الله يعين اللي مفارق ابوه
وبعد الاعانه الله يعينه

بعده فرحه والسعد فارقوه
والهم والغم انهوه وماسكينه

بعد ماانهوه في لحظه ابتدوه
مايكفي انهم من الفرح حارمينه

قال يكفي وبضحكه جاوبوه
الحزن بيادينا ما حنا مطلقينه

ما كفاهم بكاه فوق هذا زودوه
بكا اكثر من ما هم عذبينه

شابت افكاره وهمومه شيبوه
من شقا للشقا ماهم معبرينه

ليله حزن واهله كبروه
صار الحس عند غيره رهينه

لا نسا جته اشغاله وذكروه
باحباب قلبه اللي مفارقينه

لا جاء يرتاح قامو وركبوه
هموم ثقيلات كبار وسمينه

في يوم قام يتذكر اللي ودعوه
وافهمو المعنى يا فاهمينه

شالو ابوه قدامه وودوه
وهم توهم قدامه مغسلينه

شوي بخرقة بيضاء كفنوه
ويشوفهم قدامه شايلينه

ووصلو يم المقبره ونزلوه
وهو يحمل مع اللي حاملينه

انهل دمعه يوم في القبر حطوه
وانصدم يوم شافهم دافنينه

انهار كليا واللي حوله وخروه
وكل الحضور اظنهم عاذرينه

وبعد لحظات قامو ووقفوه
وبكل سذاجه عند القبر داعينه

وشوي يم القبله وجهوه
متوجهين لله بالرحمه راجينه

وقعد عند القبر واللي حوله فارقوه
بين هم وذهول ودمعات حزينه

قام يصرخ تكفون رجعوه
ابي بس لو اقبل جبينه

يا ابوي ترا ولدك بعدك حطموه
مثل البريء اللي بالظلم ساجنينه

يبه طلبتك من يوخرني عن المشبوه
واذا هو للحين والله ما حنا عارفينه

لا تلومونه يا جماعه هذا ابوه
ما يوجهه غير صفقة يمينه

والولد يا جماعه تكفون اعذروه
و الوضع اكيد انتم عارفينه

لا شاف دمعة امه واخوه
زاد عليه همه بصافي حنينه


الشاعر\طلال محمد الشمري

اللهم ارحم ابي وجميع اموات المسلمين

رحم الله اباك


وجعل الجنة مثواه ومثواك


واحسن الله بالخير عزاك


واهلا بيك بيننا

هلا فيـك محرومـه

سـلمت انامـلك على النقـل الطيب

والله يرحم والدك ويسكنه الجنه (( وهذ هي الدنـيا كلنا ماشين على نفس الطريق ))

انا يالي اكلمك بيجي يومي اليوم او بكره محد دايم الا وجهه عز وجل

اتمنى ان ارى لك مشاركات اجمـل وتسطريـن حروفك بأرقى الكلمـات

كل احترامي وتقديري لك


اخوكـ / ذوب خفوقي الشوق

.,.


الله يرحمه ويسكنه الجنه . .


وأشكرك على الأبداع ووننتظر الجديد . .


.,.



تحياتي العطره