الشاعر؟؟؟؟؟؟؟؟؟؟
***
ينصح و( يصحي ) الغافلين والغافلات ويكشف الاعيبهم ..
وهذه هي الرسالة السامية التي نرجوها من خلال الشعر ..
_________________

ماسمعت بقصة البنت القليلة في حياها ... والحقير اللي تركها دون دم ولاقتيلة

صدقت كل العجايب بالحياة الا نساها ... كل شي الا يروح ويبتعد..ذي مستحيلة

أول القصة بدت من يوم هالخاين بداها ... أقسم إنه ... مايمر اليوم إلا البنت ذي له

صار له ماكان يبغاه وقدر يكسب رضاها ... يشتكي من جور الأيام وجبرها تشتكيله

حبها .. من كثر ماهو حبها يتبع خطاها ... حبتّه من كثر ماهي حبّته صارت تجيله

بعدها حط الهموم بدنيته سبّة غلاها ... ملّها .صارت سبب في ضيقته يبغى بديله

لابغاها كل صعب يهون هذا لابغاها ... والا هو كذاب يعشق غيرها جهّال جيلة

ابتدت رحلة عذاب البنت في سكة عناها ... ماتسيل الدمع لجله .. دمها كانت تسيله

ذلّها ياما ..وياما. ذلّها ..سبّة وفاها ... توّها ماملّتــه ... بعيونها.. باقي .. تشيله

تسأله وين الوله والشوق وأول مالقاها؟؟ ... مشكله بعض البنات اليوم حكمتهم قليله

ماتخونه تحسب إنه مثلها صاين هواها ... هي تظن الحب من قبل الزواج أقرب وسيلة

لا ..خطأ وأكبر خطأ والحين هي شافت خطاها .. ودّها تدمح خطاها بس ماباليد حيلة

كان يتمنى يفوز إبحبها راح ووطاها ... لو بغت. داست على قلبه .. ولاعاشت ذليلة

إيه أجل تنحني للذل والخوف ورجاها ؟؟ ... لا بعد أكثر وصل فالبنت صارت تنحني له

كل شي صار والسبه والسبه غباها ... ماتركها بالعذاب.. تهيم؟؟؟... لين أشفى غليله

ياا لإله اللي خلق زمزم لها جر من دعاها ... تستجيب اللي دعا لك بالرضى في كل ليله

ربنا قلت بكتابك في سور يونس وطه ... من شهد لك رب؟ فاز ومن عصى؟ ياويل ويله

نشهد إنك خالق الدنيا بيابسها وماها ... كل شي سبّح بحمدك .. وقال : إنــــك وكيــــله

ربنا من تشهد إنك واحد عجّل هداها ... دلها للخير... أبعد عنّها ... فعــــل الرذيلـــة

وإجعل القرآن حب وشوق يسري في دماها ... فايز اللي يترك الدنيا .. وقرآنك خليله
___________

أتمنى تعجبكم مثل ماعجبتني ..

[ALIGN=CENTER]

صح لسان من قالها ..
قصيده مؤلمه حقاً ،،
تحمل هموم عاشقه تعذبت في حب ذالك الخاين اللي غدرها وما يستاهل حبها ..
واكثر بيت عجبني هذا ((وإجعل القرآن حب وشوق يسري في دماها ... فايز اللي يترك الدنيا .. وقرآنك خليله))
قصيده فعلاااااا رائعه واعجبتني بالحيل .....

سلمت يارائع على اختيارك هذا ...
تقبل تحياتي واعطرها ...

روااااااان

[/ALIGN]

يعطيك العاااااافيه اختي روااان على هذا الاطرااااء الجميل
ودمتي لنااااا اخت عزيزه وشكرااااا

الشمري
والسلاااام ختاااااام

[ALIGN=CENTER]مررحبا اخوي فيصل الصعب[/ALIGN]

[ALIGN=CENTER]ربنا من تشهد إنك واحد عجّل هداها ... دلها للخير... أبعد عنّها ... فعــــل الرذيلـــة

وإجعل القرآن حب وشوق يسري في دماها ... فايز اللي يترك الدنيا .. وقرآنك خليله [/ALIGN]

[ALIGN=CENTER]الله الله الله وش هالابداع

صح الله لسانك مليوووووون

وتسلم يمينك عليها

فعلا هذي وظيفة الشاعر لان الشعر رساله ساميه

اتمنى اذا هي منقوله اعرف اسم شاعرها المبدع

والله يعطيك الف عافيه

تحياتي لك[/ALIGN]

[ALIGN=CENTER]بكل صدق كلمات ولا اروع منها ،
اعتقد بل اجزم بأنها خرجت من قلب صادق ،
قلب ناصع البياض ،
حروف لم تكن مثل الحروف ،
تسللت الى الداخل ،
بكل يسر وسهولة ،
حتى جعلتني ابحر معها دون ان اشعر بما حولي ،
يالها من كلمات رائعة ،
صفقت ومن كل قلبي لها كثيرا ،،،

لك خالص الاحترام والتقدير[/ALIGN]