حبيب عم ري فواز

في قمة الشوق واللهفه تمنيتك
ليتك معي ليلة البارح وانا ساري

لو ادري انك تبيني كان مريتك
اتروح وياي وانسى عقبك الطاري

لاشك كملت مشواري وعديتك
مريت جنبك وانا ماكني ابداري

ماهوب انا اللي بعز الظروف خليتك
كافي تناسيت ما تدري عن اخباري

ماهيب غلطه وانا فالعين شليتك
ماني بندمان يوم اني انا شاري

بين الهواجيس والعبره تحريتك
واقول وشلون ما تنصفني اقداري ؟

يا عزتي لي لم اقدر تناسيتك
ماهو بكيفي وانا اللي عايش بناري

القلب لك مملكه والبيت هو بيتك
ولا تحسب ان وفاي يقل مقداري

يا حالف براس ابوك تقول حبيتك
كلامك اللي تقول من الوفا عاري

من لوعة الوقت والضيقات حبيتك
وقفت جنبك بطيبي ماهو اجباري

عزفتك احلى نغم بشفاي غنيتك
ولا ثنيت العزيمه زاد اصراري

بين النجوم وقمرها اهناك عليتك
خليتك انت الوحيد وصرت تذكاري

حتى على النفس يالمحبوب بديتك
ابيك لي غيمه لا شحت امطاري

احلى لقب بين كل الناس سميتك
(حبيب عمري) وانا ماهمني الزاري

يا طيف ليتك حقيقه يوم ضميتك
استغفر الله ماهدك والعمر جاري

للي مهون علي ما يوم رديتك
اعطيك من كفي .. اللي بالكرم ظاري



.
.
.


منٌــقــوولــه

.
.

هلا و غلا

أشكرك على الأبداع الراقي لسموك . .


.
.

تحياتي العطره

تتهاوى الكلمات امامي
ولااجد سوى عبرات مخنوقه
لولاء شخص ووفاء انسان
حتما نقله مميزه ورائعه كما عهدتك
ولتكن النقله القادمه اكثر ولاء وتفائل
دمت بحفظ الرحمن فواز