ابشركم ..... صرت خوي عند امير ....... كسحات وكسحه
بعد مشاورات , ونقاش بين افراد مجلس ادارة شركة دجو في
الشوارع الوطنية المحدودة .. اتفقنا بالاغلبية ,, على
ان نبحث عن وظائف بدلاً من الدجه في الشوارع ....وعلى ان تكون الوظائف عند الامراء .. على قولة الشاعر ( ابو الطيب البردعي ) :
(( من جاور السعيد يسعد ... ومن جاور الداشر , يزقــر تتن ))
لم يرفض الاقتراح الا الاستاذ ( دحيم الاطرم ) , لانه
يطمح ان يكون ( مذيع في التلفزيون السعودي ) ويتمنى ان يغطي على سليمان العيسى .....
بصراحة هو صادق ... مذيعين التلفزيون السعودي ( طرمان ولا يهرجون بألسنتهم ...
ومن واسطة الى واسطة , ومن قصر الى قصر .... بعدها ,
تكللت امنيتنا بالنجاح ..
انا صرت خوي عند امير طحطوح في وزارة الدفاع (( طحطوح تعني قوووووي )) ....وسليمان ابو نشقه توظف عن امير ( طحطوح ) في وزارة الداخلية .... وصويلح الاحول توظف
عند امير طحطوح بالمنطقة الشرقية ....
> > كل واحد ينقي الاسم اللي يرتاح له .. انا اخاف من
> > المباحث , واخاف من المشرف يحذف الموضوع بناء على (
> > الفقرة السادسة من قوانين الكتابه بالساحة ) وهي عدم
التعرض للكواكب السيارة بدرب التبانه ..... وبعد ثلاثة اشهر ... دخلت للاستراحة ( وانا اضع سروال
سباحة حول رقبتي ) .. وكانت المفاجأة ان جميع الاعضاء موجودين ....
البردعي : سلام علاكم ..( هرج خوي عند امير ) الشباب : علاكم السلام .. ارحبو .. هلا بطويل العمر ... ( واضح هرج اخويا الامراء ) ..
البردعي : وش القصة ؟؟ وش جمعكم ؟؟ انا اعتقد ان شغل الاخوياء , ما ينتهي ( ليل ونهار ) الشباب : نبشرك ... طردونا من الشغل ...
القصة هي : > > .... صويلح الاحول يقول :
(( اول ما جيت للقصر , قالوا لي ان الامير جالس بروضة
التنهات بالبر .. وعلى طول .. ركبوني معهم بسيارة (
لاند كروزر ) وطاروا بي للبر .... ويوم وصلنا للبر ...
توجهنا لخيمة كبيرة جدا ... وعندما دخلنا الخيمة وجدنا
الامير جالس في صدر المجلس ... والناس من يمين وشمال
> > الامير .... وكالعادة , انا بدأت بالسلام من اليمين (
> > هذه السنة ) وبعد ما سلمت على الايمن فالايمن .. ووصلت
> > للأمير ... رفض يسلم علي وقال لي (( ما بقى الا الكلب
> > تسلم عليه )) ....انا قلت له (( وش فيها طال عمرك ؟؟
> > خالقك وخالق الكلب واحد )) ... ومن بعدها ما ادري وش
> > صار .. انا صرت اتوجع من كل جهة , ومن كل طرف ))
> > (( يا حليل صويلح الاحول ... ما يعرف البروتوكول ))...
> > المفروض يسلم على الامير , ثم كلب الامير , ثم
> > الاخوياء .. .......... سليمان ابو نشقه يقول :
(( انا رحت للقصر .. ويوم وصلت اخذوني للجوازات عشان
الامير بيروح للمقناص بالمغرب ... وبعد ساعة رحنا
للمطار ... وركبنا طائرة ملكية .... وبعد ما وصلنا للمغرب , ورحنا للمخيم .. وتعشينا ... من الصبح , جاء وزير الامير يقومنا ويقول (( يالله قوموا .. الامير بيطلع للمقناص )) .. وبالفعل .. ركبنا سيارة فارهة ... انا في المرتبة الامامية .. والامير على كرسي كبير جداً , ومرتفع .. ومعه بندقية .... صرخ الامير فينا وقال (( وقفوا .. هذاك غزال ..بأطرحه )) .. وبعد خمس دقايق . اطلق الامير على الغزال .. ولكن الغزال لم تصبه الطلقة و هج ( فر , انحاش ) فصرخ الجميع (( يا سلام يا طويل العمر ... جنب الغزال على طول )) وبعضهم يقول (( الطلقة صابت الغزال في رقبته , ولكنه لم يسقط )) .. انا كنت اراقب الغزال بالمنظار .. فقلت لهم (( لا والله .. الطلقة بعيده عن الغزال ... الغزال بالشرق , والطلقة بالغرب .. وينها وين الغزال )) .... من بعدها , رجعت امشي للمطار مشياً ... وشريت تذكره على حسابي )) (( يا حليل ابو نشقه ... ما يعرف ينافق ))
........
قصة ابو البرادع : (( عندما وصلت لقصر الامير ... قال لي الامير (( انا بروح لاسبانيا ... ابغاك يا ابو بردعه , تكون المسئول عن الرحله )) .... فأنبهجت سريرتي ... لانني سأتحايل بالفواتير ... واستفيد كم مليون ..... توجهت للمطار ... وشريت للامير تذاكر سفر له وللجميع , وأخذت فاتورة بذلك .... ثم سبقت الامير الى اسبانيا , وحجزت دور
> > كامل في فندق خمس نجوم بمدينة ماربيا ...... وعندما
> > وصل الامير ... يوم ويومين وثلاثة ايام ... لم يدفع لي
> > قرش ... وفي صباح اليوم الرابع ... توجهت للأمير ...
> > وكان يأكل فطوره .. فسألته (( سمو الامير .. انت عارف
> > يا طويل العمر ان فلوسي ...)) قاطعني وقال لي (( رح
> > اشتر لي سروال سباحة .. ابغى اروح اسبح في المسبح ))
> > ..قلت له (( ابشر طال عمرك )) .. ورحت شريت له السروال
> > .... واعطيته السروال وقلت له (( يا طويل العمر , لم
> > يتبقى معي ولا ريال )) .. قال الامير ((اطلع من الغرفة
> > ابغى البس السروال )) ... بعدها توجه الامير الى
> > المسبح , وانا امشي خلفه واقول (( يا طويل العمر . انت
> > كريم .. وانا طفررررررران .. لو تسلفني خمسين ريال بس
> > )) .. والامير يمشي , ولا يرد .... بعدها طمر الامير
> > الى المسبح وهو يقول (( قل لأهلك يرسلون لك حواله
> > ماليه عشان نبغى نسهر الليلة )).... بصراحة انا انفجرت
> > اعصابي ,, وطمرت وراه بالمسبح , بكامل ملابسي ... وما
> > طلعت من المسبح , والا وانا ماخذ سروال السباحة , وبعدها رجعت لكم ..))
> > (( يا حليل ابو البرادع .. ما يعرف يسرق )) > > ...... حسبي الله عليك يا ابو الطيب البردعي , المفروض يكون
> > المثل : (( من جاور الطحطوح يبلش .. ومن عاش بالشارع , يعيش
بسعادة )) .......



ملطووووووووووووووووووش

تحياتي {3 }

يعني مااسلفك

مسكين

مشكور اخوي سعيد

اخوك ابووضحى

يا سعيد ... ما اقول الا الله يرجك اكثر ما انت مرجوووج مثل ما رجيتني بموضووعك
....والله حبيبي انا ترددت بالرد عليك انت عارف مباحث والشباب الطيبه موجوديين ....بس ما عليك انا اعرف سكيروتي بالاتصالات والله زكرت ما عليك اخليه يتوسطلنا
مشكوووووووووووووور حبيب البي على موضوعك والله يا اخي انك شي...

انا قلت والله من جد يخاووي امير اللحين

بس موضوع حلوو وخفيف

ويعطيك الف عافيه

وعساك على القووه

تحياتي لك "

ابو ساره{10 }

اهلا اخوي ابو وضحى مشكور حبيبي على الرد المختصر والحلو

والعفو ياخوي احنا ماسوينا الا اقل من الواجب لاحلى ناس

اعضاء منتدى قلبي

وتقبل تحياتي

اخوك سعيد