كيف احوالكم عساكم بخير شباب وشابات المنتدى


والقصة الثانية بعنوان .........................
بما احن افي وقت امتحانات نكتب قصة ظريفه على الامتحان والله يوفق الجيمع ونخلص منه بسلام

اسم القصة يا طويلين العمر (((( امتحانات واهانات )))
الله يعين الطلبة على الامتحانات وضغط الاهل عليهم . احنا بنلاقيها منين على قوله االاخوه المصريين ...
امس الصبح دخلت علي امي وانه آطالع مسلسل فكاهي وآتضحك . قالت : مالت عليج .. الناس تاكل الكتب وانتي تضحكين ولا بهامج .
قومي يالعله درسي . طالعي فتون بنت خالتج تاكل الكتب اكل وانتي يالخداي تاكلين اليح والبطيخ وتزيدين متن .. صايرة جنج فيله أي فيله خرتيت امكفخ او دوبه مبدرة على السيف .. قلت لها : يمه اشفيج علي اذا انه متينه لانه وراثه المتن منج , واذا انه كسلانه فانتي بعد ماخلصتي المدرسة . عرستي على ابوي الفقير بعد ما سقطي ثلاث مراات في الثانويه ... قالت : بدرة ياويتلج يا سواد ليلتج اذا ماكمتي من جدامي ورحتين تاكلين الكتب .
مسكينه امي ادري تبي مصلحتي ولكن موب هلون تحفزونه على الدراسة !!!!!!
انه قلت بحتج واخلي امي تعاملني احسن .. تحس وش كد ضايكتني ,, ابروحي متملله من الامتحانات .. رحت المدرسة الصبح واكلت خمس ساندويشات علشان لا آكل شي في البيت .. ولما رجعت البيت كانوا حاطين الغدى قالت امي : يالله تعالي اكلي علشان على طول بتروحين تدرسين ... قلت لها : لا يمه انه باروح آكل الكتب احسن !! امي تضايقت ولكن بينت روحه موب مهتمه وقالت: احسن علشان تضعفين اشوي ؟؟؟ انه رحت غرفتي ادرس لكن انحاس حق امي لوت قطع صغيرة من الكتاب وحطيته في حلجي وقمت اشرب عليها شاي !!!! يوم امي بطلت الباب فالليل بعد ما رفض آآكل العشى طالعتي امي هالون وقـــــــــالت : اش تسوين عنزة اشفيج تاكلين الورق ؟؟؟؟
قلت موب هذه الي تبونه .. اذا تبون تنصحونه علشان ندرس وفروا لنا الجو النفسي المناسب والزين .. موب انتوا والامتحانات على راسنا . بعد امتحانات واهانات .... مسكينه امي افهمت غلطتها وضمتني وحبتني على راسي وقــــــالت : مسامحه يا حبيبتي احنا مانبيكم نصيرون مثلنه وعلشان تشدي نحتر لين ماتدرسون . انه باكون معاج وباسوي كل الي تبينه بس انجحي !! أي الحين بدرس من قلبي .......................


واللله يوفقكم ويوفقنا معاكم ونحرز احسن واعلى الدرجات من توفيق اللله ثم دعوات الوالده لينا .....

هااااا سوو زين في المتحانات ها اكلوا الكتب اكل ......... هههههههههههههههههه

انشاء الله تعجبكم هذه القصه وتسامحوني على الكلمات الي مايعرف يقولي ..... وانشاء الله اذا عجبتكم بضع الثالثه بس هذه القصه ماصار فيها مثل ...... خيرها في غيرها


واللله ولي التوفيق

سوسو الحلوة

الاخت سوسو
هونى عليكى شوى
ليش سموها امتحانات
يعطيكى العافيه
باى

الاخت شوشو
هونى عليكى شوى
ليش سموها امتحانات
يعطيكى العافيه
باى

مشكور اخوي المضلوم على الرد ويعطيك العافيه

عيوني الحال من بعضه

هذا امتحانات؟؟؟؟؟؟

على العموم مشكورة

مع خالص حبي