اتكل على الله واشتغل رقااااااصه

[ALIGN=CENTER]سين واحد انتر


يالله ولا تزعلون كتبت لكم موضوع اليوم وانا مالي خلق علشان تتصبرون لين انزل الحلقه الخامسه من المسلسل الهندي


<----<< يارجال اي يتصبرون اشوى انهم مايدرون وشو المسلسل


المهم ........

بدون مقدمات وكلام فاضي لاني مالي خلق اتفلفس

<<< يبي يدخل بالموضوع دوووغري

يقولون ليش البطاله موجوده بالسعوديه رغم انه بلد بترولي وغني ؟؟

مالومهم ماشافوني وانا ادور وظيفه اليوم الصبح ومعي احد الجنوط ويدعى (( زاحف على بطنه )) اعزكم الله
خ خ خ خ خ خ خ

اليوم وفي الصباح الباكر واثناء تغريد الحمير ونهيق البط صحيت على نغمة الجوال ولاتقولون اني اشخص واعلمكم ان معي جوال لانه وربي يعلم انه استقبال خخخخخخخخخخخخخخخـ ماعلينا

اتصل علي السطل زاحف لاننا متفقين نروح ندور وظيفه في احد الشركات ورديت عليه من غير نفس لاني كنت نايم وخرب علي حلم رهيب يعني مابقا الا خمس دقايق واتزوج بالحلم بس الله يهديه وجه نحس خرب كل شي :mad:
قال ياربع كبسه يالله في الحركه بركه قم الله ابوك نبي نلحق نشوف لنا شغل بدال التلحيط والسربته قلت طيب دقيقه لين اصحصح واجيك .

لبست شلحتي وطلعت وانا اردد [[ صبح الصباااااح فتاح ياعليم ,,,, والجيب مافيهشي ولا مليييييييييم ,,,, بس المزاق رايئ وسليم ,,,, باب الامل بابك يارحيم ]] واهم شي في هالاغنيه الشطر الثاني وهو الجيب مافيه ولا مليييييييم وجيبي مافيه الا خمسه ريال وهي عباره عن فسحة اخوي بالمدرسه زرفتها وهو طالع ..... ماعلينا
انا بصراحه اتفائل بالاغنيه هذي وكل بتله اشغلها وانا طالع الصبح .
المهم قابلت خويي وكل واحد فينا قام يبوس الثاني احتفالا بهذا اليوم البهيج وطلعنا على الشركه !!!!!!!!

دخلنا الشركه وكلنا كبرياااء وشمووخ ودلااااخه وكل واحد ماسك ملف علاقي وعليه المؤهلات <<< امحق مؤهل

مؤهلات ربع كبسه :

1/ سوبر احمر بشات قلبي
2/ ثانويه عامه بتقدير ممتاز.
3/ سواق للحريم يوديهن للسوق علشان يعطنه قروش البانزرين.

المهم دخلنا الشركه بروح مفعمه بالحيويه والتفاؤل (( ياناس مفعمه متعوب عليها وربي )) وكل واحد فينا طاق ذيك الترسيمه واللي يشوفنا يقول ذولا مضيعين اسواق الفيصليه (( طرررررررر طرررررررر )) <<< يشرب بيبسي

ماعلينا نكمل
دخلنا على المدير وقدمنا اوراقنا وشاف الوجيه السفره وبيني وبينكم انا لمحت له اني طفر111ن وقلت ياطويل العمر جوالي استقبال والجيب مافيه الا خمسه ريال وابزود عليه نص عشان اكمل حق الدخان ...... هو بهاللحظه رحمني وقال ياشباب حنا محتاجين موظف واحد في الوقت الحالي ؟؟؟؟؟؟؟

التفت انا لخويي وخويي يناظرني بنص عين ^_* وانا توقعت خويي يصير محترم ويقول ربع كبسه انت لها ! بس طلع خويي مثلي وماصدق خبر !!!! اقول يا ابن الحلال وين الايثار وين الاخوه يقولي دنــ بذ111111ك مافيه ايثار الله ابو الصداقه الي تعرفها .

نقز في حلق المدير وقال تكفى ياطويل العمر انا طفر111ن وهذا يمديه ينتظر لين تجي وظائف شاغره
انا بهاللحظه قلت علي وعلى اعدائي بلا خوي بلا كلام فاضي
نقزت بحلق خويي اترجاه يازاحف تكفى انت عارف ظروفي لاتخرب علي وانا وانت اصدقااء من سن الطفوله ماتفرق بيننا وظيفه .
زويحف عنيد وانا اعند منه ومع كثرة الكلام والشيل والحط مادريت بنفسي الا وانا ماسك العقال وماحط زوويحف مع ظهره .
زاحف موب صاير اطيب مني فصخ نعاله وبدا يحلت علي وقمنا نتضارب بوسط المكتب والمدير جالس يضحك هو وسنونه الصفر ...

استمرت المعركه لمدة خمس دقايق وكل واحد فينا يمحط بالثاني لين ماقفلت اخلاق المدير وخربنا عليه المكتب وجبنا عاليه واطيه وقلبنا ام الملفات وفصلنا اسلاك التلفون وطاله شوي من الضرب .... ساعتها دخلو البودي قارد وهم عباره عن اربع افغانيه محملين بالعده والعتاد ومحطو فينا وسحبونا مع ارقابنا وطلعونا على رصيف الشارع .
وقتها بس عرفت ان الشعب السعودي اللي من نمونتي انا وخويي هم السبب الرئيسي بالبطاله وحتى تحرير هذا الموضوع انا متلحط بدون وظيفه وخويي برضه نفس مصيري والله الهادي الى سواء السبيل .

القرارات اللي اتختها بعد هذا الحدث كالتالي :

1 _ اتكل على الله واشتغل رقاااااااااصه .

2 _ اقطع علاقتي بزاحف على بطنه مع محش جميع الارقام .










وعلى درررروب الضحك والصرقعه والفرفشه والهبال نلتقي



ترقبوا الحلقه الخامسه من المسلسل الهندي بو خالد وعاشقة الشرقيه <---<< كل هالموضوع علشان هالكلمتين



تحيــــــــــــــــــــــــــــاتي

ربـــــع كبســـــه



برب[/ALIGN]

وين ردودكم انت وياه وياها ...............؟؟ <---------<< ماكتب هالكلمتين الا علشان يطلع الموضوع الصفحه الاولى هههههههههههههه



بس بصراحه انا سبق وقلتها قهر والله قههههر ...!!

والله ياقلبي


الموضوع ناخذه من باب الجد ياقلبي

اوكيه

الشاب السعودي مستعد يشتغل رقاصه

ولا في محل ملابس نساء

ولا في بنشر

ولا في البلديه

اووووووووووووووووووووو

من الوظائف الحقيره


بس لى سوال


الراتب لو يكون

2500

تسديد الجوال 500ريال

البنزين 1000

المغسله 250

البقاله على شان الدخان 250


البوفيه 200 ريال


حق الطلعه ويا الشباب 50



الشايب 250


الراتب راح وطي


وين التكافوووووووووووووووو


في راتب السعودي على الاقتصاد الى في البلد



وهذا من العوائق في سعودة جميع الوظائف في السعوديه



تحياتي القلب الحس اس

امتنع عن التصويت والسياسه يمين وانا شمال <----<< يخاف من هالأشياء ههههههههههههههههههههه



على العموم مشكووور يالغالي على مرورك وردك

غني مشاء الله عليك
هاذي الايام محد يلاقي حق >>ذا الي تشربونه الدخان
وترى الخمسه الريال تنفع هاذي الايامتشتري فيها......
ربيان نسمه
كوكا..
حب مصري
وعلك
وبطاطس تسالي


لاتنسي الجزاء السادس

تشااااااااااااااااااااو