صواريخح البنات .

الحبووووب

مرحبا بنات

اكيد شفتوه موضوع الاخت Flona وموضوعها عن صواريخ الشباب بس للاسف ماشافت صواريخ البنات

وانا بهالموضوع بشوف صواريخكم :D:


الصورايخ المشهوره عند البنات

1- مادري حبيبي احس اني اعرفك من زمان تصدق

(والدج وناسيج اخاف)

2- حبيبي احس انك غير عن كل الشباب احس انك مختلف وغير عنهم

(عندي قرون يعني)

3-ياريتني ياقلبي عرفتك من زمان

(اي خيرانشالله..عارفه 79 واحد قبلي )

4-انا ماطلع وايد ولما اطلع انزل راسي تحت وما اخز احد

(انتي اللي اخترعتي الهياته يام كشه )

5- انا احب الشعر ومن هواياتي الرسم والسباحه

( يعني رومانسيه ......)

6-ماحب اقعد وغرفتي حوسه وانا احب النظافه وماعرف انام الا وانا

مبخره غرفتي وفراشي
( ....يالنظيفه )

7-احتمال اروح سويسرا الصيف الياي

( هذا اذا ماكنتي في ربوع حفر الباطن )

8- تصدق حبيبي ماعرف البس الا من زارا او نكست

( خلاجين سوق المباركيه تخب عليج )

9-وااااي حبيبي مشتهيه موكا فرابشينو مع كراميل من ستاربكس

( انتي مال بسكوت مالح وجاي بو وزه )

10-دايم اشتري عطوري من تناغرا

( هذا اذا مو عطرج المفضل المرش مال يدتج )

11- شكلي حبيبي راح اطق لي جاكوار من الوكاله

( اذا مو هوندا موديل 76 من الحراج يالذربه )

13- حبيبي اليوم تلفوني طاح بالمرحاض واخترب

( يعني اشتري لي جهاز..شكو مدخله التلفون معاها الحمام مادري )

14- انا كنت مخطوبه حق ولد الحميضي وقبله الخرافي بس رفضت

( اذا مو عليوي الاهوازي حاط عينه عليج من قبل اقص ايدي )

15- حبيبي بروح اشتري قرقيعان من باتشي حق اليهال

( قولي قرقيعان الصيداوي المحزر ماغيره ليش مستحيه )

16- حبيبي حط في بالك ترى انا اذا حبيت حبيت من كل قلبي)

( شلون ...يعني حتى لو ... )

17- حبيبي ودي اروح نادي كراون بلازا ودي العب تنس هناك

( يعني كول..هذا اذا مالعبتي مقصي بحوش بيتكم )

18- علاقتي فيك محد يدري فيها ابد لانها تعتبر من اهم خصوصياتي

( حتى خدامتهم تدري انها تكلم..طاح حظج زين )

19- احب اقعد بالبيت واساعد امي واحب اقعد مع الحريم ونشرب جاي

( يعني ترى ماعندي خرابيط تعال وخطبني..بالعيد انشالله )

20- حبيبي عيد ميلادي الاسبوع الياي

( يعني ابي هديه...)

21- بعد جم يوم راح ادش معهد واتعلم اسباني بعد ماخصلت الفرنسي والايطالي

( عربي مثل الاوادم ماتعرفين...هالمره اسباني؟)

هذا ترى ياجماعه غيض من فيض..ولا ترى في صورايخ ماقلتها حفاظا على الذوق العام

مع تحياتي لكم.... الحبووووب{ 1}

رنا