| | | |
| |||||||
 |
 |  |  |
| القصص والروايات المنقولة قصص عربية , قصص أطفال , قصص غراميه , قصه قصيره , قصه طويله , روايات , قصص الانبياء , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء , والكثير |
 |
| | LinkBack | أدوات الموضوع | انواع عرض الموضوع |
11-04-2004, 06:10 AM
| #1 (permalink) |
| ][ حبـوبة المنتدى ][  تاريخ التسجيل: Jan 2004 الدولة: قلب المحبين
المشاركات: 1,503
 |  عندي لكم سالفه حللللللللللللللللوة عندى ليكم سالفه....يله ابسرعه....الى فاله شعرها تربطه ..والى يتكلم بالتيلفون يسكره ويجي يركض....والى والى ياكثر شغلكن يالاعضاء.... يله انبطحو انه بقولكم خوش سالفة.....صلوا على خير المرسلين محمد شفيعنا يوم الدين ان شاء الله...اللهم صلى وسلم عليه...... لاجانا وجاكم...خير لفانا ولفاكم...وشرا تعدانا وتعداكم...زور ابن الزرزور..الى عمره ماحلف ولا جذب زور...ذبح بقره وترس 7 اجدور...وخلا الشحوم ... واللحوم على الصوانى تدوم يقولون كان في ديرة عجوزة اشتهرت بمكرها وخبثها....وكانت مشاكلها ماتخلص.... حتى انها قامت اتنافس الشيطان في شغله...وخربت عليه مشاريعه...واستحمق امنها فجاها في يوم وقال لها:يا تتركين لى الديره الا اتركها!!! قالتليه:اني مانى تاركه ديرتى ... قال ليها: انا عندي حل.... قالتيله: سمعنى.... قال ليها: انتى اتسوين مشاكل وانا احلها....ان حليتها تتركين لي الديره....وانما قدرت اتركها..... قالت: اتفقنا وتفارقو....وراحت العجوز لتاجر...وقالتله: ابيك تعطينى قطعة خام ماليها اخت في الديره... قالها: حاضر بس ليش تبينها نادره؟؟؟؟؟؟؟؟؟؟؟؟؟؟ قالت ليه:اولدي بقدمها لمرة يحبها ومايبي احد يلبس مثلها من كثر غلاتها.... وعطاها التاجر طلبها وراحت....ويــــــــــــن؟؟؟؟؟ لبيت التاجر....وطقت الباب وفتحتيلها زوجه التاجر قالت ليها العجوز: يابتى الاذان اذن والصلاة.. اخاف تطوفنى ماتخلينى اصلي عندش؟؟؟؟؟؟؟؟؟ قالت لهاالزوجة : حياج الله تفضلى......ودخلتها الزوجة وراحت اتسوى القهوه....والعجوز في الحجرة يازعم تصلي...التفتت العجوز الا المره مشغوله قامت وطلعت قطعت القماش النادره وحطتها تحت المخده ... وتقهوت و طلعت.... وجا التاجر كالعاده وتغدا....وراح للغرفه ينسدح الا المخده رفيعة...قام ورفعها... الا الخامه الى عطاها العجوز تحتها...تعكر وجهه واعتقد ان زوجته هي حبيبة ولد العجوز....فنادا الزوجه وقال: اجمعى اغراضش بوديش لهاهلش....المره استغربت وسالته بس مارد عليها والمسكينه سكتت وهذي المشكله الاولى................... نرجع لعجوزنا....العجوز سمعت ان ولد السلطان بمر على طريق بيتها....فقالت في نفسها: وهذي المشكله الثانيه يا ابليس..... راحت العجوز وشرت خلطة عطورات وزعفران وهالطياب الحلوه وخلطتها بالماي.... وقعدت على السطح تنتظر ولد السلطان يمر.....يوم مر وقومى وكبي عليه الماي المخلوط بالعطورات....ونزلت تركض وهى تصيح....العفو ياطويل العمر العفو....................... قالها : على ويه؟؟؟؟؟؟؟؟؟ قالت: بتى ماتدري وكبت عليك الماي مال وصخ شعرها<<..ياعيارتش يا العجوز عــــيارة قام ولد السلطان شم الماي المجبوب على ثيابه....الا الريحة الى تفتح النفس..... وقال في نفسه: من هالبنية الى وصخ شعرها عطر قال للعجوز: بتش معرسه؟؟؟؟؟؟؟؟؟ قالت: لا ياطويل العمر.......... قال: اتزوجينى اياها ؟؟؟؟؟؟؟؟؟ قالت: لينا الشرف ياطويل العمر............ قال : باجر بجيب مهرها..........والاسبوع الجاي العرس......... قالت:...الى تامر عليه يصير ياطويل العمر........ وهذي المشكله الثانيه............ وجت العجوز تضحك........قالت: ابليس قدامك مشكلتين....رجال فارق مرته.......... وسلطان عرس على مره ماليها وجود......راويني جيف اتحلها فكر ابليس واجد لين انفجر راسه......قال ليها: انتين حليها وانا اترك لش الديره بالى فيها...... قالت: خلاص خلك عند هالوعد وجمع اغراضك قامت العجوز اليوم الثانى...واخذت سجادتها...وراحت لبيت التاجر وطقت الباب...... طق طق فتحليها التاجر..يوم شافها تطلعت في عيونه و قالت: ياولدي الزوجة وينهي؟؟؟؟؟؟؟؟؟ قاليها: وش تبين فيها طبعا قااا بلهاا بغضب............... قالت: جيتها مرة ونسيت عندها خامة شريتها لمرة ولدي يحبها...والحين انا جاية.. اخذها بعد ماذكر وين حطيتها.............. طبعا التاجر فرح وعطاها الخامه وراح يركض لاهل مرته...وحمد ربه انه ماعلمها وانه .. ماطلقها.........هذي المشكله الاولى انحلت بقي المشكله الثانيه وش يحلها؟؟؟؟؟؟؟؟؟؟ قعدت العجوز اتفكر وجابت بقشة مكرها ونثرتها قدامها.....وقامت اتقلب الافكار.... العرس قرب والعروس من وين اجيبها؟؟؟؟؟؟؟؟؟؟؟جديه كلمت نفسها............ قالت مالى الا الجن هم الى بحلونها لى............وراحت للبير في الليل...ونقزت داخله.... لقت الجن زعلانين ومحد يرد عليها.......وسألتهم: وش فيكم؟؟؟؟؟؟؟؟؟؟؟ قالوليها: ولد كبيرنا....مريض ومحنا عارفيناعلاجه...... قالت: دواه ان شاء الله عندي....بس عندى شرط............ قالو: اطلبي الى تبينه........... قالت: دبرولى بنت مزيونه من عندكم ازوجها ولد السلطان........... قالو:صار..... وفعلا بعد الله عالج ولدهم.....واتفقت معاهم على ويش؟؟؟؟ تابعو......... جت العجوز يوم الجمعه....والناس اتصلى.....ولد السلطان معهم.....وتجيب الجذع الى وش كبره.....وتقطه وسط <<...البير......وتصيح.....طبعا صوت الجذع داخل البير قوي....وجو الناس يركضون من المسجد وعلى راسهم ولد السلطان.....وش فيه وش فيه؟؟ قالت وهى تصيح: بتى طاحت في البير...<<...عيــــــــــــــــاره.... قال ولد السلطان: انزل اجيبها...... قالت :لالالالا محد يطلعها الا اني اخاف لانها مو متغطية..... وجابو احبال ونزلو العجوز....يوم وصلت لقاعت البير الا الجن جايبين البت إلا تطير العقل...واخذتها منهم....ونادت الى فوق...الحمدلله بتي مافيها الا العافيه...اسحبونا..... اسحبوها هي و البنية الى يعنىبتها ....وحمدو لها بالسلامه....وقالت العجوز: الحمدلله... بتي مافيها الا العافيه والعرس في وقته ياطويل العمر....وطويل العمر فاتح فمه بنت الجن... خذت عقله.....وعرس عليها..<<....ولا في الاحلام.....بس يله... وجت العجوز لبليس وهى تضحك.....وقالت له: وين الوعد؟؟؟؟ قال لها:بتركها لش....مكر العجايز غلب مكر ابليس............ ها وش رايكم؟؟؟؟ ملاحظه: هذي القصه من الاساطير الشعبيه.....والله ان عجايزنا...مثل العسل الله لا يحرمنا... منهم....مسلما ت مصليات....وهذه القصة ...من الخيال...وان شاء الله تعجبكم..... يالله إلي ربطت شعرها تفله.....والى صك التلفون....يقوم يدق ويكمل سالفته...والى والى.. ياكثر شغلكن يا الأعضاء .. تقبلوا تحياتي سوسو الحلوة :):) |
|      |
|
| مواقع النشر (المفضلة) |
 جديد منتدى القصص والروايات المنقولة |
| |
| أدوات الموضوع | |
| انواع عرض الموضوع | |
|
|
العرض العادي
