يا جماعة قصتي أمر عجيب
من سمعها قال ذا شي غريب
ينعجب فيها الطفل غصب يشيب
اسمعوها واحكموا من هو انظلم

* & ** & ** & *

احكموا بالحق و بحكم الضمير
وانصروا المظلوم محدٍ له يجير
من بناتٍ كنهن البدر المنير
أظلموا حالي و انا حالي عدم

* & ** & ** & *

ابتلوني ماشي وسط الطريج
كلهن زينات من بنات الخليج
ناحلات العود و الخصر الدجيج
ناعسات الرمش يرمون السهم

* & ** & ** & *

أطلبوني للحكم لابد أقيس
من هي الزينة و البدر الأنيس
و أمتح بالقول دام اني جليس
كل وحده منهم لا بد سهم

* & ** & ** & *

قامت الأولى وقالت من قطر
مرتع الغزلان بالحسن اعتمر
الحسن معروف برهم والحضر
و انتصر بالقول كانك تفتهم

* & ** & ** & *

قالت الثانيه أنا يا من رأيت
ديرتي ديرة هلي يا اهل الكويت
ديرة الأحباب لا منك بغيت
بدلال و زين وكل به علم

* & ** & ** & *

قامت الثالثه و قالت من طرب
عندنا ذا الزين مسحركم عجب
الرياض وجده يا اهل النسب
اسئلوا الشعار من خط القلم

* & ** & ** & *

قامت الرابعه و قالت هات هات
الجمال و الزين عند الأمارات
عندنا مضروب وصف في البنات
لو تجيهم طار عقلك ما سلم

* & ** & ** & *

قامت الخامسة وقالت لي عمان
ديرة الغزلان مع حور العيان
و الحلاه و الزين و بطيب المكان
كلمن جانا على الروحه ندم

* & ** & ** & *

قامت السادسة و قالت وين وين
عندنا ذا الزين كانك تبين
دارنا البحرين دار الطيبين
عندنا ذا الزين مركوز بعلم

* & ** & ** & *

قلت انا خافوا من الله يا بنات
عقلي من راسي بعد عني و فات
كلكم زينات و فيكم هالصفات
كل وحده منكم مثل النغم

* & ** & ** & *

كلكم عندي مثل نسم الورود
الجمال الله عطاكم زود زود
انتم الريحان في ارض الخلود
وانتم الأبيات و للشاعر نظم

* & ** & ** & *


ما ادري من هو الشاعر شفتها و عجبتني و حبيت انقلها لكم

تحياتي للجميع / لوعة المغرم

هلابكـ اخوي لوعة المغرم


يعطيـك الف عافيه عالنقل المميـز


قصيـده جميـله والاروع هوا ذووقك الشعري

تقبل مرووري


اخوكـ / ذوب خفوقي الشق

هلا والله بك يا اخوي

الله يعافيك يا الغالي

الأروع هو مرورك علينا يا اخوي

وان شاء الله اكون عند حسن الظن

اخوك / لوعة المغرم

قصيده من النمط المروبع قصصيه رائعه

قصه وقصيده في غاية الجمال

لوعة المغرم

سلمت اناملك على هذا النقل يا ذوق

الله يسلمك يا الغلا

وحياك الله يا اخوي

المنتدى رائع فما يستاهل الا الأروع

تحياتي لك