روايه من تاليفي quot; حيرتني وياكquot;

مقدمه حلوه يعطيك العافيه

بانتظار البارت القادم

يسلمو ع التشجيع الحلو " سبايك "







الله يعطيكم العافية ..

واتفضلو البارت الجديد ..

الفصل الثاني:
كانت حصة قاعدة في دارها وهي متملله حدها , صحيح ما بقى غير يومين ويسافرون بس الدنيا ملل وخصوصا بالبيت , اختها شيخة كانت تسولف بالتلفون وكله مشغوله مع خطبتها وعرسها الي راح ايكون بعد شهرين تقريبا .. واخوانها علي عبدالرحمن طالعين وما تشوفهم كلش .. رائد عمرة 18 سنه .. وعبدالرحمن عمرة 25 سنه .. يعني البيت صج صج ممل .. كانت قاعدة جدام الكمبيوتر تتصفح الصور الي موجودة بالفايل .. لفتت صورة لها ولكل العايله وهمة صغار وقتها كان عمرها 6 سنين يمكن .. شافت عبدالعزيز كان قريب منها حيل .. وكان وقف جنبها وهي فيها الصيحة .. تتذكر يومها تهاوشت مع اخوها عبدالرحمن الي كانت دايما تتهاوش معاه وهي صغيرة وكالعادة كان عبدالعزيز واقف في صفها .. بدت تبتسم لهالذكريات الحلوة .. والله سنين ..
رن جوالها بهاللحظة وابتسمت ما شافت الاسم ..
حصة: الوووووووووووووو .. هلا نوروووووووو شخبارج
نور: والله الحمد لله تمام .. اقول شتسوين
حصة: ولا شيء .. ليش
نور: من سافرت ريمو الدبة وانا بروحي بالبيت متملله ..
حصة: ههههههههههههه وينها تسمعج اتقولين هالكلام ..
نور: وي والي سلمج مو ناقصة .. اقول بتطلعين اليوم
حصة: لا ما اعتقد ليش ..
نور: ايش رايج اتصل في شذى ومنى بنات عمتى سلمى ايجون بيتكم ..
حصة: اوكي خلاص اتصلي فيهم ونتجمع كلنا ..
نور: عيل باي .. ساعه واحنا عندج ..
سعد الي هو ابو عبدالعزيز وريم و... عنه اخو واخت .. اخوة الكبير اسمه هاشم ويكون ابوعبدالرحمن ورائد وحصة وشيخة .. اما عمتهم سلمى فهي عندها شذى الي عمرها 17 سنه .. ومنى الي عمرها 14 سنة وسعود الي عمرة 21 سنة .. اسم ريلها سلطان .. وان شاء الله راح تتعرفون على هالعايلتين من خلال الاحداث الجاية بس الي اقدر اقوله ان قلبهم طيب ومع بعض كانهم عايله .. علاقة حلوة تجمع بين عيال بو عبدالعزيز وعمهم وعمتهم ..
-----------------------
علياء: بعد هالدرب اخيرا وصلنا السكن..
شوق: علووووووي انا خايفة!!
علياء: من شنو ..
ريم: انا متخرعة من البنات الي معانا . بصراحة ما اعتقد علاقتي راح اتكون زينة معاهم
شوق: انا بعد .. اتخيلي ما انعرف حد
علياء: اشدعوة شايفين وحوش جدامكم .. كلها يومين وتتعودون
المشرفة: بنات الحين بندش داخل بيوزعون عليكم ارقام الغرف , لو سمحتوا اتصرفوا بهدوء , لتعطون صورة مب زينة عنكم
ريم: اشفيها ذي .. عبالها احنا جنقل بنط على الكراسي ونصارخ جدام الاوادم
علياء: ههههههه ما ادري عنها
مايكل: هالوا .. أي ام ذا مانيجر اوف ذا دورم ..
شوق: الله يستر لي تكلمنا معاه . عاد والانجليزي كلش مكسر
ريم: ايه والله
كانوا البنات كلهم قاعدين على الكراسي ايطالعون هذا الي اسمة مايكل وهو ايعرفهم على نفسة , ريم وعلياء وشوق , كانت احذا علياء بنت اسمها لميس , شكلها طيبة كله تضحك . هاي الي فكرت فية علياء اول ما طالعتها .
لميس: هلا ..
علياء: اهلين
لميس: اسمي لميس.. وهاي هند وهاي نورة (وهي تاشر على البنات)
"هند مبين عليها مأدبة , محترمة, شكلها شاطرة بالمدرسة, اكيد راح تتعرفون عليها اكثر في القصة راح ايكون لها دور كبير في الاحداث."
"نورة: واثقة من نفسها, جريئة., قلبها طيب وعلى نياتها , ممكن ينقص عليها بسهولة راح تتعرفون على شخصيتها اكثر من خلال الاحداث الي راح اتصير في القصة "
علياء: انا علياء, وهاي شوق والي حذاها ريم؟(كانت تاشر على ريم وشوق)
شوق: قاعدين ايوزعون ارقام الغرف
هند: اتخيل كل وحدة في صوب
ريم: لا ان شاء الله , بنتبهدل
نورة: سمعتوا مايكل شيقول ؟
علياء: شقال ما انتبهت
نورة: في شباب خليجين معنا بالجامعة
هند: بل...
شوق: الله يستر؟
نورة: شوفوا لو كنا متأدبين معاهم راح يحترمون نفسهم.
ريم: بنات انا غرفة 301
شوق: انا 305
علياء:وانا 304
ريم: بل عليكم حطوكم احذا بعض
علياء: (وهي تضحك) "لا اله الا الله" باجر كل وحدة راح اتكون في صف
ريم: هههههه لا عاد عيوني مهب حارة مو نفسج
علياء: افاااااا انا الي عيوني حارة يا ريمووووووو
لميس: بسم الله عليكم قبل اشوي كنتوا ايش زينكم خلاص عاد !!
نورة: احسن منا !!كل وحدة في صوب
هند: عاد ان شاء الله كلنا نفس الممر
اضطروا البنات يتوزعون علشان يقدرون يركبون الاصنصير. فبجي ريم اركبت مع هند
هند: تعرفين البنات الي معانا
ريم: ما اعرف غيركم انتوا ال 3 وشوق وعلياء.
هند: شفتي البنت الي لبست وردي .
ريم: اية اية ! شفيها
هند: هاي اسمها الهنوف حاولي تبتعدين عنها
ريم: ليش؟ عليها حركات
هند: حركات وبس. الا قولي شايفة نفسها وعبالها الناس كلهم يشتغلون عندها
ريم: والله يقهروني الناس الي يتصرفون هالتصرفاااااات الله يستر بس
هند: تونا الدور الثاني ليش توقف الاصنصير
ريم: ماادري؟
وفجأة تبطل الاصنصير وطلع في ويهم واحد . الشعر اسود اشوي طويل والوية اسمر والعيود بنية شكلة عمرة 17 او 18 سنة .
صقر: (وهو يبتسم ابتسامه عذبه) اسف شكلكم طالعين.
وسكر الاصنصير
ريم: اوكي.. جنة تكلم عربي(من الخرعة)
هند: الظاهر من الخليجين .. شكلة من السعودية شفتي اللهجة
ريم: انا يوم شفتة ما قدرت اتكلم تخرعت!!
هند: بس شكله مادب ما ركب معانا
ريم: الاقولي ما في مكان ما شفتي الشنط ما خذة المسافة كلها
وماتوا من الضحك لين ما كل وحدة راحت غرفتها..

كانت هيا قاعدة في الحديقة الكبيرة الموجودة بالبيت وتقرى رواية من رواياتها الرومنسية الي دايما تقراهم لما تكون متملله .. الا وتشوف اخوها مشعل الي عمرة 15 سنه جاي لها من بعيد ..
مشعل: هيوووووووووون .. هيوووووووووون
هيا: ها عورت راسي اشتبي ..
مشعل: اتجين معانا بيت عمي .. احمد ولد عمي راد من السفر
هيا: يعني بالله عليك شاسوي هناك .. انت تدري ان ما في حد كبري بالعايله وليلى اخت احمد كبيرة مو كبري اقعد ويا من انشاء الله ..
مشعل: بل عليج كليتيني والله ما يسوى علي .. اوكي اوكي بنمشي خلاص ..
هيا بقلبها :: والله زهقت من البيت ما في حد اقعد وياه .. جوهوووور الحين اكيد مشغولة وما لها خلق طلعه وينج يا شوقوا الي من اقولج امشى خل نطلع اتفزين .. يا ربي والله زهقت ..
مرت الساعات بطيئة كل وحدة من البنات كانت قاعدة في عرفتها ومتملله , خلصوا ترتيب اغراضهم وقاعدين ايطالعون الساعة ينطرون متى اتصير الساعة5 علشان ينزلون يتعشون وبنفس
الوقت يقدمون امتحانات القبول .
كانت ريم اتمشط شعرها يوم اسمعت حد ايطق الباب .
شوق وعلياء: هاااااااااي
ريم: هاين .. دشوو
شوق: انا زهقت ما في حد ما كلمتة امي خواتي وجوهور وهيون وبعد الوقت ما مر
ريم: انا ماكلمت هيا بس جوهوروشذى بنت عمتي . ناوية اكلم هيا بالليل
علياء: احسن مني لحد الحين ما كلمت حد , بعيد باكلمهم بس كلمت امي وابوي
شوق: أي ريموا فاتج واحنا طالعين شفنا واحد من الخليجين
ريم: انا بعد !! شعرة اسود واشوي طويل, اشوي عريض
علياء: شعرة قريب للبني , ضعيف , اسمر
شوق: اعطية 14 مب اكثر
ريم: لا عيل الي شفتة واحد ثاني .. بس حلوو
شوق: لا ذاك ايلعوع الجبد جنة غوريلا
علياء: انتوا متى بتعقلون ما تشبعون من هالسوالف
ريم: لا.... وانتي كلة جي .. ما اتحبين نتكلم بهالمواضيع
كل وحدة من البنات اقعدت اتقدم اختبار القبول , وبعد اشوي تبطل الباب ودشوا اثنين .البنات ابتسموا وظهرت على شفايفهم ابتسامة وايد حلوة اخيرا شافوا خليجية , وحدة ممكن اتحس بمعاناتهم , كانت الي داشة وحدة مبين علها خليجية مهو كانت لابسة شيلة . وبدلة طويلة شوي . والي داش معاها شكلة اخوها.
بنظرة كلها فرح .. تهامست الفتيات بعد الامتحان وهم في قاعدة الطعام . وفجأة صمت الجميع , شاهدوا الفتاة الخليجية مرة اخرى ولكن هذة المرة كانت قادمة نحوهم .
السلام عليكم
عليكم السلام
انتوا خليجيات صح
اية نعم من قطر
انا من الكويت .. اسمي خلود
انا خلود
كانت ريم اتشوف البنات وهم اعرفون عن نفسهم جدام خلود علشان تحفظ الاسامي على الاقل وما تتفشل جدامهم .. اكتشفت انها اتعرف كل البنات ما عدا هيام ومها . شكلهم وايد ربع بس ما دشوا بالها وما اترتاحت لهم هي اتعرف انهم اكبر منها بسنة .
وبجي تعرفوا البنات على بعض وتم اللقاء في ما بينهم. . شكلها البنت طيبة كانت ريم اتفكر بهالطريقة اول ما شافتها دشت بالها البنت على طول مبين عليها بنت ناس وفحالها.
كانوا شوق وعلياء وريم قاعدين يتعشون بس بطبيعة الحال قعدوا على طاولة بروحهم بعيد عن باقي البنات.
ريم: شوق شوق شوفي الي الحين داش ولابس اسود
شوق: اية شفتة
ريم: هاي هو
شوق: ترى حلو
ريم: اشقصدج !!.. يعني ما كنت اتعرفين ان ذوقي حلو
شوق: طبعا طبعا اعرف بس حبيت اتاكد ..
ريم: خخخخخخخخخخ اية عبالي بعد
علياء: انزين يوم قالوا في سعودين توقعهم وايد طلعوا بس 3
ريم: اشدراج
علياء: صار لنا نص يوم وما شفنا حد غيرهم
علياء: اكاه اخو خلود قعد معاهم
كانوا الشباب قاعدين وراء طاولة البنات بشو فقدرو يسمعونهم وهمة يعرفون نفسهم حق الصبي . اكتشوا ان الشباب صج 3 وجايين من السعودية . الي ريم شافتة طلع اسمة صقر . والي شوق وعلياء شافوة كان اسمة عبد الله . اما الثالث فهو احلاهم . شعرة اسود على بني اشوي طويل اسمر اشوي ضعيف شكلة كبير شوي . اكتشفوا ان اسمة فهد وبعدين اعرفوا ان عمرة 19 سنة . بالنسبة حق اخو خلود كان اسمة فيصل وعمرة 17 سنة .
بهالطريقة البنات تعرفوا على الخليجين الي معاهم بالجامعة . استانسوا وايد يوم عرفوا ان في خليجين على الاقل ايعيشون نفس المحنة الي البنات عايشينها هني لا اهل ولا شيء .
كانوا شذى ومنى وحصة ونور متجمعين في غرفة حصة وقرروا من الملل الي في بيت كل وحدة انهم ايباتون هالليله في بيت عمهم راشد ابو حصة .. وبعد دقايق انضمت لهم شيخة الي كانت قاعدة اتسولف معاهم ..
شذى: يا ربي متى ايصير عقب باجر وانسافر
نور: اية والله ترى صا لنا فترة مو مسافرين مع بعض
منى: على حظ ريمو .. لما سافرت ابوي وخوالي قرروا انسافر هالسفرة ..
شذى: ترى ريم اتسلم عليكم قبل اشوي متصله واتقول ملل..
حصة: أي ملل دامها مع علياء وشوق ما راح اتشوف الملل .. هذيله ربعها وايد ولا نسيتي ..
شذى: الا . والله يهبلون لا تنسين معاي بنفس المدرسة ..
شيخة: تدرون ما ودي اسافر..
نور: اية عشان ما راح اتشوفين حبيب القلب .. اخ منج ترى عارفينج عدل ..
شيخة وخلاص ويها احترق : يا ربي منكم ..
حصة: اف حسافة ريم وشوقوا مسافرين !!
شذى : ليش !!
حصة: نسيتي ان بدر خطيب شيخوا يصير اخو شوقوا الكبير .. يعني كنا بنستغل الفرصة وانروح بيتهم بالعماله ونستعبط علية اشوي ..
منى: يا ربي احب هالحركاااااات ..
نور: اسكتي اننتي .. اعبط وحدة بهالعايلة .. محد ملعوزنا غيرج
منى: افاااااااااااااااااا ( وبدلع) الحين انا عبيطة والعوز شذى ....... انا العوزج
شذى: هههههههههههههههه لا تحاولين تراح مفضوحة بالعايله كلها .. عند خوالي وعمامي ...
في نفس اليوم لما كاوا كلهم رادين السكن اظهرتلهم بنت شكلها خليجية مبين عليها عمرها 17 سنة يعني تقريبا كبرهم .. وبالفعل تقدمت منهم وسلمت عليهم.
السلام عليكم
وعليكم السلام.. خليجيات صح
اية .. احنا من قطر
وانا من السعودية
يا هلا بهل السعودية... انا ريم
وانا شوق
وانا علياء
انا رزان
حياج قعدي معانا
هههههه تسلمين
انتي جاية مع القروب السعودي
لا انا جاية لوحدي . وحتى هم كل واحد جاي لوحدة وتقابلوا هنا .. انتوا قروبكم من كم بنت
تقربا 9 او 10 بس كل بنتين او 3 بروحهم شلل اتعرفين
اية بس بعد احسن مما اتكونين بروحج انا هنا جاية لوحدي من دون حد..
في بنت ثانية جاية مع اخوها هي من الكويت
شكلها جاية اليوم لاني ما شفتها انا طول اليوم كنت برع مع بابا ولما جيت قالي مايكل ان في مجموعة من قطر جاية وكلها بنات . عاد ما اقولك اشقد فرحت لما عرفت في خليجيات غيري..
ههههههه والله حتى احنا فرحنا لما شفناج حبيبتي .. الا انتي باي صف ..
انا aper-
مر الوقت بسرعة مع رزان . حبوها وايد ما حسو الا والساعة صارت 12 تقريبا يوم اتركتهم .
اليوم كان حلو بالنسبة للبنات كل وحدة دشت غرفتها وهي مستانسة تعرفوا على رزان وخلود . شكلهم طيبين وشافوا المكان الي كانوا خايفين منه .
في اليوم الثاني كان توزيع الصفوف وكانت مفاجأة للبنات انهم اكتشفوا ان في قطرين معاهم بالجامعة . هم 2 حمد وجاسم.
وزعوا الصفوف وكتشفت ريم انها مع نورة والهنوف وحمد ( القطري) وصقر كان معاهم بالصف واحد اجنبي اسمة جاك ..
اما شوق فكانت بالصف مع جاسم (القطري) وهند وكان في 5 اجانب بس هي ما تعرفت الا على ادوارد الباقي اساميهم صعبة مثل ما وصفتهم حق ربعها .
عالية كانت في الصف مع فيصل ولميس و2 اجانب هي تعرفت على لوسي بس الثاني كان ولد.
رزان كانت مع فهد وهيام ومها ومعاها واحد اسمة تيم , ووحدة اسمها لينا .
خلود كانت مع عبدالله وحوالي 6 ثانين كلهم اجانب . يمكن 4 بنات غيرها في الصف
دشت ريم الصف مع نورة وكانت مفاجاة لها ان في واحد خليجي معاهم . كان بالنسبة لها شيء غريب لا ومب أي خليجي الي معاها قطري . يعني كل حركة لازم تكون محسوبة .
ريم قعدت اتقول في قلبها اول ما شافتة الله يغربلة هذا شجايبة هني الله يستر بس .
صقر: هلا انتوا من القروب القطري
ريم: اية نعم
حمد: اوة يعني في قطرين غيرنا .. زين ... تمااااااااام
صقر : عاد كلهم بنات
حمد: مو مشكلة هههههههههههههه الا وناسه
صقر: انا صقر
حمد : وانا حمد
ريم: انا ريم
نورة: وانا نورة
حمد: والله جي وناسة صف كلة عرب يا سلام
الهنوف توها داشة الصف .
" بل هذي معاي بالصف .. ما قول غير الله يستر والشهر ايعدي على خير " كانت ريم اتفكر بهالطريقة اول ما شافت الهنوف داشة .
اما عن الهنوف اول ما دشت بسرعة سلمت على الصبيان حمد وصقر وتعرفت عليهم بعدها دش وحد اجنبي عرفوا بعدين ان اسمة جاك .الصف كان وايد حلو بالنسبة لريم بسبب تعليقات حمد على الافلام والسوالف الي تصير والي ما تنتهي . وبالنسبة لصقر نفس الشيء . وبسرعة حست ريم كانها اتعرف الاثنين ذولة من زمان .
كانت بالليل .. الجوهرة توها قايمه من النوم وكلش تعبانه .. الحاله عندها مستعصية .. نزلت تحت ولقت منيرة اختها الكبيرة قاعده ويا امها ايسولفون ..
منيرة: بسم الله اشفية شكلج جي ؟؟؟؟؟؟؟؟؟
الجوهرة من دون نفس : وانتي اشعليج .. يله يله انجلعي
منيرة: هي اقول تراني الكبيرة

الجوهرة: يمة شوفيها العيوز
ام ( يوسف) : يمة الجوهرة ...... منيرة اسكتوا خلاص .. كل ما اتشوفون بعض تتهاوشون .. الجوهرة حبيبتي روحي تعشي ما تعشيتي اليوم ..
الجوهرة: لا خلاص مالي خلق ..
ويدخل يوسف بهالوقت وهو شال معاه بنته ملاك ..
يوسف: السلام عليكم
الكل: وعليكم السلام
وحب راس امه وقعد ..
يوسف: بسم الله جوهور اشفية شكلج جي
الجوهرة: لا ولا شيء( وهي خلاص معصبة حتى يوسف قاعد يتطنز عليها)
ام يوسف: يمة الا وين زوجتك ليلى
يوسف: في بيت اهلها لا تنسن اخوها من كم يوم راد من السفر وهي قاعدة معاه ..
ام يوسف وهي تحضن ملاك: يحليله احمد .. يمة كم سنة باقيله ويخلص دراسة
يوسف: والله اعتقد سنتين ..
الجوهرة باندهاش: احمد ولد عم هيا رجع من السفر
يوسف: اية اشفيج مستغربة
الجوهرة: لا بس هيوووووون ما قالتلي مع اني اليوم مكلمتها ..
منيرة: وانتي من شايفة نفسج علشان اتقولج ..
يوسف: بدينـــــــــــــــــــــــــــــا خلاص عاد ..
راحت الجوهرة فوق حق غرفتها وهي تضحك .. هي ما شافت احمد وايد بس تذكر مرة شافته هي وريم في بيت هيا .. وكان شكله وسيم بشكل مو طبيعي صحيح انه من سنه ولا سنتن تقريبا بس لحد الحين مو قادرة تنسى شكله حتى في عرس اخوها كان موجود لانه اخو العروس .. تذكر كانت هي وريم وايد يستانسون اذا شافووة .. الشيوخ كان عاجبهم شكله .. والله اياااااااااااام
القصل الثالث :
كانت ابتسامه جميلة على وجه شوق وهي قاعدة اتسولف مع ريم في الحديقة . كان المكان رومنسي وايد تحت الشجرة شوق وريم قاعدين ايسولفون عن الصفوف . شوق كانت في صف جاسم . فكانوا ايسولفون عن الشباب الي في السفرة معاهم وحركاتهم . لان شوق كانت ممبطة جبدها من جاسم الي معاها بنفس الصف . اتقول انه وايد ملقوف ومب راضية اتقبل لقافتة . ريم بطبيعة الحال اتحاول اتهديها وان هاي شيء عادي وخصوصا ان ريم ما شافت أي شيء من هاي الي اسمة جاسم وبالنسبة لحمد لصديقة كان مادب وايد ومحترم والكل ايحبة .
كانوا مندمجين بالسوالف بشكل كبير فمانتبهو حق الي جايين لهم من وراء الشجرة . كانت علياء جاية مع رزان وهمة يضحكون , بس توقفوا لما شافوا اندماج البنتين وقرروا انهم ايسوون في الثنتين مقلب , فجاة جات رزان ومعاها طشت ماي وصبتة على راس الثنتين وعلياء بيدها الكيمراء وهي اتصورهم . البنتين ما قدروا يمسكون نفسهم وعلى طول .
يالحمااااااااااااااااااارة . انتي ايش سويتي خربتي ملابسي وشعري وكل شيء
صج ما تستحين انا اوريج
وبصورة سريعة علت الاصوات في الحديقة كانت علياء تركض ورزان وراها . وريم وشوق وراهم بمسافة قصيرة .
ان ما راويتكم راح اطرش الصور العجيبة للجوهرة وهيااااااااااااا.
زين اتسوين فيهم يستاهلون ..خخخخخخخ
احنا الي نستاهل يا رزانوا ..صج ما تستحين
هههههههه شفيكم معصبين خربنا الابرستيج يعني
خربتوا الابرستيج وبس . اخ منكم .
وفجاة ابتعدت ريم وهي معصبة . لحقتها علياء.
شفيج ليكون عصبتي بس
اكيد اعصب هاي حركة اتسونها فينا الحين شاقول حق المس اذا سألتني ليش ثيابج جي وطبعا ما راح اتخليني ارد السكن .
اشدعوة .. انا راح اشرح لها ولا تزعلين واكيد بترضى وبنيي انا ورزان معاكم .. ها لين الحين زعلانة
وانا اقدر ازعل .. ( ولمت ريم علياء وعلى طول ثياب علياء تبللت بعد وبدت ريم تضحك بصورة جميلة )
شوق: اقول ريموو زين اتسوين فيها تستاهل اكثر بعد
علياء: حتى انتي يا شوق .
رزان : يلة يلة خل انرد السكن انتوا ليكون عبالكم بتروحون الجامعة هالشكل.
محاولة اقناع المدرسات كانت وايد سهلة على البنات فكل وحدة راحت غرفتها وبسرعة قعدت اتبدع وهي تلعن الثانية في سرها على الحركة الماصخة الي سوتها فيها .
كانت شذى في البيت اترتب اغراضها لما سمعت صوت الجوال ايرن ..
-الوووووووووووووووو
شذى: هلا وغلاااااااا . جزوي زين تذكرتيني ..
الجازي: اشدعوه الحين اعز صديقة عندي اتسافر باجر وما اتصل فيها مو معقوله ..
شذى: هههههههههههههههههه .. وانتوا مو ناوين اتسافرون
الجازي: والله حاليا لا ننطر حمد اخوي يرجع من السفر
ابتسمت شذى: وهو اشلونه هناك
الجازي: هههههههههههه الحمد لله تمام ..
شذى: تدرين بنت عمي امس راحت لندن ويا المدرسة .. جامعة كامبردج
الجازي: هههههههههههههه عيل ان شاء الله اتكون مع اخوي .. حمود بعد في كامبردج
شذى في قلبها :: يا ريت والله .. على الاقل اعرف اخبارة من ريمووو
الجازي: شذى اشفيج . وين رحتي
شذى: ها . لا لا ولا مكان . جزوووووي اكلمج بعدين باي
الجازي: باي
راحت الجازي وقعدت على السرير وهي اتفكر معقوله اتكون ريم بنفس الجامعة الي الحين حمد فيها والله يا ريت ..
نزلت ريم تحت اول وحدة وتفاجأت يوم شافت الشباب كلهم قاعدين في الهول تحت . صقر, فيصل, عبدالله , وما قدرت ريم تتامل الوجوه اكثر كانت منحرجة بشكل كبير الشباب كانوا ايطالعونها بنظرات غريبة بصراحة هي حست بخوف كبير وايد وايد . وكانت مترددة اتكمل مشيتها وتنطر البنات برع ولا ترجع مرة ثانية وتروح غرفة وحدة من البنات اقرب غرفة لها كانت غرفة رزان لانها في الطابق الثاني تحت غرفة ريم بالضبط اما ريم وربعها كانوا في الطابق الثالث.
كانت ريم مستغرقة بافكارها وتفكر بالموقف المحرج الي انحطت فية والتصرف الي لازم تتصرفة لما جاة صوت من بعيد . كان صوت احد الشباب .
- اشفيج قاعدة جي بروحج تنتظرين احد
ريم: لا انا طالعة الحين
صقر: افا ليش يبة تو الناس قعدي معانا اشوي
فيصل: لا اتخلينا نعتقد انا احنا السبب في قومتج
ماردت ريم وتمت ساكتة وما حست بنفسها الا وهي طالعة من الغرفة . توها طالعة ما انتبهت الا والشباب كلهم طالعين وراها . ما اعرفت شتقول ولا شترد ايش سالفتهم ذيله طول هالاسبوع الي هم قاعدين تقريبا كلهم كانوا مأدبين مهب بس معاها مع كل بنات المجموعة شسالفتهم اليوم ليش همة جي . شلي قلبهم , حست ريم بنظرات الشباب تتوجه نحوها في الوقت الي كانت اتفكر فية .
بغت تتكلم بس خانتها العبرة وما عرفة شتقول بالضبط .
"نجلعوة.. رووحوا .. خلوني بروحي.. انا قاعدة انتظر ربعي " كان ودها تقول هالكلمات بس لا ممكن يتصرفون أي تصرف وهي بنت وواقفة بروحها بين 5 او 6 شباب تصرف كلش مهب عاقل منها .
بهالوقت تذكرت ربعها وينهم معقوله لحد الحين ما خلصوا ..
- فيصل : ما يصير تطلعين بروحج بهالوقت
-جاسم : حبينا انسو فسج معروف ونوصلج بتروحين الجامعة
فتحة ريم عيونها بطريقة هستيرية وما عرفت شتقول . ايش هالسخافة الي فيهم ذول . اشلون راح ينجلعون .
ريم: انتوا ما لكم علاقة لو سمحتوا خلوني بروحي انا مو محتاجة توصيلة ولا شيء مثل ما انتوا شايفين اقدر اعتمد على نفسي .
-عبدالله : ليش ما رحتى مع باقي البنات , ووين ربعج عنج؟
- صقر: اكيد رديتوا السكن اتبدلون بعد الحركة الي سوتها فيج رفيجتج . صح ريم؟
اهني ريم ما قدرت تسكت ويها تقلب الوان احمر , ازرق , اصفر كل شيء وبدت صج اتعصب توها تبي تفتح حلجها وترد عليهم الا صوت جاي من وراها .
- اشفيكم عليها خلو البنت في حالها
صقر: هلاااااااااااااا حمد اتفضل انظم لنا . عارضين نوصل ريم بس شكلها مهب موافقة
حمد: وانتوا من علشان اتوصلونها ليكون اخوانها وانا مادري . يلة قلبوا وجهكم لو البنت احتاجة شيء راح تطلبة منكم بدون ما تعرضون خدماتكم .
صقر: افااا يا حمد هذا قولك .
فهد: اية حمد صادق بلي يقولة خلوها لحالها . وظفوا وجهكم
مسكينة ريم الدمعة في عينها شهالموقف الي نحطيت فية يا رب ما عرف شتقول , وفي سرها قاعدة تدعي عليهم الله يغربلكم ان شاء الله وينكم هاي موقف اكون فية بروحي , قطع حبل افكارها صوت
حمد: انا اسف على الحركة البايخة الي سووها
ريم: لا ....................... عادي خلاص الموضوع انتهى
حمد: بس اتمنى ما تحطين بخاطرج علينا تراهم ما يقصدون حابين يتغشمرون معاج
ريم: خلاص قلت لك الموضوع ............................. انتهى خلاااااااااص
صوتة كلة عذوبة واحساس وهو ايكلمها وباين في صوتة انه من جد قاعد يعتذر منها في هاللحظة رن تلفونها في هاللحظة : ويرتفع صوت عبدالكريم عبدالقادر وراشد الماجد وهمة يغنون
ابي شورك دخيل الله يا بو خالد
ترى هالدنيا ضاقت في وانا مليت
بلاني حب من خلا الفكر شارد
زعل مني واذا ما ردلي جنيت
على هونك وقول شفيك يا راشد
عيوني لك وعن عيوني ما رديت ...
رفعت ريم التلفون وعلى الشاشة شافت اسم علياء..
علياء : ريم احنا في الهول انتي وين
ريم: انا برع ناطرتكم تعالوا
سكرت ريم التلفون وقعدت تمسح دموعها الي على خدها من اثر الموقف الي صار المسكينة من الخوف ما عرفت شتسوي دموعها طاحت خلاص . وبدت تبجي بعد ما راح حمد .
ريم: ساعة وانا انطركم تحت
رزان : لين ما انبدل تاخرنا . شنسوي
ريم: اشدعوة هاي كلة اتبدلون ساعة؟؟
علياء: انا اول ما وصلت فوق امي دقت علي وقعدت اسولف معاها .؟
شوق: وانا اضطريت اكوي ملابسي ما عندي أي شيء مكوي ممكن البسة
ريم: وانتي رزون عاد ما عندج عذر محد قط عليج ماي يعني ماله داعي اتبدلين حتى ؟ ولا اشوفج بدلتي بعد
رزان: انا ما بدلت بس انشغلت اشوي قعدت اعدل ماكياجي . وكلمت ابوي اشوي توقعت انكم بتتاخرون اشوي sorry
علياء: اقول يلة خل نمشي راح نتاخر
ريم: بنات انا خلاص مالي نفس ابي اروح فوق
شوق: ليش؟ شالموضوع ؟ بعدين تعالي شكلج صايحة اشفيج دموعج على خدج
ريم: ما في شيء مهم .. حلا انا ما ابي اروح
رزان: لا بتروحين علشان ما تقعدين بالليل اتقولين جوعانه
ريم: الله يهداج بس العشاء بطاطس كالعادة مب ماكلين شيء هناك . بنروح السكن وعلى الساعة 10 بنطلب من المطعم هاي كل السالفة . صدقيني
علياء: بعد تغير جو غصبن عليج اتجين
عرفت ريم ان هالموقف اكيد اهمة راح ينتصرون خصوصا ان ريم ما فيها حيل اتقول شيء او حتى اترد عليهم كان بالها مشغول بكل الي صار لحد الحين مهب قادرة تستوعب الموضوع .
وصلوا الجامعة لقول البنات كلهم قاعدين ياكلون , قابلوا نورة قاعدة تشتري ا يس كريم من عند السوبر ماركت الي بالجامعة وقالتلهم ان العشاء بطاطس كالعادة وهي وهند ولميس راح يطلبون بعدين . طول الوقت ريم كانت قاعدة اتفكر بالي صار , حاولت تنسى الموضوع وتندمج مع شوق وعلياء و رزان بسوالفهم بس ما قدرت . ليش هي بالذات ؟ وليش حمد دافع عنها . معقولة قصرت خاطرة. ما عرفت شتقول ولا اشلون اتفسر الموقف إلي هي انحطت فيه .
ما انتبهت الا وشوق تناديها ..
- ياهووووووووووو... وين وصلتي
ريم: ها معاكم
علياء: أي معانا الله يهداج ساعة واحنا ناديج ولا تجاوبين
شوق: بصراحة شسالفتج انتي ؟
ريم: ما فيني شيء
رزان : من اول ما طلعنا من السكن وانتي فيج شيء ش الموضوع
تنهدت ريم بصوت عالي وما عرفت شتردت . اتقولهم الحقيقة ولا تسكت . كانت خايفة وايد . من ردت فعلهم اولا . ويمكن ما تقدر تمسك نفسها وتنفعل وخصوصا جاسم وفهد كانوا قاعدين باخر القاعة . بس في النهاية قررت اتقولهم بالحقيقة وبكل الي صار
علياء: الله يغربلهم ان شاء الله عينهم قوية
رزان: من صجج
ريم: اجل اكذب انا ؟
رزان: لا طبعا مو قصدي بس تفاجأت انا اعرف ان لهم حركات بس مو لدرجة ان كلهم يجتمعون عليج بروحج .
شوق: بس بصراحة حمد عجبني بتصرفة
رزان: اية كان تصرفة مرررررررررة حلو
ريم: ها كلة مو مهم انا خايفة انهم ايزودونها المرة الجاية
علياء: لا ما اعتقد . شكلهم خوافين لو شافونا كلنا مع بعض مستحيل ايقولون كلمة .
رزان : وفهد اشلون كان تصرفة ما قلتي عنه شيء
ريم: انا ما اتذكر الحوار بالضبط بس كل الي اذكره انه جه مع حمد وما تكلم ولا قال ولا كلمة
علياء: وانتي ليش تسألين عن فهد
رزان : اشفيج استغربت ما جابت بطارية كلش ايش تتوقعين يعني لازم اسأل .
شوق: اشوي اشوي ههههههههههههههه كليتي البنت ما يسوى عليها ..

في هالوقت كان حمد قاعد مع الشباب في قاعة البليارد.. كان يلعب هو وصقر مع عبدالله واللعب صج حامي . فيصل كان قاعد ايراقب اللعب .
فيصل: الله يهداك يا حمد ليش سويت هالحركة
حمد : ايش تقصد ؟؟
فيصل : مو لو كنت مخلينا على البنت كان احسن
حمد: لا عاد مو حركة هاي اتسونها فيها .. خلوها في حالها يا اخي
صقر: احنا كنا انتغشمر معها نبي انشوف ردة الفعل هاي هو كل شيء
حمد: خلاص عاد ردت الفعل وشفتوها ابتعدوا عنها
عبدالله: اووووووف .. وانت يبة ليش اتدافع عنها جي ليكون وحدة من خواتك وانا ما ادري
حمد: لا من خواتي ولا شيء بس حرام عليكم البنت كانت دمعتها في عينها
صقر: ههههههههه بهاي صدقت دمعتها صج بعينها .. شكلها ايفطس من الضحك
بها للحظة دشو جاسم وفهد.
عبدالله: اووو كاهم بوفيصل وبو حميد توهم واصلين
جاسم: شكلة في نقاش حاد شلموضوع
فهد: حمدو ربكم المكان مليان أجانب ما يفهمون ولا كلمة .
عبد الله : كان النقاش على موضوع ريم
جاسم: وانتووا لين الحين ما سكر توا هال موضوع .. ترى زهقت منة
حمد: لا بس كانوا زعلانين لاني فكيت البنت من يدهم
فهد: شنو معاك حق بالي تسوية يعني ما لقيتوا اتسون هالحركة الا وهي بروحها جان نطرتوها لين ما اتكون مع ربعها على الاقل في حد فصفها .
صقر: يبة شفيكم حلاته وهي بروحها التاثر واضح ايشفيكم ..
نقاش حاد كان ايدور بين الشباب وهمة قاعدين يلعبون , بس الي قلب هاي كله صوت تلفون حمد وهو يرن وبحركة تلقائية رفع التلفون وبتسم .
- هلاااا والله .. هلا بهالصوت
- هلا بك مع اني زعلانة شوي
-افا تزعلين منى انااا .. ليش؟
- اليوم ما شفتك وقت العشا ..
- اية بهاي معاج حق حتى انا زعلت لاني اليوم ما جيت العشا وما قدرت اشوفج
- والسبب؟؟
- صدقيني يا هياااااام كنت مشغول وايد وايد
- وهالشغل اهم مني
حمد: لا طبعا .. بس ما انتبهت الا وموعد العشا خلاص راح فماقدرت اسوي شيء
هيام: دام كنت مشغول .. خلاص عادي
حمد: ان شاء الله بس منتي زعلانة مني
هيام: وانا اقدر ازعل منك
حمد:"يضحك بشكل ايذوب القلب" .ههههههههههههه
جاسم: وانت ما تفكنا من هالتلفونات
حرك لة حمد يدة بحركة مألوفة يعني انطم .. وخلني اكمل كلامي معاها .
بهالوقت كانت هيام قاعدة بغرفتها على السرير وقاعدة اتكلم حمد وهي خلاص قلبها ذايب كل شيء فية يذوب ابتسامتة عيونة كل شيء . تكلمة وهي قاعدة تخيله قاعد جدامها .
حمد: حبيبتي اجل اخليج الحين
هيام: ومتى راح اتكلمني
حمد: اتعرفين اني ما اقدر انام من غير ما اسمع صوتج ..
هيام: خلاص عيل راح اتصل فيك قبل لانام ..
حمد: مع السلامه عمري .
طلعت هيام من غرفتها . وهي تمشي سمعت صوت ضحك وسوالف في غرفة من غرف البنات
فلانها حست بملل مب طبيعي وهي قاعدة بروحها قررت انها تروح الغرفة هاذي وتقعد معاهم خصوصا وهي خلاص عرفة كل البنات . تعرفت عليهم كلهم . كانت الغرفة هذة غرفة شوق . كانوا ريم وعلياء ورزان قاعدين معاها . كلهم ايسولفون بمواضيع وايد ويتطنزون على الصينين الموجودين معاهم بالجامعة .
شوق: عاد كل شيء ولا شنج شون الموجودة في صفنا .. يمة اسمها ما ينلفظ حشى اسم ابوها واسمها والعيلة
رزان: جد والله ... هههههههههههه ايضحكوووون
شوق: اتخيلوا لانا مانقدر نلفظ اساميهم سمينا وحدة جيسيكا والثانية ايمي والثالثة ساندرا .
علياء: صدقيني على الاقل احلى من اساميهم القبلية .
شوق: اية ادري ونقدر اناديهم على الاقل اهمة الحين خلاص حفظوا . صاروا يفهمون علينا لين ناديناهم بهل لأسامي
اسمعوا بهاللحظة طق على الباب وعلى طول قامت شوق علشان اتشوف من موجود . وفتحت الباب لما شافت هيام .
شوق: هلا
هيام : اهلين. سمعت اصوات جاية من غرفتكم
شوق: ان شاء الله ما نكون ازعجناج بس
هيام: لا عادي بس كنت متملله فقلت اقعد معاكم ها تبوني ولا ؟
شوق: اكيد نبيج اتفظلي .
هيام: هههههههه دام فضلج
قعدت هيام معاهم وقت طويل وهي تسولف طول هالوقت ريم كانت في وادي كلش مهب معاهم كانت اتفكر فامور وايد خارجة عن ايرادتها اهم هلامور هالموقف الي صار اليوم هي اتعرف انها يمكن اتكون عطتة اكبر من حجمة بس الي صج قهرها ليش هي بالذات تعرضت لهالموقف وباقي البنات لا .
رزان :ريموووووووو اشفيج ساعة واحنا انكلمج ونتي مهب معانا
ريم: هااااا
رزان: وينج
ريم: معاكم
علياء: لا منتي معانا صار لنا ساعة وحنا نتكلم
هيام: اشفيج
ريم: لا ولا شيء ... اقول انا بانزل اشوي حد ينزل معاي
شوق: هالوقت
ريم : الساعة 9 تو الناس وبعدين وايد من بناتنا قاعدين برع .
رزان: تدرين انا باجي وياج .. اغير جو على الاقل .
ريم: هههههههه يلة عيل حطي شيء على راسج وتعالي
راحت ريم غرفتها بسرعة علشان تاخذ لها قبعة ولا شيء تحطها على راسها بنفس الوقت طلعت على قاعة الانشطة يمكن حد ايكون قاعد هناك بس مثل ما توقعت كل الشباب هناك متجمعين حول البليارد.
نزلت مع رزان تحت وكانوا ايدورون وبالمرة ايغيرون جو ..
رزان : ريم ترى وجهج متغير هالموضوع
ريم : لا ولا شيء
رزان : لا تقولين ان هاي كله من الموقف الي صار مساع ترى خلاص انتهينا منه
ريم: لا مهب الموقف بس ما ادري قلبي ناقزني ..... احس في شيءراح يصير
رزان : اعوذ بالله شيء مثل شنو
ريم: ما ادري لين الحين ما ادري
رزان حست بتغير ريم الواضح ريم الي صارت بالنسبة لها اقرب وحدة من البنات كلهم . اقرب من باقي صديقاتها شوق وعلياء . حست بهاللحظة ان البنت فيها شيء .. ولا شيء مو طبيعي بعد.
كانوا الكل مجتمعين بالبيت بهالوقت ام عبدالعزيز وابو عبدالعزيز ونور وخليفة وعلي ..
ام عبدالعزيز : يحليلها ريمو والل مكانها ايبين هالبنت ..
عبدالعزيز : اية تراني اليوم كلمتها .. اتسلم عليكم
نور: اية هالسخيفة .. ما تتصل فيني تتصل في حصو, شذى ,وانا اختها لا
علي: يبة باجر متى بنروح المطار
ابو عبدالعزيز : الساعه 10 يبة
عبدالعزيز:انزين انا طالع يله مع السلامه
الكل : مع السلامه ..
طلع عبدالعزيز من البيت وراح بيت عمه هاشم علشان ياخذ عبدالرحمن ويروحون يسهرون مع بعض ..
عبدالرحمن: عزوز .. ابوي ايقولك اتفضل يبون ايسلمون عليك هو وامي
عبدالعزيز: خلاص ولا يهمك الحين ادش
كان عبدالعزيز قاعد ويا عمه ومرتة وعبدالرحمن ايسولفون عن سفرة باجر الي ناوين ايروحونها العايله كلها ..
والمسكينه حصة مو دارية بولا شيء .. كانت توها مخلصة من اغراضها ورتبت كل الشنط .. ونازله تحت عاد ما كانت ماخذة معاها لا شيله ولا شيء .. وهي نازله من الدري سمعت صوت مو غريب عليها صوت حافظتة زين .. شافهها وابتسم لها على طول .. ومع ابتسامته ما عرفت شتسوي ولا شترد .. فراحت فوق على طول عشان محد ينتبة عليهااا ..
اما عبدالعزيز فكمل سالفته ويا عمه .. وولد عمه .. وكان شيء ما صار بس قلبة وعقلة مع الي راحت فوق من اشوي مع حصة ..
اليوم الي بعدة كانت شوق قاعدة بالصف وهالمرة كانت البنت قاعدة بروحها. الاستاذ تاخر , والبنات الي معاها قاعدين ايدورون ما كان لها مزاج تدور ففضلت اتكون بروحها بالصف تفكر بهدوء .
ماحست الا وفي شخص قاعد وراها . وحاط غنية هيفاء وهبي يا حياة قلبي
البنت انصدمت وتخرعت هاي غنية عربية يعني اكيد الي حاطها واحد منهم . الله يستر بس منو ؟؟
اشوي ولفت ما وقت الا وجاسم وراها وهو قاعد يبتسم .
جاسم : اشفيج ويهج منقلب
شوق: لا ولا شيء
جاسم: ليكون خرعتج
شوق: خرعتني !!( بنبرة عدم هتمام) لا شدعوة عادي
جاسم: يا سلام اتصدقين شوق احب هالاغنية
شوق: بل ما لقين الا هذي ترى اتلوع الجبد
جاسم : حراااااااااااام عليج حلوة .. حلوة وايد ( يغمز)
هني شوق ما قدرت تستحمل شفية هاي .. استخف يغمز مرة وحدة لا ومن بعد موقف ريمو امس البنت ما استبعدت أي شيء . المسكينة ما وعت الا وهي طالعة برع الغرفة . اسمعت شخص قاعد ايناديها.
- شوق شوق
شوق: نعم جاسم
جاسم: ( وهو يبتسم ) ترى نسيتي ملفج
احراج .................. توها تبي تشرد الا نست اغراضها تفشلت البنت وويها خلاص انطبخ .. اتصل في علياء وهي معصبة لقتها في الصف بدت الحصة عندهم . اتصلت في ريم لقتها في صف رزان قاعدين يسولفون هناك .
رزان : بسم الله شوق روعتيني
ريم: اشفيج جي ويهج
شوق: اف .. اكرهه .. اكره هالجاسم يا ربي يحر والله يحر
ريم: انتي لين الحين شمسوى بعد
شوق: خلاص ترى مهب قادرة استحمله خلاص... ما ادري.اشلون بارد الحصة
ريم: هههههههههههههههههههههه جم باقي على حصتج
شوق: خمس دقايق
ريم : انا بعد .. باوصلج هناك لتخافين بس قولي اشفيج
وبدت شوق اتقول كل السالفة وريم ورزان قاعدين يضحكون عليها.
رزان : هههههههههههه بس هاي الي مضايقج
شوق: ترى هاي الي اسمه جاسم خلاص انا تعبت منه معد اقدر خلاص
ريم: اهدي خلاص اعصابج ........... اقول لا تعطينة وية هاي كل الموضوع .
شوق: ريم ما برد اعصابج .. معاي بالصف اشلون ما اعطية وية
ريم: واذا معاج بالصف ترى حبيبتي هاي ما يغير الموضوع ..
شوق : والله ما ادري حترت
رزان : ترى جاسم هاي اسلوبة بالكلام .. عادي!!
ريم : اقول بدت الحصة امشي اوصلج واروح صفي
رزان: انا لسى باقي 10 دقايق
راحت ريم الصف وكانت متاخرة , بس الي كان متاخر معاها هو حمد تقريبا الاثنين وصلو بنفس الوقت ريم اليوم ما قدرت اتشوف حمد ... الصبح ما شافتة وقت الفطور وهاي اول حصة يكونون فيها مع بعض الحصة الاولى عادتا اتكون راحة يسولفون وعادي محد يحضرها . المهم دشت ريم الصف وحمد كان وراها على طول حصلت كرسين فاضين في اول صف قعدت هي . عاد حمد حب ايروح يقعد في النهاية بس الاستاذ منعة من هالتصرف وطلب منة انة يقعد جنب ريم .
الكل منسجم في الحصة . والدرس كان وايد حلو بس ريم حست نفسها لا شعوريا قاعدة تطالع و وتتفحص شكلة من اول يوم لين الحين ما لفت نظرها هالانسان الغريب او حتى ما فكرت تتفحص ملامحة . شافتة وفعلا ما قدرت تستحمل ويقولون انه مغرور .. والله معاه حق يخي يذوووووب . حلووووووو .. وسيم .. اول مرة اتشوف حد بهالجمال .. غير عن كل الرجاجيل الي شافتهم حمد غير.. ما انتبهت الا وهو ايطالعها وعلى ويهه ابتسامه .. شكله هو بعد انتبة كان ايطالع ويها . ما استحملت ونزلت راسها اتطالع الكتاب على طول .
تستاهلين حد قالج اتشوفينه وتتفحصينة .. ياربي شكلة حلوو وايد وايد ........ ..الله يغربل العدو قطع توم كروز..
خلاص ريم راحت بعالم ثاني وهي تفكر وطول الوقت كانت تناظر الكتاب وما وعت الا والاستاذ قاعد يوزع كل ثنين جنب بعض يحاولون يتعرفون على بعض . ومثل ما انتوا عارفين الي جنبها كان حمد.
حمد : هلا
ريم : اهلين ........ لازم انتعرف على بعض ابدا
حمد: ههههه ولا يهمج انا حمد من قطر عمري 19 سنة تبين معلومت اكثر ( والابتسامة ما كانت تفارق وجه )
ريم : لا ما اعتقد الاستاذ محتاج اكثر من المعلومات
حمد : انزين وانتي ؟؟ ( وبدا يضحك) ما عرف شيء عنج؟؟؟
ريم: انا ريم هم من قطر عمري 17سنة
حمد: اهااااااااا زين زين تشرفت ( وكانت الابتسامة ما تفارقة طول ما هوو يتكلم)
ريم: انت جاي مع جاسم هنا
حمد : اية جاسم ولد عمي ... انتوا من مدرسة وحدا صح؟؟
ريم: لا مو كلنا نفس المدرسة .. بعضنا جاي من معهد او مدارس ثانية بس مع مدرستنا .
بدى التعارف بين ريم وحمد . بشكل غير هالمرة كل واحد فيهم عرف شوية معلومات عن الثاني لين ما الاستاذ بدى الحصة بشكل رسمي .
كان عبدالعزيز قاعد مع عبدالرحمن وسعود ورائد .. في كوفي شوب موجود في الفندق الي ساكنين فيه في بيروت .. الوقت عندهم الحين ظهر .. البنات راحوا يتسوقون والصبيان حبوا يقعدون اشوي في الكوفي شوب الي تحت .. القعدة كانت برع والجو كان روووووووعة ..
رائد: الا جدي وعمامي وين ما شفتهم اليوم ..
عبدالرحمن: اتشوفهم قاعدين داخل .. في القهوة العربية كالعادة !!
مال سعود على عبدالعزيز الي شكله كان ايفكر بموضوع مهم ..
سعود: شفيك قاعد بروحك .. اتفكر بالشغل
عبالعزيز وهو ماله نفس : لا
سعود: افا بو سعود .. ما توقعتك راعي بنات
التفت علية سعود وهو يبتسم ..: هههههه لا يبة خليت هالعادة من زمان ..
رجع يتذكر الموقف الي صار له اليوم مع حصة .. كانت حصة نازلة مع نور وشذى الصبح من وهل ومعاهم امه .. كالعادة ابتسم حق حصة .. بس ردت علية بتكشيرة .. وشكلها معصبة وزعلانه علية مو نفس كل مرة لما يبتسم كلها خدودها تحمر وتنزل راسها وبعد شوي اترد له الابتسامه .. اشفيها هي اليوم انا ما اذكر اني زعلتها بشيء .. والله هالبناات مشكله لين انعطوة ويه ايزودونها ويمصخونها ..
اما حصة الي كانت قاعدة مع نور في الكوفي شوب الي في المجمع وما حبوا يدورون مع شذى وام عبدالعزيز ..
نور: بل اشفيج معصبة ..
حصة: اف تدرين ان اخوج ايحر ...
نور: ههههههههه من زمان . ليش ايش سوى بعد ,
حصة: امس في الطيارة كل اشوي قام وسولف مع المضيفة اتعرفين والله بط جبدي ...
ماتت نور من الضحك على ويهها ..: وانتي من صجج كل ما سوى الاخ حركة رحتى عصبتي عليها تراج ما بتخلصين ..
حصة: باط جبدي ..
نور: وبعدين تعالي ....... انتوا ما تستحون على وجوهكم .
حصة: ليش ؟
نور: مالت عليج بس ... العايله كلها بدت اتشك .. فكري فتصرفاتج لا تتصرفين جي
حصة وقلبها طاح في يدها .. : منووو درى
نور: خليفة اخوي يوم جيتي بيتنا اتسلمين على ريم قبل لا اتسافر لمح حق عزوز انه يدري بلي بينكم ..
حصة: ابية ....... خليفة اخوج ما يسكت لو علم حد من العايله ..
نور: هههههههههه شنو انتوا ما سويتوا شيء غلط حتى لو خوانج دروا مجرد حب بريء صح ..
حصة بتاكيد : اية صح
نور: اشفيج متخرعه جي ابتسمي امج وعمتي سلمى وشيخة ومنى جاين ابتسمي جدامهم عشان لا يشكون ..
جاتلهم منى وهي تركض ..
منى: ليش ما قومتوني الصبح ..!!
نور: وانتي مو مع اختج بنفس الغرفة ساليها ..
منى: عشاااااان تذبحني .. لا اقعد معاكم ابركلي ..
حصة: وين تقعدين لا يبة ما لنا شدة نعابلج قومي .
منى: لا لا
نور: عمتي شوفيهاا مسندرتنااااااااااااااا
ام سعود: يمة منى تعالي بنوديج الملاهي الاي فوق
منى: ههههههه اوكي
نور وهي تضحك : بس حق الملاهي نطت ..
حصة: هههههههههههه اقول خل نتصل في شذى صار لها ساعه اتدور فوق ويا امج عالاقل تنزل معانا اشوي وامج اتدور ويا امي وعمتي ..
نور: اية اتصلي فيهااااااا .. انا تمللت من سوالفج .
حصة: يعلج اتحبين واتحسين اشوي ..
نور: من . انا احب لا اخرحبيبتي هاي من اخر المستحيلات .. !!
في البريك ما بين الحصص كانت ريم قاعدة ويا رزان ايسولفون . وهمة ايسولفون ما وعوا الا دشوا في سوالف الحب والغرام وهالامور يعني . الا رزان بدت تسالها .
رزان: ريمووووووو بسالج سؤال
ريم: يلة
رزان: في حد من الاولاد الي معانا عاجبج (بنوع من الاحراج)
ريم: الصبيياااااااااان... لا عادين هههههههههه ليش؟
رزان: لا ولا شيء
ريم: ليش في حد عاجبج انتي ؟
رزان : بصراحة ما ادري شاقول ... انتي اقرب وحدة لي من البنات علشان جي حبيت اقولج .. وترى السالفة محد يدري عنها حتى ربعي الي بالسعودية
ريم: قولي ولا يهمج حبيبتي ..ماني معلمة حد .. بس دام السالفة بادية من السعودية معناتة واحد من السعودين .. صح؟
رزان: اية ... فهد
ريم: ( باستغراب) فهد..
رزان: اية الله يسلمك هو صديق اخوي الكبير وولد جيرانا . واشوفة ديما ببيتنا او حتى لما اروح بيتهم اختة صديقتي .. المهم ما ادري وش اقول احس شيء يتحرك داخلى ما ادري حب مثلا .. كل لحظة افكر فية .. ريم بصرااحة ما اعرف وش اقول اكثر ..
ريم: علشان جي سألتي عنه وقت الموضوع الي صار امس ..
رزان: اية ودي اعرف اشكان موقفة من الموضوع .. وما اقولج عن سعادتي يوم عرفت انه كان مع حمد مالهم دخل .
ريم: انزين وهو يحبج؟؟
رزان: ما ادري .. ريم ما ادري هو معاي بنفس الصف يعني احياننا اتكلم معاه احياننا ايكلمني كاني اختة الصغيرة واحياننا احس انه يحبني ..ريم لين الحين اتذكر مواقفنا وحنا صغار( وبدت تضحك ) تدرين كنا نلعب ويا بعض وكان دايم بفريقي اخوي احياننا كان يهاوشني بس هو دايما يوقف معاي ويساعدني .. خصوصا وامي متوفية .. (وبينت دمعه في عيونها ) تدرين كانت احياننا مرت ابوي اتهاوشني وهو كان لما يشوفني متضايقة يجيب لي حلاوة من الدكان عشان استانس .. ولما ارد البيت ايوصي اخوي الكبير علي .. وانه لازم ما يخلي حد ايهاوشني لاني اخته الوحيدة ..
ريم تاثرت وايد في الموضوع وجات الدمعة في عينها يوم عرفت عن ماساه حياة رزان الحقيقية الي هي عايشة فيها .. بس بعد ما حبت تتعمق مع رزان في الموضوع وايد لان رزان مبين عليها انها اذا كملت ممكن تنهار باي لحظة ..
ريم: وشبيكون موقفج لي دريتي انه يعاملج مثل اختة ..
رزان: ما ادري اشباسوي .. احبة من 6 سنين تقريبا ما ادري يا ريم احس نفسي ضايعة بدوامه
وبدت الدموع تنهمر من عيوووووون رزان .. ريم حتارت ما عرفت شتسوي اخر شيء كانت تتوقة ان رزان تحب .. ظلت ريم معاها اتحاول اتهديها لين ما هدت وحاولت تنسى الموضوع اشوي مع ان ريم عارفة ان رزان مستحيل راح تنسى الموضوع البنت مبين عليها صج تحب . والله يستر من هالي تحبة يا ترى شنو راح يكون موقف فهد هل هو يحبها ولا لا ؟ شنو بالضبط شعورة نحو رزان
بنفس الليله كانت ريم قاعدة تسولف بروحها ويا رزان في غرفتها . ريم ما جاها نوم فراحت غرفة رزان . اتسولف معاها شوي . رزان كان مبين عليها مشغولة يوم ريم جاتها . كانت تكتب باوراق وتلصق والبنت مسكينة حالتها حاله لا وميتة من الفرح وكل اشوي تضحك .
ريم : بسم الله .. طبيعية اليوم ..
رزان : اكيد بلاكي ما عرفتي شصار
ريم: شيء يخص الاخ فهد
رزان: الا ....هههههههههههههه ريم انا دحين مبسوطة كتير
ريم: ان شاء الله دوووووم .. ليش؟؟>> اشتغلت اللقافة
افا يا ريم ما تعرفين اتهدين لقافتج اشوي ..




ان شاء الله لو عجبتكم اكملهااااااااااا
لا تنسوني بردودكم ؟؟

تسلمين اختي ضيفه بارت جدا جميل

اتمنى ماتطولين علينا