روايه من تاليفي quot; حيرتني وياكquot;

يسلمووووووووو ع المرور

وان شاء الله البارت ينزل بعد دقايق

ريم: ان شاء الله دوووووم .. ليش؟؟>> اشتغلت اللقافة
افا يا ريم ما تعرفين اتهدين لقافتج اشوي ..
رزان: اليوم في الحصة الاخيرة الاستاذة قسمتنا حق مجموعات من شخصين علشان نحل سؤال مع بعض لما انا وفهد خلصنا قعدنا انسولف .. استنست علية مرررررررررررررة يا ريم .. حسيت ان في شيء ؟؟
ريم: يعني شنو لمح انه يحبج..
رزان: لا لا ما لمح بس ما ادري يا ريم .. كان مبسوط معاي كتير مثل ايام اول لما كنا صغار ..
ريم: انزين شنو فية هالدفتر ..
رزان: هذا دفتر خاص فية صور فهد واشياء عنة
ريم: اف وعندج صورة بعد...... لاالبنت رايحة فيهااااااااااااااااا
رزان: هههههههههههههههههههه
ريم: لا مبين عليها الحاله مستعصية <<<<< وتغمز الله يعينك يا فهد
رزان: ريم كفااااااااية خلاص خخخخخخخخخخ( عشان تغير الموضوع) الا شوق وعلياء وينهم
ريم: علياء مع هلي اسمها هيام .. يا ربي هالبنت كلش ما ارتاح لها فيها شيء ثقيلة على قلبي ما ادري ليش . وشوق ما ارعرف وين ما اترد على الجوال ومو بغرفتها اكيد طالعه ..

بهالوقت كانت شوق مع هند يتمشون بالحديقة . كلها سوالف وضحك وفرفشة وصوتهم واصل لين وين ..
شوق: هههههههههههههههه الله يقطع بليسج يا هنووووود .. هاي سواه تسوينها
هند: شاسوي يعني بصراحة . مايكل بط جبدي
شوق: اية .. والله احسة ماكل علينا حصى
هند: تدرين حتى الشباب من كم يوم شفتهم يتهاوشون معاه
شوق: حبيبتي ترى الكل يكرة ... ما علينا ودج بسكريم
هند: طبعا يلة
راحوا وقفوا صوب سيارة الاسكريم شوق خذتلها فراولة وهند مانجا .
هند: شوقوووو جنة الوقت متاخر واحنا نمشي بروحنا
شوق: حبيبتي الساعة توها 9 ونص ....
هند: مو مشكلة امشي نروح قاعه الالعاب احسن لنا ..
شوق: اخاف ايكون في شباب ...
هند: لو كان في حد بنطلع .. بس عاد شوفي لو في اسبان .. هنود.. صنين بنتم اشوي من زمان ما قاعدة في الغرفة .. ودي العب
شوق: هههههههههههه خلاص ولا يهمج
وفعلا راحوا بقاعة الانشطه والحلو ان ما كان فيها غير 2 صينين وصغار في العمر بعد .. شوق ما صدقت يوم شافت البيبي فوت فاضي على طول راحت تلعب مع هند طبعا ..
هند: لا خل نلعب سوني احسن
شوق: شوفي الاشرطة كلها كورة وسياير لا لا بيبي فوت امشي !!
وبدت مبارة حامية بين البنتين كل وحدة تحاول اتسجل نقاط اكثر من الثانية وكل وحدة تحاول تضمن الفوز . الانسجام كان واضح على البنتين علشان جي ما حست شوق انفي حد وراها .. بصراحة هو عبدالله مع جاسم .. كانوا داشين قاعدة الانشطه ويضحكون وصوتهم واصل.. تسمروا مكانهم يوم شافوا المبارة الحامية بين البنتين .. كل وحدة اتحاول تسيطر على الجزء الخاص فيها في الملعب وتحاول تمنع الاهداف . جاسم وعبدالله راحوا قعدوا على الكراسي الي كانت قريبة من شوق وايد . وكانوا يراقبون اللعب بهتمام اول مرة يشوفون هالبنتين داشين هالقاعة لا شكلهم ما خذين راحتهم كلش يلعبون ويضحكون وصوتهم عالي غريبة بصراحة لا ومن شوق وهند الي ما ينسمع لهم حس في الصف . جاسم كان يراقب اللعب وكل هتمامة كان مصوب ناحية شوق . طريقة لعبها .. اسلوبها في اللعب .. الكلام .. الابتسامة.. كل شيء .. كل شيء ..
جاسم ما حس بنفسة يوم شاف شوق باقيلها نقطتين وتخسر وتكون هند هي الفايزة . الاخ خذ راحتة على الاخر قام ومسك المهاجمين الي في اللعبة وبدا يلعب فيهم ..وخلى الدفاع حق شوق.. شوق ما نتبهت كانت كلش مشغولة ما شافت غير يدة توقعت ان واحد من الاجانب حب يساعدها بعد ما بين خسارة موقفها . ونفس الشيء سوى عبدالله راح صوب هند ولعب معاها بالمهاجمين هند شافت عبدالله وبتسمت .. كان عادي عند البنات يقعدون مع عبدالله لانه صغير بالعمر فكانوا يعتبرونة اخوهم الصغير . المهم بدا اللعب في ما بينهم .. شوق وجاسم .. عبدالله وهند .. وكل واحد يحاول يغلب الثاني ..
بدال الهدفين الي بغت شوق تخسر بسببهم دخلت هدفين في مرمى هند .. وبجي صارت النتيجة تعادل ما بين الطرفين .. جاسم بدى يراويهم مهاراتة في اللعب وفي الهجوم .. لا بالله راحوا فيها حشى مو لعب .. بس فعلا ترى كانوا وايد منسجمين . خلصت اللعبة وفريق شوق فاز بفارق نقطة وحدة ..
هند ما مسكت نفسها ..
هند: يا حماارة .. شوقووووووو انتي تفوزين علي مع الصيني الي معاج
شوق: صيني يلعب معاي لازم بافوز
جاسم كان يسمع الحوار وهو ماسك ضحكتة حتى عبدالله في النهاية عبدالله مسك نفسة وتكلم اخير
عبدالله : شوقوووو مب المفروض تشكرين هالصيني لانج كنتي خسرانة .. وتكلمي يبة بلغة يفهمها ترى شكلة ضايع ..
الله يقطع بليسك يا عبود جاسم كان يسمع الكلام وهو فية الضحكة .. خلاص
هند اول وحدة رفعت راسها وشهقت اول ما شافت جاسم قاعد يبتسم .. شوق رفعت راسها وشهقت عاد عبدالله مات من الضحك على ويوه البنات ونفس الشيء جاسم المنظر صج هستيري .. فاتحين الحلج والعيون مبققة ..
شوق: اه ............................. مش...............كورر
جاسم: (وهو يبتسم) العفووووو شوق
الويه احمر خلاص شوق سحبت نفسها وطلعت بهدوء وهند طلعت وراها ..
هند: الله يغربل بليسة مخلينا نسبة وهو ساكت ما تكلم صج موقف محرج
شوق: اخخخخخخخ اكرهه .. اكرهه .. لما اقول حق ريموو تضحك على... وتلوموني يا ناس .. هاي تصرف يتصرفة
هند: لا الظاهر بالعماله الاخوان ماتوا من الضحك على شكلنا يوم اكتشفنا الموضوع
شوق: لا حياتي ترى الغلطة غلطتنا .. ما نتبهنا من الي يلعب معانا لا ومن الذكاء الزايد نقول صيني اقووول بس مالت .. صيني شيبي فينا يلعب معانا حنا ..
هند: خلاص يمة هدي نفسج حصل خير
شوق : أي خير الله يهداج بس عصبني جسوووم ترى ..
... ايش راح اتكون العلقة بين ريم ورزان بعد ما رزان قالت الي في قلبها حق ريم .. واعترفتلها بسر الكل يجهله سواء اهلها ولا حتى صديقاتها .. يا ترى فهد راح ايعرف ان رزان اتحبة .. وهو شنو شعورة ناحيتها ..
شوق وجاسم شلون العلاقة راح اتكون ما بين هالشخصيتين .. هل شوق راح تستمر في كرة جاسم .. وجاسم راح ايحاول ايبط جبد شوق باي وسيله وطريقة ..
حصة وعبدالعزيز .. شنو سالفتهم . وهل عبدالعزيز راح ايحل سوؤ التفاهم الي بينهم وراح يتقدم خطوة .. ولا كل شيء راح ايظل مثل ما هو .. ان شاء الله كل شيء راح يوضح لكم من خلال الاحداث الجاية ..
..الجزء الرابع ..
مر يومين تقريبا على هلاحداث .. الجوهرة كانت في الدوحة وتحس بوحدة بروحها ربعها كلهم مسافرين .. ريم وشوق وعلياء مع بعض صحيح انهم يتصلون فيها تقريبا يوميا بس بعد وايد وايد ملل .. وهيا مشغولة مع المعهد .. فكانت تقضي اغلب وقتها على النت مشغولة بالماسنجر .. كانت تكلم المجروح على النت .. المجروح تعرفت علية الجوهرة باحد المنتديات وبدت العلاقة بينهم بصدااقة وترددت وايد يوم طلب منها ايميلها بس في النهاية قررت انها تعطية خصوصا انها ما شافت منه شيء مو زين .. والكل يشهد باخلاقة .. كانت توها داشة على المسن الا تطالع المجروح اون لاين وكالعادة هو الي بدى المحادثة ..
المجروح: السلام عليكم
الجوهرة: عليكم السلام
المجروح: اشلونج بنت الاجاويد ( بنت الاجاويد كان اسمها بالمنتدى .. همة لين الحين ما يعرفون بعض عدل)
الجوهرة: الحمد لله تمام
بدى الحوار بينهم عادي كانوا يسولفون على المنتدى والاعضاء الي فية والمواضيع الحلوة الموجودة امور عادية وايد . الا فجأة ..
المجروح: اقووول بنت الاجاويد تراني ما اعرفج ممكن اسمج
الجوهرة : اسمي ليش ..
المجروح : مهو ما يصير صار لي فترة اتكلم وما عرف حتى اسمج الصجي وعلى العموم ما بي غير اسمج انتي .. وما في داعي اتقولين معلومات ثانية انتي حرة .. لو تسمحينلي طبعا
الجوهرة: ..................... اسمي الجوهرة
المجروح: عاشت الاسامي انا ناصر .. من الكويت عمري 21 سنة
الجوهرة : انا من قطر مثل ما انت عارف وعمري 17 سنة
ومرت الايام بهالطريقة . الجوهرة تعرفت على ناصر اكثر كانت اتحسة قريب من قلبها وايد . ومقتنعة فية اول شخص يدش قلبها هو حتى المنتدى خققت دخلاتها علية وصارت تقضي وقتها كلة على المسن . ونفس الشيء بالنسبة لناصر .. كان يعشق الوقت الي يقعد في على المسن معاها ويعتبر الساعات الي يتكلم فية معاها ويفتح قلبه لها من احلى واروع ساعات حياته .. لدرجة انه صار يقولة كل شيء مخاوفة .. احداث يومة المهمة والغير مهمة .. ومشاكله الي يتعرض لها .. كل شيء كل شيء ..
الجوهرة عرفت عنة كل شيء .. عن مشاكله الي يعيش فية والمسكين حياته ما تخلو من هالمشاكل .. مشاكل مع عمة على الورث ..مشاكل مع ابوة وخوانه .. مع العلم ان ناصر طيب وايد والكل يشهد على جي حتى الد اعدائة بس المشكلة ان الكل يستغل هالطيبة الكل .. يستغلونها في صالحهم..
الجوهرة كل مانه ويعورها قلبها على حبيبها الي يتعذب بعيد عنها يتعذب علشا شيء عمرة ما كان له ذنب فية .. شذنبة اذا كان طيب ونيتة صافية .. شذنب الطيب اذا عاش في عالم كله اشوك ..
...........................
يوم كانت الجوهرة بروحها في غرفتها تقرى رساله ناصر على الايميل والدموع على خدها .. والعيون حمرة خلاص ما فيها بياض ..كان ناصر يومها مشغول لان وراة متحان فكتب لها رساله يعتذر ان اليوم ما راح يقدر يدش على المسن ..

" المشكلة لين كنت بين ختيارين مستقبلك او حبيب تحبة "
كنت راح اختار الاختيار الثاني .. لان هالشعور من احلى المشاعر الي ما عرفتها طول عمري
مشاعر .. سامية عمري ما تخيلت حد ممكن يحملها بهالزمن ..
صدقيني يا الجوهرة ... لولا المشاعر الي احملها لج ما كنت راح ادرس .. وما كنت راح افكر في المستقبل لاني الحين وبهاللحضة كل ما افكر في المستقبل افكر فيج ..
تعريف المستقبل بالنسبة لي هو انتي وراح اتضلين انتي .. انتي مستقبلي الي انتى اعيشه .. والي طول عمري ودايم احلم فية .....
الجوهرة .......

احبج ....
واسف على الكلمه .. اعرف ممكن تعصبين بهاللحظة .. وتقولين ما توقعتك بتقولها .. بس والله ما قدرت استحمل ..
اسف مرة ثانية
اشوفج على خير باجر ان شاء الله .. ما راح اقدر ادش اليوم وانتي الادرى بظروفي ..
ادعيلي ..


خلاص ما قدرت تستحمل وهي تقرى الرساله اخيرا قالها .. اخيرا اعترف .. اه يا حلوها .. اول مرة احس انها جي حلوة
احبج .. والله حتى انا احبك .. جريئة اية
بس حلوة منك ومقبولة منك .. يا ريتك معاي بس ويا ريتك تدري بمشاعري

بهاللحضة رن جوالها .. وابتسمت لما عرفت المتصلة ..
ريم : هالووووووووو
الجوهرة : هلا ريموووووو وينج يالقاطعة
ريم: أي قاطعة كلها 3 ما دري 4 تيام ما كلمتج .. بصراحة كنت مشغولة وايد وايد
الجوهرة : على العموم اشلونها السفرة ..؟
ريم : والله تام .. بس خبرج الشباب ايبطون الجبد . باجر رايحين لندن الله يستر على حركاتهم .. الجوهرة شفيج حبيبتي شكلج متضايقة ..
الجوهرة: ( قعدت تمش دموعها المنهمرة ) لا عادي
ريم: أي عادي شكلج رايحة فيها وتصيحين بعد .. اعرفج زين اشفيج
الجوهرة : تذكرين ناصر
ريم: أي ناصر ولد خالي!!
الجوهرة: لا لا ناصر المجروح ..
ريم: اية تذكرتة الي معانا بالمنتدى
الجوهرة : اية
ريم: شفية ؟؟
الجوهرة : مطرشلي رسالة وما وعيت الا وانا اصيح
ريم: خخخخخ يا سلام لهالدرجة الكلام معبر
الجوهرة: قالي انه يحبني ريموووووووو.. اعترف بهالشيء
ريم: شنووووو؟؟؟ لا لا عيدي ( البنت لين الحين مو مصدقة )
الجوهرة : قال انه يحبني ...
ريم: جوهور ما ابي اعصبج او انرفزج بس مو ممكن يلعب .. عليج
الجوهرة: صاحية انتي صاحية ...... ريم كم مرة اقولج هالموضوع غير غير .. السالفة بينا بادية من اول ما سافرتوا وانا اكلمة على المسن .. بس كنت اكلمة على المنتدى قبل .. واعرف كل شيء عنة
ريم: اوكي .. اوكي هدي شوي .. (وعشان اتغير الموضوع) الا ما قلتيلي متى راح تسافرون
الجوهرة: عقب باجر اقنعت ابوي انا بعد العرس نروح الامارات 3 تيام والكويت 3 تيام بعد ..
ريم: الكويت هااااااااااااااااااا..
وقعدت تغمز الي يسمع يقول ان البنت قاعدة اتشوفها الحين ..
الجوهرة : اية الكويت ... يا سلام تدرين ريمو شقد احب هالبلد
ريم: ههههههههههههه لازم .. بلاد بعض الناس
الجوهرة: هههههههههههههههه المهم اشلون علياء وشوق ؟؟
ريم: الحمد لله تمام علياء كانت قبل اشوي معاي نسولف اما شوق ما شفتها اليوم .. الظاهر الاخت نايمة
الجوهرة: ليش الساعة كم الحين عندكم
ريم: 7 الصبح .. احنا بعدكم بساعتين ..
الجوهرة: اهاااااااااااا .. ريمو حبيبتي سلمي عليهم وااااااااااايد
ريم: ولا يهمج يوصل ..
استمرت مكالمة ريم والجوهرة حوالي ساعتين .. عن الاحداث الي صارت خلال هالايام .. وكلها ضحك وسوالف على المقالب الي قاعدة تصير في السفرة ..
هيا كانت قاعدة ابروحها في البيت كالعادة الكل طالع الا هي قاعدة بروحها من دون أي حد .. كانت اتطالع التلفزيون وحاطة على مسلسل مكسيكي صار لها فترة اتابعه من اشهر والسبب هو القصة الي تجمع بين البطل والبطله .. حستها غير عن باقي القصص الي دايما تقراهم هالقصة فيها شيء مو طبيعي .. عجيبة .. رن تلفون البيت ..
هيا : الووووووووو
... : السلام عليكم
هيا: عليكم السلام ............... ممكن اعرف منو معاي
... : معاج احمد .. انتي اكيد هيا صح .
ابتسمت هيا وردت علية : اية انا هيا
احمد: عيل الوالد موجود ..
هيا: لا الكل طالع .. ليش ما تتصل فية على الجوال ..
احمد: حاولت بس مسكر ..... خلاص عيل مع السلامه وبلغية اني اتصلت
هيا: يوصل ان شاء الله
يا ربي عليه شكله ما تغير . .. ههههههههههههه وينهم بس جوهور وريمووو كانوا بيستانسون عليه ..
نفس اليوم بالليل كان الكل مجمع في الكفتيريا حق العشااا ... ريم كانت قاعدة على الطاولة مع شوق وعلياء .. وياكلون بهدوء وبسلام .. عاد ما وعوا الا وهيام جاية ..
هيام : هلا
علياء: اهلين اشلونج
هيام : تمام .. الا ما قلتيلي شفتي خلوود
علياء: لا ما شفتها اليوم
هيام: انزين لو شفتيها ايصير اتقولينلها اني اضطريت امشي .. وما اتعشى هنا اوكي
علياء: اوكي
وبعد ما مشت هيام..
شوق: يا ربي اشقد اكرهة هالبنت
علياء: حرام عليكم تراها حليوة
ريم: أي حليوة الله يهداج الا تحر .... شوفي اشلون اتكلم رافعه خشمهاااااااا
وجاو خلود والهنوف بهاللحظة عند طاولة البنات
خلود: هههههه من هاي الي كنتوا تتطنزون عليها
ريم : وحدا من الاجانب ههههههههههههه
الهنوف : اقول عادي نقعد معاكم المكان وايد زحمة
علياء: اكيد تفضلووووووو... الا خلود
خلود : نعم
علياء: ترى هيام راحت البيت وقالتلي اقولج انها ما راح تحضر العشا
الهنوف: حتى هياام ... اليوم مها بعد ما حضرت
خلود لفت ويها كانها تدور على احد وفجأه بتسمت الا قالت حق الهنوف لفي ويهج وانتي تعرفين ليش ..عاد اللقافة اشتغلت في الكل حتى ريم وشوق وعلياء لفوا ويهم بس ما عرفوا الموضوع عن من هم يتكلمون اما الهنوف اضحكت لا وبصوت عال بعد .
ريم(بهمس لعلياء): شالموضوع
علياء( بهمس): والله ما ادري ..
الهنوف: عيل اكيد قاعدة في قاعة الانشطة
خلود : اكيد اقوول امشي خلي نشوف هالموضوع
الهنوف : علياء راح اتجين معانا
علياء: لا ما لا داعي راح اتم هني اشوي
خلوود: عيل انشوفج بعدين .. باي
تموا ريم وشوق وعلياء على الطاولة وهم مو فاهمين شالموضوع .. عاد شوق قطعت الصمت
شوق: شسالفتهم هالبنات .. وليش ضحكوا علشان قاعة الانشطة
علياء: ما ادري شلموضوع .. هالايام بدو يخوفوني
ريم: عيل ليش تقعدين معاهم ..
علياء: لما اقعد اسولف معاهم عادي بس ترى هيام ومها وراهم شيء كلة ماسكين الجوال ويضحكوون والله ما ادري ويا من ايسولفون .. ولما اسئلهم يتعذرون باعذار مستحيل اتصدقينها .. اشكرة يعني بس بصراحة ما ادري منو هالي اتكلمه ..
شوق: عيل ابتعدي عنهم ..
علياء: ادري ما اتشوفين ما رحت معاهم هناك ... الا وين رزان اليوم
شوق: ما لها نفس تاكل .... شكلها متضايقه ...... اقول دام خلصتوا خل نتمشى بالساحة الي جدام الجامعة ..
ريم: اية والله احسن من السكن ..
علياء: انتوا لا حظتوا ان احنا ما خذين الموضوع على كيفنا ولا كأن معانا مشرفات
شوق: يعني كلش .. ما ادري شيسوون .. كل البنات جي وبعدين احنا ما سوينا شيء غلط ..
ريم: ترى مشرفاتنا ايبطون الجبد ولا يعرفون شيء احنا الي نعلمهم كل شيء .. ويا ريتهم مهتمين فينا بعد .. خل يرتاحون ويريحونا احنا نقدر نهتم بنفسنا من دونهم
بهاللحظة كانت هيام قاعدة بقاعة الالعاب تحت ..

مع مهاا المكان كان وايد زحمة بشكل مب طبيعي .. ناس من كل الاجناس اجانب .. صينين وعرب
بعضهم كانوا يلعبون سوني .. وفي ناس يلعبون بيبي فوت .. وفي مكان حق كرة السله على جنب كان في مجموعه وصطفة ويلعبون هناك ..
.. كانوا الشباب كلهم قاعدين يلعبون بليارد ما عدا حمد الي كان طالع مع فيصل ... اما هيام ومها قاعدين على الطاولات الي في الغرفة المفتوحة على غرفة الانشطة .. كانها مطعم صغير .. كله كراسي وطاولات ومثل كفتيريا صغيرة تبيع الامور الاساسية بس ..
كانت هيام قاعدة وتلف ويهها في كل مكان يمكن اتلاقي الي في بالها .. والشباب كانوا صج منسجمين باللعب المباراة كانت حامية بين صقر وفهد . وكل الشباب متجمعين حولهم ..
كانت مها قاعدة مع هيام . مها تطالع اللعبة بهتمام .. اما هيام فكأنها تدور على احد
مها: شوفي شوفي .. يحليله صقر شوي ويفوز ..
هيام: والله انج فاضية ..
مها: (باهتمام) ليش شفيج
هيام: شنو شفيني .. شنو ما طالعتي ( وهي خلاص وصلت حدها)
مها: لا شالموضوع ..
هيام: مالاحضتي ان حمد مو موجود
مها : حمد .... اية والله لا هو ولا فيصل
بهالللحضة جات خلود ومعاها الهنوف ..
خلود: شفية اخوي
مها: مو موجود ويا الشباب لا هو ولا حبيب القلب صح هياموووووو
هيام : اقول خلود اتصلي فاخوج شوفي وينة
خلود: من صجج عشان يذبحني ........... ههههههه لا عيوني ما اقدر
الهنوف: عادي اتصلي وعطية أي عذر ..
خلود: باتصل بس مو عشانكم عشان هالحلوة الي الصيحة فعيونها ..
هيام: ههههههههه يا حلوج
وبدت خلود اتدق على اخوها ..
فيصل: هاااا اشتبين
خلود: بل بل اشفيك معصب
فيصل: وانتي شعليج ... اقول شبغيتي
خلود::ولا شيء بس بغيت اقولك ان امي تقولك اتصل فيها هي وايد خايفة عليك
فيصل : انزين انزين
خلود: الا فيصل .. انت وين الحين
فيصل: ليش ؟؟؟؟؟؟؟
خلود: لا بس استغربت ما شفتك اليوم كلش ؟؟
فيصل: هالحين انا داش الجامعة وباروح صوب الربع .. يلة مع السلامه
خلود: مع السلامه ..
هيام: هاا شقال اخوج ..
خلود: الحين داش الجامعة بس ما قال من وياه
الهنوف: خلاص بنكتشف الحين
خلود: اقول اكتشفوا بروحكم انا بامشي اخوي بيي ومب حلوة يشفني قاعدة بهالزحمة ..
الهنوف: اجل باجي وياج .......
كانوا البنات طالعين لما حمد وفيصل دخلوا القاعة ... حمد دخل ولا لتفت حتى الاخ يسوي نفسة ثقيل يعني .. دخل وراح صوب الشباب على طول .. وعلى حظة اول ما راح المباراة خلصت وصقر فاااااااز ..
صقر: يا سلااااااام اخيرا تغلبت عليك يا بو فيصل
فهد: لا يبة تراني بالعماله خسران حبيت اسوي فيك خير ..
حمد: اقول يالخسران قوم واراويك فالاخ شراح اسوي فية ..
صقر: يعني اتحداني
حمد: عيل ......خخخخخخخخ
صقر: ان ما سويت فيك مثل ما سويت بصاحبنا هذا ( وياشر على فهد)
فهد: اقول حمد ... بعد هالكلمة ان ما غلبتة ........ ترى الشر علي الي سويت فيك خير
حمد: هههههههههه ولا يهمك يا خوي باخذ بثارك ..
صقر: يلة يلة ... ابدوا صدعتوني بسوالفكم
فيصل: اقول حمد لف ويهك اشوي .. البنت اعيزت وهي تنتضر نظرة
حمد: هههههههههههه تقصد هيااام
جاسم: اقول .. انت متى بتعقل من هالسوالف ..
حمد: اشفيك جسوووووم مضيعة وقت ..
فهد: جسووم خلة ان ما ندم باجر ..
حمد: اقول يلة صدعتوني خلوني اركز وانا العب خلاص .........
بهالليله كانت شذى قاعدة في غرفتها اتسولف مع الجازي اعز صديقاتها .. لما طق باب غرفتها ..
شذى: جزوي انطري اشوي في حد ايطق علي الباب ..
الجازي: تعالي مب بين غرفتج وغرفة امج وابوج باب .. جيكي عليهم بالاول ..
شذى: لا اشدعوة باطل مع العين السحرية يمكن وحدة من البنات ..
وراحت ولقت ان اخوها سعود الي كان واقف عند الباب ..
شذى: جزوي هاي سعود اخوي يله باي
الجازي: باي
فتحت الباب حق سعود .
سعود: ليش تاخرتي هالكثر
شذى: كنت اسولف بالتلفون ويا جزوي وعلى بال ما صكرتة ويت افتح ..
سعود: اهاااااا ( وابتسم) باسوي فيج خير اليوم تبين تطلعين ..
شذى : من صجك بتطلعيني والشباب ...
سعود: هههههههههههههه ليش غريبة ؟
شذى : غريبة وبس انت من متى عطيتنا ويه ولا كانك اخونا الوحيد ..
سعود: ههههههههه بل بل هاي كله شايلته بقلبج علي ..
ودخلت منى بهاللحظة من الباب الي يفصل بين غرفتهم وغرفة امها وابوها ..
منى: كاني سمعت سيرة طلعه ..
سعود: هههههههه اية بس مو لج ..
منى: عيل
سعود: ولا شيء متملل قلت باطلع مع شذى بروحنا انتي ايش تبين ..
منى: اووووووووووف وانت كله هالشكل .. ترى انا بعد اختك ..
شذى: وهو ما يبي ايطلعج لانج ياهل يله قلبي ويهج ..
طلعت نى وهي معصبة وكالعادة علشان تشتكي حق ابوها ويعصب على شذى وسعود ..
شذى كانت لابسة بس على طول البست شيلتها وتاكدت من شكلها وطلعت مع سعوود قبل لحد ايوقفهم ..
على الصبح بعد ساعات قليله .. صحت ريم وكانت صج مشتطة وقاعدة تبتسم .
يا سلام اليوم اجازة لا وفي رحلة بعد ... كانت تضحك والابتسامه ما فارقت وجهها اليوم كلش حتى لما خلصوا كلهم فطورهم وراحوا ينتظرون صوب القطارات .. رحلة اليوم راح ايروحونها بالقطار .. اظطرت ريم طول الرحله انها تقعد جنب هيام .. اما رزان فكانت في كبيتنه ثانية وبالصدفة كانوا الاولاد معاها ..
علياء وشوق كانوا قاعدين جنب بعض وراء هيام وريم .. كانت ريم تسمع ضحكاتهم وتعليقاتهم على الناس الي يمشون او حتى حتى المناطق الي قاعدين ايمرون عليها . هيام كانت ساكتة وتناظر ريم بهدوء . كانت المحادثات الي بينهم عادية . بس عاد ما تفوتها ريم افا عليكم , لاحظت ان هيام شاغلها شيء لا وشيء مهم بعد مبين انها كلش مو معاها وهي تسولف كانها تبي اتقول شيء وتبي تتكلم بس في شيء ماسكها .. فجأة رن جوالها . جوال هيام ابتسمت وهي تطالع الشاشة ..
-الوو
-هلااااااااااا.. اخيرا تذكرت
- ومن قال اني نسيتج ..
اكيد عرفتوا من المتصل كان حمد .. المهم حمد في الكبينه الثانية كان قاعد بروحه لان كبينتهم تقريبا كانت فاضيه.. هو كان بنفس الكبينه الي رزان قاعدة فيها. رزان كانت قاعدة جدامه بالضبط ..
المهم .
هيام: لا بس توقعتك زعلان .. اشكثر اتصلت فيك وما رديت على ( وبنبرة دلع) هان عليك اتنام من غير لا تسمع صوتي ..
حمد :ههههههههه اسف مهو امس كنت مشغول وايد وبعدين كنت طول اليوم ناسي الجوال وما ادري وينة في النهاية حصلتة في غرفة واحد من الشباب ( الاخ يكذب طبعا)
هيام: وفي البليارد..
حمد: امس كنتي موجودة بالبليارد ...!!! (الاخ مسوي نفسة متفاجأ )
هيام: اية
حمد: اتاري فزت في ال GAME... لانج كنتي اتطالعيني ... هههههههه
هيام: هههههههههههههههههه ما علينا... راح اشوفك اليوم
حمد: اتشوفيني؟؟؟؟؟؟؟
هيام: اية ما ودك ... ندور مع بعض بدال المجموعة ..
حمد: والمشرفين عليج ما راح ايسونلج سالفة
هيام: هههههههه المشرفات امرهم سهل .. بس انت ودك
حمد: ههههههههههه اكيد ودي .. بس هيام
هيام: نعم (بدلع ودلال )
حمد: انا مرتبط بموعد مع فهد في شيء مهم لازم انسوية .. المرة الجاية
هيام: خلاص ولا يهمك ... عادي حبيبي .. بس توعدني نطلع مع بعض المرة الجاية
حمد: على حسب الضروف انشوف.. انتي تامرين امر ..
بهاللحظة جاه جاسم جنب حمد..
جاسم كان ايئشر على حمد باشارات هو فاهمها زين .. معناته يا اخي سكر ولا توهق نفسك اكثر مهو جاسم كان قاعد وراء حمد على طول فسمع المكالمة مثل ما رزان سمعتها ..
حمد سكر وتم يناظر جاسم بستغراب ..
جاسم: من صجك انت .......
حمد: اشفيك
جاسم: بتقابلها..
حمد: والله ما ادري ... افكر واشوف هي ودها نطلع انروح أي مكان بس والله انا خايف من العواقب
جاسم: والله وتطورت يا حمووووووووود صاير اتقابلهم بعد ..( وهو خلاص كلش مقهور على ولد عمة )
حمد: وانت شلي حارك ليكون زوجتي ...هههههههههههه استمتع ابتسم يا اخي ..
جاسم: اقول .. تكلم بنات ما قلت شيء كلنا سويناها .. بس يا خوي مو تروح وتقابلهم ترى بتحط نفسك بمشاكل ..
حمد: لا مشاكل ولا شيء ... بيني وبينك هالبنت ضايعة ضايعة وبعدين من قال اني راح اقابلهااا ..
جاسم: عيل ؟؟؟؟؟؟؟؟؟؟؟
حمد: والله ما ادري ......
رزان كانت تسمع هالكلام وهي متفاجأه حمد .. معقووووله .. هي ما عرفت من الي حمد كان يكلامها بس ما توقعت هالحركة منها .. كانت متوقعتة غير .. لا وجاسم الي قاعد ينصحة .. كلام كلش ما يدش العقل شالموضووووووووووع.
هيام كانت بهاللحظة رايحة فيها مثل كل مرة حمد ايكلمها فيها تروح بعالم ثاني وتستغرق بالافكار والاوهام .. يعني كلش .. الشيخة رايحة فيها .. المسكينة ما تعرف شعور الطرف الثاي .. ريم كانت تناضرها وهي مستغربة .. متعجبة من ردة فعلها وكلامها مع هالشخص منهو هاي .. ممكن ايكون الشخص الي امس خلود تكلمت عنه .. بس منو من الشباب .. منو
هيام: (بصوت واطي) يحليله
ريم: من ؟؟؟؟؟؟؟
هيااام: (وهي لين الحين بتاملاتها) ح..................................... ( وتنتبة فجأه) ها حسن اخووووي اشفيج ريموووووو
ريم: لا سلامتج ... يحليله اخوج مبين علية يعزج وايد
ريم ما صدقت لعبتها عرفت انه واحد ثاني مو اخوها هالكلام الي قالتة مو معقولة موجة حق اخوها بس منو ...... يا ترى من ......؟؟؟ موضوع صعب وايد وصعب ان الواحد يصدقة ..
وصل الكل حق لندن .. والبنات قرروا يفرقون على اساس انهم يلتقون بعد ثلاث ساعات عند موقف الباصات .. كل وحدة راحت على حسب احتياجها .. ريم ورزان راحوا يتسوقون .. في المجمع القريب على اساس اذا خلصوا من وهل يدورون في الحديقة الي جداام الباصات .. وعلياء وشوق راحوا يتغدوون .. وبعدين راح يتسوقون . بالتاكيد التسوق كان تفكير كل وحدة من البنات .. بس يا ترى شلي ممكن ايصير هناك بالضبط هل راح تمر هالرحلة على خير بدون شيء يذكر ولا لا .. هاي الي راح تكتشفونة ..
رزان: ريموووووو انا تعبت من المحلات .. حشى حفضتهم حفظ
ريم: اتصدقين احس نفسي صرت خبرة بالمحلات .. اشوف البدلة على وحدة واتذكر من أي محل شاريته ..
رزان: اية مهو كأن ما في اسواق في السعودية ولا في قطر كل يوم سوق .!. كل يوم سوق!!!
ريم: هههههههه اقول اشرايج نتمشى
رزان: الحين
ريم: اية بقى ساعة ونص على الرجعة , خل نتمشى في الحديقة الي جدام الباصات .. اشرايج
رزان: اجل امشي
كان الجو وايد حلو . برد خفيف والمكان وايد روعة .. الحديقة كبيرةة فكان في مجال الواحد يتمشى فيها .. لفت نظر ريم شلة اشخاص وايد جالسين اجانب على الاغلب .. اشكالهم تخرع وايد . شعورهم طويلة ورسومات مالية يدهم مثل هذول الي يطلعون في الافلام .
ريم:رزووووووووون شوفي
رزان: شنو
ريم: هالمجموعة الي جدامنا .. الي مبسطين على الارض ..
رزان: بسم الله ....... شنو ذولة ....... توقعتهم موجودين بلافلام بس
ريم: اقول امشي امش .. شوفي بوكشة شلون يطالعنا ....... قطيعة كان عمرة ما شاف محجباااات
رزان: ريمو اخاف احنا هنا بروحنا ..
ريم: عشان جي اقولج امشي .. ........... رزان اشرايج نتصل في شوق وعلياء انقولهم احنا وين ونروحلهم ..
رزان: ( والخوف عامل عمايلة والدمعة في عينها") ليش ممكن ايصير شيء يعني ..
ريم: والله ما ادري يمكن .. احتياط
رزان: هااااااااااااااااااااااااااااااااااااااااااا( البنت خلاص اشوي وتصيح)
ريم: اشفيج لا تخرعيني ترى باصيح .. تكلمي نفس الاوادم
رزان: وجع قالولج حيوانه ..
ريم: هههههههههههه امشي امشي قبل لا يصيرشيء خنسوي نفسنا مو منتبهين لهم ..
- هو انتوا محتاجين أي مساعدة
رزان: نعم
- لو كنتوا محتاجين أي مساعدة ما تنكسفوش .. احنا عرب زي بعض
ريم: مشكور اخوي حنا مضطرين نمشي
- حضرتك من فين؟؟؟؟؟
رزان:( بهمس) اشفية هالمصري كانه راز الفيس .....
ريم: اخوي احنا مضطرين نمشي ... على اذنك
- انا عمر من مصر وانتوا؟؟ من الخليج صح ؟؟
رزان: تراك زودها .. قلنالك مضطرين نمشي ..
رزان مسكت يد ريم وريم مشت وراها على طول ..
عمر: يا انسات مش محتاجين أي حاجة .. حنا عرب
رزان: اشفية هذا فضحناااااااااا
ريم: ههههههههههههه ترانا بروحنا مفضوحين ولا المحجبات الوحيدات شنو تعتقدين ..
رزان: ترى المصري باط جبدي
ريم: لا تعطينة وجه ... امشي يلة
عمر: لو حابين ممكن اوصلكم لاي مكان .. انتوا ساكنين فين
ريم خلاص ما مسكت اعصابها .. الويهة حمر ( حشى علبة طماط) وبدت فعلا اتعصب وتنرفزت .
ريم: ( وهي معصبة) يعني الواحد كم مرة لازم ايقولك مشكوووور .. ما نبي شيء
عمر: مالك مالك .. انا اولت احنا عرب زي بعض .. والناس لبعضيها
- ريم .... منو هذا ؟؟؟
التفوا كلهم للصوت لاقوا حمد وفهد جاين ..
عمر: مالك ياخويا .. انا عملت حاجة
حمد: اتعرفونة (وهو ياشر على عمر )
ريم: لا اول مرة نشوفة ( صوتها راح بالغصب قدرت تتكلم )
رزان: نشب فينا نشبة
فهد: اقول اعتقد سمعتهم روح
عمر: حاضر حاضر .. انا كنت حاب اساعد
حمد: (بعصبية ) وهمة مو محتاجين لمساعدتك ..
مشى المصري وهو يضحك .. شكلة ستانس على الوضع الاخ......... اما حمد فلف عليهم ..
حمد: (معصب الاخ على الاخر) انتوا اشلون تجون هالمكان بروحكم ..
ريم: .............................. كنا ندور وبعدين لما حبينا نرد طلع لنا ..
فهد: وانتوا مو شايفين الاخوان الي جدامكم عبالكم عادي .. يبة ترانا مو بالخليج
ريم:€ قلنالكم كنا بنمشي اول ما شفناهم .. خلاص ما نتبهنا
ومسكت يد رزان الي من شافت فهد ما قدرت تقول كلمة وحدة .. بس تمت تناظر فية , عاد فهد كلش فاير ما له خلق ..
جالهم صوت من بعيد ..
حمد: هذا بدال ما تشكرينا .. خذيتي صديقتج ومشيتوا ..
ريم: مشكور
بتسم حمد بتسامة طيحت قلب ريم من مكانه .. تمت تناظر فية ما قدرت تتحرك لين ما نتبهن ان رزان كانت تسحب يدها .. ابتسمت ريم على عمرها , هاي ابتسامة جي سوت فيني اجل لو ضحكة الله يستر.......
فهد: ههههههههههههه يحليلهم والله ...
حمد:هههههههه..... مبين عليهم غير عن الباقين
فهد:ههههههههههههههههههه يا اخي قول غير عن هيام وخلصنا !!!!!
حمد: عاد كلش ما لي خلقك .. قفل الموضوع
اماا رزان ستغربت الوضع ..
رزان : غريبة ؟؟؟!!
ريم: شلي غريبة
رزان: الي يشوف حمد الحين ما يقول هو الي من شوي كان يتكلم بالتلفون
ريم: نعم؟؟؟؟( وعلامات الاستفهام ضهرت بويها حست نفسها مو فاهمة )
بس رزان ما سكتت فهمت ريم الموضوع كله .. الي صار بالقطار ..
ريم: غريبة ..
رزان: ان جاسم هو الي ينصح حمد .. مع ان احنا اعتقدنا انه سبب الخراب صح؟؟
ريم: لا بس .. هيام كانت قاعدة جنبي وكانت تكلم واحد بنفس الطريقة . ولما سئلتها قالت انه اخوها بس مبين علية غير جي واحد من الشباب الي معانا لانها قالت انها راح تتخلص ممن المشرفات .
رزان : تتوقعين هيام الي كانت تسولف مع حمد..
ريم: والله ما ادري ..
تمت ريم مقهورة هالليله وما قدرت تنام . بدت تسال نفسها سؤال ليش انا مقهورة على الموضوع .. ليش انا محترة.. كان المفروض افهم من زمان .. ما في واحد عدل ما في شاب ممتاز اكيد في صفات .. بس حمد ؟؟؟؟؟؟؟ الف علامه ستفهام وستفهام كانت جدام ويهها ...
حمد الي كل ما احتاجة الاقية جنبي .. كل موقف محرج الاقي يدافع عني .. كل لحظة اتخيلة جداامي .. اليوم شقت كانت سعادتي يوم شفتة وراي .. ما قدرت اعبر عنها .. تمنيت اني اقدر ارتمي بحضنة وبس .. ريم.. شهاافكاااار ليكون صج حبيتية .. معقولة .. لا لا لا اكيد مجرد اعجاب وراح يزول مع مرور الوقت واذا كان حب فراح يكون من طرف واحد مستحيل حمد يحبني . بالعكس حتى هيام احلا مني .. وكفاية الكلام الي قالها اليوم .. بس .. بس رزان قالت انه يلعب عليها .. ريمووووو عقلي لو يلعب عليها معناته ما له اماااااااااااان ولازم ما اصدقة كلش لان بتكون له نفس الفكرة ..ريم كانت تعبانة وايد بهاللحظة اوهام كثيرة تدور في بالها وتساؤلات ما لها اجابة بس السؤال الاكبر ليش انا مهتمة ؟؟ مجرد شخص ما اعرفة عدل علاقتي فية محدودة ... ليش ؟؟؟ ليش؟؟؟؟؟ ليش يا رزان قلتيلي ؟؟ ليش عذبتيني ؟؟ ما وعت ريم الا والدمعة كانت نازله من عيونهااااااااااااااااا ... وما قدرت تمسك نفسهاااا .. صاحت صياح عمرها ما كانت تتوقع انها ممكن تذرف دموعها والسبة واحد .. الي هو حمد ... حمد
شراح يصير بين ريم وحمد .. ممكن كل شيء ينتهي .. ممكن تبدأ على جديدة ما بينهم ..
الجزء الخامس .....
بعد ليله كلها عذاب .. وصياح ليله كئيبة مرت على ريم تصيح وولاسف ما تدري شنو هي المشاعر الي اخيرا انتابتها .. حب ممكن اتكون ريم تحب حمد .. ريم اخيرا استسلمت للنوم . لما سمعت صوت يطق على باب الغرفة ...

- ريمووووووووووووووو .. قومي يلة تاخرنااااااااااااااااااا
ريم: لحظة لحظة اشوي
وتفتح ريم الباب الا والشلة شوق علياء وحتى رزان واقفين .. اشوي ويطقونها العصبية باينة
عليهم خلاص واول ما شافوا ويه ريمو وهي تفتح الكشة طايرة والوية اصفر .. والعيون منفخة .. ما مسكوا نفسهم من الضحك ..
ريم: علااااااااامكم تضحكون شايفين شيء ايضحك .. ترى مالي بارض لكم ؟؟؟
شوق: هههههههههههههه انتي لين الحين ما لبستي تاخرنا عن الجامعة
ريم (والخرعة مبينة على ويهها) : ليش الساعة جم الحين؟؟
علياء:7 ونص قومي بدلي بسرعة؟؟
ريم: اقووووول انا اليوم مب رايحة
رزان: ريمووووووووووووووو شفيج .
ريم: ولا شيء روحوا الجامعه بدوني اليوم .. بانام ويمكن ايي حزت الغداء ..
علياء: اوكي .. يلة بنات خل نمشي ..
سكرت ريم الباب وراهم .. وراحت اتطل من الدريشة ما تدري ليش بهاللحظة تمنت انها تشوف حمد واقف جدامها نظرة بس .. وكان الله سبحان وتعالى استجاب لدعائها .. شافت حمد واقف ويضحك وهو يكلم صقر .. كأن هو انتبة ان في حد يراقبة رفع راسة وشاف ريم .. ورفع يدة كانه يسلم عليها ويبتسم ... من الخرعة ريمو قطت نفسها على الارض .. تستاهلين حد قالج اتشوفينة .. ابية شافني بكشتي .. الله يستر .. بس بعد حلوووووووووووووو .. يا ربي ليش مو قادرة اشيل الفكرة من بالي .. ليش .. الحين ان طول الليل سهرانه وفيني الصيحة لانه هو راعي سوالف .. وحارقة اعصابي وهو يضحك ويبتسم .. اخ بس اخ .. قاهرني .. حاولت اتروح تتروضة وتصلي الفجر الي فاتتها وقت صلاتها ..
بهالوقت حمد كان واقف مع صقر الي يسولف معاه وحمد كلش مو ماعطية وية .. حمد كان يفكر بريم : ليش ما نزلت اليوم ويا ربعها .. ممكن تتاخر عنهم شوي .. بس اهم شيء انها تمام .. لو كان فيها شيء ما كان طلت من الدريشة وتخرعت لما سلمت عليها .. وتم ايناظر الدريشة وهو يضحك ..
صقر: حمد ...... حمووووووووووووووووود .. يا هوووووووووووووو ..
حمد: هااااااااااااا شتبي ( الاخ توة منتبة ان صقر وياه)
صقر: صار لي ساعة اكلمك مو ماعطيني وية الله يهداك ..
حمد: لا لا .. اسمعك
صقر: هههههههههههههههههههههههه
حمد: اشفيك تضحك .. قلت شيء ايضحك انا
صقر: ههههههههههههههه انت لو تسمع نفسك وانت تقولها ... ( ويقلد حمد) لا لا اسمعك ..
حمد: يلة .. يلة اقلب وجهك..
فهد: ههههههههههه تستاهل حموووووووود زين اتسوي فية
صقر: هي يبة .. شنو كلكم ضدي
حمد: ههههههههههههههههههههه عيل قوم لا ترز الفيس دام كلنا ضدك
فهد: ههههههههههههههههههههههههه
صقر: اوكي .. اوريك بو حمووووود .. ( ويقلد صوت البنات) انتو اتحبون تهاوشوني
فهد وحمد:ههههههههههههههههههههههههههههه
حمد وهو يطلع جواله : عفية عيدها بعد مرة
صقر: ههههههه ليش
حمد: ليش بعد عشان اخليك نكتة في الدوحة والسعودية ......
كانت الوقت صبح وكانت نور قاعدة تحت تتفطر مع عبدالعزيز .. الي صحى بدري اليوم ..
عبدالعزيز: نوروووووو..
نور: هااااااا
عبدالعزيز: اشفيها حصة امس
نور: يعني ما تدري
عبدالعزيز: لا .. شكلها زعلانه بس ما عرفت السبب
نور: حتى انا ما اعرف ......... الا اقول عزوز
عبدالعزيز: نعم
نور: ليش ما تخطبها
عبدالعزيز: ودي بس ؟؟
نور: بس شنو .. انت اتحبها وصدقني الكل يدريعن هالموضوع خلاص
عبدالعزيز: اشلون يعني الكل يدري عن هالموضوع ؟؟
نور: انت مو تقول ان خليفة لمحلك انه يدري .. هاي خليفة الياهل فما بال الكبار ..
عبدالعزيز: نوروو انا كلمت عمي عن الموضوع مرة قالي انه موافق بس هي لحد الحين صغيرة ومستحيل ايزوجها .. وهي بهالسن
نور: صج........... انت متى كلمته
عبدالعزيز: العام ..
نور: خلاص مرت سنه على الموضوع وهي الحين بتروح سنه ثالثة يعني خلاص .. هالمرة كلم ابوي يخطبها رسمي
عبدالعزيز: ادري انا فكرت جي ... بس نوروو متاكدة انها بتوافق
نور: ما ادري ... اخطبها وشوف ( وهي تبتسم)
حمد كان توة باديه الحصة عندة .. بس الاخ كالعادة هو متاخر .. داش الصف وهو مستطرب ويغني .. ولا علية من حد ..
الاستاذ : .. oh … hamad nice from you to join us
حمد: thank you ..
حمد راح وقعد مكانه ولا علية من كلام الاستاذ. لفت نظرة ان ريم مب موجودة . حاول يدورها ويلف نظرة في الصف كله بس ما في فايدة
الاستاذ : hamad since you are late .. you will work on the project with reem she is apsent today .. the project is about country you had to select one and talk about it ..
حمد : ok .. ok
الاستاذ:every body will present tomorrow naw work on that project
حمد: but .. reem didn’t come today !!
الاستاذ:try to work with her at noon .. I think she will be ok
صقر الي مال على حمد لانه كان حذاه ..
صقر : وين كنت ؟؟؟؟؟؟
حمد: والله كنت ادور ويا فهد .. تعيزنا نجي من وهل
صقر: اقول ترى هيام جات ويا الهنوف وكانت تسال عنك ..
حمد: اف شتبي هاي بعد...
صقر: والله ما ادري .. بس كانت حزينة الظاهر الموضوع كبير
حمد: افففففففففففف والله ما لي بارض لها وحق مشاكلها .. الحين تقعد تحرطم امي .. ابوي .. ما ادري شنهو ..

ان شاء الله الجزء ايكون عجبكم
انتظروني في الجزء القادم ..
حمد وريم ............... شراح ايصير بينهم بعد اعتراف حمد الخطير عن طبيعه علاقتة بهيام ..؟؟
رزان ....................... وفهد
شوق وجاسم .........................
هيا ......... راح اتظل الامور مثل ما هي ولا راح تتقبل الواقع
الجوهرة وناصر ....... شراح ايصير بينهم ..



تحياتي
ضيفة من قطر " مشاعر حزن"