**أيااام الروضه ياسلاااااااام**

سهام نجد

[ALIGN=CENTER]

سلااامييين ونتفه

هذا الله يسلمكم هذي سالفه صارت لي انا سخصياً
>>>> حلوه سخصياً

المهم ما علينا نرجع للموضوع هذي السالفه زي ما قلت لكم انها صارت لي منذ مبطي يعني من سنة كح ...
والباقي انتم اخبر

هماني في العهد الغابر يعني يوم كنت اتعتع في الكلام والا جيت اسولف على احد يطفش من عيشته
والا انه يدور اقرب مخده عشان يسد اذانها فيها من سواليفي ها اللي ما تفهم منها الا
ها هماني همن وبعدين (مع بلعة ريق) وارجع ثاني لنفس الموال وها وهماني ويومني وهمن رحت ويووم رحت ( فاصل اعلاني بلعت ريق ) .... الخ ( اما الخ ودك اني اقول اللحين انظر الصفحه رقم سبعطعش)
المهم اتوقع فهمتوا عن اي عصر>>> عصر والا ظهر هع هع هع
يعني هذا يومني صغيره قبل لا ادخل المدرسه ولذالك اهلي اظطروا اظطرار مسرع على خط الخدمه وقالوا لا زم نشوف لها البنت صرفه المهم سجلوني في روضه >>> لا حظوا ملاحظه مهمه روضه يعني مدرسه خاصه يعني تعرفون انا بنت مين ...
المهم ويوم قالت لي امي يا انا طرت من الفرحه بس طبعاً مهوب اكثر من اهلي وتروح عاد امي تجيب لي ذاك المريول الزهري اللي تقل قرطاسة حلاوة العيد ..

ويجيك قبل اليوم الموعود بليله تعرفون حركات بزارين نمت بالمريول عشان اول ما اقوم على طووووووول اركض للباب >>>> يا عزتال سواقنا ذاك الوقت
ويجيك الصبح وانا اللي انزق من ذاك السرير حتى اذكر من الفرحه ما كان في غمص في عيوني :rolleyes:

وانط واركض اخذ اقرب مشط واعطي امي طبعاً عشان تكد شعري>>> تكد ما تلاحظون مصطلحاتي صايره مصطلحات عجيز ... ما علينا وانا اللي بعد ما خذت لكم ذيك الشنطه اللي مرسوم عليها جونقر والاقزام السبعه ...
واطلع طبعاً انا كنت مع اختي في نفس المدرسه بس هي كانت في سنه اولى وانا في الروضه
عاد ليتكم ما تشوفون وجه اختي يومها تمشي من جنبي كنها ما تعرفني ويوم عطسة وقلت لها ابي منديل قالت روحي بعيد منتيب اختي انتي
وادخل لكم ذيك الروضه وش ذى الروضه وناااااااااااااااااااااسه حتى الصبوره مرسوم عليها مرجيحه
>>>> عاد تخبرون ذاك الوقت كانت المرجيحه شي كنت حتى تسوى قطار الموت:p

واول ما وصلت لكم ذيك المدرسه البزارين والزحمه والصجه والحاله حاله يعني الدعوه شكلها وناسه المهم وشوي الا يقول الجرس طننننننننننننننننننننننننننننننننننننننننننننن
وطبعاً البزارين مع الروعه وووووووووووووووووووواع وركض واللي يطيح واللي يتكرفس واللي رقبته بين عواميد الدربزين واللي يبي يروح الطابور بس نسى نعاله فوووووووووووووق على كرسي الزحليقه عالم
المهم
واجيك انا وبكل براءه اصف لكم في اول صف او بالاصح انا ما كنت ادري اني انا صافه في طابور كل اللي اعرفه انه انا هذي وقفتي من يوم ما جيت وشوي الا تجين ذيك الطاحونه يؤ قصدي الطالبه بس وربي كنها طاحونه من كبرها ولا يدها منها عواميد مروحه لو تلفها يمين لخت البواب على الطريق من طولها{ 2}
المهم وتجي عندي وتقول هي انتي
مسطوووله: وتو انا ((وشو أناااا)){ 1}

الطاحونه: ايه انتي وت تحتبين نفتت متويه (الترجمه.. وش تحسبين نفسك مسويه){ 2}
مسطوووله : ولا تي(ولا شي)
الطاحونه: انتي عنددت حبل انه انت وادفه في متاني(انتي عندك خبر انه انتي واقفه في مكاني)
مسطووله : لا انا ثلاً اول ما ديت...... وخرو بس ما في ترجمه انا اصلاً ما مداني اكمل ها الجمله والا لختي بحدى ها اليد اللي تقل مرزبه.بس يا هي خبطه اذكر اني تعلقت على عامود ستارة المسرح من فوووووووووووووووووووووووق .. ..

المهم بعد ها اللي صار وندخل الفصول طبعاً الدعوه كانت خليطي من قدنا بس يلا راحت علي والا لو انا شاطره كان استغليت الوضع كان قدني اللحين منشله على املح واحد فيهم رغمنهم نصهم اجانب بس يلا العوض ولا القطيعه
المهم وبعد ما خذنا اول حصه اللي هي رسم وثاني حصه اللي هي رسم وثالث حصه اللي هي رسم وربي من كثر ما مسكة ها التلاوين حيت عيوني تقل تلفزيون القناة الاولى اذا صكة (سابقاص طبعاً اللحين مطورين صاروا يحطون كلام مهوب مثل اول)
وتجي عاد الفسحه عاد اول تذكرون من قده اللي ياكل كت كات ولد شيوخ ذى وعاد انا من الحظ امي كانت حاطه لي كت كات صدق انه تقليد لا نه من نوعية غندور بس في الاخير كان اسمه كت كات ما علي منكم
كت كات يعني كت كات مهوب بسكوت وكاكاو خلاص يعني كت كات وان بغيته بعد توكس خليته توكس محد عليه مني
المهم واجيك عاد انا ابي اتفيخر بها الكت كات واقوم ةاوقف قدام طا حونة الهواء ذيك وقدام كل الربع اللي في الفصل وبكل فخر ارفع الشنطه
واطلعه فوق الطاوله.......... وافتح الشنطه .... والعيون كلها ترمقني ..... وادخل يدي .... وامسك الكت كات وهو داخل ..... واطلع يدي ... مع ملاحظه ما زالت العيون كلها ترمقني


من بعيد ... وانا يوم اطلعه والظاهر والله العالم انه واحد من العيال كان في الاصل ثور مهجن لا نه يوم شاف القراطاسه الحمراء ما كذب خبر ابو الشباب وويطب في بطن جدً جاب بنت خالت بنت عمت بنت اخت امي والا هو اللي يحط راسه على بطني ويدفعني دفعه خلفيه لا اخر الصف ويمسك الكت كات يعني حالة خطف بس على مين والله ما ياخذه الا وانا منتخه عيونه وهو يشد وانا اشد وهو يشد وانا اشد ويوم شاف الدعوه ماش عناد ويصطرني واقوم انا اوقطع زرار بلوزته ويوقوم عاد هو يوم شاف ذى الزرار مقطوع والا يرمقني بذيك النظرة>>>>لالا كبيـــــــــــــــــره يرمقني لا تقولون ما يمديكم بدري عليكم
والا هو بعد ها الرمقه ويصفر ذيك الصفره مع شوية سعابيل طبعاً لانه مثرم نوعاً ما ويجيك عاد باقي القافله حقته ويشيلوني ذيك الشيله ويرموني في شي في الزاويه بس منيب معلمتكم وشو حفظاً لمكانتي في المنتدى
وطبعاً في الاخير النتيجه بعد ها المبارةالعنيفه كانت
كت كات % ما معي ولا شي
مدري ودي اكمل لكم باقي اليوم بس احس اني طولتها خلاص خلاص اجل بطلنا
اتمنى تكون حازة على رضاكم...[/ALIGN]

صـ الوعد ــادق

سهام نجد

[ALIGN=CENTER]سلااامين ونتفه

يسلموووووووا صادق الوعد على الرد الحلوووو

اللي مثلك

وبعدين أنا هووويتي الكتاابه

علشاان كذا مواضيعي طويله:p

ومشكوووور علىى المجااامله الحلووه

وبااايين ونتفه[/ALIGN]

دانة الشوق

رهيييييييييبة مسطولة و مانتي هينة


وليه ما كملتي دخلت جو مع هالروضة


تحياتي !!@!!

سنفورة

سلاااااااااااااامات ونتفااااااااااااااات

تافك ان ساء الله اثن ( كيفك ان شاء الله احسن) حق الترجمة
صراحة قراءت الموضوع يعني اقراء واشقح تدري الثالفة كثيرة على وانا يعني احبك يا مثطولة بدون ثطل ثح كذا اثمك ( السالفة كثيرة على وانا يعني احبك يامسطولة بدون سطل صح كذا اسمك)
المهم من خلال استنتاج لي اكيد موضوع قصير واجد واجد ووووواجد بس حلوووووووووووووووووووووووووووووووووووووووووووووووو ووووووووووووووووووووووووو :)
تحياتي لك
{ 2}كتكوت زوغير{ 2}

شمـايـل

سكنيميني

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههه
والله ماني فاهم الموضوع خخخخخخخ
يعطيكي العافية