في سيارة البنات
رغد: مسكين
سميه:بعد التصفيع اللي عطته ايمان وين ما بيصطلب
ايمان:ما عليج منهم تشوفين ألحين تاب وبعدين برجع لحالته..بس مقهوره من ربيعه اللي معاه
ما فكر حتى يعتذر
رغد:شكله خقااااق بس يهبل
ايمان:ما اشوف في شيء
السايق:ايمااان في سياره يلحق نحن
ايمان:وين؟
السايق:هذا سياره لون ازرق
ايمان:انزين سايق خطه بي
السايق:اوكي
هااااي رجعت ليكم مره ثانيه..ايه انا ايمان رجعت ليكم عشااان افسر لكم الخطط
بس ما تخبرون حد
خطه إيه:نخدهم ونغير مسار الطريق
خطه بي:نوقف اي بيت وننزل واللي يلاحقنا بحيسب بيتنا وتخيلوا كم مره بطوف على الفريج يتريا ههه فهمتوا يالله ارجعوا للكاتبه

نفذ السايق خطه بي ووقفوا صوب بيت شكله مهجور
ايمان:بعدهم واقفين
السايق:هيه

نواف:يالله روح خلاص عرفنا وين بيتهم
حسن:يا اخي شكلهم فقاره بس ما يبين عليهم
نواف:المظاهر تلعب الدور
حسن:انزين ليش ما ينزلون
نواف:يمكن عندهم شيء يالله تحرك
حسن:اوكي
تحرك سيارتهم اللي كانت واقفه من بعيد..
السايق:تحركوا
ايمان:اصبر لا تتحرك ألحين
وقفوا دقايق وبعدين قالت للسايق يتحرك
سميه:ايمان شوفي حد طلع من البيت
رغد:شكلها يكسر الخاطر
ايمان:اقول عبدو وقف
وقف عبدو ونزلت ايمان وراحت للبنت وشكلها يرثى الحااال
ايمان:السلام عليكم مدت يدها
البنت بخوف:وعليكم السلام
ايمان:حبيبتي لا تخافين انا اسمي ايمان وانتي
البنت:لطيفه
ايمان:انزين لطيفه تحبين حلاوه
هزت لطيفه بالموافقه وطلعت ايمان كيس حلاويات من السياره اللي تشتريهم دائما كل ما تروح السوق وعطت البنت
لطيفه:هذا حقي
ايمان:هيه واذا عندج اخوان ولا اخوات عطيهم انزين
لطيفه مبتسمه:انزين
سمعت صوت من داخل البيت حرمه تنادي على لطيفه
ايمان:روحي امج تذكرج
لطيفه:هاي اختي
طلعت اخت لطيفه وحالتها مو أقل عن حالة لطيفه الاخت طلعت وما لاحظت بوجود ايمان
كم مره اقولج لا تطلعين بروحج وشو ها من وين يبتي
لطيفه اشرت على ايمان
اختها انتبهت بوجود ايمان:اوه ما شفتج اسمحي لي
ايمان:مسموحه
رغد وسميه اللي كانوا يراقبون المشهد نزلوا من السياره
ايمان:لا تخافين انا اسمي ايمان وهاي اختي سميه وبنت خالتي رغد
الاخت:تشرفنا بس شو تبوون منا
ايمان:لا انا شفت اختج واقفه برع ونحن كنا مارين من هنا نزلت وعطيتها الحلاوه
الاخت:مشكوووره
رغد:ما قلتي لينا شو اسمج
الاخت:هدى
سميه:اسم حلوه هدى انتي تشتغلين
هدى:لا تخرجت من الجامعه ومالقيت لي شغل
ايمان:يعني انتي جامعيه انزين هدى عندج رقم تلفون او اي شيء اقدر اتصل لج
هدى:لا بس اقدراعطيج رقم الجيران ام راشد
ايمان:انزين عطيني وان شاءالله ابشرج بالوظيفه
هدى مستانسه:صج والله وبدت تبوس يد ايمان:مشكوره والله يجازيج بالخير
ايمان سحبت يدها:بس بس انا ما سويت شيء شركة اخوي محتاج موظيفين وان شاءالله يوافق عليج
سميه:ايمان تأخرنا وايد
ايمان:هيه صح انزين عطيني الرقم وكتبت الرقم على الورقه وعطتها
انطلقوا بسرعه للبيت لانه حان موعد رجوع مطر
نزلوا من السياره بسرعه وطلبوا من البشاكير ينزلون الاغراض بسرعه سميه ورغد دخلوا داخل الا ايمان تمت واقفه
تباهم يشلون الاغراض بسرعه بعد ما شلوا وخلصوا
ايمان:أخيرا
سمعت صوت سياره داخله ركضت بسرعه للصاله
فوزيه:بلاج تركضين مثل الصاروخ
ايمان:اماي ولدج يايه ودخيلج يوم بيسألج متى ردينا قولي من زمان تقريبا الساعه
فوزيه:بقوله رايحين الساعه 4 وتوهم راجعين شوفي الساعه كم؟
ايمان وهي تركب الدري:عادي يطيح اللوم عليج
عواطف:صدقها البنت
فوزيه:ماشفت محتاااله نفس هاي البنت
دخل عليهم مطر
مطر:السلام عليكم
فوزيه وعواطف:وعليكم السلام
باس راس امه وبعدين راح يبوس راس خالته
عواطف:عاش من شافك
مطر:عاشت اياااامج
عواطف:وينك انا صار لي مده قاعده ويوم برجع البيت طليت علينا
مطر:تعرفين عاد الشغل ما يخلص وبعد مافي طلعه الا وانتي متعشيه
عواطف:لا شو تقول شوف الساعه كم ألحين وانته تعرف عاد الفجيره كيف بعيده
مطر:هيه والله عيل استأذن بروح استريح شويه
عواطف:روح يا ولدي وانت رايح نادى لي رغد
استانس مطرعلى الاقل بشوفها لكنه مو من طبعه يظهر مشاعره
مطر:ان شاءالله
صعد مطر الدري وقف صوب غرفة سميه كان بفتح الباب لكن سمع الحشره من غرفة ايمان
قبل لا يفتح الباب عدل حالته ويوم مد يده ليفتح الباب فتحت سميه الباب لكنها مو كانت منتبها من واقف لانها ملتفه صوب ايمان و رغد
وترمس البنت:انزين وقفوا بروح وبرجع كملوا الكلام
هم ساكتين ورغد اول ما شافت منو واقف على باب لبست وقايتها
مطر:احم احم
سميه ابتعدت عن الباب بسرعه وبارتباك:مطر
مطر:منو تشوفين واقف عيل
صد صوب رغد:اخبارج رغد
رغد:الحمدلله بخير وانته
مطر:يسرج الحال انزين رغد امج تتريااااج تحت
راح عنهم ..اما سميه فكانت ترتجف وترمس ايمان:ليش ما قلتي لي انه واقف
ايمان:يا اختي ما صار شيء مكبره السالفه اللي يقول شايفه ملك الموت
لبست رغد عباتها ونزلت مع ايمان .. سلموا عليهم وطلعوا لدربهم صعدت بسرعه ايمان لغرفتها ومالقت سميه توجهت لغرفتها
فتحت الباب وقلدت صوت مطر:سميه
طاح اللي في يدها وصدت لوراها فكانت اختها:خوفتيني غربل ابليسج
ايمان تضحك:خوافه من خاطر
سميه:يعني انتي ما تخافين منه
ايمان:لا وليش اخاف يعني شو بسوي
سميه:اونج ما تخافين
ايمان:لا تتحديني تراج بتخسرين
سميه:اتحداج ونص
ايمان:عيل ألحين بروح ليه وبخبره عن سالفة هدى
سميه بسخريه:روحي وانا بجهز لج اسعافات الاوليه
ايمان:ها ها ها خليهم حقج يوم بحمر ويهج استخدمي
طلعت ايمان من غرفتها
سيه انسدحت:راحت فيها المسكينه
ايمان وصلت لغرفة مطر دقت عليه الباب خافت اول شيء من رده لانه يبين عليه معصب ..سيطرت على نفسها:انا ايمان
مطر:ادخلي
ايمان بصوت خفيف:مطـ ـر
مطر:شو تبين
ايمان:مطر اذا متفيج بقولك واذا تعبان مره ثانيه ان شاءالله
مطر:هو شيء مهم
ايمان:بالنسبه لي لا بالنسبه لغيري هيه
مطر بجديه:تلعبين انتي
ايمان بارتباك:لا ولا اقول انته شكلك تعبان ومو متفيج برد لك مره ثانيه يالله مع السلامه
تحركت نادها مطر:وين رايحه قولي كلامج اول شيء وبعدين روحي
ايمان ودها تضحك بس مسكت نفسها ويلست بجانب اخوها وتمت ترمس بحريه وبدون خوف:انته مو قلت انك محتاج موظفين
انزين انا ربيعتي حالتهم ابد ما تشجع وبصراحه يكسروون الخاطر
مطر:و الزبده
ايمان حطت يدها على كتفه:لا لازم اعطيك النبذه يمكن يحن قلبك
اطالعها مطر بطرف عينه..بعدت ايمان يدها اونها تنظف كندروته
ايمان تبتسم رغم خوفها:انزين هيه ربيعتي وانا من بعد ما شفت حالتها قلت ليها انه اخوي محتاج موظفين
وان شاءالله اكلمه
مطر سكت وايمان تتريا يقول شيء يوم كانت بترمس نطق مطر:انزين قوليها تمر علي الشركه باجر وان شاءالله يسير خير
ايمان تشققت من الفرحه:تسلم يا اطيب اخ وباسته على الخد
استغرب مطر لكن حس بفرحه لانه تعود اهله اول ما يشوفونه يسكتون
رجع لحالته الجديه:انزين خلاص انا ما قلت اكيد خلينا اقابلها اول شيء
ايمان وقفت:انا اعرف انك ما بتردني السالفه فيها كلمة ايمان بنت صالح الزعابي
مطر:تعرفين تعقين كلام
ايمان:ههه يالله بروح غرفتي تبى شيء
مطر:سكري الباب يوم تطلعين
وصلت صوب الباب الا انه مطر تذكر شيء ونادها:ايمان
ايمان:نعم اخوي
مطر:اليوم انتوا رحتوا السوق ولا بيت ربيعتج
ارتبكت وحاولت بسرعه تألف شيء وقالت بصوت عالي لقيتها
مطر:وين لقتيها
ايمان طلعت لسانها قصدها كان من كلمة لقيتها انه لقت الجذبه
مطر:انتي ايه ارمسج وين لقتيها
ايمان:ها هيه لقيتها في جمعيه كانت تشتري اغراض لبيتهم واستغربت لحالتها اقولك
قاطعها مطر:بس بس خلاص انزين يالله اقلبي ويهج
ايمان ابتسمت بخبث:اخاف تتكسر رقبتي هههاي وطلعت بسرعه
ابتسم مطر :هالبنت الوحيده غير عن كلهم
طلعت ايمان من غرفته مستانسه وتغني:انتي بحري وانا اليم يقولون اللي يقولو انا في حبك متيم
طلعت سميه من غرفتها.. أشرت عليها ايمان:خله الحساد يموتون
سميه تناديها:انتي ايه قصري حسج
علت صوتها ايمان واشرت عليها انها بتروح تنام
يتبعــ...

امنيح هيك الخط؟؟

منيح اختي لولو الحلوة

تسلم ها الديات

مشكورة

ننتظرك

قصه جميله بانتظار المزيد