السلام عليكم
--------------
دخلت هنادي الغرفه وولعت النور وجلست تسمع المسجل وحطت على mbc-fm ، طبعا ولعت المكيف وكان كل شي تمام وهي كانت مرووووووووقه مره ومحد قدها ، المهم جت اغنية (ياحظه) لعلي بن محمد ، وبدت الاغنيه ... ياحظه ياحظه ياحظه ...وروووقت هنادي ورفعت صوت المسجل وصار الصوت عالي ومع الروقان هذا طلع لها الكابتن (الصرصور) من بين الاشرطه لا وكابتن طيار بعد اسود رجوله طوووووال جاها شاطف الجدار وطلع فووووق الجدار وهنادي من الروعه يبست ولا قالت شي وحطيت يديها على فمها وسريع سريع على الباب وانحاشت وهي تصااااااااارخ يمااااااااااه يماااااااااااااااااه ...وامها تاكيه في الصاله تشرب شاي وتتفرج على التلفزيون ...يمه يمه يمه ظاطوووووووور الحقيني (هنادي من الروعه مافرقت بين الكابتن وبين الظاطور) ظاطوووور كبير يمه ..قالت امها مقدر عليه ..قالت هنادي صرصووووور يمه صرصوووووووووووور
طلت على الغرفه مره ثانيه وناظرت قدامها الا الكابتن طااااح على الارض !!!!!!!
طبعا انحاشت من الغرفه وتركت كل شي مثل ماهو وسكرت الباب والمسجل صوته عالي وعلي بن محمد يقول ياحظه اللي سكن قلبك ..... قامت هنادي تنادي ريم وعلمتها بكل شي وقالت ريم والله ما انام فيها اليوم الا بعد ماتطلعونه حي او ميت وقالوا بنام بغرفه ثانيه
راحت امهم تدور الصرصور تبش وراها مالقته نفظت السرير وكل مكان ولا لقت اثر للكابتن
جت الساعه 2 الليل وقام اخوهم نواف ومعه مكنسه ونعال ودخل يدور الكابتن ...والله من هنا ومن هنا والله مالقى اي اثر للكابتن
قالوا خلاص شكله طلع من الطاقه ..وجلسوا كلهم يكملون السهره بالغرفه ..تاكين وشاي ووناسه بس ريم مو مرتاحه كل شوي تتلفت يمين يسار فوق هنا هناك (طقها الوسواس ياعيني) مسكينه حاسه ان الكابتن موجود والبنت مو مرتاحه اللي يكون بعونها
المهم جلست ريم على سريرها ونفظت البطانيه عشان تمدد وتتريح شوي الا والكابتن ناشب في فراشها ههههههههههههه شهقت ريم بدون اي كلمة وطلعت عيونها من الخوف وبعدها صرخت وهنادي من الصرخه فزت من فراشها وعلى طوووووول بدون ماتشوف شي طلعت من الغرفه وسكرت على ريم ونواف الباب وهي ميته ضحك ومرتاعه ....ريم مسكت نواف من ظهره وحطت راسها على ظهره وهي تصااااااااارخ وانقلب الصراخ الى ضحك طلعت ريم ورا هنادي وهات ياضحك برا الغرفه ومن كثر الضحك طاحوا على الارض وقالهم نواف هاتوا اقرب نعال بسرعه والله ويديه وحده الا راح فيها الكابتن الطيار وانتهت قصته في قرطاس وبرا البيت وريم تقول ارميه رميه شنيعه
وفي النهايه تمت عملية الابادة للكابتن اللي روّع البنات اللي يهديه

ياحليلهم هالعائله

من فصائل الخكر والمتخنكرين

هذولي اللي الضب يبي يسويلهم بلاوي مو حلات مشرفنا النوافي اللي مايخاف من الضب .

ههههههههههههههههههه

فشفشه

اي والله .. هذا صرصور مو لعبة .. والله لو انا اسوي اكثر من جذي حتى لو ميت .... لا و بعد يطير .

شكرا على الموضوع ... والله لا يوري هالموقف لاحد .. ترى الصرصور ما يغشمر خصوصا الكشخة الطيار ..

لا الزهيويه مايتغشمرون من زمان .

هالبنات على بالهم حساسات ولا حساسات حريق ناعمات حيل واهن اللهم عافنا اللهم لا تسلط علينا بذنوبنا من لا يخافك فينا ولا يرحمنا اذا تحارش وحده فيهم يطلع لها قرون استشعار عن بعد وتنقلب الاظافر الى مخالب واللسان الحلو الى منشار يقطع كل شيء يوقف بويهه والنعومه تنقلب الى حراشف حرباء جبليه .

يمه منكن يالبنات تخوفون ديره بل بلد بل دوله بل مجلس تعاون بل شرق اوسط بل عالم عربي بل قارات ومجرات .

فيشو

تسلم يافيشو على الرد الحلو



تحياتي