[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياراكـب ثنتيـن يـشـدن الاقــواس***** مـن دار ريضـان الحجـر درهمنـي

مافوقهـن كـود الدويـرع وجــلاس***** وسفـايـفٍ بـيـن اربــع يلعبـنـي

تحركن مـن عندنـا حيـن الارمـاس ***** ومضـى سـواد اللـيـل مابركـنـي

حكن علم عذفـا يسـارن مـن الـراس***** والظهـر مـع ورد الحفـر يشربنـي

وحطو لهم مع هقلـة الحضـر بـلاس*****عن الحضر واللـي بالخـلا يسرحنـي

وليـا لفيتـوا عنـد مدقـوق الالعـاس***** الجـادل الـلـي بالمحـبـه محـنـي

قولوا على حبل الرجا نطـوي اليـاس***** والبيـض غيـره كلـهـن يحرمـنـي

ولو يندوي جرحـي دويتـه بزفـواس***** ولا بني رفـاف البيـت منكـم ومنـي

والله يعـلـم بالخفـايـا والآجـــاس***** حيثٍ مضى من صغـر سنـك وسنـي

وياعم اللي طعت بي هـرج الانجـاس***** طاوعت هرج النـاس واخلفـت ظنـي

طعـت بـي ياعـم دايـس ودربـاس***** وعــوارض صدقتـهـا وابعـدنـي

ومن لااخذ من درس الاسلاف نبـراس***** تمضـي حياتـه بالـرجـا والتمـنـي

واقفيت ادير بظامـري كـل هوجـاس***** علـى وليـف بالحشـا غـاب عـنـي

تكبي خواطرهـم ليـا جيـت عسـاس ***** ولاتقـل انـا منهـم ولاهمـب مـنـي

ومريـت دار ماتقـل جنـة اونــاس***** وونيـت ودمـوع العـيـون ذرفـنـي

جيت المراح اللي به العشـب محتـاس***** العشب فـي مضـرب وسـادة معنـي

محذا شبـة النـاس ومشتاقـة الـراس*****وثــلاث لايـبـكـن ولاينبـكـنـي

لي بنت عـم ماوطـت درب الادنـاس***** ولادنسـت يـوم النـسـاء يدنسـنـي

ضربتها وانا احسب الضـرب نومـاس***** طلقتهـا يـوم افخـت العقـل مـنـي

ياناس كيف العيـن تبكـي علـى نـاس***** وكيـف العيـون بـلا رمـد يسهرنـي

لو ينشكي حبي على ذيـب الاخمـاس***** يسـرح مــع الطلـيـان مايجفلـنـي

ولو ينشكي حبي على الطيـر قرنـاس***** اضحى الضحـى بمويكـره مستكنـي

ولو ينشكي حبي على قـب الافـراس***** عيـن نـهـار الـكـون لايفزعـنـي

ولو ينشكي حبي على الميـت مانـاس***** يثـور مـن بيـن النصايـب يـونـي

ولـو البيـوت مشددينـه بـالامـراس***** عيـن مــع الخـفـرات لاينبنـنـي

وحتى النجوم اللي مـع الليـل غـلاس***** لـو ينشكـي حبـه لـهـن وقفـنـي

ولو ان غوطة "دم سلمـان" واضـراس***** يــدرن بماقلـبـي لقلـبـه يكـنـي

تلقى سهـل جبـة هضـاب ومنحـاس***** وحتى الجبـل بالقـاع صـار متثنـي

اشرفت رأس ضراس من فوق الاطعاس***** ولالـوم طـراد الهـوى لـو يجـنـي

هليت دمـع العيـن واوميـت بالـراس***** ورافقت كـور العيـس يامـا ابعدنـي

ورفعت نفسي عن شبا كـل وسـواس***** البعـد احلـى مـن حـيـاة التمـنـي

انـا زبـون الحـرد للخيـل مدبـاس***** ياكلشـن شهـب الشـوارب نخـنـي

نفسي تشوم عن التدلبـح مـع السـاس***** ولاعاش من هـو عـن رفيقـه يكنـي

من شيدوا "زينة " على غيـد واغـراس***** ليـا نسـيـت رسومـهـم ذكـرنـي

ياعم انا لـي طلبـة الـراس بالـراس***** ياعـم شـوف رسومهـم ماانمحـنـي

ولو صرت ان القلاع ماشلت الاضراس***** والمـوس مايقـطـع بلـيـا مسـنـي

ياصار ماربعن علـى الـراي جـلاس***** وجنحـان طيـر يالسـعـد يلفحـنـي

نصـيـر دوم للصقاقـيـر مــدواس***** مثـل اللـي يسمـع صفيـر المغنـي

والله يلـولا بـكـرة يـابـو ونــاس***** حبه سكن باقصـى الضمايـر محنـي

والله لـو هـي ماتبينـي فـلا بــاس*****لاشـك خبثـان النـفـوس طـردنـي

وانا احمد اللـي خالـق كـل الانفـاس***** وجعـل وسـاع القـاع مافيـه منـي

دار بـدار ولامنـاخـات الانـجـاس***** ياصـار مايمـنـاك عيـنـك تـزنـي

في بلدة الغـراف مـن جملـة النـاس***** ولا نيب من يرجـي الخلايـق تحنـي

دار به الاكـرام والطيـب بـه سـاس ***** دايــم تذكـرنـي لـيـال مضـنـي
[/poet]

منقووووووووووووووووووووووووووله

قافية رائعة
الف شكر
بانتظار المميز دوما ,,,

[ALIGN=CENTER]هلابك اختي ندى الزهور

والاروع هو مرورك

اخوك اهــــــــــات 200[/ALIGN]2

[ALIGN=CENTER][TABLE="width:70%;"][CELL="filter: glow(color=purple,strength=5);"][ALIGN=center]هلااا وغلااا أخوي اهــــــات 2002
صح لسااانك ولساان شاعرها..
وسلمت يمينك على النقلة الرائعة..
ننتظر جديدك،،
تقبل تحياتي..
أختك: قيوووود الحب[/ALIGN][/CELL][/TABLE][/ALIGN]

[ALIGN=CENTER]هلابك اختي قيود الحب

الله يسلمك ويعافيك ربي

اخوك اهــــــــــــــات 2002[/ALIGN]