في شابين اقرباء واصدقاء في نفس الوقت واحد اسمه نواف وهو الكبير عمره17 سنه والثاني اسمه فيصل وعمره16 وهم قرابتهم لبعض اولاد خاله يعني نواف يقول لفيصل يا ولد خالتي وفيصل نفس الشي يقول لنواف يا ولد خالتي.

وفي يوم من الايام قال نواف لفيصل:تعرف قريبتنا ساره؟قال فيصل:ايه وشفيها؟ قال نواف:انت تدري اني مسوي معها علاقه حب.قال فيصل:انت تحبها يانواف؟قال نواف:لا,بس هي تحبني بس انا اضيع وقت معهاوما احبها
ومر تقريبا شهرين وقال نواف لفيصل:ساره حصل بيني وبينها خلاف وتطاقينا قال فيصل وهويضحك و يمزح:انت وجهك مو وجه غزل ماتعرف تتكلم.
قال نواف:اتحداك ترتبط معها.قال فيصل:لاتتحدانيى ترا انااذا حطيت في بالي حاجه لازم اسويها لوتنقلب الدنيا.قال نواف:اتحداااااااك مره ثانيه.قال فيصل:خلاص نشوف مين قد التحدي.
فيصل جاب رقم ساره ودق على جوالها:وقال انا فيصل عرفتيني قالت ساره:ايه قال فيصل:بصراحه انااحبك من زمان بس ماجت الفرصه الي اقولك فيها.
قالت ساره:انت تعرف اني كنت على علاقه مع نواف.قال فيصل:ايه ولما عرفت ضاق صدري وضاقت بي الدنيا بس لما عرفت انكم انفصلتوا فرحت وتشجعت ودقيت عليك.قالت:نواف يدري انك تحبني؟قال فيصل:لا.ثم قال فيصل:انتي مستعده انك تكونين علاقه معي واوعدك اني انسيك همك وانسيك نواف.واقنعها فيصل لان فيصل عنده اسلوب حلو ورهيب يغري وزياده على ذلك ان فيصل منعم الله عليه بنعمه الجمال والمال وفيصل جميل جدا بصراحه انا مره شفته وسلمت عليه.
المهم استمرت علاقتهم سنه تقريبا بدون مايدري نواف.ونواف كل ماشاف فيصل يقول له:وين التحدي ويضحك.وفيصل يبتسم ويقول بتشوف
البنت ساره تقربلهم من بعيد شوي وساره حبت فيصل حب فضيع لدرجه انها تدق عليه في اخر الليل وتبكي وتقول انا احبك وفيصل طبعا اسلوبه حلو في الكلام ويهديها ويقول انا احبك ولايمكن اتخلى عنك ويبكي طبعا لاكنها دموع التماسيح .
وخلال السنه هذي فيصل كان يشوف ساره كثير مرات في بيت فيصل ومرات في مكان معين ومرات في شقة اصدقائه الي في شارع التحليه في الرياض.وكان فيصل اذا واعدها في شقه اصدقائه يفضيها قبل ما يجيب ساره فيها وكان اذا جلس مع ساره تكون جلستهم بريئه جدا مافيها شي ابدا بس يعني يمسك يدها ومن هذا القبيل.حتى زرع في ساره الثقه الكبيره فيه.وساره كل يوم يزداد حبها لفيصل وفيصل اصلا مايحبها بس هو سوى علاقه معهاعشان التحدي الي حصل بينه وبين ولد خالته نواف.
ومره دق فيصل على ساره وقعد يبكي ويقول ساره انا اشتقتلك واحس اني محتاجلك وابي اشوفك.طبعا ساره كانت ظروفهافي ذاك اليوم صعبه ماتقدر تطلع قالته:انا في بيت عمي ومأقدر اطلع.فيصل قعد يبكي بقوه ساره ماقدرت تستحمل ان فيصل قاعد يبكي قامت ساره وضحت واتفقت مع بنت عمها انها بتروح ساعتين وبترجع واذا احد سأل عنها تسرف الين ترجع.قالت لفيصل:تعال مرني وخذني من بيت عمي, وجا فيصل واخذها من بيت عمهاثم راحوا لبيت فيصل او قصر فيصل وفيصل مضبط الوضع كالعاده يعني اهله كلهم طالعين مافي احد في القصر غير الخدم.وفيصل لما كان بالطريق رايح للقصر ارسل رساله لنواف يقول في الرساله:نواف تعالي بعد نصف ساعه في البيت ابيك ضروري.
ولما وصلوا فيصل وساره للقصر نزلوا تحت في البدروم(القبو)في جلسه فيصل الخاصه.
ولما حس فيصل بوصول نواف استاذن من ساره على اساس انه بيجيب شي يشربونه.ولما جا نواف قال لفيصل:خير وشفيك؟قال فيصل وهو يضحك:مافي الا كل خير تعال ننزل تحت في البدروم(القبو) ولما دخلوا على ساره,
تفاجاءت ساره واستغربت,واستغرب نواف ثم ضحك وقال لفيصل:والله وسويتها يا الذيب قال فيصل:انا اذا حطيت شي براسي لازم اسويه والحين شفنا مين الي قد التحدي.وضحك نواف وفيصل,وبعدها قالت ساره وهي تصرخ:وشفيكم والسالفه وتقول لفيصل:وش جاب نواف هنا قال فيصل:الحين راح تعرفين.
وللأسف واقولها بكل حزن اغتصب فيصل ونواف ساره وفضوا بكرها واصبحت غير غذراء وبعدها دخلوها تتروش ثم وصلوها لبيت عمها وهم في الطريق قاعدين يظحكون وساره تبكي بكاء ماعمره بكته.ولما وصلوا لبيت عمها ونزلت ساره قال لها فيصل:ابيك تعرفين ان فيصل ما في امل في هذي الحياة انه يحب. ومشوا.
وساره المسكينه ضاع مستقبلها وهي دخلت القصر عذراء وطلعت غير عذراء وفقدت اغلى حاجه تفتخر فيها البنت بسبب تحدي تافه بين شابين مراهقين
والظاهر ان ساره ماعلمت اهلها على الي حصل لان ماحصلت مشاكل, بينهم وفيصل ونواف يقولون حتى اذا كانت علمت اهلها احنا راح ننكر كل شي تقوله ساره.
وانتهت القصه شفتوا كيف النهايه؟ وربي حاجه تبيكي وابي منكم انكم تدعون لساره ان الله يساعدها على محنتهاويوفقها وان الله يجازي فيصل ونواف التافهين على ما سووه من افعال قبيحه ماتسر لاعدوا ولا صديق.
شباب ابي تعلقكم على هذه القصه المؤثرره

وتقبلو تحياتي @@ الولف @@

[ALIGN=CENTER]


لا فيك اخوي @@ الولف @@... اكيد عزيزي مافي أي تعليق الا مانقول الا الله يجازي هالمراهقين على عملتهم الشنيعه ويستر على البنت ... ومافي في هالدنيا شي اسمه حب شريف بين بنت وولد الا اذا توج بالزواج الشرعي وبس .. هذا تعليقي ولك مني جزيل الشكر والامتنان ... اخوك سعيد :)[/ALIGN]

اشكرك اخوي سعيد على مرورك الكريم



واتمنى لك التوفيق والنجاح



تقبل تحياتي @@ الولف @@

الله يهدي هالشباب المراهق التافه
ويكبر عقول هالبنات ...
الف شكر اخوي على قصتك الرائعه
تحياتي لك
white rooose

مشكووووووووور
تسلم أناميلك على هالقصه