هااااي قوود أفتر نوون أفري بودي <=---- هذولا عيال الدحيم لادخلوو عنقلش بخ بخ بخ

ياهلا والله ومرحبا .. بدايتن أحب اوضحلكم احوال الطقس <=-- حلالاات زبيريه مربصه بمووية بيارات

طبعن قبل كل شي امصعووا الأتصال ماورا ماشفطونا عيال الأيه <=-- تراهم مهوب شركة الأتصالات أبدن أبدن


بداية القصه


في ليلتن من الليالي وبينما انا اكيدو شعري بالممشطه <-- الرجاء من هو ليس من عائلة الدحمي او ليس بإتصال مع هذه العائله أحضار الكتالوجات التابعه لفصيلة الدحمي وشكرآ دين دين دوووو بليييز أني ون نوت فروم دهمي فاملي او هي از نوت كوول وذ ذس فاملي تيك ذكاتلوج اوف ذس فاملي <=--- امششششش وانا بنت امي والله ياانا اسووق العنجليزي سووق

المهم نكمل السالووفه .. كنت في ليلتن من الليالي أمشط شووشتي اللي تقولون عشة قميريه بمكيف فريوون <===يممه وشتقول

وكانت الساعه تشير الى الواحدتي والنصف كان يوم الجمعه اللذي يليله يوم السبت اللذي يشبه الى حد ٍ ماه جبهة سواقنا المتعرفطه

دخلت علي امي الجميله وبادرتني بسؤالها بلهجتها الحانيه كالمعتاد<=--(( قال وش يدريك انه تسذبه قال من كبره )) أقوول مليحه: ورا ماتهجعين هجعت عليتس الأرض مليحه ((اللي هي أنا طبعن )) : أيه شاطرتن علي انا بس ولا الدحمي أربع وعشرين تبن يسعسق مع أخوياه ولاتقولين شي
أمي: أهاا بس دحمي نيم يالتسذووبه تووي طالعتن من عنده وهو ياحبة عيني منجطل بالملحق وفاقن خشته خمسه متر <=--- ترا امي اللحين تغززل لاحظووا
أنا: إييييييه مشت عليتس كالعاده حاطن وسايد الملحق يالدرج <=-- هيييه بنت ....! أمتس ياهدره
أمي: انا درج ياقدر الضغط؟
أنا: لاااه تكفيين انتي وخششمتس تقوولين زيدي يأشر لتكسي
امي: هيييه بنت يالعاهر تراي امتس ياوجه الفدغ
أنا: بششري امتس طيب ياووجه العنز <=-- خربت الاخلاق
لا أنا ولا أمي ((صووت من بعيد)): وااحد صفرر لمليحه أم الخلاقيين يمه انتي الحلقه الأضعف آآوت هع هع هع
أنا : <=-- اناقز على السرير من الفرحه يسسسسسسس يحيا العدل يحيا العدل
صووت قريب جدن جدن :والله العالم انه زبيرية أبو الدحمي صفقت على جبهتي
أمي: ساااااااد هذا اللي يرد على امه يالخبله
أنا صار شكلي تسذاا (( ؟?))
أمي: أربضي يامال الحتسه وهذا وجهي تسسان شفتي اتاري العائله عقب اليووم والله مافسسد اخلاقكم الا هوو <=-- ((فاهمه غلط أم الشباب ))
أنا: ربضت وأنا أدق أصبع على هالموال (( أشتكــي لوسادتي دنيــاي وأسمعها تنووح ... كنها جبهتي وجبهتي وينهي منهي معه..! )) خخخخخخخخخخخ خشششششش خخخخخخ خششششش <=-- (( الله يلعن اللي علمتس النووم ياشيخه ))

وماهي الا غمضه وأثر الصبح يجرجر فستانه الابيض واهنآ <=-- (( تسمعين بالبلاغه أنتي وخشمتس ))ههههههههه
وتدخل أمي وبيدها ملاستن كأنها عقد لؤلؤ ٍ على نحر فتاتن جميلتن <=--- أكيد مهووب انا

وطراااااااااااااخ أناصار شكلي تسذاا (( :confused: )) هييييييه وشووو وين ليه؟؟ متى طيب بقووم الله يلعن اللي علمكم أساليب التربيه الحديثه والقديمه والمحتاره <---((يعني لاهيب قديمه ولاهيب جديده محتاره هع هع هع ))
أمي: قوومي وجعن يووجع عدووينتس بلا أنا من اللي لاعبن علي وقايلي اني جبت بنت ذاك اليووم..؟؟
أنا ومازال شكلي تسذاا (( :confused: )): ليش مامليت عينتس ياباسكال مشعلاني؟
أمي: لاياعياشه المرطه هع هع هع <=- ياشين العجز لاقامن يستضرفن على الصبح
أنا: أنا اللي والله مدري من اللي تساذبن علي وقايلن لي أن الأم هي مصدر الحنان والعطف؟؟
أمي: أها بس وش ناقصتس فسحه وأسوويه لتس وغدا وعشا يامال اللي منب قايله <=-- ماذبحن الا هالفسحه والله بالله عليكم بوه بنت بثالث ثانوي تاخذ فسحته معه؟؟ قسسمن ظلم (( والله لولا الله وأخشـى من المنقــود .. لا أرفع قضيه على أمي وفسحتها<<ترا زمننا غير )) ميرر الله كريم الله الله الله عليم الله <=--- ويجيكم مقلع أخووي الدحمي ويرقص سامري وراي ويلحقه ابوووي ونشيل الصبحيه ردح والله وتخربه أم الدحمي وتطب ومافي الا قووة ردح هع هع
بس للأسف تدارك ابو الدحمي المووقف وحس للحظه اللي قبل الأخيرره أنه أبوو وأم دحيم أم وحنا عيالهم <=-- لاه ياشيخه
وأميرر يقلب ويخررب علي أنا والدحمي وناستنا (( أشووفكم انبسطتووا على الردح صدززز انكم رخوم أول ماتشوفونن ارقص ترقصوون اثقلووا <=-- يررقع أبو الدحمي ياحليله هع هع (( يالله كل واحد ياكل فطوره ويقلب وجهه لزريبته او مدري جامعته ثانويته لابووكم لابو من جمعكم)) <=--- بالله عليكم هذا أبوو؟؟؟ لا ويقولون ماهي اسباب دمار الأخلاق؟؟
لا وقاضبين علينا هالفطوور اللي يسمعهم يقوول سفرة تبدا بمقلط الحريم ولاتنتهي الا آخر مقلط الرجال!! كله خبززه وجبن لا والخبز بكيسه والجبن بدولاب المطبخ يعني حنا اللي نسوي فطوور تقوولون عزابيه؟؟
أخووي الدحمي شغل بقرتـه اوو مدري سيارته وراح لجامعته وأنا دقيت على إسلام أباد وقلتله يشغل السياره <=-- إيه أسلام أباد بكيفي قصتي وأنا حره.. هع هع
وأميير ننطلق انا وياوو لثانويتي وخبركم الطريق طوويل <==مرره يعني لابد من الدبخه وفقة الخخشه والشخيير :o
بس اليوم مهيب العاده؟؟ ماش عيا يجين النووم .
وش السوات وش الحيله اتقلب ارفع رجلي على المرتبه كود آخذ راحتي <=--- الله من زين التربيه
وبرضوو عيا يجين النوم <=-- (( تحسوون أن برضوو خاشه غلط؟؟ ))
قلت مالتس الا تقزقزيين السيارات اللي جمبتس واميير افك النقاااب واطلع العيووون المغمصصه قسسمن ولا عيوون قرد يتسلق شجره هع هع .. لا ومن الزين تقوولي امي لاتكحلينهن اخاف عليتس من العين ؟؟
والله ونوقف عند أشاره ويووقف جمبنا ذاك الجيب وووااااااووك يابوووه واحدٍ يطلع القرش من مخبا ابووي هع هع
قلت هي خاربه خاربه خلينا نعميها واميييييير التفت عليه وابد اعررك عيووني <=-- فاهمه السلهمه غلط
وشووي الا يمر ذاك الورع اللي يبيع مناديل الله يخسه ويخرب علينا الجوو الرومنصي وانا اتحراو يطسس ابكمل السلهمه غدييين افتنوه ويحبن همن يخطبن ونتزوج وافتك من اهلي بس مادريت الا جايين الوولد يطق الشباك قلت وش تبي يالله طسس مانبي مناديل <=--- (( الله يلعن من علمتس الانووثه )) امريبتل يطق ويقعد يوومي بيدينه قلت لاحوووول وافتح الدريششه قلت وش تبي؟ قال خوذي (( ويعطين كرتون المناديل )) هذا الولد اللي بالجيب يقوول امسحي عيوونتس الله يمحقتس ويضحك ولد التسلب ويهج <=---- قسسمن لو انا منه تسان ارسل تفله مع الولد مهوب منديل هع هع أجل بالله عليتس هذا شكل اووونثى؟

وتفتح الاشاره ونمششي وانا محبطه ومقفلتن اخلاقي .. وشوي الا توقفنا اشاره ثانيه قلت لابووكم لابووو من علمكم النظام تسسمعوون بالاشارات انتم أسلام أباد أمشش اقطع الاشاره؟
إسلام أباد: لامايقدر انا بعدين سووي مخالفه
أنا:قلتلك امشش لا بالكاس <=-- كل مايطري على البال بسيارة الدحمي للنقل البري هع هع
أسلام أباد: لا بعدين مشكل ايس هادا سووف شرطه وقف هنا
أنا : أبد ازهله خله علي.. أجل يضحكوون علينا ويوقفونا ربع ساعه يقوولون اشاره؟؟ اي أشاره يبوو .؟ لا هذي خطه يهووديه أكيد <=-- تسمع بالأستذياب هع هع هع
امشش بس امشش واميير يمشي والله ونقطع الاشاره وشووي الا اسمع صوت الدووريه (( قق )) ياراعي المازدا المووف المقلمه بأصفر أصفط على جنب ههههههههههههههههههههههههههههه<=--- مدري وش يضحك عليه راعي الدووريه ؟؟ <=--- ايه والله مدري ليه ؟؟ مهوب على لون سيارتنا اكيد هع هع
أنا: لاتوووقف أجل يضحك ابن التسلب والله مانووقف <=--- تأثير الافلام على عيال الدحمي
واميير يخربه اسلام اباد ويدووووس وانا بعباتي من باب لباب تقوولون حبة كيرم هع هع
الدووريه : وقف ياراعي المازدا احسن لك
أنا: أطل مع الشباك:: محنب واقفين وش عندك ياوجه الضفدع هع هع
الدووريه: ترا بيكبر المووضوع وقف احسن لك انت وهالجدار اللي معك
أنا: خله يكبر ولاكبر صوور معه <=-- (( تستضررف وجه الركبه )) وبعدين لاتقول جدار الجدار انت ياحووش مزرعة عمي حموود
والله وندزززز أنا واسلام اباد ونضيعهم بالحوواري.. ونبدا نهووجل بهالحواري وامر يطلع أسلام أباد دخان من مخباه (( دخان ابو بس )) ويمدلي سيقاره.. أنا: لاشكرآ جاك انني لا أدخن<==يؤ
أسلا م أباد: أووو هل تركت التدخين ياوجه الروكبتي
أنا: انطم طمك الله
ويووم حسسيت ان اسلام جازتلووه السالفه امر ينغزن قلبي منه وافتح الباب وقلت انززل ياوجه الثوور
اسلام: لييس مدام انا ايس سووي هنا
أنا: انززل نززل عليك غضب ربي
اسلام اباد : طيييييب ياوجه الركبه ان ماعلمت ابو الدهمي ماكون اسلام <=--- (( قسسمن مهيب حاله حتى السواق يعررف معيارتي))
واميير اجمع لي نخامه واتفله بخشتووه جزائن لووه وردعن لامثاله!!! أجل يعررف معيارتي هالخسسيس
وانا اللي اسكر الباب وادززز<---- متعلمه السواقه والتطعيس من ايام الطفرره
الدووريه وصووت السفتي يعم ارجاء الحاره: وي يو وي يو وي يو
أنا : طاااااااااط طاااط طاااط <=-- هبي يابنت الدحمي سووويقيه ولا ابوو زقم هع هع هع
الدووريه قفطتن بجهاز القفط <=--- لعنبووتس وش فايده شهاداتس اللي مالياتن الدرووج
<=-- اجل جهاز القفط ياوجه الركبه هع هع
الدووريه: وقفي يالشهباء لااصدم سيارتس عساتس الماحق والساحق والبلا المتلاحق <=--- تقل تقل تقل صار من الجماعه
أنا: أها بس ياوجه البووم ياالكرتوون الفاضي ياالضب الداشرر <=-- وووين يام الشباب جالسه بشات أنتي؟
وامييييير ماحسيت الا دووريه من قدامي صكتن ليين دخلت جبهتي براسي <=-- منتب عاقله يابنت الدحمي أجل مرسلين دوورييتين علشانتس؟
والله وينزلوون وبالفرد يالله أطلعي من السياره ولا نبي نطلق عليتس
أنا: طلعت من تحت المرتبه الار بي جي
أجل تبين أطلع ياوجه الفقمه؟
الشرطي: نقزز ورا سيارتووه هوو وخوويه تقوولون عسيب نخل ويفتح المكرفوون ويبدا يثاغي ((سلم نفسسك سلم نفسسك )) <---- تحسوون انهم مسجلين بالامنيه علشان هاللكلمه هع هع
أنا من ورا السياره : تهبى تهبى تهبى
وأميرر يمر من عندي ابوو هنوود بدبابه والله وماتعوو ق معي بحركه فيسلولوجيه واسدحه بالشارع واركب دبابه وادززز والله وطرردي انا والدوريه وفجعتن
دووووووووووووووووووووووووب
<=--- خبزززت بواجهة محل كبده
والله ويحجروونلي عيال التسسلب ويكلبشوون ايديني ويقعد واحد ٍ عصقوول يقرا علي (( لك حق ان تتكلمين ولكن الافضل ان تلتزمين الصمت لأن كل ماسوف تقولينه هنا سوف يستخدم ضدك بالمحكمه ياوجه الركبه ))
أنا: قضيت من الحتسي؟
العصقول:إيه
أنا: بششر امك طيب هع هع هع
العصقول: أمتس أقرب ياوجه الركبه هع هع
أنا: طيب أموووت واعرف وش يدريكم ان معيارتي وجه الركبه؟؟؟؟؟؟
ووووووووووووووووبس


ملطووووش


خويتكم : النظره {3 }

يسلمو النظره الخجوله
على القصه الحلوووه
تسلمي الغاليه

تسلمين حيبيتي والله يعطيك العافيه

ننتظر جديدك
باذن الله

يسلموووووو

أمي: أربضي يامال الحتسه وهذا وجهي تسسان شفتي اتاري العائله عقب اليووم والله مافسسد اخلاقكم الا هوو <=-- ((فاهمه غلط أم الشباب ))
أنا: ربضت وأنا أدق أصبع على هالموال (( أشتكــي لوسادتي دنيــاي وأسمعها تنووح ... كنها جبهتي وجبهتي وينهي منهي معه..! )) خخخخخخخخخخخ خشششششش خخخخخخ خششششش <=-- (( الله يلعن اللي علمتس النووم ياشيخه ))

ههههههههههههههههههههههههههههههههههههه
هههههههههههههههههههههههههه

حليله ام دحومي فاهمه غلط

ههههههههههههههههههه

مشكوووووووره عيوني السالفه طويله قريت نصها

سلامي لج

احب اول اقدم جزيل الشكر لكل<<<<ياشين اللي تتفلسف
من قرا الموضوع واللي قروا نصه بعد
وبشكركن من جوات ألبي على الردود
خويتكم : النظره {3 }