قالت إنت عربي قلت لا فرنسي متلطم
قصة واقعية
دارت احداثها قبل 9 شهور هنا في امريكا

ملاحظة #
الله وزع الوسامة والجمال على عبادة سبحانة
فية الزين وفية الشين
بس ماهو ذنبي اذا كانت اشباهي وتقاسيم وجهي فرنسية بحتة! ولا يبين علي اني عربي
القصة:
كانت عندي محاضرة الله لا يعيدها الساعة 3 العصر
شغلت الشبح حقي قصدك وقفت تاكسي ورحت للجامعة دخلت ونصيت المصعد لأن قاعتي كانت في الدور الرابع
دخلت المصعد لحالي الى هنا حلو
في ذاك اليوم باالذات كنت كاشخ باالمرة ولابس احسن ماعندي:
1\ بنطلون رياضة لونة برتقالي فاقع وفية ثلاث خطوط حمر مع الجنب
2\ تي شرت اخضر
3\ جزمة كورة وانتم بكرامة اول ماشريتها كان لونها ابض بس اللحين ما ادري مع كل نشرة اخبار يتغير لونها
وكنت قاصً شعري قصة مجنونة روعة روعة وكادً شعري وحاطة على جنب مع وجود فرقة في الزاوية اليمنى
المهم
وانا في المصعد وهو طالع وقف فجأة عند الدور الثالث
انفتح الباب والا والله نور غريب دخل علي مين مين تتوقعون؟
بنت خليجية موتوووو ماني قايل من اي بلد بلاش فضايح )
بتقولون وش دراك انها خليجية؟
ماهو عشانها سمرا( علامة الجودة )لالالا
إحنا ياالشباب هنا فينا لقافة ماصارت مافية بنت خليجية تدرس معنا الا ولازم نعرف منهي ومن وين ووش سالفتهاتفرغ كامل لهن )
دخلت وهي مسرعة وكانت مشغولة بشنطتهاوكانت لحالهافرصة شكلها تدور على شي في الشنطة
قلت لنفسي هذي فرصتي ابخش معها مافية الا انا وهي هنا
حبيت اسوي نفسي مؤدب وأخلاق وأسالها على اي دور تبي تروح لأنها ركبت وبس
التفت عليها وانا كلي ثقة بوسامتي واناقتي وكا العادة سبرت بعيوني اللي كبر الفصفص وحاولت ادخل البحة في صوتي باالقوة وقلت لها:
عفواً انتي نازلة ولا طالعة فوق ؟
البنت بعد ماسمعتني رفعت راسها تقل احد كاب عليها سطل موية باردة وقامت تبحلق فيني للحظات!!
خلال هذة اللحظات وش تتوقعون دار في مخيلتي اللي بتوديني وطي
قلت في نفسي : شكل البنت خقت معي اي وقعت في غرامي وما توقعت اني بعطيها وحة واكلمها
لكن ما كل ما يتمناة المرأ يدركة
انقطعت احبال و سلاسل افكاري بصوتها قائلةً
الأخ عربي ؟؟
فكرت بلحظة واللحظة الثانية رجعت احلام اليقظة ثانية لي وقلت في نفسي عربي الى ها الدرجة اللمحة الفرنسية اللي في اشباهي مغطية على اشباهي العربية )
رفعت عيني لعينهاوحطيت يدي اليسرى على خصري واليمنى على باب المصعد في محاولة مني للتميلح ورديت عليها بكل غرور وقلت
اية نعم انا عربي وخليجي بالتحديد بس ما ادري وش اسوي بعمري كل من شافني يسألني انت عربي ؟ مع العلم انة صحيح ان اشباهي
فيها لمحة فرنسية لكن انا عربي صدقت وتقمصت الشخصية وبعد ماخلصت كلامي رسمت ابتسامة صفرا على براطمي محاولاً إيهامها بأن غير راضي
عن ذلك
ردت البنت وقالت : هاهاها لا بس انا فكرتك هندي شكلك يقول كذا
هندي ؟؟
ما صدقت اللي سمعت وقالتها هي تضحك بعدقوية وجه
مادرت ان اللي قدامة هذااللي هو انا عبارة عن شكل انسان لكن في الحقيقة عبارة عن احاسيس ومشاعر تجمعت على شكل انسان رومنسي
حالم كالوردة في مهب العج
وشلون صرت هندي ؟ وانا اللي افكاري واحلامي راحت بي بعيد بعيد وقلت خلاص هي لي وانا لها وبديت افكر في لون غرفة النوم حقتنا وغرف اولادنا
وبديت اتخيل شكلي معها وطفلنا فيصل سميتة بعد واحنا نلعب في الملاهي في ديزني لاند ونصور جمب ميكي ماوس وباقي شلة افلام الكرتون ويوم جانا برد يروع وحنا في الملاهي فصخت كوتي وحطيتة عليها علشان تدفىزي ما نشوف في الافلام وانا باالطقاق
وكيف هي ردت علي بإبتسامة حنونة وحطت راسها على كتفي ومشينا سوى وين وين راحت كل ها الاحلام وين
صحيح حلم كبير كبيركبر عمارة الفيصلية في لحظة انهدم
تصدقون مارديت عليهايوم قالت توقعتك هندي زين اللي ما صكيتها مخمس بعد تحطمت او بالاصح قتلت وخرت يدي عن الجدار ونزلت يدي اليسرى عن خصري( 2 سانتي) ضغطت زر الدور الرابع وطلع المصعد ولو كان جدار المصعد سألني وش فيك ما رديت انت زعلت فهي سألت
حسبي الله ونعم الوكيل
يجيلك يوم يا ظالم
---------------
ولا تحرمونا من ردودكم
تحياااااااااااااااااااااااااااااااتي

خخخخخخخخخخ
تسلم يارب
حلوة هندي هذي
خخخخخخ
لاتحرمنا مشاركاتك

مشكوره أخت moona على رد


تحياااااااااااااتي

[ALIGN=CENTER][TABLE="width:100%;"][CELL="filter: dropshadow(color=gray,offx=4,offy=4) shadow(color=blue,direction=135) glow(color=skyblue,strength=15);"][ALIGN=center]شكراااا mar لما وضعت لنا
بانتظار جديدك
تحياتى لك
اختك
اخطـ بنت ـــر {3 }[/ALIGN][/CELL][/TABLE][/ALIGN]

مشكوره خطيره على ردك



تحيااااااااااااااااااااااااااتي