| | | |
| |||||||
 |
 |  |  |  |
| القصص والروايات المنقولة قصص عربية , قصص أطفال , قصص غراميه , قصه قصيره , قصه طويله , روايات , قصص الانبياء , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء , والكثير |
 |
| | LinkBack | أدوات الموضوع | انواع عرض الموضوع |
06-08-2007, 04:18 PM
| #1 (permalink) |
| لاتلوح للمسافر .. المسافر رآآح !! تاريخ التسجيل: Jun 2006 الدولة: ..::.. ksa ..::.. الجنس: أنثى عدد النقاط: 22813
المشاركات: 2,690
  |  ( رشوا على قبري من دموع عينه ) قصة حب وحزن لاكن من نوع جديد ( اولى كتاباتي) بسم الله الرحمن الرحيم هذي اولى كتاباتي واتمنى انها تعجبكم واي نقد على الجزء الاول انتمى انكم تكتبونه وهذي روايتي لكم : رشوا على قبري من دموع عينه الجــــــــــــــ الاول ــــــــــــــزء عبدا لله : هلا يما شخبارك ؟ والله وحشتيني ام عبدالله : هل والله بعبيد حمدلله بخير وكلنا بخير انت اهم شي شخبارك؟؟ ومتى بتجينا ؟؟ عبدالله: الله يسلمك يما انا بخير والله يما تدرين الدراسه ام عبدالله تقاطعه : براحتك يما بس لاتطول علينا عبدالله توه بتكلم الا الخط يقطع .......... &&&&&&&&&&& تعريف الشخصيات : عائلة ام عبدالله ( الاب متوفي ) عبدالله : طالب جامعي واكبر ولد 21 سارا : طالبه ثانويه بنت مرحه وهي اللي محركه البيت بضحكها فيصل: احلى واحد من اخوانه طيشه مو طبيعي ( عائلة جيران ام عبدالله ) راشد: الولد الاكبر منهم مثقف ومتعلم اسمر الوجه طويل ندى: البنت الصغرى طالبه ثانويه تدرس مع سارا في نفس الفصل عائلة بو فواز بوفواز: رجل كبير في السن مريض لايوجد لديه دواء لمرضه فاطمه: الابنه الكبيره له تركت الدراسه لحالتهم الماديه تعتني بوالدها وامها متوفاه فواز: الابن الصغير لهم عمره 10 سنين ولايحب الدراسه لاكنه مغصوب فيها &&&&&&&&&&&& بوفواز: فاطمه.......فاطمه فاطمه: خير يبا بغيت شي بوفواز: روحي شوفي فواز اذا يذاكر فاطمه: ان شاءالله الحين اروح اشوفه فاطمه تروح للغرفه فاطمه وهي تصارخ: فوااااااااااااااااز يلا قووووم ماصارت من متى وانت نايم فواز وهو نايم: طلعي من الغرفه مش قايم فاطمه تسحبه من الارض: يلا قووووم بسرعه ............... فواز: يروح لاخته فاطمه : انا بطلع شوي طيب فاطمه : وين بتروح والدنيا مطر اقعد مكانك فواز: بروح اشتري مويه وبجي فاطمه: طيب بسرعه ولاتتأخر &&&&&&&&&&&& من جهه ثانيه عبدالله وهو قاعد لحاله في البيت تذكر ايام ول خناقه مع سارا : والله اشتقت لك ياسارا واشتقت لأيامك قعد يفكر شوي وبعدين يطلع من البيت من كثر الملل &&&&&&&&&&&& بوفواز: فاطمه ليش تأخر فواز مش من عادته فاطمه: اكيد راح حق صديقه سلمان لاتخاف عليه بوفواز: ان شاءالله يكون عنده &&&&&&&&&&&&&& عبدالله في السياره يرن عليه الجوال الا فواز كان قدامه يمشي ولا انتبه له ويصدم فيه عبدالله يطلع من السياره مسرع لفواز وياخذه ويركبه للسيراه ووديه لاقرب مستشفى ........ عبدالله: بسرعه بسرعه خذوووه عبداله قاعد متتوتر يطالع يمين ويسار .........الا يطلع له الدكتور ويسرع له عبدالله : هاا بشر وش فيه؟ الدكتور: هدأ هدأ .... أنت أبوه؟؟ عبدالله: لا انا ماأعرفه بس صدمته وانا اكلم جوال الدكتور: الولد حصله نزيف عبدالله : يعني شلون حالته بتطول؟؟ الدكتور: والله ماندري عبدالله: طيب اقدر اشوفه الدكتور: ايه تقدر بس لاتطول عنده عبدالله يدخل عليه ... فواز قعد يطالع فيه عبدالله: سلامتك ماتشوف شر فواز: انت مين؟؟ عبدالله تلعثم وماعرف كيف يرد: انا ....... انا اللي صدمتك ...... طيب تعرف رقم اهلك ؟؟ فواز يسكت عبدالله : طيب تعرف عنوان بيتكم؟؟ فواز : ايه اعرفه عبدالله طار من الفرحه : زين زين اجل عطني اياه فواز بعد ماعطاه العنوان عبدالله: يلا اجل انا بروح بيتكم واخبر اهلك &&&&&&&&&&&&& بوفواز:فاطمه شفيه اخوك ماجا اكيد صار له شي..... روحي اتصلي على بيت صديقه فاطمه: ماعندي رقمه فجأه يضرب باب بيتهم ........ فاطمه تروح تفتح الباب عبدالله: السلام فاطمه: وعليكم السلام........ مين؟؟ عبدالله: هذا بيت بوفواز؟؟ فاطمه حست ان صار شي لفواز...... : ايه هذا البيت عبدالله: ممكن اشوفه؟؟ فاطمه تروح لابوها : يبا في واحد يبي يشوفك اخليه يدخل؟؟ بوفواز: ماعرفتي مين؟؟ فاطمه: لا بس يقول يبي يشوفك بوفواز: ان شاءالله خير....... خليه يدخل فاطمه تروح لعبدالله: اتفضل عبدالله يدخل بيتهم ويطالع فيه يمين ويسار مستغرب من منظره بيت مكسر وماله صبغ وحالته حاله عبدالله: السلام بوفواز: وعليكم السلام طبعا فاطمه حست ان في شي وقعدت من ورا الغرفه وتسمع كلامهم بوفواز: من تكون؟؟ عبدالله: الصراحه وانا امشي في الطريق ولدك الله يهديه كان يمشي قدام السياره وانا اكلم جوال مانتبهت له ...... و......و صدمته بعد هالكلمه نزل عبدالله راسه فاطمه لما سمعت ان اخوها انصدم علا طول دخلت الغرفه : شفيه اخوي شفيه شسويتله؟؟ عبدالله: اخوك مافيه الا الخير نقلته المستشفى بسرعه وصار فيه نزيف . انشاء الله خير فاطمة قاعده تصيح : أبي اشوف اخوي عبدالله : خلاص خلاص بكرا انشاء الله بوديكم المستشفى تشوفونه &&&&&&&&&&& في الرياض ساره : فيصل .. فيصل تعال شف فيصل : وش فيه؟؟ ساره : مالي خص ابغى نفس هالجوال فيصل : ههههههه خوفتيني سارا: طيب انا ابغى نفسه فيصل: خلاص ولايهمك ابشري بس على شرط سارا: من عيوني فيصل: متأكذه سارا: الله يستر ايه متأكده فيصل: تروحين تسوين لي نسكفيه سارا: هههههههههههههه الحمدلله اذا كان على نسكفيه اسويه كم فيصل عندي فيصل: ايه ابغاك كذا سارا: اسويلك بس المهم تشتريلي فيصل: ولووووووووو اكيد &&&&&&&&&&&&&& اليوم الثاني في الدمام عبدالله يدق الباب على بيت بوفواز فاطمه تروح تركض وتفتح الباب : السلام عبدالله: وعليكم السلام ..... جاهزين فاطمه: ايه بس.. ابوي مايعرف يمشي ممكن تساعديني ؟؟ عبدالله يبتسم في وجه فاطمه : ايه اكيد عبدالله ينزل بوفواز في السياره وتقعد فاطمه في جنبه ...... بعد ماوصلوا المستشفى عبدالله نزل من السياره ونزٌل بوفواز فاطمه تدخل الغرفه بس شافت فواز نايم ماحبت تصحيه بوفواز راح له وبدأت عينه تدمع بعد شوي فواز فتح عينه : يبا بوفواز: فواز الحمدلله ياربي الحمدلله عبداله طلع من الغرفه وراح للدكتور الدكتور: خلاص ان شاءالله اليوم العصر يطلع بالسلامه عبدالله وهو طاير من الفرحه : صج والله ..... الله يبشرك بالخير عبدالله ماصدق بسرعه راح يخبرهم عبدالله يدق الباب عليهم .. بوفواز : ادخل عبدالله دخل ويسكر الباب وراه : ابشكرم اليوم فواز بيطلع بوفواز : الله يسعد قلبك ياولدي فاطمه مش مصدقه ان اخوها بيطلع من كثر الفرحه بدأت عيونها تصيح &&&&&&&&&&&&&&&& فيصل: سااااااااااااارونه سارا وهي تصرخ: يااااااااااااااااااااااااااااااااااااي فيصل: واحلى جوال لأحلى سارا سارا وهي ميته من الفرح: مشكوور الله يعطيك العافيه وبسرعه اخذته وكلمت ندى : ندووووي باركيلي هذا جوالي الجديد ندى: والله مبروووووووك راشد يحب سارا بس هي ماتعطيه وجه راشد: ندوووووش..... هذي سارا؟؟ ندى: سارا لحظه شوي.. نعم خير ايه هذي سارا راشد: بلللليز حطيه على السبيكر ندى ماتعطيه وجه وترجع تكلم سارا ندى: سوري تأخرت عليك سارا: اخذي راحتك سارا: فديتك يالبطه هههههههههههههههه راشد يتعمد ويضحك بصوت مرتفع علشان تسمعه سارا سارا: هههههههههه تفداك العافيه.......... هذا راشد؟؟ ندى: ايه الله ياخذه سارا: وصليله سلااام ندى: يوصل سارا: يلا مع السلامه ندى: مع السلامه بعد ماسكرت التلفون ..... : اقول سارا تسلم عليك راشد: حلفي ندى: يعني اكذب عليك مالت لاتصدق راشد: ايه والله ماأصدقك ....... بس الله يسلمها اقووول ندوش ندى: خير راشد: خير بوجهك بس كأنك من زمان مازرتيها ولازارتك ندى: الخلاصه ايش تبغى؟؟ راشد: أووووف ماأبي شي ندى: أحسن أحدااااث كثيره وجديده رح تكون في الجزء الثاني ............ ان شاءالله تعجبكم واذا لقيت حماس رح اخلي الجزء الثاني اطوول |
|      |
|
09-08-2007, 01:56 PM
| #7 (permalink) |
| لاتلوح للمسافر .. المسافر رآآح !! تاريخ التسجيل: Jun 2006 الدولة: ..::.. ksa ..::.. الجنس: أنثى عدد النقاط: 22813
المشاركات: 2,690
|  الجـــــــــــ الثاني ـــــــــــزء في الدمام بعد ماخلص عبدالله من اجرائات المستشفى حب انه يطلعهم :اقول وش رايكم نتمشى شوي؟؟ بوفواز: ايه والله حاس نفسي بمووت فاطمه: سلامتك يبا من الموت عبدالله: فواز وش خاطرك فيه؟؟ فواز: والله ودي ايسكريم الكل قعد يضحك فاطمه: ههههههههههه عبدالله ماعليك منه هذا كل شي يبيه عبدالله: لاشدعوه خليه يقول فواز: وانتي شدخلك فيني يعني انتي تتأمرين على كيفك وانا لا فاطمه: استح على وجهك صج ماتنعطى وجه &&&&&&&&&&&&&&& الجمعه في الرياض 9:00 راشد: ندى ..... ندى ... أمي تبيك في التلفون قومي ندى: اوووف يعني ماتشوفني نايمه راشد: أقول يلا قومي امي تنتظرك ندى ترفع السماعه: هلا يما شخبارك؟؟ ام راشد: هلا والله بالغاليه ندووش انا الحمدلله بخير شخبارك انتي؟؟ ندى: بخير الحمدلله ام راشد: يعني خلاص كبرتوا ماصرتوا تتخانقون؟؟ ندى: يما ولدك ملقوف وقاط وجهه في كل شي ام راشد: ههههههههه حسبي الله عليكم ماأدري متى بتكبرون راشد يسحب السماعه من ندى: أقول يما لاتصدقينها تعرفينها تحب الكذب ام راشد: ندوووش فديتها ماتكذب ندى تقعد تضحك : هههههههههه تفداك العافيه يما ام راشد : يلا ماأطول عليكم مع السلامه راشد : مع السلامه ( ام راشد بعد طلافها من ابو راشد تفرقوا صار كل واحد في بلد ) &&&&&&&&&&&&&&&&& عبدالله: ان شاءالله انبستطوا بوفواز: مشكور الله يعافيك عبدالله: انا بكرا بروح الرياض ازور الاهل فاطمه: تروح وترجع بالسلامه &&&&&&&&&&&&&&&&& سارا : عـــــــبدالله .......... ام عبدالله تنزل بسرعه : عبيد ماأصدق عبدالله: ايه صدقوا عبيد واقف قدامكم سارا: شخبارك يااخوي والله وحشتنا عبيدالله: بخير انتوا والله واحشيني اكثر بس اقول وين فيصل ام عبدالله: تعرف فيصل مايقدر يقعد في البيت عبدالله: ههههههههههههه لين الحين سارا: شفت شلون يدخل عبدالله الصاله ويكملون سوالفهم ...... بعد شوي يدخل عليهم فيصل : عبدالله ...... عبدالله هنا ولاتقولن لي ويبدأ السلام والتحضين والقبلات ........ الخ ام عبدالله: شخبار الدراسه وياك؟؟ عبدالله: الحمدلله ماشيه بس بقولك على شي سارا: هااا حبيبه جديده؟؟ عبدالله: الله يعافيك انتي اسكتي ام عبدالله: سارا يلا اصعدي فوق وانت يافيصل سارا: انا صاعده بس وين بتروحون عني والله لأعرف السالفه ام عبدالله: هاا ياوليدي شعندك؟؟ عبدالله: يماا بصراحه في عائله عرفتها وعندهم بنت ماشاءالله اخلاق وذوووق وجمال تدخل القلب عبدالله: وشولون عرفتهم عبدالله: يما سالفه طويله ام عبدالله: وحنا شورانا المهم قعد عبدالله يقول السالفه من اولها ......... ام عبدالله: البنت عاجبتك عبدالله: والله البنت تدخل القلب ام عبدالله: خلاص ياوليدي ابشر عبدالله وهو فرحان:والله يما ام عبدالله: كم عبيد عندنا عبيدالله: هههههههههههه واحد ام عبدالله: ومتى تبيني اروح عبدالله: أي وقت انتي جاهزه فيه انا جاهز ام عبدالله: وانا شوراي طول الوقت فاضيه عبدالله: اجل ان شاءالله يوم الاثنين انا رايح ام عبدالله: وانا وراك &&&&&&&&&&&&&&&& ندى: راشد راشد: نعم ندى: اليوم سارا بتجيني راشد: والله ندى: ايه راشد: كم الساعه بتجي؟؟ ندى: مدري عنها راشد: انا جاهز لكل طلباتكم ندى: هههههههههههه بس لساره هااااااا؟؟ راشد سكت وقعد يطالع الارض ندى: انت ................. يقاطعها راش: ايه انا حبها ندى: وليه ماتروح تخطبها راشد: يعني تنصحيني ندى: والله مافي احسن من سارا راشد: بس خايف ندى: من ايش راشد: هي ماتحبني ندى: بتحبك غصب عنها راشد:لا انا ماأبي بالغصب ندى: يعني شلون ماعرفت لك راشد: شوفي انتي اليوم فاتحيها بالسالفه ندى: من جدك تبيني اقولها راشد يحبك راشد: ايه وش فيها يمكن تكون هي تحبني بعد انتي شوراك قولي لها ندى: أشوف &&&&&&&&&&&&&&& سارا: أقول عبيد عبدالله: نعم سارا: وش سالفتك مع أمي؟؟ عبدالله: والله سالفه بيني وبين أمي انتي شدخلك يقاطعه فيصل: أقول مش علينا هالحركات عبدالله: يعن اللقافه......... قلت لكم بتعرفون بعدين سارا: ياخوفي منك يطلع عبدالله من الغرفه فيصل: أقول سااارا سارا: هلا فيصل:جد اليوم بتروحين لندى؟؟ سارا: ايه.............. ليه؟؟ فيصل: لا ولاشي ........ بس متى بتروحين لها؟؟ ندى الساعه 5 العصر فيصل: طيب ............................. الساعه5 العصر فيصل: أقول سارا قومي الساعه صارات 5 سارا: والله ......... طيب جايه تقوم سارا تلبس فسصل: خلصتي؟؟ سارا: ايه فيصل: يلا انا بروح السياره سارا: وليه توديني البيت قريب خطوتين فيصل: عاد أنا احب اتعب نفسي سارا: على راحتك &&&&&&&&&&&&&&&&&& سارا تدق الباب ويطلع لها راشد : السلام راشد: وعليكم السلام تدخل سارا البيت ويقعد يطالعها راشد وهو سرحان يكلمه فيصل: هلا راشد راشد يلتفت : هلا هلا فيصل فيصل: ماتسأل ولاشي ولا كأن حنا جيران راشد : هاا لاوالله عارف الدنيا ... يقاطعه فيصل وهو يضحك: عارف عارف بس امزح معك يلا مع السلامه راشد: مع السلامه وبسرعه يدخل راشد البيت كانت ندى وسارا في الغرفه ويروح لهم فوق ويدق الباب عليهم ندى تطلع له: خير راشد: ها قلتي لها ندى: ماعندك صبر البنت توها داخله راشد: طيب لاتطولين ندى تدخل الغرفه وتقعد في جنب سارا ندى: سوري تأخرت عليك سارا: لا عادي ندى: اقول سارا: قولي ندى متردده: أخووووو.......ي سارا: ايه وش فيه اخوك؟؟ ندى: بصراحه اخوي من زمان يبي يقولك سارا: وش السالفه؟؟ ندى: أخوي يحبك ويبي يخطبك سارا تسكت وفجأه قعدت تضحك بصوت عالي ندى: ليش تضحكين انا ماقلت شي يضحك سارا وهي ميته ضحك: راشد...... راشد ندى: وش فيه راشد مش ناقص سارا: انا اصلا ماأفكر في الزواج ندى: الولد ماقال رح يتزوجك الحين سارا: الصراحه فاجأتيني ندى: طيب انتي وش رايك؟؟ سارا: أكيد اخو صديقتي الغاليه يابغاله كلام ندى: والله لويسمعك يصر مجنون .... بروح اخبره سارا: هههههههههه خذي راحتك تطلع ندى من الغرفه وتركض لرشاد: راشد.............. راشد راشد: ها بشري ندى: البنت موافقه راشد: والله موافــــــــــــقه ندى: ايه والله راشد: هذا احلى خبر سمعته بحياتي &&&&&&&&&&&&&&&&& يوم الاثنين عبدالله يدخل على امه : ها يما جاهزه ام عبدالله: ايه يما يلا انا جاهزه ويطلعون من البيت الا يلاقون فيصل جاي عبدالله: فيصل وين كنت؟؟ فيصل: الله يعافيك ماني ناقصك يكلمه عبدالله وهو يطنشه ويدخل البيت ام عبدالله: ماعليك منه هذا ولد طايش عبدالله: الله يحفظهم ام عبدالله: الله يسمع منك يركب عبدالله وتركب امه ورا عبدالله: يما ليش جالسه ورا ام عبدالله: أبي اتمدد عبدالله: ههههههههههههههههههههههههههه &&&&&&&&&&&&&& عبدالله: يما ام عبدالله نايمه عبدالله: يمــــــــا ام عبدالله تقوم مفزوعه: وش فيه؟؟ عبدالله: يما شفيك يلا قومي وصلنا ام عبدالله: ايش وصلنا تونا طالعين عبدالله: هههههههه انتي نايمه ولاانتي حاسه في الطريق بعد ماقاموا من السياره دقوا عليهم الباب بوفواز : فواز فواز فواز: نعم بوفواز: قوم افتح الباب فواز: أف طيب يفتح فواز الباب لعبدالله : السلام عبدالله: وعليكم السلام اقول فواز ابوك قاعد والا نايم فواز: ابوي قاعد تفضل بعد مادخل فواز وامه بوفواز: السلام عبدالله: وعليكم السلام بوفواز: حياكم عبدالله: الله يحيك ............ بدخل لك في الموضوع بوفواز: قول ياولدي عبدالله : بصراحه يابوفواز انا من ذاك اليوم وانتوا على بالي ويطالع امه ويكمل كلامه : واليوم انا جاي اخطب يدك بنتك بوفواز: والله لي الشرف...... بس وين ابوك؟؟ عبدالله: ابوي الله يرحمه ومافي حد قد المسؤليه غير الوالده بوفواز: الله يرحمه ..... بس الراي على البنت عبدالله: أكيد بوفواز: أجل انتظر الرد عبدالله: يلا انا اقوم الحين بوفواز: وين؟؟ توكم جايين؟؟ عبدالله: مره ثانيه ان شاءالله بوفواز: على خير ................ ام عبدالله تطله من البنت معصبه : الحين مطلعني من الرياض لين هنا ... ابي اعرف ليه جايبني معك هاااا؟؟ عبدالله: لازم تكونين موجوده........ طيب انتي وش وراك بالعكس غيرتي جو ام عبدالله: طيب يلا ودني مطعم ابي آكل عبدالله: من عيوني &&&&&&&&&&& أيش بصير على خطوبة عبدالله ؟؟ فاطمه بتوافق عليه والا لا؟؟ وسارا ايش رح يكون ردة فعلها بعد ماعرفت ان راشد يحبها ؟؟؟ وهل رح يصير لها احداث ؟؟ التعديل الأخير تم بواسطة .. دمـَعـة ألِـم .. ; 09-08-2007 الساعة 02:10 PM. |
|
| |
|
| مواقع النشر (المفضلة) |
 جديد منتدى القصص والروايات المنقولة |
| |
| أدوات الموضوع | |
| انواع عرض الموضوع | |
|
|
العرض العادي
