قصة دباس

[ALIGN=CENTER]السلام عليكم ورحمة الله وبركاته

اخواني واخواتي

قراءة هذه القصه المؤثره في احد الكتب

وحبيت تشاركوني قرأتها ..

ونقلتها من الكتاب على هذه الصفحة

ان شاء الله تعجبكم




قصة أبو دباس

يمكن ان تكونوا قد سمعتم أحد كبار السن إذا أحس انه سيصاب بإهانه أو ظلم يقول ( لا والله الي صابني ما صاب ابو دباس )

في هذه المقوله اعتراف بأنه اصيب بظلم من احد ما وفي نفس الوقت رجاء من الله ان يرسل له من يرفع عنه هذا الظلم والقهر

مثل ما عمل دباس مع ابوه.

هذة القصة لايعرف متى وقعت ولكن بعض من الرواة قالوا انها وقعت في القرن الثالث عشر والله أعلم

وبطل القصة محمد وهو من أهل بلدة عودة سـدير الواقعة في شمال غرب الرياض عاصمة المملكة العربية السعودية بحوالي

100كم يعيش في مزرعتة ومتزوج وله أبنا وأسمه دباس وبنتان فشب دباس على أحترام الناس وحب الخير وكذلك الكرم والشجاعة

وكان والده يكنى له الحب بسبب هذه الصفات التي يتحلا بها أبنه دباس وعندما شب دباس وبلغ العشرون من العمر سافر في طلب الرزق

ويقال انه ذهب الى العراق ومنهم من قال انه سافر الى عمان وفي خلال مغيب دباس عن والده تزوج الوالد بأمرة وكان لها أخوه

فأرادوا ان يتزوجوا من أبنتا محمد فرفض محمد ذلك فقام أخوة زوجتة بعمل الدسائس ضده ونشر الأشاعات في البلدة وتعرضوا الى أبنتا محمد

ولم ينتهي الأمر الى ذلك بل قاموا بقطع الماء عن مزرعتة مما أدا ذلك الى هلك مزروعاته فتضايق محمد من أخوة زوجته ومما أصابه

من الأهانات فأشر علية صديق بان يرسل في طلب أبنه دباس لعل في حضورة ينجلي هذا المصاب فأرسل محمد مع ركب متجه الى تلك الديار

قصيدة طويلة وفي مضمونها يخبر أبنه بماحصل له

فقال محمد أبو دباس :



ياونة ونيتها من خوا الراس = من لاهـب بالكبد مثل السـعيره

ونين من رجله غدت تقل مقـواس = يون تالي الليل يشـكي الجببره

ياحمـس قلبي حمـس بنن بمحماس = وياهشـم قلبي هشـمها بالنقيره

وياوجـد حالي ياملا وجـد غـــراس = يوم اثمرت غرسـه صفت عنه بيـره

على ثمر قلبي سـرى هجعةالناس = متنحـر درب عسـى فيه خيره

الله يفكه من بلا ســـوء الأتعاس = ومن شر عبثات اللياليي يجيره

في ديرة تقطعت عنه الأرماس = ســبعين يوم للركايب مسـيره

لاوالله الا حال مـن دونه اليـاس = حـط البحر والبر دون الجزيره

يالله ياللي رد من عقب ماياس = يوسف على يعقوب وابصر نظيره

ترد علي دباس يامحصي الناس = ياعالم ما بالخفا والسريره

يادباس انا بوصيك عن درب الأدناس = ترى الذي مثلك يناظـر مسـيره

عليك بالتقوى ترى العز يادبـــاس = في طاعة الله ما ينجيك غيره

هذي ثمان سـنين من رحت يادباس = لارسالةجتني ولامن بريره

يادباس من عقبك ترى البال محتاس = وعليك دمع العين حـرق نظيره

وعليك كني في دجا الليل حراس = اصبح على حيلي وعيني سـهيره

اصبح وانا ما بين طاري وهوجاس = وطواري تطري علينا كثيره

مثل الوحـش قلبي على كف حباس = يكفخ كما طير سـبوقه قصيره

متحير من عيلة البيت يادباس = ارجي ثــواب الله واخشـى المعيره

اخاف من حكي العدا ثم الأنجاس = اهل الحكايا الطايله والقصيره

ويقال خلا عيلة عنّر الراس = اقفى وخلا عيلة له صغيره

والا فانا يابوك قطاع الأرماس = ماني بمثبور ورجله كسيره

اصلك لو دونك نبا حمر الأطعاس = الصلب والصمّان ماهي عسـيره

مهالك مدارك مابه اوناس = الا الثعل والبوم تسـمع صفيره

ياراكـب وجنامنالهجن عرماس = فجا النحـر يادبـاس حمرا ظهيره

متروسة الفخذين مزبورة الراس = كن الخـلاص عيونها مسـتديره

تسـرح من العوده على نور الأنفاس = عند الفجـر والليل مقفي مريره

والعصر بالصمّان تسمع لها اضراس = حبل الرسـن خطر تبتر جريره

نهار ثالث بين حـا والأرواس = واره يمينك جعلها لك سـفيره

ثـم على سـاجيه تقلب الراس = تمشي باهلها في البحور الغـزيره

فيهاالطبيخ وراهي الخبز يادباس = يقعــد خوا بالراس خنــة خميره

هي ديرة اللي باغي كيفة الراس = ولا له حـد همه من الناس غيره

هيـس ولد هيس للمواعين لحـاس = يفرح ليا نيدي لذبح النحيره

ما قفك ذا يادباس ما فيه نوماس = يصلح لقيّن مهنته طـق زيره

ترى الفداوي دون وانشـد الناس = راعيه ما يذكر بمدح وغيـره

ما له سوى طق الحنك منه والياس = واليا انقطع خرجه فلا له ذخيره

طلب المعيشه بالحراثه والأجناس = المشـترى والبيع يوصف وغيره

قم انهض العيرات مع كل فراس = يادباس دور خيّر تسـتشـيره

جدّك وعمانك هل العز والباس = هل الموجب مكملين القصيره

يادباس ما يصبر على البق والحاس = الا الذي ماله بنجـد عشـيره

واليوميا مروي شـبا كل عباس = انـت الرجى ياكعام وجه المغيـره

عشـرين عـام كها ارجيك يادباس = مثل الغرير اللي تولع بطيره

عـدل المناكب هيلع فرخ قرناس = يمناه في لطـم الحبـاري شـطيره

عانق خلوج روحت عقـب مـرواس = عنــد العصير لبيضهـا مسـتذيره

الليل جاها وحال من دونها الياس = روحه على فرقاه فرت فريره

يادباس انا يابوك ما نيـب بـلاس = ميران عيـلات الرفاقه كثيره

جنبت وسـط السـوق وامشـي مع السـاس = واخذ شـوي الحق واترك كثيره

يادباس لولي جبت من دحـب الأكياس = مختلفـة ما بين رز ونيره

ما لي بها ياجعها بالف قباس = او جعلها تذهـب ولو هي كثيره

يادباس قلبي كل ما هـب نسـناس = شرقية هبت بقلبي ســعيره

والحـال يافرز الوغى مسـهاالباس = عليك ياناطح وجيه المغيره

وغصـون قلبي يافتى الجود يبّاس = غـاد انا يابوك كني هشــيره

من شـافني يقول ذا فيه لسـاس = واللي براء حـالي الآهي خبيره

لا وعلى من قبل غوال الأنفاس = ومفارق الدنيا يجينا بشـيره

عسـى يطق الباب والناس غطـاس = ياوالي القدره عليك تعبيره

وصلاة ربي عد ما هـب نسـناس = على النبي عـدة حقـوق المطيره




وقد أشاع أخوة زوجته بان أبنه دباس يشرب التنباك وانه يحضر مجالس الطرب وغيرها من الأشاعات

التي أدت الى ان محمد ابو دباس يعيش في هم وغم من هذه الأشاعات التي راجت في البلدة وبعد ان تسلم دباس

رسالت والده بعث اليه بقصيدة يخبره فيها بانه لايسمع الى تلك الشائعات وبأنه محافظا على المرجلة التي عوده عليه

والدة وكذلك يبشره بانه قادم لمساعدته في محنته



حي الجواب اللي لفانامن الرأس = جابه غلام ما توانا مسيره

أهلا هلا به عد ما حبك قرطاس = او ما كتب فوقه بيوت شطيره

جواب من هو لي مود من الناس = ابوي ما يوصف حلي لغيره

فرزا الوغى كنه على الوكر قرناس = قروم ربعه كلها تستشيره

دليل عيرات لياهب نسناس = ثم ادلهم الجو ومابه ذخيره

مهفي الغنم لأهل الركايب والأفراس = لا روحوا له لا عليهم قصيره

راعي معاميل بها العبد جلاس = للبن يشري بالسنين العسيره

هاذي بمركاها وهاذي بمحماس = وهاذي يصبه للوجيه السفيره

وخلاف ذا يا راكب فوق عرماس = مأمونة من نقوة الهجن عيره

حمرا وهي في سنها وقم الأسداس = متوسط لا فاطر ولا هي صغيره

ماهي لحوج راكبه بالعصا قاس = حرم عليها غير شيل النقيره

والخرج هو وبيوت قيل بقرطاس = مع مزهب الأيام ما هي كثيره

وفوقه غلام منوته قطع الأرماس = لو هو بليل ما تغير نظيره

وليا لفيت الدار فا جهر با لأحساس = وبلغ سلامي كل ذيك العشيره

واختص أبوي اللي نفل جملة الناس = وخصه بعلم وقل تراني بشيره

لا يا نجي العرض يا بوي لاباس = كان تشتكي الضيم فأنا أسيره

وان سايلك عني تراني بنوماس = وانا أحمد اللي ما توسلت غيره

المدح لو يشرى شريناه بأكياس = بأموالنا نرخص ندور الستيره

مطرق افرنجي مضاريبه الراس = ومصلبخ جبته عساني ذخيره

من صنع نصراني مشروبه الكأس = يذكر ورى جاوه بعيد مسيره

أبغيه للي حادينك على السـاس = أهل النمايم والحكايا الكثيره

ربع نووا فيك الردا والتخسـاس = مهبول يا اللي قال غايب عشيره

علي دين لودع الجمع ينحـاس = لين العشير يقوم يلعن عشيره

ان ما سكنا الدار من غير هوجاس = والا نعاف الدار وندور غيره

كله لعينا كلمة قلت يا دباس = تشكي وانا دوني بحور غزيره

خذلك يمين الشرع قطـاع الأنفاس = انه فلا جتني علوم بصيره

لا ذكرجاني منك حبر بقرطـاس = أيضا ولا جتني علوم سفيره

وان كان تشكي الضيق يا بوي لاباس = جاك الفرج يا بوي هو والبريره

يا بوي أنا مارحت لكيفة الـرأس = مع ذا ولاني في سفاه او غيره

يا مسندي يا بوي شوف اوكد الناس = ثم انشده قل ويش هو في مسيره

ان كان ما يفرح صديقك بنوماس = تحرم علينا اللي نهوده صغيره

مدلول مجهول زها زين الألباس = بنت الذي يثني ليا جت كسيره

طار يقول اظهر وطار بجـلاس = قمت أشرب التنباك واثره نكيره

أبغي عسى الله يبرد القلب يا ناس = من لا هب شبت بقلبي سعيره

و الا فانا يابوي قطاع الأرماس = أصبر على الشده لو هي عسيره

ومن كان له غايب فلا يقطع الياس = ان قدر الله جاب علمه بشيره



وفي احد الأيام خرجت أبنة محمد أبو دباس الى ساقي لتجلب الماء الى البيت فشاهدت الماء يجري ولونه أحمر فذهبت

الى والدها فأخبرته بما شاهدت فقال ان هذا أبني دباس قد عاد و هذا الاحمرار هو دم من قاموا باهانتي وفرح الأب

بعودة ابنه دباس وأصبح يمشي في البلده مرفوع الراس والكل يقدر شجاعة أبنه دباس وهذه من القصص التي تناقلتها

الرواه في جزيرة العرب


تقبلوا تحياتي

بـــدوي فا11هـــم[/ALIGN]

الله ينصر كل مظلوووم ويجزيه بالصبر فهو طريق النجاح والنصر !!!
يسلموووعلى القصة ,,,