انهيار عصبي بسبب هذي القصة

بسم الله الرحمن الرحيم



هذي القصص صارت لي انا وخوي


يوم من الايام عزمنا على اننا نطلع البر واتفقنا على اليوم والوقت بعد صلاة العشاء المهم ركبنا الدتسن وطلعنا البر ومشينا بالسيارة تقريباً مسافة 25 كيلو وكل هالمسافة رمل(طعوس)واختفت انوار ديرتنا المهم غرزنا حوالي 5 مرات ولكن طلعنا بفضل الله ثم بفضل خوي اللي كان سواق محترف ولكن طبينا في طعس وكنا مشغلين المسجل على ابو نورة الطعس اللي غرزنا فيه كان فوق طلعة وحنا غرزنا في نزلة الطلعة تخيلوا اول مانزلنا على النزلة انطفت السيارة والظلام كان دامس والله خوي اللي بجنبي مااشوفه وبعد ماانطفت السيارة قام خوي يحاول يشغل السيارة ولكن بلا فايدة والمكان اللي غرزنا كان مشهور بالجن وصار اللي ماتوقعناه ابداً سمعنا صوت خبط على صندوق السيارة وخوي المسكين من الخلعة اغمى عليه وكنا جايبين مويه معنا المهم فكيت المويه وصبيت على وجه خوي المويه وفاق طبعاً انا لاتسالوني وش شعورك في هذيك اللحظة لاني كنت خايف مرة فجاة اختفى الصوت ونزلنا من السيارة وناظرنا في الجوالات مافي ارسال ولاعندنا شي ندافع فيه عن انفسنا صكينا ابواب السيارة وتركنا انوار السيارة شغاله علشان نرجع لها اذا لقينا مساعده المهم مشينا وحنا ولله دربنا مانشوفه وخوي لو مو ماسك فيدي والله ماحس فيه جنبي وطلعنا فوق جبل على امل نلقى ارسال بالجوال لكن مافي ارسال ولكن شوفنا شي خفف الخوف اللي فينا شوي شوفنا انوار ديرتنا ولكن بعيده رجعنا طريقنا وحنا نازلين من الجبل صرنا نسمع صوت من فوق الجبل يقول لاتتعبوا انفسكم اترحموا على انفسكم انا خفت على خوي انه يغمى عليه وبكذا ماقدر اتصرف لكن مااخفيكم اني قعدت ابكي من الخوف المهم تملكت نفسي وفعدت اقر اية الكرسي وشوي من الادعية وخوي مثلي مشينا باتجاه السيارة وحنا ميتين من الخوف ومافي غير الدموع اللي منا رجعنا السيارة وطلعنا فيها وشغل خوي السيارة والحمد لله اشتغلت ولكن السيارة في نفس الوقت مغرزة وكانت على نزله المهم ماراح تصدقوا ان السياره على وراء بتمشي وعلى قدام مابتمشي وحاولنا فيها لين ماطلعت المهم مافي غير دعس دعس ورحعنا ديرتنا واحنا سالمين غانمين وبعدها خوي جاه انهيار عصبي ووديته المستشفى وبعدها حرمنا على على ابفسنا الطلعة للبر.

















كنا جالسين مجموعة شباب والوقت كان 3 فـ الليل وبعد شوي الشباب سرو(كل واحد راح لبيته)الا انا وخوي المهم جالسين نسولف وفنص الهرجة سكت خوي وقلت له وش فيك مايرد علي ورديت عليه مرة ثانيه ومايرد قام وطلع السيارة بسرعة انا خفت لايروح عني علشان الوقت متاخر والدنيا ظلام في نور خفيف طلعت ومشينا اكلمه مايرد عليّ نزلني عند البيت ومشى وبعد شوي رجع لي ورحنا نفس المكان اللي كنا جالسين فيه وقلت له وش فيك قال يوم كطنا جالسين سمعت واحد يناديني باسمي قلت له علشان كذا سكت قال ايه انا طبعاً ماصدقته لكن حلف بالله قلت له طب انا مسمعت احد ناداك قال ماادري بس في احد ناداني المهم انا مت من الخوف وقامت رجولي تتنافض وقلت له امشي خلينا نغير المكان ووقفنا جنب البحر والوقت4 في الليل شوي سمعنا صوت شباب يدقون على العودوالدربكة فجاة الصوت يقرب ويقرب اكثر وخوي فتح بابا السيارة وصك وقفل الباب بسرعة وشغلا لسيارة وشغل السيارة ومشى بسرعه وقلت له وش فيك قام خوي يبكي قال والله اني سمعت الصوت عند باب السيارة قلت معقول والله المهم الدعوه صارت جد وللعلم ان هذا كله صار وانا ماسمعت شي وكل منا راح لبيته.













كان يوم زواج ولد عمي وبعد ماخرجوا المدعوين من القصر اخر الليل كان بيتنا قريب من القصر بس مو هذاك البعد وراحوا الجميع طليت انا لحالي ورحت على البيت على رجولي وكان بيتنا في مكان مظلم المهم وانا ماشي لمحت ان في امراة قدامي قلت في نفسي يمكن هذا مراء خارجه من القصر ولا رايحه تصلي علشان وقت الفجر قرب هذا كله صار في مكان مظلم المهم مشيت من جنب الحرمة ولاطالعتها وبعد شوي شفت الحرمة تمشي وراي انا بدايت الامر خفت سارعت في مشيتي والحرمة مازالت وراي شوي توقعوا وش صار؟؟؟؟؟

























الحرمة اللي كانت وراي شفتها قدامي :eek: شوي وماتشوفني الاحاط رجولي وشردة على البيت وكمان اللي زاد خوف اني عديت من نص الحرمة ولا شي ردني المهم وصلت البيت وكنت بفك الباب ولقيته مقفل قلت في نفسي هذا وقته وكان جنب باب البيت عداد الكهرباء واتسلق عليه وطبح في البيت والحمد لله على السلامه.

























ان شاء الله تكون القصص اعجبتكم مع اول مشاركه لي وشكراً

مشكور أخوي على القصص والله أنك خوفتني بس بنفس الوقت أحب أسمع هالسوالف

حشى أنا مو بنت صايره عنتر بن شداد

مشكوره ياخوي على القصص اللي رعبتني بس الصراحه حلوه............يعطيج العافيه.......وبما إنك جديد في المنتدى فأقول لك هلا فيك في أسرة قلبي..........



تحياتي.....:)