| | | |
06-03-2004, 10:41 AM
| #1 (permalink) |
| [قلب مشارك]  تاريخ التسجيل: Jul 2003 الدولة: السعودية ---الرياض
المشاركات: 344
 |  وحقوق الطبع محفوظه لاحسن وشلونكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وكل عام وانتم بالف خير مره ثانيه اليوم جهزت لكم دراسة ماجستير واتمنى انه يعجبكم وحقوق الطبع محفوظه لاحسن ------- حديثنا اليوم عن اغنية شهيره من اغاني احلام وهي اغنية أحــــســــن فحبيت اوضح لكم معناه ..ولكن بالتفصيل الممل وراح اشرح لكم القصيده بيت بيت وشارع شارع بس لاتتمللون ونتو في نص الشرح احسن ..مادام انك زعلت احسن ..وعمرك مارضيت اصلن انا حدي وصلت ياما من اسبابك بكيت أحسن ..معناها اللغوي ..افضل ..ولكن في سياق ...>حلوه سياق ، في سياق هذه الاغنية جاءت بمعنى ..ابركها من ساعه ..وبمعنى اخر اعنف شوي من اللي قبل .. بالطقاق وهذا لايمنع ان تكون لهذه الكلمة استخدامات اخرى عديدة منها على سبيل المثال لا الحصر...> ركز على الحصر ،ان تاتي بمعنى التفضيل ..كقولك فلان احسن من فلان ..او خله يولي والله فلان احسن منه...>اي افضل منه وقد تكون كذلك لفظة استحسان ..كقولك لشخص بعد قيامه بالتخميس مثلا او قيامه بحركة مماثله احسن يابوفلان" بمعنى الصراحه بدعت " ولا يمنع ان تكون هذه اللفظة للشماته ..كقولك عند تكنسل موتر شخص تكرهه "احسن" او كقولك ..>للفتاة" احسن " عند سماعك لفسخ خطوبة فتاه ماتدانينها الله يبعدنا ويبعدكم عن المتشمتين نرجع حق محور حديثنا في هذه الابيات يظهر الشاعر عزة نفس كبيرة وجريئة جدا ، ويتضح للقارئ انه بايعها من قلب ومايهمه حد لدرجة انه يتمنى ان محبوبته السابقة ..>على اعتبار ان الشاعر من الجنس الخشن ، يتمنى انها بعمرها ماترضى دام انها هي اللي زعلت ويتضح لمتذوقي الشعر ..>خف علي ، يتضح لهم جانب خفي في هذا الشطر وهو ان الشاعر ربما كان يريد ان يبدا هو بقطع العلاقه والزعل وهذا سبب قوله "مادام انك زعلت" يعني جات منك ولا جات مني ويتضح كذلك مدى زهق الشاعر وطفشه من محبوبته السابقه وكأني به ...>حلوه هذي ، وكاني به قد وصل الى اخر حد "حدي وصلت" ، كذلك ومن جهة اخرى يبدو ان الشاعر يحاول الترقيع واظهار العطف والرقه بعد كل هذا الزف للمحبوبه بقوله "ياما من اسبابك بكيت " وكأنه يحاول استدر عطف القراء بهالكلمتين.....>مشكلة استدرار العطف اتذكر اني فيك قلت شي باقوله واستحيت واليوم لا والله صملت شايل ومبطي ماحكيت في حقيقة الامر فان الشاعر هنا يدعنا في حالة من الارتباك والفوضى النفسية عند تحليل هذين البيتين ، وشو اللي يبي يقوله واستحى انه يقوله؟؟"المعنى في بطن الشاعر"،ولا يوجد لدي تفسير اكثر ...> الللي عنده يفيدنا اول اذا شفتك خجلت معميني الله وانعميت لا جيت اسولف لك هزلت كل الحكي عنه انثنيت هنا يعود بنا الشاعر الى بدايات الحنين والعلاقه اللي كانت تربطه بالمحبوبه السابقه اللي هي ساس البلا "كعادة الحريم دائما" ونرجع حق محور حديثنا لنقول ان هذا المقطع عودة للماضي اللي كان بينهم ويمكن اعتباره وقوف على الاطلال ...>ام كلثوم ،وهو يبين فيه مدى حبه لهالانسانه لدرجة انه مايقدر يتكلم وهي موجود ..>هذا خوف مب حب ،يعني الكلمه توقف وترجع توقف وترجع قبل لاتطلع وهذا لبيان حبه للانسانة آنفة الذكر ...>اربشني ياآنفة كخخخخخ هذي عواقب مافعلت ذق ماتذوقت وشقيت قبلت ولا ماقبلت غيرك له احساسي عطيت في اعتقادي المتواضع بان هذا المقطع هو العمود الفقري للقصيدة ...>من الفقاريات ذلك باعتبار انه قد لخص الكلام اللي فوق واللي بيجي تحت وقد اتى هذا المقطع بما معناه "شوفي يافلانه ..هذي نتيجة ماسويتيه ..وخبزن خبزتيه ..حاسبي لايحترق عليج على قولة المثل" انا عطيتك وجه وحبيتك بس الحين انا زهقت منج ومن عمايلج ،لهذا السبب خل اذوقجالكاس اللي انا شربت منه ، وعلى فكره ....>لازال الكلام للشاعر ، وعلى فكره ترى رضيتي ولا انرضيتي انا حبيت وحده غيرج وعطيتها كل اللي عطيتج وازود بعد ...>هذي من عندي ، والملاحظ هنا شيئين...>هالكلام لي نلاحظ اولا ان الشاعر ماقام يهتم بمشاعر محبوبته السابقه واللي شطب عليها بالبايلوت الاسود لدرجة انه ماهمه رايها ابد بقوله "قبلت ولا ماقبلت" وهذي من وجهة نظري المتواضعه ...>احم هي قمة النقاء اسف قمة الكبرياء عند الشاعر الملاحظه الثانيه نستطيع من خلال الحس والتذوق الشعري اللي مب اغلبية الناس تملكه...>ناس قليلين ونا منهم نستطيع تحديد المكان الذي كتب ...>بضم الكاف وكسر التاء ،الذي كتب فيه هذا المقطع راح تقولون لي وين؟ انا باقولكم المقطع هذا كتبه الشاعر وهو في مطعم ..اي اي مطعم.. ونستطيع ان نستشف ...>هذي رهيبه ، نقول نستطيع ان نستشف ذلك من خلال الالفاظ الموجوده فقوله "ذق ماتذوقت " يوحي لنا بان الشاعر كان في مطعم حزتها ...عموما اذا ماتصدقوني اسالوه وهذا ان دل فانما يدل على شفافية الشاعر وحساسيته ...>جتني حكه فاشل ..دليل انك فشلت دورت مثلي مالقيت رجعت مكسور ونزلت من عقب ماعنك اغتنيت فاشل ..كلنا نعرف هذه الكلمة..اكيد مرت علينا من ايام الدراسة من كثرة ماسمعناها بسبب ومن غير سبب، ولكنها هنا في هذه القصيدة تاخذ منحنى اخر وهي تعني الفشل الذريع في الحياة العاطفية فالشاعر ينعت محبوبته بالفاشله بس لازم يموه شوي فقالها بصيغة المذكر ، ولا شيئ يكسر غرور المرأه اكثر من هذه الكلمة ......>هالجمله مقتبسه ثم يعود بنا الشاعر الى كراسي الدراسة من جديد بقوله "دليل انك فشلت" وكاننا في امتحان رياضيات او ماشابه ..على ايام اسئلة اثبت بالدليل وهالسوالف ويعود بنا ايضا الى ايام المدرسة ليثبت الدلي القاطع على فشل محبوبته الذريع بقوله "دورت مثلي مالقيت" ولو ان هذا الشطر تفوح منه رائحة...>افف ،احم قصدي تفوح منه رائحة الغرور من قبل الشاعر ولكن يبدو ان جنس الحريم ماينفع معاهم الا هالاسلوب ....> وجهة نظره انا مالي خص في البيت الثاني من هذا المقطع تكملة للدلالة على فشل المحبوبه...>نزل عليها نزله مب صاحيه حيث يقول ان محبوبته السابقة فاشله بتقدير ممتاز جدا...>للثانويه وماتحتها ،وايه بلاس ....>للجامعيون بقوله انها رجعت له وهي مكسورة وذليله ..>تكسر الخاطر ،وذلك بعد استغناءه عنها عقابا لها على مافعلته معه في الماضي وهذا ان دل فانما يدل ...> من وجهة نظر الشاعر..<والله مالي خص ، يدل ان البنت مثل الكوره تشوتها ترجع لك ولكن من وجهة نظري المتواضعه ...>احم واللي انا اثق فيها انا اعتقد ان الكوره مجنونه ..فمب شرط انها ترجع لك ..ممكن تطلع آوت او تطلع كورنر وخذوها نصيحه مني للي يعملون بهالمثل ...>قمت انصح بعد ، لاتثق وايد بقدراتك ترى حتى نجوم الكوره الكبار يضيعون ضربات جزاء ...>اشدخل غيرك خذا قلبي وملت خل تنفعك ياليت وليت ماشيت لعبك مااحتملت حاولت لكن ماقويت في هذا المقطع يضع الشاعر نهاية وحداً لعلاقته بالمحبوبه السابقة ويطفئ اي بصيص نور وامل في عودتهما معا لبعضهما بقوله "غيرك خذا قلبي وملت " اي انه تعرف على وحده غيرها وحبها ..ثم يضيف قائلا ...> عجبتني هذي : اذا فات الفوت ماينفع الصوت ..بما معناه انك خلاص يابوفلان انمسحت بالطبشوره من حياتي ...>اشدخل ولكن الاحظ ويلاحظ غيري من متذوقي الشعر والمثقفين المخضرمين ...>خف علي ..اقول نلاحظ سقطه كبيره سقط فيها الشاعر وكنت اتمنى الا يسقط فيها ...>صارت حفره ، وذلك بقوله "ماشيت لعبك مااحتملت" هذا دليل ان الشاعر كان يحاول ان يجاري حبيبته في الاعيبها ..ولكنه لم يفلح وهذا دليل على فشله في مجاراتها باسلوبها .. فقال خل اقطع العلاقه ابرك لي ثم يتبعها بقوله "حاولت لكن ماقويت" وهذي اعتبرها سقطة اخرى اكبر من الاولى...> يعني حفره اكبر من الحفر اللي في الشوارع واللي البلديه ماتردمهم ...>لايكثر كلامك كمل ابرك لك ، اقول انها سقطة اخرى تحسب على الشاعر وهي اعتراف خطير بلجوءه للاساليب الملتويه وفشله في بناء اي خيانات كانت قد تساعده في زيادة غيظ حبيبته ومن ثم عودتها له..ولكن يبدو انها طنشت له ولاهمها منه فالظاهر عصب وكتب هالقصيده ملاحظات عامه : 1- نلاحظ كثرة تكرار الشاعر للمصطلحات التي تدل على انتهاء العلاقه وانها مافي امل ترجع وذلك بهدف زيادة جرعة القهر التي ستصيب حبيبته السابقه عند سماعها لهالقصيده ودليل انها لم تعد مهمه ابدا بالنسبة له 2- نلاحظ ايضا تكراره لمسالة انه حب ...>بمعنى أحب ..مب الحب اللي في الملعب .. نقول انه قد احب وحده ثانيه وهذي دلاله اخرى ان الرجال باع من زمان وانها تستاهل ماجاها 3- يغلب على الفاظ الشاعر الكلمات الدالة على العصببيه والنرفزه كقوله احسن ..عمرك مارضيت ..فاشل ..خل تنفعك .. ومن هالسوالف اللي تخليك متاكد ان الشاعر كتب قصيدته وهو مفور حده لحظة كتابته للقصيده ..وميندرى للحين مفور ولا لا 4- نلاحظ التاثير الواضح للبيئة المحيطة على خيال الشاعر ، ونلاحظ تاثره بالمطاعم والمدراس في سياق ..>جبتها من القاموس هذي ، في سياق قصيدته وهذا ان دل فانما يدل على تاثر الشعراء الدائم ببيئتهم المحيطه وبالتالي تاثر الفاظ قصائدهم بذلك ونتذكر في هذا الشان قول "قيسوه ..مجنون ليلى "احم امرعلى الديار ديار ليلى اقبل ذا الجدارا وذا الجدارا وماحب الديار شغفن قلبي ولكن حب من سكن الديارا "صدق مجنون يبوس الجدار كخخخخخخخخخ" فمن اول وهله لسماعك هذا البيت راح تعرف ان الشاعر كان عايش بين الدواعيس هههههههه وهكذا دواليك مع كل الشعراء...>على فكره احب هالبيتين مره ...>لاتسالوني ليش...>بس حلوه دواليك اخيرا وليس اخرا اتمنى اني تحليلي ونقدي البناء لهذه القصيده قد نال على استحسانكم هذا كان خفيفا على قلوبكم ورسم الابتسامه على شفاهكم او براطمكم ...>كل واحد وتخصصه هههههههههههههه مع شديد احترامي وحبي للشاعر منصور الشادي كاتب القصيده ..>هذا اسمه على مااعتقد والى اللقاء في تحليل قادم لاغنية "امي مسافره وحاعمل حفله بس ياليت ماتجيش على غفله" حقـوق الطــبع محفــوظه اخوكم اللي يحبكم احسن.............جوهر احساسي مثل الالماسي الرياض |
|      |
|
06-03-2004, 12:01 PM
| #2 (permalink) |
| متميز عذب الكلام  تاريخ التسجيل: Feb 2004 الدولة: الـكويت
المشاركات: 805
| [ALIGN=CENTER] سيدي الكريم../ جوهر أحساسي عال العال وأنت شلونك.. كل سنة وأنت طيب.. الله يعطيك العافيه على التوضيح سيدي.. وعساك على القوه وبارك الله فيك.. تقبل جل التحيا والأحترام،، ودمتم بخير[/ALIGN] |
|
| |
 |
| مواقع النشر (المفضلة) |
 جديد منتدى الفرح والمرح والفرفشه |
| |
| أدوات الموضوع | |
| انواع عرض الموضوع | |
|
|
العرض العادي
