عشان الحب مستحيل احب

بسمة الحياة

لسلام عليكم ورحمة الله وبركاته.. أنا بحر الاهات وهذي اول قصه اكتبها انشالله تعجبكم وياريت تقولوا لي رايكم بصراحه.. طبعا انا حا انزلكم الاجزاء نيابة عن بحر الاهات لعدم تمكنها من دخول النت اتمنى من الجميييع اعطاء رأيه وان شاء الله كل اسبووع انزلكم جزء
أتمنى من المشرف التثبيت ..

وهذي شخصيات الروايه:


 أبو سلمان ( عبد الله)
 أم سلمان (رغد)
 سلمان (29, متزوج هالة)
 عناد (25)
 شهد (19)
 هناء (17)
 جهاد (13)

________________________________________

 أبو محمد ( حامد)
 أم محمد ( مريم)
 محمد (29)
 هاله (25, زوجة سلمان)
 هنادي (19)
 ماجد (18)
 بيان (10)

________________________________________

 أبو أحمد ( إبراهيم )
 أم أحمد (أمل )
 أحمد (27, خطيب شهد)
 أمجد (25)
 أماني (19)
 أروى ( 17)
 أثير ( 10)

________________________________________

 أبو فيصل ( خالد)
 أم فيصل ( أحلام)
 فيصل (25)
 رزان (23)
 رنا (19)
 راكان (18)
 عبد الرحمن (13)
________________________________________
الجزء الأول : في بيت أبو سلمان ( 4 الفجر)


دخلت الغرفة باردة ( ايس كريم) من كثر البرد كأن الواحد داخل ثلاجة, يالله هالبنت تحب النوم أكيد أخر أيام رمضان وخلاص العيد وجا ليش كل ها النوم!!

جات هناء بشويش وسحبت اللحاف وهي تقوم أختها برقة:حبيبتي شهد يالله قومي مابقا شي على صلاة العيد... لا حياة لمن تنادي... اختفت الرقة وصارت "هنا" تصارخ:
- يا شهد قومي بنروح بيت جدي بعد الصلاة.
- شهد: تركيني شوي.
- هناء: ولا دقيقة مافي وقت بنروحبعد الصلاة.
- شهد: خلاص صحيتيني هاه قمت أرتحتي!!
وطيحت اللحاف من فوق السرير وراحت الحمام أخذت شاور محترم, طبعا أكيد عشان العيد وحبيب القلب.. خرجت من الحمام بروبها و على طول راحت غرفة الملابس خرجت ملابس العيد اللي شاريتها - من مانجو ونكست- وحطتها على السرير وراحت عند المرايا, شكلها كان جنان هي أحلى بنات العائلية تقريباً, لون بشرتها الأبيض الصافي, عيونها الكبار, شعرها الناعم – اللي دايما تسويه كيرلي - اللي يوصل الين تحت ظهرها, شفا يفها الصغار المليانه, خشمها الطويل وجسمها النحيف الطويل... جففت شعرها وحطت رغوى ( موس) عشان يصير كيرلي طبعا وكحلت عيونها و حطت شدو وبلشر وقلوس و راحت تخلص لبسها وطالعت في المرايا, كانت لابسه بلوزة كت سماوي عليها كتابات بذهبي وتنوره لتحت الركبة حرير لونها ذهبي, شافت نفسها في المرايا وقالت: الله لو شافني أحمد وش بيقول...

قصتهم باختصار أنه أحمد وشهد يحبوا بعض من يوم كانوا صغار, أحمد حنون, طيب وهادي ولا عمره أحد أشتكى منه ولا تضارب مع أحد وكان مره رومانسي ويحب شهد حب خيالي وهي تحبه ولا تقدر تستغنا عنه… " آه يا أحمد والله أني أحبك" قالت في نفسها وهي سرحانة تفكر في حبيب القلب دق الباب:
- شهد: أدخل .
- هناء: ها ياحلوه خلصتي ؟
- إيه خلصت.
- يا سلام وش ها الزين..
- من ذوقك حبيبتي , وأنتي كمان قمر.
- شكرا, يالله أبوي رجع من الصلاة وينتظرنا تحت بسرعة لا تتأخري.
- شهد مرتبكة :طيب أنا جايه.
- هناء تبتسم :شهد وش عندك.
فرحت شهد عشان أختها حاسة فيها وقالت:
- أبي أكلم أحمد وأعيد عليه.
- ليه؟ ماراح تشوفينه هناك؟
- ما أعرف يمكن لا..
- أجل أنا بنزل و أقولهم إنك شوي وتنزلي, لا تنامي في العسل..وطلعت من الغرفة.

"يا الله كيف أكلمه الحين المفروض هو اللي يتصل" تذكر هداوته وتذكره يوم جا عشان الشوفه ماتتكلم ولا كلمة وكان أخوها عناد معها وهو اللي يتكلم بدالهم ومع كذا تحبه, قطع أفكارها صوت الجوال, ابتسمت وعرفت أنه هو من النغمة ( حكايتي معاك):
أحلف بأيه أول ما دق القلب دق ليك
أحلف بأيه أول ما قلت أحب كانت بين أديك
في أول الحكايات حكايتي معاك بقالي زمان
وخدني هواك وجوا في قلبي أيام ما تتنسيش.
< دقات قلبي > يتصل بك..
ردت مرتبكة وقلبها يدق بسرعة بصوتها الناعم : الوو ..
- أحمد: كل عام وأنتي بخير, شخبارك؟
- وأنت بخير, أنا تمام وأنت؟
- أنا بخير دامك بخير و مشتاق لك.
أحمد مستغرب من نفسه على الجرأة اللي جاته, وشهد راحت عالم ثاني ماتدري تحس بأحاسيس حلوه مرة و لا ردت..
- أحمد بخجل: راح أشوفك اليوم؟
- شهد خدودها مولعة: مادري, أنا لازم أقفل عشان ينتظروني تحت..
- طيب يالله مع السلامة.
- مع السلامة.
وقفلت وخلاص قلبها في أيديها "وش فيه صار جريء؟ آآآآآه" تنهدت وبسرعة قامت من مكانها وقفلت باب غرفتها ونزلت من الدرج اللي وسط فيلاتهم اللي كانت في أرقى أحياء جده ( المحمدية), كانت فيلا كبيرة وفيها حديقة ومسبح وغرفة للسواق وجناح للخدامات, كان مستواهم المادي مره كويس, أبوها تاجر واصل, عائلتهم مره غينية من جدها الله يرحمه.. لقت أمها وأبوها و أخوانها في لوبي الفيلا, ابتسمت وهي تشوف كل واحد متكشخ كأنه عرسهم " وحتى هاله زوجة أخوي سلمان هنا, مالهم أربع أشهر متزوجين , بس أحبها مره حبوبه" راحت سلمت على أبوها وحبت راسه: كل عام و أنت بخير يبه.
- أبو سلمان: وأنتي بخير حبيبتي.
راحت لحضن أمها :كل عام وأنتي بخير يالغاليه.
أم سلمان تحب شهد لدرجة الجنون: وأنتي بخير يا عمري.
-عناد: وحنا؟ ما في كل عام وأنتم بخير؟
قامت وقالت: نبدأ بالكبير.. وراحت لسلمان وسلمت عليه وبعده هاله وبعدهم عناد, وهذا توأم روحها أقرب لها من أختها هناء بكل شي حتى أسرارهم مع بعض وما يخبي عنها شي ولما حب أول وحده قالها هي وبس, هو يحب أغلى بنات عمها وأقرب وحده لها -هنادي- ومع كذا كانت شخصيته قويه ويعاند مثل أسمه.. وسلمت على أختها الوحيدة هناء وسلمت على جهاد أخر العنقود صح هو صغير (13 سنة) لكن يعتمد عليه في بعض الأحيان..
-أبو سلمان: يالله مشينا.
-الكل: يالله..

كلهم وقفوا ينتظروا سياراتهم يجيبها السواق, أول سيارة كانت سيارة أبو سلمان اللكزس وراح معه أم سلمان وجهاد, وجات السيارة الثانية الجاغوار وهذي سيارة سلمان راح هو وزوجته هاله, وبعدها جا الهامر الأبيض لعناد وراح معه شهد وهناء.. في بيت أبو محمد ( حامد)

الكل سلم وينتظر اللي تأخر وهي على أبرد ما عندها, لاص الكل طفش من حركات أخته اللي تطلع الواحد من طوره, قام ماجد يصارخ ويناديها: هنادي, هنادي.. دقايق ونزلت من الدرج اللي في وسط الفيلا ببرود, كان شكلها جنان ولبسها اللي كان ناعم كان فستان أحمر حبال من فوق وتحت يوصل لنص الساق وشعرها الكاريه الناعم ولون بشرتها البرونزي وهذي ثاني أحلى بنات العيلة, وهي نازلة تغني أغنيتها المفضلة:
يا هنادي أبوكي العمدة حالف لا يطخك عيارين
لأنك رحتي للنادي ولا قلتيشي رايحه لفين
دوختي هريدي وتامر ومتولي وعوضين
وبقالنا يومين بنادي يا هناااااااااادي, يا هنادي
الكل يطالع فيها وهم مستغربين من اللي شايفينه..
- هنادي: ههههههههه أشكالكم تحفه.
- محمد: و الله ما في تحفه غيرك.
- ماجد: حنا أحر ماعندنا أبرد ماعندك.
- هنادي: هييييي كل عام وأنتم بخير.
و طنشتهم وراحت تسلم على أمها وأبوها, هنادي تحب المبالغة: كل عام وأنت بخير يا أحلى أبو وأغلى أبو في الدنيا, شخبارك؟
- أبو محمد: وأنتي بخير يا قمر هالبيت.
- بيان: إيه دلعها ترى أنا أخر العنقود موبهي
- أبو محمد: هي قمر البيت وأنتي نوره.
- بيان فرحت وشافت نفسها: شكرا يا غالي.
- هنادي: كل عام وأنتي بخير يا بعد هلي كلهم أنتي.. ساحره هالبنت بكلامها..
- أم محمد: وأنتي بخير يا عمري أنتي.
- قام ماجد: شكلنا ما بنخلص يالله مشينا.
- الكل: يالله.

________________________________________
في بيت الجد أبو عبد الله...

- أم عبد الله: يالله يا نواره الحين الكل في الطريق..
نواره حبشيه بس مره طيبه وتحب أم عبد الله و أحفاد أم عبد الله كأنهم أحفاده لها في السعودية ولها مع أم عبد الله 16 سنة..
- نواره: خلاص انشالله كل شي جاهز.
- أم عبد الله: الله يعافيك يا نواره.
- نواره: ويعافيك..
ويدق الجرس..
-أم عبد الله :وهذا هم.
فتحت نواره الباب و كانت عايلة أبو فيصل, وراح أبو فيصل (خالد) على أمه وحب راسها إيدها: كل عام وأنتي بخير يا غالية
- أم عبد الله: و أنت بخير يا بوي.
- أم فيصل ( أحلام): كل عام أنتي بخير يا يمه, شخبارك؟
- أم عبد الله: و أنتي بخير, أنا بخير دام عيالي وعيالهم بخير, وين العيال؟
- أم فيصل: الحين يجون مع فيصل.
- أم عبد الله: إيه والله مشتاقة لهم.
وعلى هالكلام دخل فيصل ورزان و رنا و راكان و عبد الرحمن وكلهم بصوت واحد: كل عام وأنتي بخير يا يمه.
- أم عبد الله: و أنتم بخير يا عيالي
- رزان: عساك بخير يا يمه
رزان من البات المحبوبين عند أم عبد الله طبعا بعد شهد, رزان قصيرة ونحيفة وبيضه وشعرها مره طويل وطالع مع جسمها شي جنان كأنها باربي ومره طيبة, عكس أخوها فيصل الكريه اللي ما يحب الخير لأحد وغيار مره ويحب يمتلك أشياء غيره, هو عكس أخوانه كلهم.
-أم عبد الله : أنا بخير دامكم بخير, الله يخليكم يا عيالي..
وبعد ساعة اجتمعت كل العايله اللي دايما مع بعض في كل شي, كان قصر أبو عبد الله كبير مره كان عبارة عن فيلا كبيرة وفيلا صغيرة للرجال وجناح مفصول للسواقين والخدامات.. في الفيلا الكبيرة الحريم وبناتهم سوالف وضحك ووناسه وشوي أغاني - أكيد بعد رمضان- وبعد شوي خرجوا للمسبح الكبير.. أما عند الرجال كانوا يسولفوا ويخططوا لشبكة أحمد وشهد اللي صارت ملكتهم قبل رمضان ..
- أبو أحمد: خلاص يابو سلمان الشبكة بعد أسبوعين أنشالله
- أبو سلمان: خلاص يابو أحمد صار.
- أحمد: لا يا بوي أنت وعمي مو وقته الحين
الكل مستغرب من احمد المفروض هو أكثر واحد يكون مستعجل , لو كان واحد غيره كان قال من بكره
- أبو أحمد: ليش يا وليدي؟؟
- أحمد : يا يبه لا تنسى إن شهد توجيهي وراح تنشغل وبعدين كلها شهر وتخلص.
- أبو أحمد: عين العقل يا وليدي
- أحمد: إيه يبه أهم شي إنها تجيب نسبة عالية تدخلها القسم اللي تبيه.
- أبو سلمان: الله يوفقكم, والله أنك رجال يا أحمد, أنا ما ترددت ولا لحظة لما تقدمت, الله لا يفرقكم..
- أحمد: الله يخليك يا عمي.
قطع عليهم صوت أم عبد الله السلام عليكم.
-الكل: وعليكم السلام
- أبو سلمان: هلا والله بأم عبد الله الحلوة.. ضحك الكل..
- أم عبد الله: هلا فيك, عندي لكم مفاجئة
- أبو محمد: وش هي المفاجئة؟؟
- أم عبد الله: محد يعرفها غير أبو فيصل
- أبو فيصل: يعني أقول؟
- أم عبد الله: لا أنا أقول وأنا وش جابني غير إني أقول
- أبو سلمان: هههه يالله قولي يمه يالغالية
- أم عبد الله: طيب, محمد خالد ال... جاي الحين
- أبو أحمد: الله يحيه والله
الكل يعرف عن محمد لكن ما يعرفوا أحد من أولاده أو بناته وأثني استغربوا لأنهم كانوا صغار
- جهاد: مين هذا محمد؟
- عبد الرحمن: إي والله أول مره أسمع فيه !!
- أم عبد الله: هذا يصير أخو أبهاتكم في الرضاعة وأكيد يكون عمكم
محد أستغرب لأنهم عارفين إلا الصغار
- عبد الرحمن: أقول جهاد انشالله عندهم بنات قدنا
- جهاد: انشالله, ودي أخطب لكن الوالد موب راضي.
الكل مات ضحك من جهاد وعبد الرحمن اللي مسوين نفسهم كبار..

________________________________________
عند البنات..

أماني وأروى أخوات أحمد, شهد ,هنادي ,هاله, رزان, رنا وهناء..
- هنادي: ها بنات وش قررتوا تدخلوا بعد الخرج؟ نبدأ بأماني..
- أماني: والله بعد ما عرف.. أماني بنت ناعمة مره وشبه الممثلة مي عز الدين, ملامحها قريبة من أخوا أحمد كل شي فيها صغير..
- رنا: أنا على حسب النسبة, بنات وش رأيكم ندخل قسم واحد!!.. رنا حلوه وبريئه و وجهها طفولي لكن حركاتها مستعجلة و بوية شوي..
- شهد: انشالله بس ما أضمن بتجيبون نسبتي
- هنادي: ها قامت أم العريف, عارفين أنك شاطرة
- هناء: قولي ماشالله
- هنادي: لا تخافين عيني باردة
أروى و هناء خافوا على شهد وقاموا يضربوا هنادي.. هناء وأروى كأنهم توأم في كل شي حتى حركات البوي بس هناء أحلى منها, أكيد أخت شهد.. قاموا يركضوا و أروى خايفه على زوجة أخوها, شافتهم هنادي رفعت يدها مستسلمة
-هنادي: خلاص ماشالله تبارك الله
كلهم ضحكوا على هنادي ,ما يعرفوا الجلسة كيف تكون من غيرها.. دخل جهاد وعبد الرحمن عليهم وشافوهم يضحكوا, سأل عبد الرحمن: ليش الضحك؟؟ قالوا لهم السالفة وقعدوا يضحكون ونسوا السالفة اللي كانوا جايين عشانها..
- جهاد: يا أهبل يا عبد الرحمن نستني
- عبد الرحمن: إيه صح بس أنت الأهبل موب أنا
- جهاد: والله ما غيرك, أقول بنات البسوا عبيكم عشان تسلموا على أعمامي وعمي محمد
- هناء بصوت عالي: هيييي مين عمي محمد؟
- رزان: هذا أخو أبوي وأبوكم في الرضاعة
- هناء: اهاااااااا
قاموا البنات لبسوا العبي ونزلوا عشان يسلموا وهم نازلين قالت شهد: حنا كل شوي يطلع لنا عم جديد !!
- هنادي: على قولتك يالله خلي العايلة تكبر
- هاله: حنا عمرنا ماشفنا زوجته وعياله
- هناء نطت: عقبال ماتشوفي عيالك
هاله حمرت خدودها وقالت بخجل: والله إنك فاضيه
البنات ضحكوا على هاله اللي حصلتها هناء.. دلوا البنات بصوت واطي مع بعض: السلام عليكم ورحمة الله وبركاته
- العم محمد: هلا والله ببنات الغاليين
- البنات: الله يسلمك
- عم محمد: يالله يا شباب أطلعوا بره عشان أشوف وجيه البنات الحلوة
- البنات والشباب: ؟؟؟؟؟؟؟؟؟
- أبو أحمد: يالله يا شباب..
طلعوا الشباب من المجلس وراحوا عند المسبح, قال ماجد المعروف بعصبيته: والله قهر كمان يطرد !!
- أحمد لا ما يصير يا ماجد هذا عمنا
- فيصل: بلا عمنا بلا عمنا أنا ماحب الأشكال هذي.. وقعدوا يسولفوا الين يطلعوا البنات...
عم محمد حط عينه على شهد وقال لنفسه "هذي تنفع لوليدي", وأنتي مين؟؟
- أنا شهد عبد الله
- أي سنه؟
- ثالثة ثانوي
- ماشالله يا عبد الله ماعندك غيرها؟
خلاص طفح الكيل محد يشوف غير شهد, نطت هناء: إلا أنا هناء أختها
- عم محمد: ماشالله, الله يبارك فيكم كلكم
- هنادي: أنت ما عندك عيال يا عم محمد؟
- عم محمد: إلا أكيد بس هم تعودوا في العيد يكونوا عند أمي بس أنا جيت أعيد عليكم ,ما أكفي؟
- هنادي: إلا تكفي الله يحييك
- رنا: طيب وش أساميهم؟
- عم محمد: ولدي الكبير عهد,ولدي الثاني مالك, مودة قدكم, ليان أصغر منها بسنتين وأخر شي عبد المجيد الصغير.
- هاله: يعني أنت أبو عهد..!
- أبو عهد: إيه أنا أبو عهد..
عايلة أبو عهد من عوايل القصة, أبو عهد تاجر كبير زي باقي العيله أهم شي عنده عياله و راحتهم, مدلعهم لأكبر درجه مع أحداث القصة راح تعرفوا..
- شهد: يالله يا بنات..
- البنات: مشينا..
طلعوا البنات وطلع معهم جهاد وعبد الرحمن وراحوا للشباب اللي كانوا طايحين سوالف وضحك..
- جهاد بزعل: يالله ما في أحد في المجلس
- عناد: وش فيك زعلان؟
- عبد الرحمن: ما عنده بنات قدنا خسارة !!!
- الكل: ههههههههه
- أحمد: جهاد تعال أبيك شوي..
دخلوا الشباب المجلس وعناد عرف ايش يبي أحمد من جهاد أبتسم وراح للمجلس, أنتظر أحمد الكل يدخل وقال:
- جهاد لو سمحت روح لشهد وقولها إني أنتظرها هنا
- جهاد: حاضر..
راح جهاد لشهد وقالها وجلست تعدل شكلها و الميك أب وبسرعة نزلت من الدرج و شافتها هنادي..
- هنادي: ماشالله وش هالزين, هذا كله لأحمد!!
- شهد: إيه كله له هذا حبيبي و الدنيا كلها, باي
- هنادي: باي
راح أحمد يجيب القهوة من الفيلا الكبيرة ودخل من الباب اللي ورا, كان يصارخ وينادي على نواره عشان تجيب القهوة.. دقت على جواله وهي خارجة من الصالة وسمعت النغمة اللي كان حاطها لها (عسى ربي ) لعبد المجيد عبد الله:
عسى ربي يخليك لعيونـــي
وعسى ربي يخليني لعيونك
حبيبي دنيتي صعبة بدونــك
ولا شي دنيتي تسوى بدونك
أنا مغـــرم يــا غالــي فيـــك
وادعــي ربـــي يخــليــــــك
إذا عني بعدت يجن جنونـي
لأنك صرت أغلى من عيوني
ابتسمت, كانت تسمع الأغنية وهي مبسوطة عشان عرفت مكانه, وهي ماشية وعينها على الجوال فجأة صدمت فيه وحتى هو أستغرب من اللي شايفه وحده جميلة في قمة الجمال, وهي خلاص ماهي عارفة وش تسوي تروح عند أحمد ولا ترجع البت!!
- فيصل ما نزل عيونه عنها: أسف ما انتبهت.
- شهد: طيب ممكن ؟
- فيصل: نعم
- شهد: ممكن أمر؟
- فيصل: إيه
جا أحمد وسمع الصوت: شهد في شي؟؟؟
- فيصل: أنا أسف.. وراح
- أحمد: شهد وش صار؟؟
- شهد: أنا كنت خارجة من الصالة ما كنت أعرف أنه في احد هنا وصدمت فيه وأنا أدق عليك.
- فيصل: طيب حبيبتي لا تخافي ما صار إلا الخير ..
سكت أحمد شوي لن شهد متوترة وبعدين قال: مشتاق لك..
نزلت راسها من الخجل " هذا وش فيه صار كلامه كذا!!" ورفعت راسها: وأنا بعد.. سرح كل واحد في عالمهم كيف حياتهم بعد الزواج..
- أحمد: ترى أبوي وأبوك كانوا بيسون الشبكة بعد أسبوعي وأنا قلت لهم لا عشان الاختبارات
- شهد: إيه أحسن ما سويت..
مستغربة شهد من اللي صار " غريبة مو مستعجل على الشبكة واحد غيره كان أستعجل فيها, لكن هو كذا دايم يفكر في غيره قبل نفسه وهذا اللي يعجبني فيه"
- أحمد: خلاص بعد شهر انشالله ونسويها.. وجلسوا يسولفوا شوي عن ترتيبات الشبكة.

وهذا كل اللي يصير وواحد حاقد من كل قلبه " معقول شهد تحب هذا اللي أسمه أحمد, لا أنا لازم ألاقي طريقة أخليها تشوفني بأي طريقة لازم أخرب عليهم, ما في وقت باقي قدامي شهر لازم أسوي أي شي لازم".. على كذا انتهى ول يوم العيد اللي كان في بيت جدهم وثاني يوم عند أبو سلمان.. في ثاني يوم العيد عند أبو سلمان...

كل البنات كانوا في غرفة شهد, هي مو غرفة هي جناح كبير من ثلاث غرف وحمام ومطبخ صغير والغرف غرفة نوم وغرفة تلفزيون وغرفة ملابس.. البنات كلهم جالسين في غرفة التلفزيون وصوت الأغاني مره عالي على أغنية ( يا عمري أنا ) لميامي:
يا عمري أنا , فديتك أنا
يا ريتـك هنا وياي
حياتي أنا عذاب وهنا
وقربك منى دنياي
كل البنات قاموا يرقصوا إلا هاله وأروى, ما تكلمنا عن أروى هي بنت جدا مسالمة وتتنازل عن حقها بسرعة بس حلوة وناعمة وطويلة عكس أختها أماني.. خلصوا الرقص وعلقوا على بعض وضحكوا ودخلوا بيان وأثير..
-أثير: يالله يا حلوين الغدا جا أنزلوا
- هنادي: بيان أقول انقلعي لا يجيك كف
- أثير ويدها على خصرها: أتحداك والله لأقول لأبوي..
بيان شافت هنادي قامت راحت ركض على بره وهنادي تركض وراها, بيان ما لقت غير جناح الأولاد وراحت عنده وهنادي وراها وفجأة صدمت في واحد وعيونها تدور بيان ما كان في بالها أنها في جناح الشباب
-هنادي: أسفه جهاد ماشفتك, ها !!!!!!
توها استوعبت اللي صدمت فيه واحد ثاني... عنـــــــــاد
عناد موب مصدق أنه شافها معقول أفكر فيها وتجي بالسرعة هذي وكل مره أحلى من اللي قبل, قال وعيونه معلقة فيها:
-إيه عناد.. سكت يشوفها وهي منزلة راسها.. هنادي شخبارك؟؟
- هنادي: بخير.... عن إذنك " ياربي ماشوف غير عناد, خلاص حاسة راح أطيح من كثر الربكة" وهي واقفة في مكانها ماتحركت
- عناد: هنادي في شي؟؟
هنادي طبعا مسرحه سمعت صوته ابتسمت و خرجت من الجناح وقبل لا تطلع ناداها..
-هنادي..
- نعم ؟؟
- في وش كنتي سرحانة؟؟
هنادي ابتسمت ما عرفت وش ترد عليه.. أبتسم عناد بخبث وقال: تفكري فيني..
هنادي ما قدرت تمسك نفسها من الضحك وصارت تضحك بصوت عالي.. قال عناد: دوم هالضحكه يا رب..
خرجت من الجناح ونزلت تحت بسرعة و وجهها أحمر ومولع , شهد عرفت اللي فيها
-شهد: هنادي لايكون...؟؟؟؟
- هنادي مبتسمة: شفته يا شهد والله أخوك حلو ماشالله
- شهد: أكيد هذا أخو شهد
- هنادي: مالت عليكي وعلى وعلى أخوكي, لا حرام أخوكي بس أنتي.. وضحكوا مع بعض..
- أم سلمان: شهد يمه قومي شوفي الغدا
- شهد: انشالله
- أماني: خاله لا تعبين زوجة أخوي
- أم سلمان: لا ما تعبها هذي الغالية
- أم أحمد: إي والله غالية, قومي معها ساعديها
- أم فيصل: يالله يا بنات قوموا كلكم جهزوا الغدا
- أم عبد الله: يا رب أشوفكم كلكم في بيوت رجالكم
- الكل: أميـــــــــــــــــــــــــــــــــــن
جهزوا الغدا وتغدوا كل العايله وقعدا يسولفوا

________________________________________
عند الرجال...

-أبو محمد: يالله يا محمد روح قول لجدتك وأمك عشان نمشي
- محمد: طيب يبه.. وقام
- أبو سلمان: تو الناس خليكم عندنا
- أبو محمد: خلاص النوم جا ههههههه

محمد كان طالع من مجلس الرجال وتوه كان بينادي إلا سمع صوتها, هو يحب يسمع صوتها لأنه يحبها بس تفاجأ من الكلام اللي سمعه..
(خلاص يا حسام أكلمك لما أرجع البيت- هههههه – لا موب وقته – لا أنا في بيت عمي يالله أبي أقفل – و أنا بعد – لا ما راح أقولها – امممم طيب أحبك) محمد رجليه ما عاد تحمله موب قادر يستوعب إن اللي يحبها تسوي كذا " ليش يا رزان؟ ليش؟ أنا كل ما أخطبك ما توافقين عشان حسام ؟ مين حسام هذا اللي تفضلينه علي؟" قاعد يطالع فيها وهي ما تدري, عرفت إن في أحد وراها التفتت وشافت اللي ما تبي تشوفه
- محمد: ليش يا رزان؟ ومن حسام هذا؟
رزان ما قدرت ترد عليه و نزلت راسها, محمد جا ومسك يدها : مين حسام يا رزان؟؟؟ رزان حست الدنيا تدور فيها وطاحت على الأرض ومحمد موب عارف وش يسوي, شاف جوالها فتحه و اخذ رقم حسام ومسحه عشان محد يشوفه. هو يخاف عليها حتى لو زعلان منها, شالها وخرج من الممر اللي كانوا فيه وراح عند المسبح صار يرش عليها مويه ويمسح على وجهها , فاقت و أول شي قالته: محمد..
- محمد: ليش يا رزان؟
رزان صارت تبكي ما تعرف وش تقول, كانت بين أيديه ما قدر يستحمل بكاها ضمها لصدره وهي ما صدقت أحد يحس فيها, صار يمسح دموعها ويهديها
- محمد: خلاص إلا دموعك يا غالية
- رزان: محمد أنا ... سكتها محمد
- محمد: لا تقولي شي ابيكي توعديني إن ها الشي مايتكرر, طيب؟
- رزان: حتى بعد اللي سمعته تبيني؟
- محمد: أنتي وعدتيني إن ها الشي ما يتكرر و أنا أثق فيكي.
رزان زاد بكاها ومحمد يهديها
- محمد: رزان ها تتزوجيني؟
رزان ابتسمت و هزت راسها موافقة
- محمد: يعني خلاص أطلبك من عمي؟
- رزان: إيه
- محمد فرحان: أكيد ؟؟؟
رزان أكدت بابتسامه و هزت راسها
- محمد: طيب قومي صلحي شكلك مع انه ما يحتاج
ابتسمت رزان وراحت بسرعة وسمعته يقولها: أحبــــــــــــــك
"و الله أحبها ماقدر أخلها لأحد غيري وهذا موب أي حب هذا حب طفولي يعني من أساس قلبي, وهذا حسام لي تصرف ثاني معه..

وبكذا كان ثالث أيام العيد عند أبو محمد ورابع العيد عند أبو أحمد وخامس يوم عند أبو فيصل وطبعا في كل الأيام العيله كلها تروح لبعض, وطلب محمد يد رزان وفرحوا الشياب قبل الشباب وقالوا الملكة راح تكون بعد شبكة أحمد وشهد والكل كان فرحان إلا فيصل اللي كان يفكر كيف يفرق بين أحمد وشهد هالملاك اللي شافها.. وبكذا انتهى الجزء الأول..
ايش توقعاتكم:
 هل يترك فيصل أحمد وشهد لحالهم؟
 كيف راح تكون علاقة محمد و رزان؟
 لفين راح يوصل عناد مع هنادي؟ الجزء الثاني..


بدء يوم مشرق على كل بيوت جده و الكل مجهز نفسه, اللي على المدرسة واللي على الجامعة أو الكلية واللي على الدوام.. وبدء أول يوم مدرسة وكانت تحضر نفسها ما بقالها شي وترتاح من هم المدرسة بس باقي شهر, شهر وتتحول حياتها من بنت مدللة في بيت أبوها إلى زوجة أو عصفورة في قفص الزوجية اللي راح يكون كله حب مع الإنسان اللي حبته وفهمها وفهمته " أحلى شي أني أذكره كل شوي".. انتهت من لبسها وصلحت شعرها سوته ذيل حصان وهو طويل كان يجنن وكحلت عينها وحطت بلشر و مرطب شفايف وأخذت التلفون وكلمت الشغالة عشان تطلع تاخذ الشنطه وتنزلها السيارة ونزلت هي كمان, مستحيل مدرسة حكومية تقبل بكحل والأشياء ذي, هي في مدرسة أهلية مع هنادي بنت عمها لكن أماني ورنا كانوا في مدرسة مع بعض هم قريبين من بعض زي شهد وهنادي, نزلت ولقت أمها وأبوها و أخوانها كانوا يفطروا و ابتسمت: السلام عليكم وصباح الخير
- الكل: وعليكم السلام, صباح النور
- شهد: ها فطرتوا وخليتوني
- أم سلمان: لا يمه تأخرتي وبدينا
- شهد: ههههه بالعافية.. وجلسوا يفطروا بهدوء وشوي دق الجوال وكانت النغمة ( يا هنادي أبوكي العمدة.....)
- شهد: ههههه والله توها على بالي
- عناد يستهبل يسوي نفسه موب عارف مين: مين هذا؟
- شهد: هذي هنادي.. الوو
- هنادي: هلا يا بنتي أنتي وين؟
- شهد: نعم خير لسه بافطر ياامي
- هنادي: هههه طيب اسمعي
- شهد: نعم سامعتك
- هنادي: يا بنت خلصي فورك ومري علي
- شهد: ليش انشالله أشتغل عندك
- هنادي: إيه بكم ههههههههه
- شهد: بكم بعينك, خلصيني ليش؟
- هنادي: مالي نفس أروح مع سواقنا ما أبي أتصبح بوجهه
- شهد: ههههههه أكيد وجهي أحلى
- هنادي: مالت على وجهك أقول خلصيني
- شهد: يالله مسافة الطريق باي
- هنادي: باي
- شهد: يالله يامه أنا بروح هنادي تنتظرني مع السلامة..
وقامت من الطاولة ولبست عبايتها و بسرعة بتخرج الا تذكرت شي: يمه وين هناء؟
- أم سلمان :راحت من أول تقول إنها تأخرت
- شهد: يمه مع مين راحت؟
- أم سلمان: راحت مع هيري السواق
- شهد: يوووه هو في الحين؟
- أم سلمان: والله مادري دقي عليه
- شهد: طيب. ودقت عليه: الوو
- هيري: yes miss
- شهد: وينك في؟
- هيري: أنا في مدرسة مس هناء
- شهد: طيب. وسكرت السماعة
"والله هنادي بتاكلني" وشافت عناد في وجهها وراحت لعنده, عناد طالع فيها وابتسم عارف وش تقصد, كان عارف أن السواق مافي بس ماحب يتكلم
- شهد: عناد الله يخليك وديني لبيت عمي
- عناد: لا أنا عندي عمل ما أقدر
- شهد فهمت بس تستهبل: خلاص بقولها تجي بسواقها
- عناد لحق على نفسه: يالله خلاص حزنت عليكم.. وطلعوا من البيت بعد ماسلموا على أمهم وأبوهم ... و في سيارة عناد الهامر
- عناد: دقي عليها خليها تطلع
- شهد فتحت عيونها: من الحين؟ باقي شوي
- عناد: يعني ما تعرفيها سنه على ما تطلع
- شهد: في هذي صدقت, ودقت عليها: الوو
- هنادي: هلا ها وينك؟
- شهد: يالله أطلعي حنا بره
- هنادي: وين بره أنا في الحديقة ما أشوف احد
- شهد: والله هذا عناد اللي قال موب أنا
- هنادي: عناد وش دخله؟ لا يكون..
- قاطعتها شهد: إيه عناد هو اللي جابني لان هيري راح يودي بيان وهناء ومافي غير عناد ويالله لا يكثر هرجك حنا بره باي.
- هنادي: باي
" يا ويلي هذا وش جابه مو كافي ذاك اليوم موب قادرة أنسى, ااه يا عناد وش جابك؟ ليش تذكرني فيك؟" ودخلت السيارة
- هنادي بصوت ناعم: السلام عليكم
- عناد وشهد: و عليكم السلام
وركبت ورا شهد وهمست في أذنها: هذا الوجه موب وجهك.. ماتت شهد من الضحك وسكتت فجأة: والله لا أقول, عناد هنادي تقول.. وقرصتها في كتفها, اااي خلاص ما راح أقول شي
- عناد: والشكر, أنا أقول أختي هبله وطلعت الثانية أهبل منها
- حطت يدها على خصرها: والله هذي أختك الهبله موب أنا
- عناد: إيه هذي بنت عمي اللي أعرفها مو اللي تستحي
خلاص ماتبي تتكلم من كثر ما أحرجها
- عناد: ليش ساكتة؟ ........ هنادي؟
- هنادي: نعم
- عناد لف وطالع فيها: تفكري في ايش؟
خلاص ذابت من كلامه و أخيرا وصلوا, كأنه لها عشرين ساعة معه
- شهد: يالله مع السلامة عناد
- عناد: مع السلامة , ولف عليها: مع السلامة هنادي
نزلت من غير ما ترد عليه وهو مات من الضحك عليها..

وعند السواق هيري و معه هناء و أروى اللي محد يدري عنهم أنهم مع بعض ويبون يفلوها أول يوم مدرسة..
- هناء: ها أروى وين نروح؟
- أروى: والله يا هناء ما اعرف, أي مكان بس لا نتأخر
- هناء: لا ما راح نتأخر,هيري روح ستاربكس اللي في التحليه
- هيري: ok miss
و راحوا ستاربكس اللي في التحليه, وشارع التحليه معروف أكثر مكان فيه زحمة إن كان أولاد أو بنات, كانت سيارة البنات فورد أسود 2007 ومظلل, وصلوا البنات ونزل هيري يجيب الطلبات وجلسوا البنات في السيارة.
- هناء: خلينا نفتح الشباك الصباح حلو, وفتحوا الشباك يتنشقوا نسيم الصباح
- أروى: هناء, هناء شوفي ذاك...
هناء تدور على اللي تأشر عليه أروى وشافت واحد نحيف وطويل وأسمر وفمه صغير وعيونه كبار ولونها بني فاتح وكان لابس ثوب و شماغ أبيض وشكله رجل أعمال أو شي مهم..
- أروى: يا الله مرررره حلو
- هناء تتصنع اللا مبالاة: يعني مو مره
- أروى: هناء شوفي جي علينا
- هناء: أقول اهجدي و لا تطالعي فيه
جا عليهم هالشاب وعيونه على هنا و أتجنن عليها وشاف اللي تطالع فيه ولا أهتم فيها, شاف هذي اللي جالسة في السيارة ومعطية الشباك ظهرها, قرب منها لدرجة انه هز كتفها بيده: هلا
دارت نفسها مين هذا اللي تجرأ ولمسها, شافته هو الحلو اللي شافته قبل شوي حست نفسها داخت في جماله ولسانها انعقد وعيونها معلقة فيه
- الشاب: قلنا هلا
" كمان واثق من نفسه ويعيد بس ما راح أسكت"
- هناء: لا بالله عليك
خلاص الشاب مات على نفسه من الضحك وهو شايف هالوجه الحلو الأبيض والخدود الوردية والشفايف الحمرة المليانة عليها مرطب و عيونها العسلية وشمها الصغير هذا كله وتنكت: والله حلوة ودمك خفيف
- هناء: عمى
- الشاب: و ما أشوف الحلى ذا كله
وكان بيقرب منها وبسرعة سكرت الشباك, ابتسم من خوفها وفك الباب اللي جنب السواق ودخل راسه و البنات فزو من الخوف ورمى عليهم ورقة وبالذات على هناء وطلع وسكر الباب, فتحت هناء الشباك
- قالت: يا... وابتسمت باستهزاء
لف عليها فرحان وقرب منهم شوي: هلا
رمت الورقة في وجهه: واثق من نفسك..
وسكرت الشباك وجا السواق و مشوا وتركوا واحد يغلي من غيظه " من هي عشان ما تاخذ رقمي" ورجع لصاحبه اللي كان يسمع بهدوء
- الشاب: اضحك يا خي موب أنت اللي تفشلت
- الثاني: و الله يا معن محد قالك
- معن: و الله بس عليها جمال يا مالك
- مالك: لو ايش ما أسوي اللي أنت سويته
- معن: ما قدرت, أقول لها هلا تقولي لا بالله عليك
- مالك: هههههه معلشي يا راقل تعيش وتاخد غيرها ههههههه
- معن: ربنا يوريني فيها يوم ههههههه, أقول امشي نشوف وين رايحين
- مالك: يمكن كليتهم اتركهم في حالهم
- معن: لا بس نشوف وين رايحين
- مالك: يالله مشينا.. ومشوا وراهم..
أما عند البنات أروى كانت ماسكه ضحكتها وموب قادرة وهناء معصبه..
- هناء: والله من جد ما يستحي
- أروى ما صدقت: هههههههههههههههههه
- هناء: هههههه والله غبي
- أروى: بس حلو
- هناء: يعني عادي –شهقت- شفتي اللي معه والله من جد حلو ابيض وشعره ناعم..
- هيري: مس شوفي هادا سيارة !!!
لفوا هناء و أروى وشافوا سيارة وراهم وعرفوا أنهم هم
- هناء: شفتي؟ وش ممشيه ورانا؟
- أروى: والله مدري
وصلوا المدرسة وهم خايفين احد يشوفهم ودخلوا المدرسة وعرف معن ومالك إنها مدرسة ثانوية
- مالك: أقول والله أنهم بنات صغار
- معن: لا ثانوي موب صغار, بس حلوه
- مالك: يالله مشينا
وقف معن السيارة: دقيقة وارجع.. ونزل وكلم البواب ورجع
- مالك: وش سويت؟
- معن سالت البواب متى الانصراف
- مالك: ليييييييييييه؟
- معن: أبي أعرف مكان بيتهم لما ينصرفوا
- مالك: من جدك أنت؟ ولو أحد شافنا؟
- معن: لا محد راح يشوفنا, أنت خايف
- مالك: موب أنا اللي أخاف من أحد
وسولفوا الين وصلوا المستشفى اللي كانوا يطبقوا فيها (طلاب طب طبعا)..


وفي المدرسة الثانوية الأهلية كانت شهد وهنادي وصاحباتهم في الفسحة..
- هنادي: شهد قومي نمشي قبل ما تنتهي الفسحة
- شهد: هنادي خليني آكل أنا ما فطرت زين منك
- ألاء: شهد متى راح تسوي الشبكة ؟
- شهد: انشالله بعد شهر.. إيه صح أبي رقم مصورة زواج أختك تصويرها ممتاز
- ألاء: خلاص انشالله أرجع و أرسله لك
- هنادي: طيب و D.j مرة وحده أحسن
- شهد: إيه أحسن
- ألاء: ليش ماتجيبوا مغنية؟
- شهد: لا ما يصير الشبكة موب كبيرة
- هنادي: و الزفة نرتبها يوم الأربعاء لما نكون في بيت عمي إبراهيم
- شهد: هذا الأسبوع عنده
- هنادي: إيه يا فرحتك
- ألاء: لا يكون هذا بيت خطيبك؟
- هنادي و شهد: أيه
- السلام عليكم
- هنادي وشهد و ألاء: وعليكم السلام
- هنادي: وين رحتي دقت الفسحة وخرجتي ولا شفناكي؟
- رشا: كنت مع البنات حقون الأدبي
رشا بنت من مكة وكلامها مره مكاوي بس بنت مره طيبة وحبوبه , أهلها في مكة وهي عند خالتها لأنها مو متزوجة وعايشه معها..
ترررن .. ترررن .. ترررن ..
- رشا: يالله يا عسل, ايش علينا دحين؟
- شهد: "دحين" علينا حصتين كيميا..


وفي مدرسة ثانية كانت هناء وأروى خلاص أخر حصة لهم اليوم وما يعرفوا ايش اللي ينتظرهم برا!! ترررن .. ترررن..
- أروى: اففففف اكره الأدب
- هناء: من جد غثا
وجوو صاحباتهم عشان يخرجوا سوى
- نداء: ها بنات خارجين؟
- هناء: إيه خلاص السواق برا
- نداء: بنات ممكن طلب؟
- أروى: إيه عادي آمري
- نداء: ممكن توصلوني البيت؟
- هناء: يا بنتي عادي بس حنا رايحين جرير تجي معنا؟ ما راح نتأخر
- نداء: ايوه عادي ماما ما تقول شي, أصلا أنا ناقصتني أشياء ابغاها ضروري
- أروى: يالله
هناء و أروى غير بنات العايلة ما كانوا يغطوا وجهم حتى صاحباتهم معهم, هم ثانية ثانوي أدبي عشان ما كانوا مره شطار.. شهقت أروى:
- هناء شوفي الأولاد اللي في الصباح
- هناء: هذا وش جابه لا وكمان معه الحلو
- نداء: ايش في؟
و قالوا لها على اللي صار في الصباح وصارت تضحك عليهم بصوت عالي ولفتت انتباه الأولاد
- معن: شوف طلعوا
- مالك: والله يا معن صغار وكمان موب ذاك الحلى
- معن: ذولي موب حلوين! الا قماري
- مالك: موب شايف أحد حلو
- معن: شوف اللي في الصباح غير واللي معهم غير, أحسها كتكوته و وجهها طفولي
- مالك: هههههههه تحب بزران
- معن: بزران بعينك
- مالك: شوف اللي رمت الرقم بوجهك هي أحلاهم
- معن: بالله لازم تذكرني
- مالك: أقول يالله مشينا

وعند البنات...
- نداء: بنات ايش سيارتهم وكيف أشكالهم؟
- هناء: سيارتهم البورش الحمرا بس مو مره حلوين
- أروى: بنات قلبي يدق خايفه
- هناء: أجل أنا وش أقول, من الصباح وهو يدق
- نداء: يعني تبوا تموتوا لا زم يدق
- هناء: ها ها ها دمك ثقيل توني أعرف
- هيري: مس وين روه؟
- هناء: روح مكتبة جرير
- هيري: هادا مكتبه بئيد
- هناء: أقول روح وأنت ساكت
وصلوا المكتبة ونزلوا من السيارة وهم داخلين لاحظوا إن الأولاد معهم.. دخلوا المكتبة وكل وحده راحت المكان اللي تبيه عشان ينتهوا بسرعة, راحت أروى قسم الأفلام ونداء قسم الكمبيوتر وهناء قسم الكتب و الروايات, تعشق الكتب والروايات كانت تدور روايات يوسف السباعي, لقت كثير بس قالت تدور أحسن شي و تاخذه. شافت أحد جاي عليها, كان الحلو اللي عاجبها كان طويل جسمه رياضي و ابيض وعيونه لونها رمادي مايل لازرق و فمه وسط,كان لابس قميص اسود ساده وبنطلون جينز ازرق غامق, قرب منها و هي أتجاهلته بس كانت مرتبكة وموب عارفة ايش تسوي "أحسن شي أستهبل عليه" قالت لنفسها, وهو مسوي انه ما شافها و يختار رواية وطاح عليه كتابين وهي استغلت الفرصة و هي تشوفه يرتب الكتب راحت عنده وابتسمت بخبث
- هناء: محمد لو سمحت أبي روايات يوسف السباعي..
هي عارفة مكانها بس قالت أستهبل عليه ومالك يقول في نفسه " محمد بعينك"
- مالك: طيب لحظه
وجات عينه في عينها وبدء كلام العيون.. للعيون لغة لا يفهمها الا المحبين حيث يخيم الصمت فيها, عندما تبدأ بالكلام أروع ما قد يكون أن تشعر بالحب ولكن الأجمل أن يشعر بك من تحب... وقفوا دقايق وعيونهم على بعض وكأنها ساعات
- مالك كسر الصمت: نعم وش بغيتي؟
- هناء وهي راجعه: لا شكرا
وقفت مكان الروايات و هي حاسة الدنيا صارت حلوة "مادري ليش بس حسيت من الصباح أن في شي غريب راح يصير اليوم, معقول أني لقيت حبي؟ ااه ايش حب, الحب بس ي الكتب والأوهام". أما في الطرف الثاني " و الله يا مالك البنت حلوة كمان تحب روايات يوسف السباعي مثلي, يا الله وش فيه قلبي يدق كأني أول مره أشوف بنت؟ أنا أختار لها رواية اكتب رقمي فيها" أختار رواية الخلخال, قرب منها وحس بإحساس غريب " يا الله من جد شكلي أهبل وأنا أطالع فيها"
- مالك: أنا اخترت لك هذه الرواية
- هناء: و مين أنت عشان تختار لي
- مالك يستهبل: أنا مالك, أول مره ألقى أحد يتفق معي في الكاتب وهذي الرواية حلوة.. ومد لها الرواية , أترددت بعد كذا أخذته
- هناء: شكرا... يا مالك
- مالك: في الخدمة. و ابتسم.
ابتسمت له وأخذت الكتاب وراحت عند الكاشير وكانت عينه عليهم من أول, حطت الكتاب وسألت
- هناء: لو محت بكم الكتاب عشان ما عليه سعر؟
- الكاشير: زي ما تبي على كيفك ولا أقولك خذيه مني هدية
- هناء: أنت ما تستحي, بتقول بكم ولا أطلع
( اطلعي برا أنا بجيبه لك) التفتت وراها لقت مالك
- مالك: أنت ما تستحي تكلم بنت عمي كذا
- الكاشير: عادي ما فيها شي ولا حلال ..
و ما كمل كلمته لأن مالك مسكه من ياقة القميص وسنده على الجدار و قال: ترى بكلمة مني أطيرك من المكتبة حتى لو كانت مكتبة أبوك..
هناء مصدومة من اللي تشوفه قدامها, ليش يدافع عنها؟ قالت: مالك خلاص الله يخليك..
مالك أنتبه للي بيسويه وانتبه لصوتها اللي حرك مشاعره, ترك الرجال وأخذ الكتاب وحط 200 ريال ومسك هناء من ذراعها وطلعوا من المكتبة
- مالك: أنا أسف كان لازم أسوي كذا
- هناء: لا عادي .... شكرا
- مالك: عفوا بس مرة ثانية لا تعطيه مجال, طيب ؟
- هناء: حاضر
- مالك: شطورة تسمع الكلام
هناء راحت على السيارة بسرعة من الإحراج و لقت أروى و نداء ينتظروها ودخلت السيارة بهدوء
- أروى: سنة على ما تخلصي
- هناء: أسكتي يا أروى حاسة إحساس حلو
- نداء: مين اللي كان واقف معاكي؟
- هناء: هذا مالك
- شهقت أروى: مين هذا مالك؟ مو ذا الحلو؟
حكت لهم هناء كل اللي صار من البداية للنهاية
- نداء: يا رب يصير لي شي زيك
وضحكوا عليها, وراحت كل وحده على بيتها
وعند الشباب...
- معن: وش فيك من يوم ركبت السيارة وأنت ساكت؟
" أكيد لازم أسرح فيها, أشوف وجهها وما أسرح غريبة هالبنت غير البنات أووه"
- معن : مالك وش فيك؟ أكلمك أنا
- مالك: معن أسكت كل اللي فيه أنا منك
- معن: ليش وش صار؟
قاله مالك كل اللي صار, وصار مالك يضحك عليه و كملوا طريقهم --------------------------------------------------------------------------------

الساعة 4 العصر في بيت أبو محمد كان داخل البيت راجع من شركة أبوه اللي ما تخلص مشاكلها, لقى أمه وأبوه سلم عليهم وقعد معهم شوي وطلع غرفته, لازم يسوي الشي اللي المفروض أنه يصير من زمان لكنه متردد يخاف عليها منه, لازم يوقفه عند حده " لازم أشوف طريقة أخليه يبعد عنها, أنا لازم أكلمه وأخليه يبعد عنها لأنها صارت ملكي" أخذ جواله و دور في الأرقام ولقى الرقم ودق عليه
- وبصوت محمد الرجولي: الوو.. السلام عليكم
- حسام: و عليكم السلام, مين معي؟
- محمد: معك محمد حامد الـ....
- حسام مرتبك: يا هلا آمر أخوي
- محمد: معي حسام عبد الله الـ....
- حسام: ايوه معك , خير
- محمد: خير انشالله, أنا باتكلم معك في الموضوع على طول
- حسام: أتكلم, معاك
- محمد: أنا الأسبوع الماضي لقيت رقمك في جوال بنت عمي ولو سمحت أنا ما أبي أتعامل معك تعامل ثاني فا لو سمحت لا تدق عليها ولا أشوف رقمك و أظن أنك تخاف ربك و عندك خوات.
- حسام: بس أنا كنت أبا أخطبها
- محمد: اللي يبي يخطب على قولتك يدخل البيت من بابه والبنت عندها أهل وأحترم نفسك أسن
- حسام: أنا محترم أنتوا اللي ما عرفتوا تربوا بنتكم
- الظاهر ما تجي بالأدب
وسكر السماعة و في داخله بركان يغلي لو كانت قدامه كان قتلها بس هو يحبها وما يقدر ياذيها لكن حسام هذا حقير " كيف أكلمها وأحذرها منه, لازم ألاقي طريقة وأكلمها"..

________________________________________
الساعة 12 ونص في بيت أبو سلمان جلست بجب أختها اللي كانت تطالع التلفزيون..
- هناء: ها شهد رحتي للمصمم؟
- شهد: إيه رحت وقال الأسبوع الجاي أروح و أخذه يمكن أخليه الين تخلص الاختبارات
- هناء: طيب كلمتي المصورة و D.J؟
- شهد: كلمت ألاء وقالت لي ترسل الرقم بس أظنها نسيت خليني أدق عليها
أخذت جوالها ودقت عليها, ماترد
- شهد: ما ترد
- هناء: شوي دقي عليها – وهي تتثاوب- تصبحي على خير, اوو نسيت اليوم شريت رواية جديدة أسمها الخلخال باطلع اقرا شوي قبل لا أنام..
قامت وطلعت جناحها وكان كل شي لونه pink & violet حتى جدران الجناح واحد pink وواحد violet.. فتحت شنطتها و أخذت منها الرواية وجلست على طرف السرير ولما اندمجت مع الرواية أتمددت على بطنها وصارت تقرا وقلبت الصفحة الرابعة تفاجأت باللي مكتوب, شهقت ما توقعت انه كاتب لها كذا كمان حسبته طيب وما يرقم وكمان كاتب ( كتبت في الصفحة الرابعة لأني اتفائل برقم 4 و هذا رقمي ...... مالك).. " أدق عليه ولا أتركه يا الله ماني عارفة وش أسوي كمان أبي اشكره على اللي سواه معي اليوم, بس حلوه بنت عمي والله لو في واحد مثله عندنا كان شي... خليني أحفظ رقمه وامسحه من الكتاب, وكمان أقول لشهد اعطيكي الكتاب وهو فيه بلاوي" حفظت الرقم في جوالها وكتبت ملاك " والله أنه ملاك أكيد بنات عيلته طايحين عنده" خليني أدق و أشوف " دقت أول رنة وقفلت خافت أول مرة تسوي هذا الشي, سمعت الجوال يدق " ي ربي يدق وش أقول له؟"
- ردت بصوت ناعم: الوو
- مالك: نعم ؟
- هناء: هذا جوال مالك؟
- مالك: نعم أنا مالك في شي؟
أف يعني مسوي نفسه ثقيل ما يكلم بنات
- مالك: الوو مين معي؟
سكرت السماعة في وجهه وهي موب مصدقة اللي سوته , هي دايم تجيها أرقام عمرها ماجربت " بس أحس مالك غير, بس موب عشان مالك افقد ثقة أهلي " قطع عليها صوت الجوال, شافت رقمه يدق ما ردت عليه, أرسل لها رسالة ( أنتي مين؟)..
ما ردت عليه و قفلت الجوال وكملت شوي من الرواية وهي فرحانة وشوي نامت..

________________________________________


يوم الثلاثاء في الصباح في بيت أبو عهد كانت مودة تفطر مع أمها و أخوانها لان أبوها فطر وراح الشركة, كانت تنتظر أخوها يوديها الكلية.. هي أدب انجليزي سنة أولى,حلوة وطويلة , مره بيضة وشعرها أشقر من كثر البياض.. نزل من الدرجة وهو يغني:
القلب سلم لك أمره
في حالتي أنت أدرى
ياللي حنانك طيبك
تنحط عالجرح يبرا
شفاف يا نور يا عيني
حبوب قلبك يبيني
زهرة شبابي وسنيني
تفداك ألفين مره..
كان صوته جنان, هذا عهد أكبر أولاد محمد, بلونه البرونزي الجذاب و ملامحه الحلوة يشبه احمد شوي بس عمره 25 سنة مهندس بترول ومعادن يشتغل في ارامكو كان مجتهد و ذكي لكن اللي مضيعه الغيتار اللي يعزفه بس كان عزفه جنان ومع صوته, كان إذا غنى في مكان يتجمع عليه البنات و الأولاد و اللي يصور واللي يسجل, كان يدرس في الشرقية وهذي السنة جا هنا وما يعرف أحد من أهله كثير, أصلا كل عيلة أبو عهد ما تعرف عايلة أبو سلمان و أخوانه..
- عهد: يالله مشينا
- أم عهد: أقعد يابوي أفطر و أمشي
- عهد: لا يمه ما في وقت, خلي البنات يدلعون علي اليوم بس, يالله مودة.. ودور بنظره وعرفت مودة
- مودة: لحظة وتنزل
لحظات ونزلت من الدرجة بسرعة
- ليان: السلام عليكم يا حلوين
- مودة: غريبة خلصتي ! الشمس من وين طالعه !!!!
- ليان: يمه شوفي مودة
- أم عهد ماسكه ضحكتها: مودة أتركي البنت في حالها
- عهد: بتمشون ولا كيف, يالله باي
- ليان: يمه مالك وين؟
- أم عهد: نايم, الساعة 8 رايح المستشفى, ليه؟
- ليان مرتبكة: لا ولا شي, باي
طلع عهد وليان و مودة و جلست أم عهد تطالع التلفزيون ونزل عبد المجيد عمره 13 سنة هو أخر العنقود وليان 18, مودة 20 ومالك 23
- عبد المجيد: هلا يمه
- أم عهد: هلا حبيبي أجهز لك الفطور
- عبد المجيد: لا يمه أنا طالع مع السلامة في المدرسة الثانوية كانت أماني ورنا جالسين في الفصل..
- رنا: أماني بكرة عندكم صح؟
- أماني: إيه بكرة جيين بيت خالتي
- رنا: يا فرحتك جيين حبايب قلبك
- أماني: أقول انقلعي بس و الله انك فاضيه
- رنا: أماني من جد تحبين فيصل؟
- أماني: وش أسوي كذا نصيبي
- رنا: المشكلة انك ما جيتي على باله ولا يعرف يحب فيصل غير نفسه
- أماني: حرام تقولين على أخوك كذا
- رنا: لا حرام ولا شي أنتي اللي حرام فيه
- أماني: لا موب حرام فيه فيصل حبوب
- رنا: أقول اتركينا منه, كيف شكل ولد خالتك
- أماني: حلو مره بس أزعل لما ما ألاقي في قلبي مشاعر له
- رنا: طيب ليش ما تحولين عليه, هو يحبك
- أماني: أحول بعينك ( تنهدت) هذا اللي قاهرني..
ترررن .. ترررن .. ترررن...
- أماني: يا الله أكره هذي المعلمة

________________________________________


يوم الأربعاء كل العوايل تتجمع عند أبو أحمد, كان كل الشباب في المجلس يسولفون عن الشركات و الأسهم و جات سالفة أحمد وشهد
- أبو أحمد: أقول يا أبو سلمان اختبارات شهد متى تنتهي عشان نحدد الشبكة؟
الكلام شد انتباه الكل و بالأخص فيصل اللي كان يغلي في داخلة انه إلى الحين ما سوى شي
- أبو سلمان: والله يا أبو أحمد مادري بالضبط بس خلال هاليومين انشالله, أرد لك خبر
- أبو أحمد: ما في وقت على ما تعزمون الناس
- أبو سلمان: خلاص صار الخميس اللي بعد ثلاث أسابيع.. و مبروك يا أحمد
- أحمد بفرح: الله يبارك فيك...وقام الشباب والشياب يباركون له
- أبو أحمد: لا تتأخر انشالله يا أبو حسان
- أبو حسان: انشالله أحمد هذا ولدي
أم حسان أخت أبو أم أحمد, أبو حسان رجل أعمال كبير وعنده شركات ويديرها ولده حسان عمره 28 سنة متخرج من قسم محاسبة وإدارة أعمال عشان أبوه, أخوه سيف 24 سنة يحب يتغزل بأي وحده حلوه أو لا, لكن أخته دعاء بنت جدية ما تحب اللعب عمرها 22 سنة شوي مغرورة ودلوعة لأنها بنت وحيدة
- سيف: امجد قم نلعب طايره
- امجد: يالله شباب معنا
- الشباب: يالله
قام كل الشباب يلعبوا طايره في الملعب الخاص للكرة الطايره وكان في غرفة صغيرة للآلات الرياضية (gym ) وفيها أستريو وشغلوا الأغاني و بدأو يرقصوا.. أما رقص الشباب فلــــــــــــــــــــه!!

وعند البنات...
كل البنات مسوين قروبات كل ثلاثة أو أربعة مع بعض بس في جناح أماني اللي مره كان مرتب,كانت أماني و دعاء ورنا مع بعض وشهد وهنادي وهاله و رزان مع بعض وهناء وأروى مع بعض, وهناء كانت جالسة تفكر في فارس أحلامها اللي من أيام شافته, كان لقائهم غريب وقربهم من بعض من غير ما يحس أي من الطرفين, طبعا هناء حكت لأروى كل شي واللي كان في الكتاب..
- هناء: آه يا أروى صوته يجنن
- أروى: يالله ندق عليه
- هناء: أنتي مجنونه ندق بعينك يا هبله
- أروى: ولا حاولتي ترسلي له رسالة؟
- هناء: أكيد لأ, أنا مستحيل أكلم ولد يا حبيبتي أهلي واثقين فيني وأنا مستحيل أخون ثقتهم
- أروى: طيب خلاص أكلتينا, هاتي رقمه أنا.. وما كملت كلامها دق جوال هناء برسالة من "ملاك"
متى نلتقي وأعلمك وش كثر مشتاق
وان غلاك ساكن وسط أعماقي
وخلي لقانا ضمة دفا وعناق
و إذا قلتي لي يكفي قلتلك لا بعد باقي
- أروى: والله الرسالة حلوة
- هناء: والله ما يستحي, راح أدق عليه.. ودقت عليه ومن أول رنه رفع وردت: الوو
- مالك: هلا
- هناء: مين أنت عشان ترسل هالرسالة
- مالك: أنا " محمد لو سمحت" عرفتيني؟
- هناء: ......
- مالك: أنا عارف أنك أنت اللي دقتي ذاك اليوم
- هناء: طيب لو سمحت أخر مره تدق عليه لأني أنا ما أكلم أولاد
- مالك: أنا موب أي أحد أنا "ولد عمك"
- هناء: ولد عمي بعينك, تكذب وتصدق الكذبة
- مالك: هههههه طيب ليش ما تصدقين معي
- هناء:أقول مع السلامة.. و سكرت السماعة
- نطت عليها أروى: ها شصار؟
حكت هناء لأروى كل شي: شفتي "ههههه طيب ليش ما تصدقين معي"
- أروى: عندي فكرة حلوة بس ساعديني.. قالت أروى لهناء على الفكرة و شرحت لها كل شي
- هناء شهقت: أنتي من جدك؟
- أروى: يعني أكذب
- هناء: يعني الحين الحين؟
- أروى: إيه بسرعة
- هناء بصوت عالي: احم بنات وشرايكم... اممم .. نروح السوق؟
قاموا البنات يصارخوا من الفرحة ونزلوا تحت يقولوا لأمهاتهم ..
- أم حسان: أنا ما عندي مانع
- أم أحمد: يا بنات أنتوا من جدكم؟
- هناء: لا من جدتي هههههه
- أم سلمان: كلكم روحوا وخلوا هناء
- شهد: هههههه لا يمه الروحة من غير هناء ماتسوى
- هناء: احم احم
- أم سلمان: لا يعني لا, هناء ما تروح معكم
- هناء: أنا أسفه خالتي وهذي راسك أبوسه.. وراحت سلمت على راسها واعتذرت منها
- أم أحمد: خلاص يا أم سلمان هذي هناء الغالية
- هناء: الله يخليكي يا خالة
- شهد: خلاص أنا أغار
- أم أحمد: أنتي الغلا كله, متى تنورين البيت
- شهد: الله يخليكي يا خالة
- هنادي: يعني خلاص مشينا؟
- هاله: أنا أكلم سلمان و أشوف
- أماني: كل وحده تكلم أخوانها ونشوف
كلموا البنات أخوانهم وقالوا لهم يجهزوا نفسهم, انتهوا البنات وخرجوا
- عناد: ها يا بنات مين يبي يركب هامر عناد
- شهد: أنا و هنادي وهناء معك
- أحمد: لا شهد تعالي معي
شهد وجهها صار أحمر من الخجل – أنها كانت متلثمة-
- شهد: لا أنا بروح مع عناد
- أحمد: شهد والله أزعل منك, تعالي معي
- عناد: خلاص شهد روحي مع أحمد و أنا بأخذ هناء و هنادي, هنادي ماتت من الخوف
- هنادي: لا أنا بروح مع ماجد
- عناد: هنادي والله أزعل منك تعالي معي " يقلد أحمد" .. كلهم صاروا يضحكوا
- دعاء: أماني تعالي معنا أنتي وأروى..
- أروى خجلانة من حسان: لا أنا بروح مع أحمد
- شهد ما صدقت مسكت في أماني: إيه تعالي معنا
- أحمد: لا ... أماني روحي مع حسان, يالله شهد..
راح عناد سيارته و معه هناء و هنادي وأروى, وسلمان وهاله في سيارتهم, و شهد وأحمد في سيارته, وفي سيارة حسان الرينج روفر معه سيف وأماني ودعاء, وفي سيارة محمد الفراري معه امجد و جهاد وعبد الرحمن وفي سيارة فيصل معه رزان وأثير و راكان ورنا وبيان..

في سيارة عناد..
- عناد: والله السيارة منورة اليوم ( ويطالع في المرايا)
- أروى: أكيد هذا نوري أنا وهناء
- عناد: أكيد انتوا اللي مظلمينها
- هناء: توك تقول منوره
- عناد: هي لازم تكون منوره فيك وأنتي والثانية
- أروى: لا تقول منوره بهنادي؟؟ إيــــــــــه
- عناد: أجل منوره بوجهك أنتي واللي بجنبي
- هناء: أقول ليه ما تخطبها وتفكنا
- عناد استغل الفرصة: إذا هي موفقه ليه لا
- لفت هناء على هنادي: ها موافقة؟
- هنادي: اقلبي وجهك أنتي و أخوك
- عناد لف عليها: وش فيك عصبتي؟
- هنادي عصبت بجد: أنا بنزل, نزلوني بسرعة
- عناد: خلاص أنا أسف
دارت هنادي وجهها على الشباك وتقول في نفسها" أنا الغبية اللي طلعت معهم"..

وفي سيارة أحمد..
كان الجو الرومانسي مغطي عل احمد وشهد
- أحمد: وحشتيني
شهد ساكتة وهي مبسوطة من أحمد, مسك يدها وباسها
- أحمد: شفيك ساكتة؟
- شهد: ها, لا ما في شي
- أحمد: يعني متى بتتكلمين معي, ترى عادي أنا زوجك
- شهد: ...........
- أحمد: ترى لو مت من سكوتك محد يلومني
- شهد خافت عليه: بسم الله عليك, لا تقول كذا
- أحمد : عشان تتكلمين معي
- شهد: ......
- أحمد وهو ماسك يدها: تخافين علي؟
- شهد: اجل ما أخاف, أنا اكره سيرة الموت
- أحمد يبتسم: لا تخافين عمر الشقي بقي والموت حق علينا
- شهد: أحمد خلاص لا تتكلم
- أحمد: أنا أسف أخر مره.. غير الموضوع.. كيف استعداداتك للشبكة؟
وصاروا يتكلموا, و وصلوا صواري لاند مارك ونزلوا البنات ..
- محمد وعينه على رزان: بنات انتبهوا على بعض ولا تفترقوا
- هنادي: محمد حنا كثير يعني لازم نفترق
- نط عناد: كلام محمد صحيح.. طالعت فيه هنادي ودارت وجهها
- محمد: خلاص بكيفكم بس انتبهوا على حالكم
راحوا البنات في مكان و راحوا الشباب ستاربكس
- سلمان: أنا ما فحالي للدوارة
- محمد: وأنا بعد, عناد معنا؟ عناد هز راسه بإيه وهو يلعب بالجوال
- حسان وأحمد: وحنا بعد
- فيصل: وأنا معكم
جلس سلمان و محمد وعناد وفيصل وحسان واحمد وباقي الشباب يلفوا في السوق, سيف و امجد مع بعض و ماجد و راكان مع بعض وعبد الرحمن وجهاد مع بعض. أما عند البنات الكل كان متحمس بس مو زي هناء وأروى لان فكرة أروى كانت إن هناء رسل رسالة لمالك و تكتب فيها ( ممكن أشوفك في الصواري الساعة 9 لو سمحت)
- هنادي: بنات أنا بروح السوبر ماركت مين بيجي معي؟
- شهد: أنا معك
- رزان: و أنا كمان
- هاله: والله أني أبي شي للبيت
- أماني: خلاص أنا ودعاء بنلف ونلحقكم
- بيان: أثير وش رايك مع من نروح؟
- أثير: على كيفك
- هنادي: أقول امشوا معنا
- هناء: أنا وأروى بنروح ستاربكس ونجي عليكم
راحت هناء وأروى و هم في الطريق
- هناء: تتوقعي بيجي؟
- أروى: أكيد بيجي, أنتي ما قلتي له يجي ستاربكس؟
- هناء: الا, والله إني خايفه
- أروى: دقيقة باشتري ايس كريم
- هناء تجرها: امشي لا نتأخر
وصلوا ستاربكس وفجأة......
مع تحياتي :بسمة الحياة

moon sister

قيم اوفر

مشكور ولا قصرت رووعه

نبض عاشق

احمد الشناوي