[ ] . . ارسم طريق الورد ب بيت من الشعر . .[]

لبـا عيونـك ولبـا خـدك وخالـه=ولبـا المحيـا ولبـا الليـل والشفـه
فديـت عمـرك بتجريحـه وغربالـه=لوتشربه الارض غبره والبحـر جفـه
هلي كما البدر غيضي كـل حفالـه=وسجي عن الليل لايلهيك فـي صفـه
وهزي على صوت رجف القلب وهباله=الطار قلبـي وكـف توجعـه شفـه
ياشفـه العيـن قبـل تجيـن جمـالـه=وجيتي ولاشفت غيرك لو رفـع كفـه
كنك لحالك حضرتي الحفل في الصالـه=ولاشفت غيرك بشـر ياقمـه العفـه
انتـي زعيـم رفـع للقـوم فنجالـه=وكـل تعذرشروبـه ليلـه الـزفـه
انتي بيمني الحـلا والنـاس بشمالـه=ثقيلـه العقـل فيـك الـدم ياخفـه
احيي فقيد بغيت ابكي علـى اطلالـه=في غيرك يمـوت لـو احييـه وازفـه
وان عودت للغـلا غـلاك بلحالـه=انتي بكفه وباقـي النـاس فـي كفـه

ضايق بالحيل محتاج اشتكـي=لولا طبع فيّ .. يمديني شكيت
بس أدور عذر منشان البكـي=لو يدوسون بطرف ثوبي بكيت
كل ماجيـت اتريـح وارتكـي=يزدحم في خاطري الفين بيـت
ويش بيدي افعله غير الحكـي؟=قاصره خطوات رجلي لو مشيت
أسرعي يانفس موتي واهلكـي=صرتي همي يوم بالدنيا شكيت