| | | |
| |||||||
 |
 |  |  |  |
| القصص والروايات المنقولة قصص عربية , قصص أطفال , قصص غراميه , قصه قصيره , قصه طويله , روايات , قصص الانبياء , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء , والكثير |
 |
| | LinkBack | أدوات الموضوع | انواع عرض الموضوع |
17-08-2003, 06:10 PM
| #1 (permalink) |
| قلب فعّال  تاريخ التسجيل: Oct 2002 الدولة: المنطقه الشرقيه _ الدمام
المشاركات: 3,130
 |  قصه العروسه على طريق القصيم [ALIGN=CENTER] السلام عليكم عندي قصتن سمعتها في مجلس مع الرجال وجازت لي قلت بقولها لكم هي فيها من الطرافه شوي منيب مسوي زحمه المقدمات بدش بالسالفه دغري هذ1 واحدن توه معرس وخلصت الزفه وهل امور الي في القصر اخينا في الله شقل حرمته وطمرو في السياره ودعس للقصيم يعني اهل العروسه في الرياض وهو ساكنن بالقصيم والبنيه تستحي ومبرطمه طول الطريق الرجال يسولف وهي الرجال يئس من البنت انها تحتسي قال يا ولد مابدهاشي شكلها مسجل وامسك الخط في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم عاد هي طمرت على المرتبه الي ورا عشان تنسدح عشان يخف عليها الوجع قالك توفر وقت الين يوصلون محطه المهم الرجال ما وعى الا هذيك محطه ويصفط عندها وينزل عند البقاله وياخذ له كيس فصفص وكم من ببسي حق الطريق هو كان وده يخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله قالت ياولد بيمديني اطمر وخلص ورجع قبل لا يرجع هو من البقاله المهم المسكينه راحت واخذت وقتها اخينا في هل وقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السياره وشغل الموتر ودعس البنيه المسيكينه طلعت وهي مرتحه انو نقص من وزنها كم من كيلووووو وتناظر يا ولد وين السياره وتتلفت ما تشوف غير ابو هندل حق المحطه وابو يمن حق البقاله عاد تخيلو الصدمه يوم عرفت انو زوجها دق سلف ومشى والبنت المسكينه حتى في نفسها مهيب راضيه تصدق انو مشى جالسه تأمل انه يمكن راح منى ولا منى وبيرجع شوي ما وعت الا هذ1ك الجمس الي مقبل يوم وقفو عند البقاله الي جنبها وتقز الحريم الي في الجمس قالت زين عائله وتروح وترمي روحها على الحرمه الي قدام وهي ام العيله وتقول لها خالتي انا داخله عليس وهذي قصتي والعجوز مسكت راسه وقالت يابنيتي انتي تعرفين سيارت زوجس قالت ايه اعرفها قالت قومي اطمري نلحق على زوجس ويعبون بنزين ويدعسون وراه واخينا في الله مريح وماشي بعد ما لقوه في الخط على بعد نص ساعه عاد تخيل حبيب القارء انك على طريق القصيم و فجئه وراك جمس يكبس بالنور بشكل مخيف يبيك توقف وش رده فعلك اكيد الرجال دعسسسسسسسسس قال ياولد هذولا مهابيل بيضروني ومعي عروستي والجمس وراه داعس يحاول معه انه يوقف المهم الذهين الي يسوق الجمس عرف وش يسوي مار يولع نورا لجمس الي في الداخل عشان العريس يشوف انو الي في الجمس عائله وانتبه ومار يوقف قال وش عنده ذ1 ونزل وهو معصب عاد من الي متوهق في هل موقف راعي الجمس يقول في نفسه وشلون اقولها له انه مرته معنا يبي يجيبها بأسلوب تدريجي عشان العريس ما ينصدم خبركم مثل هل موقف وش بيقولون عنك اهل العروسه اخذت بنتنا وضيعتها ولله ان تلزق بوه السالفه طول عمره وهم العالم يتشمتون فيه المهم راعي الجمس سلم وقال له اخوي ما تسنك مضيعن لك شي قال له العريس لا ولله ما ضيعت شي كال له تأكد قال وشلون قال رح طل على موترك شف في شي ناقص لك العريس قام يوسوس حتى المشكله مرته ما جت على باله المهم راح ودخل خشته جوى الموتر وقال يا مره في شي طاح مننا وحنى في المحطه محد رد عليه ويويق على ورا ويناظر مار تطير عيونه عمىىىىىىى وين راحت المره ورجع لراعي الجمس وقال هات السالفه قال يا ولد مرتك لقيناها عند المحطه انا واهلي وقالت لنا انها نزلت للتوليت وانت مشيت ولا دريت عنها عاد العريس كل انواع النفاضات نزلت عليه تلعثم ولا قدر يحكي المهم راعي الجمس راح وقال للعروسه يلا طسي لم زوجس شوفيه مخترع عليس المهم العروسه ركبت مع زوجها في السياره وانطلق لسانه الي كان مربوط وقامت تتعذر له وتقول لا تزعل مني انا كنت مستحيه اني اقولك اني طول الخط وانا حسرانه وانت مشاءالله عليك ركبت الموتر وانطلقت هههههههههه عاد انقلب الوضع صار العريس هو الي مبرطم طول الطريق والعروسه الي قاعده تبربر ما بقى الا انها هي التسوق عشان اخينا في الله مرتاع من الي صار وبس هذي السالفه اتمنى النها تكون سلتكم والسلام عليكم:D[/ALIGN] |
|      |
|
18-08-2003, 09:52 AM
| #7 (permalink) |
| قلب فعّال تاريخ التسجيل: Jan 2003 الدولة: الكويت
المشاركات: 1,139
|  هههههههههههههههههههههه ههههههههههههههههههههه ابيه والله حاله تسلم اخوي سعيد المصيبه ان المعرس ما طل على مرته قبل لا يمشي على طول قحص و مشى و بعدين والله خوش قصه عساك ع القوه اخوي والله يعطيك العافيه اختك backstreetgirl |
|
| |
|
| مواقع النشر (المفضلة) |
 جديد منتدى القصص والروايات المنقولة |
| |
| أدوات الموضوع | |
| انواع عرض الموضوع | |
|
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| دعت ربها ان يرزقها مولود يشبه العروسه!! | مطلع شمس | القصص والروايات المنقولة | 34 | 21-12-2005 11:41 PM |
| صوره الثعبان العالق باسلاك طريق القصيم | نــــــــــــوف | صور | 43 | 20-08-2005 04:12 AM |
| صورة العروسه وهي تقوول لزوجهاا ..... | بياع قلوب محرقي | صور | 13 | 30-11-2004 01:35 AM |
| قصه العروسه على طريق القصيم لاتفوتك | ملكه القلوب | الفرح والمرح والفرفشه | 0 | 19-08-2003 08:59 PM |
| قصة العروسه على خط القصيم | My Love | جنة القلب | 5 | 16-08-2003 02:51 PM |
على الرد الحلوو ... ةهذي من تاليف واحد من الشله خخخخ:D[/ALIGN]
العرض العادي
