نصائح للأولاد من البنات

[RAM]http://www.25q8.com/moseqa_alsh3r/moseqa8.ram[/RAM]






تحياتي للكل



انا ماني عارف ليش البنت تتوقع دايما ان الولد لازم هو اللي يسيح عليها

هذي بعض المواقف لما تبي ترفع ضغط البنت بكل سهولة

يااااااااشباب جيبوا ورقه وقلم وسجلوا

اذا طلبت رقم في التلفون و طلعتلك بنت ... لا تسيح و تسوي فيها انك تعرف تغازل
بالعكس قول : ألو .. ابو عبدالله ؟ ..... راح تقوللك النمرة غلط .. جاوبها
بكل براءة .. : معليش مشبه على الصوت


اذا كنت مع اهلك في محل أو قسم ادوات تجميل او شي من هذه الخرابيط اللي يحطها
البنات على وجيههم أو في محل ( the body shop ) .. المهم .. امسك لك ركن في المحل
و ضلك واقف هناك .... طبعا ً انت عارف ان البنات ما يسيبو شي بالمحل غير و يتفرجوا عليه
عشان كدة .. البنت راح تطل فيك يعني بالعربي تبغاك تغير مكانك عشان تتفرج
قوم انت دير وجهك و اقعد العب بالاغراض اللي وراك و كأنك ما انتبهت للبنت ...



اما اذا كنت في السوبرماركت .. امسك عربية ( عربة الاغراض ) و حط فيها كيسين سكر و ثلاث اكياس رز
من الحجم الكبير و كم كرتون بيبسي و شوية اشياء ثقيلة كمان ( زي دم البنات لما يتدلعوا )
المهم ... و حط العربية في وسط الممر ... و تعال شوف البنت كيف تحاول تجنب العربية عن الطريق


ولا تعال شوف البنات في محلات الكمبيوتر ... و اسمعها و هي تلخبط باسماء قطع الكمبيوتر
المهم اوقف جنب صاحب المحل و اقعد تكلم انت وياه بصوت واطي .. ( و يا ريت الضحك يكون
بصوت عالي عشان تفهم انه ما ليها داعي بالمحل )

و كمان اذا كانت معاك سيارة محترمة ( مو هايلكس ولا مازدا 84 ) ... نبغى سيارة
تلفت النظر .... المهم و لما بنت تطل فيك على الاشارة .. قدم السيارة شوي بحيث تتجاوز
السيارة اللي راكبة فيها البنت ... يعني ماني فاضيلك

و اذا جات بيغى تقطع شارع ... لا تنزل عليك الشهامة بهذاك الوقت ..
بالعكس وقف شوي .. و اذا جات تقطع امشي بسرعة ( و يا ريت تشغل النور العالي )


و دايما ً طل على الشنطة اللي حاملتها البنت ... و انت تعرف ان الشباب عايشين بنعمة

مرة تلاقي شنطتها شفافة و مرة منفوخة و مرة يد الشنطة تكون قصير و مرات مقطوعة من الجنب

على فكرة في شنك يكون عليها حروف اذا صادف و شفت بنت ماسكة وحدة قول بصوت عالي ... يا ولد حرفي على الشنطة

( حتى لو ما كان حرفك )


هذه " بعض " المواقف اللي نقدر نرفع ضغطهم فيها بس على فكرة يا جماعة

ترى الموضوع للترفيه يعني ما نبغى الموضوع ينقلب جد و نزعل ... اصلا ً الدنيا مو حلوة
بلا بنات ( لأنه اذا ما في بنات على مين نضحك ؟؟؟ ) <

و ترى في مثل انجليزي يقول ... لولا النساء لما قامت حضارة على وجه الارض

بسم الله الرحمن الرحيم



السلام عليكم



هلاو الله،.،

هاهاهاهاهاهاهاهاهاهاهاهاهاهاهاهاهاااااي

هلا وغلا،.،


يعطيك العافيه أخوي الكريم،.،


وتسلم يمناك،.،