[ALIGN=JUSTIFY]السلام عليكم ....

اتركم مع قصة من بنات افكاري الله يحرسهم

في يوم من الايام اللي اذكرها ولا زلت وسأضل ولن ولا ابداَ مره اني
انساها <<<<<(كتاب القواعد حق رابع كله في هالجمله)كنت رايح للبقالة ابشتري لأمي( بيكمبودر ) اتحداكم تقولونها 4 مرات بالمقلوب <<<<<< الكاتب بين انه ملكع
المهم ما علينا كنت رايح اشتريلها البيكمبودر علشان تزين لنا الوالدة كيك بالبردقان تقلون ليه بالبردقان اقولكم مدري لاني انا قلت لأمي يا والدتي العزيزه ما نبي كيك بالبردقان نبي كيك بالكيوي( طبعاَ اسمع بالكيوي ولا ادري وشو بس شكله طعم ) قالت امي :
الا ما تبي كيك بالأناناس الاسترالي وجوز الهند الروسي قلت انا : الله روسي الا الا الا ابي الله لا يخلينا منتس وياليت تزودين في الكيك
علشان انادي ربعي يذوقونه قالت امي ايه خلاص تولم والبس نعالك حقت الكوره والبس شراب العائله وانا امك لان الكيك الروسي يجيب البرد ....... قلت: انا طيب بس والله من زمان ما لبست كنادر الكوره ولا ادري وينها فيه يصلح البس نعال الحمام
(العائلة منتهيه لا تشرهون ) يوم شافتني امي مصدق قالت الله يخلف على امك احمد ربك اني بزين لك كيك بالبردقان وحسافه عليكم
بس وش اسوي ودي استفيد منه قبل لا يخيس في الثلاجة يروح لبطونك ولا الزباله الله لا يعاقبنا <<<<< يلوموني ف عاطفة الام ما اجملها ما احلها عاشت امي هي في قلبي
المهم يوم اني وصلت للبقالة وتوني جاي ابدخل برجلي الثالثه واذا به يشد نظري ويلفت انتباهي صوت بكاء مرير <<<< (مسكت على فصحى ) والتفت يمنةَ ويسرةَ واذا به مهبول حارتنا عبيد .... وش السالفه مجنون ويصح اكيد المسألة كايدة بصراحه رحمته
يقول ( هااااااا اهاااااااا اهيييييييي ) رحمته مره مره مره مسكين تراه يصيح مهب يضحك

*** نبذة تعريفية عن عبيد المهبول ***
الاسم : عبيد بشد الياء وترك الباقي
العمر : مدري بس من طلعت على الدنيا وهو فيه يعني عوود
الهواية: معاكسة الحريم في الحارة وخاصةَ فترة الضحى ( الله من مره توطوا شياب الحاره في بطنه من كثر ما يغازل حريمهم )
انا اللي قاهرني ان اسلوبه في المغازل غريب يعني انا شفت ناس تذب كلام زين يرقم يغمز بالعين ولو ان الطريقة الاخيرة انقرضت
بس زي مغازل عبيد ما شفت (يغمز بخشمه ) كيف اشرح لكم بصراحه ما اقدر حاولوا تتخيلونها ****

يوم اني قربت لمه الاه يبكي بشدة والم وحرقه بصراحة تقطع قلبي ايرباَ ايربا من الحزن والرأفة وهو لا يزال ( يجهش ) بالبكاء المر وعيناه مغرقتان بالدمع <<<<<<<<<< ( هالجملة لازم تدرس بالجمعات ويخصص لها احد البكالوريوسات)
رحت للموتر وجبت له مناديل.. فمن يمسح دمعت هذا اليتيم <<<< ( حطه يتيم ) ويوم مديت له المانديل بيدي الرابعة <<<<<(قويه مشو لك رجلك الثالثة عاد لا تصدق ) و قلت له هاك ياعبيد امسح دموعك عطاني نظره ثاقبة ورفع يده ومش خشمه في كمه
وحامت تسبدي وتركته
يوم اني شريت البيكمبودر وطلعت والقاه الى الحين يصيح ويجهش بالبكاء يوم تقطع قلبي ارباَ ارباَ زود عن التقطع الاول
وقربت لمه وقلت له عبيد وش فيك تصيح واهدي فيه و اشتري له من البقاله يوم انه هدا قلت وراك تصيح قال .........
(( مسكوا صدام حسين ليه حراااام )) قلت له وانت وش دخلك فيه هو مجرم ونذل ويستاهل اللي جاه كم قتل من واحد
وما امداني اكمل الا يوم قام علي وبغى يتوطى في بطني ..... قلت افا هذا وانا توني شاري لك من البقالة لبن وبطاطس
تسالى حار <<<<< (الله من زين الذوق الله لا يلومه ان توطاك ) لا وبعد كنت ناوي اشتري لك صابونة
قال : لا انا ما غلطت عليك ليش تقول ان صدام مجرم ..... ارجوك انا ما اسمح لك تغلط عليه (تراه يطقطق عربي )
لأني بصراحه احبه واحس انه .. * ابوي * .. قلت : سم تحس انه ابوك ....... قال : مهب احس الا متأكد
يوم اني بغيت اعدل حولته وش اللي متأكد انه ابوك وذاك الشايب اللي قبله نايم في المسجد من يصير مهب ابوك
قال : يقولون بس ما احس انه ابوي ....... بالله عليك شف ( ويوريني صورت صدام ما خذها من الجريدة )
بالله عليك ما فيني شبه منه .... القيت نظره وقلت الا سبحان الخالق نفس الخشم والخشه .... يوم انه تشقق من الفرحه
وقال : خل عنك الخشم والخشه مهب عيوني نفس عيون القائد المبجل ....... قلت تخسى ما بقى الا هي وش جاب حولتك
لصدام انت حولتك ما فيه زيها ابد في الدنيا مدري كيف اشرح لكم الحوله بس تدرون خذو هالشكل التوظيحي شكل

(o( ) ! ( o

قال يعني عيوني ماهي مثل عيون صدام .......؟ قلت اقول تلعب كيرم بس ورحت وخليته ... المهم يوم اني رجعت للبقاله باشتري لأمي بيض <<<<< (وش ذا البيت اللي ما فيه شي فاضي اللهم يا كافي ) لقيت خويننا الى الحين موجود ويصيح صيحاح مرير
ينر..<<<<<<< (اقول كنه جاز لك الوظع ) المهم رحت وتهورت وقلت له عبيد وش رايك تخاوينا بكره انا والعيال بنروح نقنص
قال لي وهو يمش خشمه وين نقنص فيه ؟؟؟ قلت في تكريت !! وين بعد في المكان اللي يحدده لنا ابو خالد (ابوخالدواحد من الشباب اللي يحبون البر ومسوي يدل كل شي وهو ما عندك احد بس الله موفقه يعني يطلعلنا اماكن خياليه بس بالصدفه ) قال خلاص بأسل امي ....
قلت : من بعد عسى ماهيب ( ساجدة)!!!! قال لا امي حصيص .. قلت هي ما ماتت ؟؟؟؟ قال يوه ه الا نسيت انها ميته

المهم طلعنا للقنص في مكان ما ادري وينه فيه من بركات ابو خالد المهم والله الحبارى بالهبل (شباب لا تدققون ) بس عجزنا نصيد شي ما فينا واحد وقييع (بواردي .... الخ ) يعني يعرف يصيد المهم ونشوف ذيك الحبارى يوم تطاقينا كل واحد يقول خلها لي
وفيما نحن مختلفين من اللي بيصيدها واذا بعبيد يأخذ لك حصاة وبكل ما اوتي من قوة يرجمها يوم صكت في راس الحبارى وطاح
جلسنا في لحظة صمت ....... وجع هذا وهو احول لا وبحصاة اعوذ باللله مهب سهل هالحول ولا ابو شعلان ما يسويها ومن وقتها وحنا مسلمينه الشوزن
وهو ما غير يصيد ..... يوم تعشينا ونمنا .. ومير نقوم على صوت طلق نار وش السالفة نبي نتحرك مالك امل صار عبيد النجس مربطنا ومعه الشوزن ويقول : اختارو من اذبح اول واحد فيكم !!!!!! افا ياعبيد واللبن والصابون قال اقول بسرعه اختارو يا عبيد يالطيب ما فيه امل ويترجون العيال وذل الله لا يوريك لا وبعد نترجى مجنون واحول ... المهم قرر يصفح عنا قال خلاص انا ابترككم للذائب الجائره افا حويلكو ما تسويها راح وخلانا مربطين وخلى الموتر وراح ... قلنا بيرجع حاولنا نفك انفسنا والعيال مغير سب ولعن فيني وراك تجيبه المهم جلسنا يوم كامل مربطين لا اكل ولا شرب الين جاء جيب وقف عندنا وقال وش عندكم فيذا قلنا زين من الديرة قال لا وش عندكم هنا قلنا ابد مثل ما تشوف مربطين قال انتم ما تدرون ان هاذي محميه قلنا لا ما ندري مشاء الله على هالحالة المملكه كلها محميات وش بقى نصيد فيه حتى الربع الخالي ممنوع

*****الله يعز الحكومه *****

المهم فكنا بعد الغرامه .... وعبيد ما ندري وين طس له شكله راح يشوف ابوه
لاكن بعد كذا انا اعتقد ان عبيد ولد صدام لا مهب اعتقاد الا جزم

بيكمبودر : وفي رواية ( بكينق باودر ) شي ينحط في الكيك

يستفاد من كل البربره اللي فوق اذا قالت امك تبي كيك بالبردقان قل

لاااااااااااااااااااااااااا[/ALIGN]