بيت العائله

[color=skyblue]في دولة الكويت وفي منطقة من مناطقها وتحديدا منطقة مشرف في بيت كبير تعيش فيه ام خالد وعيالها وحريمهم هالبيت اساسا بيت ورثة لان بو خالد مات الله يرحمه وترك البيت لمرته وعياله ام خالد عندها ولدين وثلاث بنات اكبر وحدة:
ام ناصرمتزوجة طبعا وعيالها ماشالله 12 بس احنا بهالقصة راح نتطرق لبعضهم بس.
خالد "ابو سالم" متزوج وعندة ثلاث بنات وولدين بنته الكبيرة الي راح تدور معضم احداث قصتنا حولها اسمها أوضاح عمرها 17 سنة حلوووة وطيبة ومرحة تحب النت والكتابة. وعقبها سالم عمرة 14 وسلمان عمرة 12 وروان عمرها 6 سنين وشيخة اضغر وحدة بالبيت ودلوعه البيت كله عمرها سنتين بس سوالفها تونس وتضحك وماتنمل.
وولد ام خالد الثاني اسمة سعود صج انه اصغر من خالد بس تزوج قبله وعنده ولدين بس محمد عمرة 18 سنه يحب أوضاح ويموووت فيها بس هو طبعه كتوم عشان جذي اوضاح ما تدري عن حبه. وصالح عمره 16 سنه دمه خفيف هذا ولد عم اوضاح واخوها وصديقها يعني ربع ومتعلقين ببعض حييل.
والبنت الي ورا سعود اسمها انوار حلووه وملامحها هاديه وناعمة ووجها طفولي عمرها 21 مو متزوجة مع انه تقدم لها خطاب واجد بس هي ترفضهم لان توها تدرس هندسة كمبيوتر.
والي بعدها اسمها العنود عمرها 19 طيبه وقلبها كبييير بس ملقوفة وتحب قعدات الحريم والعزايم والهياته ومو مهتمة بدراستها يالله تخرجت من الثانوية وقعدت بالبيت.
على فكرة العايله بدوية كويتية اصيييله
خلصنا تعريف العوايل نبتدي القصة

ام سالم: اوضااااااح اوضاحووووه وينج يالله اخرتيني السوق بيسكر
اوضاح: نعم يمه
ام سالم: هـــــــئ للحين مالبستي شتنطرين
اوضاح: يمه يمه شفيج لحظة كليتيني منو بيروح معاج
ام سالم: انا وانتي وخالتج
اوضاح: خلاص روحوا ما تشوفون شر هونت كلكم عجايز طلعتكم ما تنبغا
ام سالم: ياعلج شقول مأخرتني كل هالمدة والحين تقولين "وهي تقلد صوت بنتها" كلكم عجايز والله محمد عجزنا غيركم
اوضاح وهي تبي تطفر امها: ياربي ما ادري متى بتعترفون انكم كبرتوا وعجزتوا
ام سالم اوضاحووووه

عاد ابغى ردودكم واكمل الباقي

تشاو{4 }

تسلمين لمو

عاد لو شوي مطولة علشان نشوف

عموماً يعطيج العافية

تحياتي

وقعدت اوضاح تسولف مع صالح وبعدين قعدوا على النت لين دخل عليهم سعود
سعود: ها ياعيال شتسووووون
اوضاح: هلا بعمي هلا والله وتقوم وتحبه على راسة
سعود: هلا فيج هلا ببنت اخوي الملسونه
اوضاح: ملسونة بس مزيونه عادي شي يغطي على شي ههههههههه
سعود: ههههههههههههه من ناحيه مزيونه مزيونه طالعة على عمج
صالح: اوهوووو العالم قاموا يمدحون روحهم ونسونا اقول يبا نحن هناا عمي رجع معاك
سعود: اي رجع
اوضاح: خلاص انا استأذن بروح اشوف ابوي
سعود: اذنج معاج يبا صالح وانا ابوك وين اخوك محمد
صالح: والله ما ادري عنه توه كان معانا بعدين طلع فجأة
سعود: هالولد ما ادري شفيه الله يهديه بس

وعلى هالحال مر اليوم في بيت العايله


اليوم يوم الخميس يعني يوم الزوارة وتجمع الكل في البيت الكبير " بيت ام خالد "
الكل قايم من الصبح والحين قاعدين كلهم بالصاله ابوسالم ومرته وعياله وسعود ومرته وعياله مع امهم وخواتهم انوار والعنود ينطرون ابو ناصر نسيبهم واختهم ام ناصر وعيالهم

دخل ابو ناصر وسلم على الكل وراه ام ناصر والعيال والكل قام يسلم ولما جا ناصر بيسلم على اوضاح
ناصر: السلام عليكم وضايح شلونج؟
اوضاح بدون نفس: هلا ناصر انا تمام وين خلود؟
ناصر: افااا الحين انا عندج وتسئلين عن خلود
اوضاح وهي تكلم صالح الي واقف جنبها بصوت واطي: واااي غثيث ودمه ثقيييل شلون متحملينه انتو
صالح: هههههههههههههه حرام عليج حدة طيوب وبعدين ارحميه تراه ذايب اذا كنتي ناسية
اوضاح: اقول اسكت انت جب جب " ناصر يحب اوضاح من كانوا صغار اهلهم هم الي زرعوا هالحب بقلبة من كثر ما يقولون ناصر لاوضاح واوضاح لناصر والكل يدري والحين عمرة 20 سنة عشان جذي محمد المسكين خاش الحب بقلبه "

وتشوف خلود تدخل من الباب وتروحلها بسرعة
اوضاح: هلا والله وغلى بخلودة حبيبتي
خلود: اهلين وضوح شلونج اشتقتلج يالخايسة وينج من زمان
خلود اصغر من اوضاح بسنة يعني عمرها 16 ومتعلقين ببعض حييييييل يعني اكثر من خوان وخلود تحب محمد بس طبعا محمد يدري الا اوضاح

وبعد الغدا كان الجو حلو فطلعو اوضاح وخلود يتمشون بحديقة البيت وشافوا ناصر ومحمد قاعدين ويسولفون مع سالم اخو اوضاح فراحوا البنات يتسمعون من ورى الزرع

ناصر: هلا والله بالنسيب شلونك سلوم شخبارك
سالم: طع هاذا سواني نسيبة بعد
ناصر: اي اكييييد يعني انت نواي تزوج اوضاح اختك واحد غيري
سالم: لالا يبا مانقدر اخاف تسوي بروحك شي ولا تنتحر
ناصر: هههههههههههههههههه
وطبعا محمد قاعد يسمع ويحس بنار تشتعل بقلبة

اوضاح تسحب خلود بعيد عنهم وهي معصبة
اوضاح: قططططططع سمعتيه شيقول حيل واثق افففف ما احبه ما احبه
خلود: حرام عليج اخوي يحبج وانتي ما تدانينه والله كاسر خاطري
اوضاح: خلودووووة الحين انتي معاي ولا معاه
خلود:لا معاج طبعا
اوضاح: الله متى يجي اليوم الي يخطبني فيه وارفضة واكسر غرورة بس اخاف عمي وخالتي يزعلون
خلود: لا انتي بعد شنو يزعلون احنا اهل بعدين يحظج عندج واحد يحبج ويموت فيج مو انا اتمنى بس نضرة بس الظاهر ماكوا امل
اوضاح: لا حمود خجول شدراج يمكن يحبج بس يستحي يعبر عن مشاعره
خلود: تهقين
اوضاح: اي ليش لاء كل شي جايز
وردوا دخلوا داخل البيت

بعد شوي دخل صالح البيت
اوضاح: صلوح صلوح وين بتروح
صالح: بروح المارينا انا وناصر ومحمد
اوضاح: الله بنروح معاكم انا وخلود والله والله بنفترق جنه ما نعرفكم بس انت كلم امي ما ترضى نطلع بروحنا
صالح: اخخخ المشكله ما اقدر اردلج طلب
اوضاح: يابعد جبدي والله
صالح: اخجل اخجل خلاااص خاتي خالتي انا باخذ البنات بمشيهم شوي
ام سالم: خلاص ياولدي دام انهم معاك ماعليهم شر انشالله
ام ناصر: بس لا تتأخرون يا وليدي
صالح: انشالله ويغمز حق اوضاح
اوضاح: هيــــــــــــــه يالله خلودة قومي خن نلبس
وراحوا فوق وهم يضحكون
ابوسالم: شفت يابو ناصر شلون عيالنا علاقتهم قويه
ابو ناصر: اي والله الله يخليهم لبعض
سعود: ولا يشوفون الي شفناه
وهني الكل سكت حتى الحريم

ياترى شنو الي شافوه ابوسالم وخوانه؟؟؟ الشباب الي بقصتنا ما يدرون وانتو بعد ما تدرون بس بتعرفون بالاجزاء الجايه


في المارينا

صالح: اوضاح لما ادق عليج تلفون تجون ستاربكس عشان نقعد شوية ونطلع
اوضاح: انشالله ولد عمي تامرني بشي ثاني
خلودوة: هئئئئ غريبة اوضاحوه هاديه وما تلاسن
صالح: لو ادري ان الطلعة بتخليج هاديه جذي جان كل يوم طلعتج
اوضاح: يالله على ايدك انا ما اقول لا طلعني
ناصر: ديروا بالكم لا تضيعون ههههههههههه
اوضاح تقول حق خلود: سخييييف وتافه
ويتفرقون الشباب والبنات وكل واحد يروح يتمشى ويشتري

ولما كانوا البنات يتمشون مروا صوب كوفي شوب كله شباب وقال واحد منهم
الصبي: اااااه ياقلبي شهالجمال لازم تكون صاحبته بدويه وقعد يغني يابدويه عذبيني جننيني
اوضاح الي معتزة بداوتها حييييل لانها تربت على هالشي قالت وهي معصبه: انا بقولك معلومة تفيدك بحياتك البدويت تاااج تحطة فوق راسك
وخلود تسحبها: بس اوضاح تكفين خلينا نروح
والشباب قعدوا يصفرون ويسوون ازعاج ومحمد كان قريب وسمع الازعاج ولما التفت شاف صبي واقف عند اوضاح وخلود فراح لهو ركض
محمد: هي انت شتسوي
الصبي: وانت شعليك
محمد: انا ولد عمهم يالصايع
لما سمع الصبي انه ولد عمهم انسحب محمد كان بيلحقه بس تذكر البنات والتفت

محمد: اوضاح سوالج شي قالج شي
اوضاح: لا يخسي
خلود انصدمت من ردة فعل محمد بس يسأل على اوضاح بس يبي يتطمن على اوضاح وانا؟؟ بس بعدين قالت اكيد شاف اوضاح هي الي ترد عليه فخاف انه غلط عليها

محمد يالله يالله بنروح البيت ويدق على صالح وناصر

بسيارة محمد وهم رادين البيت كان الجو كئيييبب
خلود: اففففففف والله انا ما احب اروح سوقه قلبي يعورني كله شباب وبنات ما عندهم هدف غير المغازل احس ان ربي غاضب علينا
اوضاح: اي والله الوضع يعور القلب بس احنا شنسوي شعلينا منهم يعني ما نستانس
وعشان تطلعهم من الجو الكئيب قالت: حمود سمعنا شي يفرفش ويطلعكم من هالجو
وحط محمد شريط راشد الماجد اغنيه من يقول وقعد ناصر يغني معاه ويأشر على اوضاح وهي قاعدة وتطالعه باشمئزاز وصلوح وخلود يطالعون بعض بنظرات خبيثة ويظحكون
اوضاح: محمد حط لنا اكأب شي عندك ولا اقولك خلاص طلع الشريط ما نبي نسمع شي
وهني انفجروا خلود وصالح ما قدروا يتحملون
صالح: ههههههههههههههههههههههههههههههههههههههههههههه عصبت عصبت
خلود: هههههههههههههههههههههه واي بطني بطني عيوني تدمع من كثر الضحك ما اقدر ههههههههههههههههههه
وناصر يقول بقلبة: يااااااه يا اوضاح لهدرجة ما تحبيني بس ما عليه بصبر واشوف


عاد يله ابغى ردود

تسلمين يالمو

ننتظرك لا تتاخرين

خلوووودي

اوة الصراحة انا جذي باتشتت كل واحد مايكمل قصته .. انا مب قاريه القصة الحين .. واذا اكتملت دزولي مسج اوكي