| | | |
12-11-2007, 08:59 AM
| #1 (permalink) |
| قلب مبتدئ  تاريخ التسجيل: Oct 2007 السن: 18 الجنس: ذكر عدد النقاط: 1074
المشاركات: 86
  |  تخيلو رجل يطلع يطلق زوجته من اجل مذيعه ناصر إنسان كان في حاله ... واكبر همّه زوجته وعياله ماكان صاحب لف ودوران ... وماكان التقصير بحق بيته له عنوان يحب زوجته ويعتبرها افضل الحريم ... ويحب عياله عبدالرحمن ومحمد وريم وجدوله صاير من البيت للدوام ... وماشي على هالطريقه من اعوام بس كان عنده زميل شاغل باله ... ويتمنى يفكه من خرابيطه ويتركه في حاله زميله هذا يبي يعوده على الاستراحات ... ويعلمه المشاوير والروحات والجيّات وأكثر زملائه على نفس الطريقه ... و محترفين في هالمجال وخبرتهم عريقه وكان واحد من زملائه طيب ومسالم ... ودايم يحذره من ابراهيم وخالد وسالم ويوضح له انهم عايشين حياتهم بدون ترتيب ... واكبر همّهم من يشتري الدش ومن عليه التركيب ويعيشون انفسهم في بحر من الأماني ... وكل وقتهم يتفرجون على مذيعه وممثله واغاني ناصر مااقتنع من نصيحة خويّه ... وحب يجرب رأي الأغلبيه خويّه ماقدر يسوي شي في هالساعه ... وطبيعي الكثره تغلب الشجاعه خصوصاً بعد ماقالوا له : ياناصر ... من كثر ماتخاف نحس انك قاصر هالكلمه طبعاً مااعجبت الرجال ... وكانت البدايه لمعرفته بإليسا وعتاب ونوال :drake: وصار كل يوم يطلع من الدوام مايرجع البيت ... بس في الاستراحه بين حكمي شيريا وهاص وسبيت شلة الاستراحه أخذوا كل وقته ... وان اتصلت زوجته تبي شي قالها ماهو وقته ! وفي الأخير طفش منها وصار يقفّل جواله ... ومايدري وش صار على بيته وش صارت احواله يرجع آخر الليل للبيت وينام ... ويصحى بدري ويطلع للدوام وبعد ماحاولت زوجته تستفسر عن سبب التغيير ... رفع صوته في وجهها وقال انا منيب صغير سكتت زوجته المسكينه غصب عنها ... ماتبي عيالها يسمعون الصوت منه او منها وفي يوم كان راجع من الاستراحه رايق ... وكان مافيه شي يدل على انه متضايق قالت زوجته / اكيد هذي فرصتي ... يمكن ارجعه مثل اول وترجع فرحتي قالت له / وش هالتغير ياابوعبدالرحمن ... صاير ماكن عندك بيت ولا بزران ! قال لها / لا تلوميني في هالشي يا منيره ... ولكن لازم اتابع قناة الجزيره قالت له / قناة الجزيره ؟؟ قال / ماتدرين ان الحريري فجرّوه ... وان العراق بالصواريخ دمرّوه ؟؟ ماتدرين أن ياسر عرفات مات ... وان ال سلفادور تبي تنظم لمنظمة القات ؟؟ ماتدرين ان كأس اوروبا لليونان ... وان ازمة المياه في الأردن على البيبان ؟؟ ماتدرين ان نفق السويدي غرق ... وان الدفاع المدني يحسب ان النار والمطر مابينهم فرق ؟ كانت منيره نيتها طيبه ... وماتبي تجرح زوجها او تعيّبه قالت له ماكنت تعرف شي اسمه سياسه ... بس من بيتك للمسجد لدوامك في الرياسه ! قال لها بس الوضع الحين غير ... لدرجة ان القطو يخاف من الطير قالت له / بس ياناصر لازم نشوف لنا حل ... حتى عبدالرحمن يفهم ومن هالوضع مل قال / اجل مالمشكلتنا الا حل واحد ... نركب دش في البيت وتراه مايكلف واجد وفعلاً اقنع زوجته منيره وركّب الدش ... وصار كل وقته بين اخبار العرب ومابينهم من حش وفي يوم زوجته تبي تسوي الغدا ماحصلت زيت..وطلبت منه وقال مايكفي اني جلست عندك بالبيت ؟ قالت له / بس انت ملزوم بطلباتنا انا عيالك ... قال / قولي لعبدالرحمن يجيب من بيت ابومالك قالت / تبينا ناخذ الزيت من الجيران وانت هنا ... حتى عيالنا بيقولون وش اللي صار بين ابونا وامنا ! من اول كنت تهتم بطلبات البيت اكثر منّي ... والحين ماتدري عن بيتك وعيالك ولا عنّي قال لها / تراي مليّت من هالكلام وهالصوره ... خلينا نشوف الاخبار ووش تقول ايمان بنوّره :  وبعدين العيال مايملون من اللعب ... تراهم أزعجوني من قلب قالت / حتى عيالك صاير ماتتحملهم ... وصاير بسرعه تقوم منهم وتملّهم أجل من الحين شوف لك طريقه ... انا وعيالك والدش في حريقه قال لها / الدش اهم شي في الدنيا الحين ... ياليت تحطين هالشي في بالك زين ! تضايقت منيره من رد ناصر ... وقالت له / في الأخير انت الخاسر أخذت عيالها وأغراضها وكلمت اخوها ... وطلبت منه يمرّها بأسرع وقت وياخذها بيت ابوها وهم في السياره عبدالرحمن يسأل ببراءه ... لأنه صغير ومايعرف الجراءه قال لأمه / ماما ابوي طردنا من البيت لأننا في الحوش نلعب كوره ؟؟ قالت أمه / لا ياولدي ،، اللي طردتنا من البيتإيمان بنوره تبقى مجرد محاولات اتمنى ان اصل بها الى قلوبكم وعقولكم وان ارسم البسمه على ثغركم الجميل فديتـــ قلوبكمــــ |
|      |
 |
| مواقع النشر (المفضلة) |
 جديد منتدى الفرح والمرح والفرفشه |
| |
| أدوات الموضوع | |
| انواع عرض الموضوع | |
|
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رجل يطلق زوجته قبل 7 ساعات من حفل الزفاف | صدى الحنان | القصص والروايات المنقولة | 3 | 16-12-2005 11:47 AM |
| زوج يطلق زوجته في حفل زفاف ابنتهما | مرهفة الإحساس | جنة القلب | 1 | 05-07-2005 03:28 PM |
| زوج يطلق زوجته يوم زفاف ابنتهما | المــــلك | القصص والروايات المنقولة | 6 | 24-05-2005 02:01 AM |
| سعودي يطلق زوجته لاستخدامها عطر الم | اسير الليل | جنة القلب | 7 | 02-10-2003 01:09 PM |
| مغازلجي يطلق زوجته بالسووووق | بوسي كات | جنة القلب | 9 | 11-12-2002 06:43 AM |
العرض العادي
