على يابن الحلال!!
الولد :تبيعه علي ولا ارفع صوتي؟
الرجال: لا لا خلاص,,
اببيعه وأمري لله,,بكم تشتريه؟
الولد :بريــــــــال
الرجال: أيش!! بريال!!!!
انا مشتريه منك ب 100
ونت تشتريه مني بريال!!!!!
الولد :تبيعه علي ولا ارفع صوتي؟
الرجال: لا لا خلاص,,
اببيعه وأمري لله ...
5 دقايق الا الولد تشتري الديك؟
الرجال: ياخوي توني مشتريه منك!
الولد :تبي تشتري ولا ارفع صوتي؟
الرجال: لا لا خلاص,,
ابشتري وأمري لله,,,بكم تبيعه؟
الولد :ب200 ريال....
الرجال: الله يمحط بك انشالله,,,,
توني مشتريه منك ب 100 ريال!
الولد :تبي تشتري ولا ارفع صوتي؟
الرجال: لا لا خلاص,,
ابشتري وأمري لله
5 دقايق الا الولد تبيع الديك؟
الرجال: انا لله وإإنا إليه راجعون,,,,,
بكم تشتريه؟
الولد :بريال
الرجال: وش تبيني أقول!!
تبيني أبكي ولا أشقق هدومي,,,,يالله خذ
وببلاش بعد ....
اخذ الولد الديك شوي ألا الحرمه
فاتحه عليهم الدولاب ......
وقالتلهم: يالله بسرعه اطلعوا ...
دام إن زوجي في الحمام,,
بس واحد ورا الثاني لايحس فيكم زوجي
طلع الرجال ولحقه الولد بعده ب5 دقايق
المهم,,,راح الولد للبيت يوم دخل البيت
شاف ابوه قدامه ..قاله تشتري الديك؟
الأب طالع فيه والشرار طالع من عيونه وقاله
ماكفاك في الدولاب وانت تبيع وتشترى
05-07-2004, 10:09 صباحاً
قصه تموت من الضحك 
جديد منتدى الفرح والمرح والفرفشه 
العرض العادي
