كيف تسيطرين على زوجك
اولا احب اقول لسنا نجد
ان المرأه كائن اصعب من انك تفقع مرارته بعشر خطوات
ولك سيدتي اقول التالي000000
اول شي وقبل كل شي لازم تعرفين ان الاساليب القديمه ولت والحين بدل ماتوريه العين الحمرا لازم تهديه الورده الحمرا
ولازم تعرفين إن هالخطوات مجرد اعداد لسلطة مطلقه مايقدر زوجك يتخلص منها ولو انه شمشون بجلالة قدره0000
اولا00في فترة الخطوبه لازم تخلينه يتعامل معك بحذر ومهو اي كلمه يقدر يقولها او اي حركه يقدر يسويهاوحتى كلامك يكون مختصرولا تعطي اراء اعطي قرارات-يعني ماله داعي هالوقت لمجلس الشورى-واذا حاول يتامر فيك قوليله انك باقي تحت إمرة ابوك هو ماله دخل خلي عينك قويه شوي0
ثانياً00لايزوركم كثير ولاتكلميه على التليفون اكثر من نص ساعه كل يوم واذا ذبحك على الجوال صكيه بالايام وقوليله كان عندي شغل -اثقلي شوي-00
ثالثاً00لازم تعرفين طبيعة عدوك اقصد زوجك وش يحب وش يكره متى يضحك متى يتأثر ومن هذا كله عشان تكون عندك نظره شامله ووافيه عن الوضع وتعرفين شلون تتعاملين معاه0
رابعاً00لازم لازم لازم تفكرين بكل شي قبل ماتقوليه او تسويه -اعرفكم يالحريم ماتصدقون على الله-0
خامساً00الحين تزوجتوا وخلاص وصرتو ببيت واحد.بدايةً لأول كم شهر لا تكوني مطيعه مره ولا متمرده مره لأن الرجال بهالفتره يكون مثل العجينه بيدك اذا شديتي عليها اختربت-يعني بتفشلين يالقويه-ولاتنسين ان غرضنا انشاء اسره سعيده تتحقق فيها المساواه0
سادساً00لازم تحتوين هالكائن اللي قدامك وخليه يحبك ويموت فيك ولا تقصرين من هالناحيه لأنها اهم شي ولا تنسين ان الحب مهو هذاك الشعور اللي يخليه يشتاقلك كل لحظه ويغار عليك من السواق ويموت لاشاف رقم غريب بالكاشف لكن هو الشعور اللي يخليه مهما راح ولف ودار يردلك0
سابعاً00لاتخلفين على طول كل ماشفتي بزر حن قلبك اول خل نشوف اذا هو ينفع تعيشين معه لأخر حياتك ولا لا مهو تربطين عمرك فيه-ماشالله اغلبكم من غير وظايف او تتركها بعد الزواج من العز-0
ثامناً00ابتسمي بوجهه اذا رد للبيت وامطريه بالكلام الحلو والبسي احسن ملابسك وحاولي تلبسي عكس طريقة اهله عشان يحس بتغييرولا تنسين الاهتمام بوجهك واذا انتِ بشعه عادي في اختراع اسمه مكياج لاتقصرين بنفسك-واذا انتِ منت هالقد بفنون المكياج خذي دورة تجميل قبل الزواج-وكذا عشان مايقدر يلومك بشي من هالناحيه00
تاسعاً00اذا زعل على شي تافهه وسوى عمره حردان وطلع من البيت لا تعبريه وخليه يعرف انه اللي طلعه يرده حتى لو زعل اسبوع -بالطقاق-مصيره بيرد-لاتخافين ملابسه كلها بالبيت ماراح يشتري من زود الكرم يعني-0
عاشراً00لاتزعلين عليه كثير ولا ترى بعدين بيسفهك واذا زعلتي لاتطولين عشان ماتضيع النقطه اللي انتو مختلفين عليها-ومنها تبيني ان عقلك اكبر من عقله-واذا في شي يزعل سوي نفسك مومهتمه وانه عادي-مسكين راح يمووووووووووت من القهر-0
الحادي عشر00اذا هددك انه راح يتزوج عليك لا تخافين اهلك ماخلوله شي يتزوج فيه من الحين للعشره سنين الجايه-ميزة الشباب انه طفران-ومن الحين لذاك الوقت يحلها الف حلال ويكون معك كم ولد يسندون ظهرك0
الاثنى عشر00اذا شفتيه مهو عارفلك او مو عارف من وين يجيك لاتقصري عليه في الهدايا عشان يحوس خير شرويفضل تملين البيت ورد منها تقولين انها له ومنا انتِ تحسين بلمسة رومانسيه ببيتك0
والحين ابدأي بفرض سلطتك بكل رومانسيه عليه بالتدريج ولازم تعرفين ولاتنسين ان كل رجل داخله طفل لازم تعرفين شلون تتعاملين معاه بكل حنان وحب ومايمنع من الحذر00

منقول

مشكووووره اختي عالمشاركه


اشكرك على جهدك الملحووووظ


اتمنالك مزيييد من التمييز

شكرا على الموضوع الممتع عزيزتي
اختك هديل

حياكم الله ياامل الحياة ولمسه حنان ونحن في الخدمه
وشكرا على المشاركه

يعطيك الف عافيه
نتظر القادم والمفيد