يعجبني اسلوبكـ

السلام عليكم ورحمة الله وبركاته

طبعا الكل عارف ان الخرفاان كثروا بالسعودية وحبيت اعلق على النقطه هذه بطريقة سخرية
واتمنى ان الموضوع ينال على إعجابكم ومثل ماعودتكم على الرائع والرائع فقط


عممت مساءً.. كل واحد يحط يده على قلبه ..
إلتفت يمين
إلتفت يسار
وخلفك وإمامك
ماذا ترى ..؟


(احس البدايه ساخنه لدرجة الغليان )




عندما تشعر أخي المسلمـ البالغ الراشد بدوران العالم من حولك بسرعة البرق وقتها وش بيكون شعورك اتوقع انه بيكون شعور بارد يبلد جميع الأحاسيس المتبقيه بجسمك المترهل والمتعفط
وإذا بشخصي وسموي الكريم السعودي (العربي الوطني) الفارس الهمام المغوار الشجاع البطل المقدام الصنديد ركز في كلمه صنديد

واضمك على صدري واطبطب عليك وفجأه إتذكر عام1999 يوم كنت مشارك في

WWF

المصارعه الحره واقوم من الحماس ومع اندفاق المشاعر واعطيك ركبه على بطنك وابادرك باللكمات الى ان يغمى عليك .. <-- يلعن أبو الحنان الي تعرفه

^

^

نعيد المشهد من جديد عشان اسلووب الدفاشه اللي صار فيه



واحد .. ثنين .. ثلاثه .. اكشن


واذ بخيالي وبمعطفي الحريري الناعم اغطيك فيه ليداعب شحومك الله ابو ذا الشحومـ

(من اليوم اسوي بروفه لاول ليله ادخل فيها على زوجتي لان هالسؤال يتكرر علي اكثر من وينكـ فيه بصراحه الواحد يشيل همـ ذيك الليله لانها هي الليله اللي تبين شخصيه الزوج وعشان كذا لازم نطلع باحسن صوره)


وسوالفي في الترقيم ودفاشتي مع الجنس الناعمـ تخليني ابصمـ بالعشره اني باجيب العيد ليله الدخول على المدام في اول ليله


باعطيكمـ بعض المواقف اللي كل ماتذكرتها وجلست استعرضها بيني وبين نفسي اللي جنبي على طوول يضحكـ وهو ماسمعني حتى مره بليس كان يوسوسلي ويوم شافني استعرض هالذكريات جلس يضحكـ ونادى خويااه قال تعالوا شوفوا ذا الخبل وش مخنبق <-- كمل السالفه قبل تقلب خرش

اما عاد موقفي اول مره رقمت فيه هذا اذا تذكرته جلست اصيح من الضحك كنت انا وولد خالي مشخصين بالشماغ والثووب في الممشى طريق الواجهه البحريه ومن زين الطبايع نسوي رياضه وجابيبن معنا قووطي ببسي ونلعب فيه برجولنا شوي ونسوي تمارين سويديه والله ونشوف ذيك الوحده اللي من حضها الاقشر اني اعجبت فيها وقلت لولد خالي انا بارقمها قال اجل انا باشغل السياره وافتح لك البااب واجهزه لك قلت له طيب <-- تقول بنسرق بنكـ


الوكاد سجلت الرقم بورقه طبعا الكلام هذا على ايام ابو بصمه اللي تستخدمه جهاز جوال وقت الراحه وعجراء وقت المشكله والاستفزاز وجيت وانا امسكها مع رقبتها وانا اعطيها ركبه وانا اعفط يدها ورى ضهرها قلت والله ان تاخذين الرقمـ <-- ترقيم عنيف

وهي تاخذه وهي تصايح ماتدري هالمعتووه وش يبي انا اشوفها تصيح والتفت لولد خالي واشوفه يصيح ويقول تعال اركض العسكري جااء وانا يجيني بلى احس اني اركض فووق الارض بشبرين من السرعه الناس حولنا يشوفوني انا وولد خالي السطايح وميتين ضحكـ لدرجه انهم شالوهم على اسعافات ونقالات من قوة الضحكـ

ركبت مع ولد خالي ورجعنا للبيت وعندنا طموح انها راح تدق وكل ست ساعات واحد منا يجلس على الجوال تبهذلنا لانمنا ولا حولنا نومـ

دريت ان الغزل والحنان يمين وانا يسار وحكمت على حياتي الزوجيه بالفشل هذي دفاشتي وانا عزوبي كيف اذا تزوجت

عرفت نقاط الضعف عندي وقلت خلكـ حنين ياعبدالعزيز واذا عطيتها الرقم قل تفضل ياقمر شي زي كذا المهم صار الموقف الثاني يومني شفت ذيك البنيه اللي اضن انها تدعي علي للحين شفتها وانا اسجل الرقمـ وانا اجيها واشوف شنطتها فاتحه وانا فاتحن فمي وانا ادخل يدي بقوة في الشنطه وهي تقومـ تصيح انا من الروعه ركضت اثرني اركض والشنطه بيدي مادريت عنها وكل ما التفت اشوفها تركض ورااي قلت الله ابو ذا الاعجاب اللي نهايته كذا ولا ويقولون سلاح المرأه دموعها وهي كلها سلاح بدايتن من الكراعين الا اخر اصبع في اليدين شوي واطالع في يدي واشوف الشنطه وانا افكها وهي تطيح ومن فكيت الشنطه وهي واقفه دريت وقتها انها تركض وراي عشان الشنطه


عقب هالسالفه حكمت على نفسي بالعزوبيه مدى الحياه لان اي دلخ زي كذا مستحيل يتعايش مع حياته الزوجيه الا ان الله يطرحه في دفشتن مثله

بعدها قلت الله ابو الترقيمـ خلني استخدمـ مواهبي واشووف العالمـ وشلون تكلمـ البنات قلت مافيه الا اني اقلد صوت بنت واستفيد من هاالدبش قلدت صوت ناعم والشغله ماشيه معي تمام التمام


المهمـ في يوم من الايام حبيت لي تسعه شباب طبعا وانا اقومـ بصوت بنت حنيت عليهمـ كلهم حبوني قلت خلني اواعدهم وواعدتهمـ في احد الاسواق وكلهمـ طلبت منهمـ لبس موحد غتره بيضاء وجريده الشرق الاوسط وواعدتهم في الكوفي اللي وسط السوق تجمعوا التسعه وكلن منهمـ بنفس اللبس ومريت من عندهم وضحكت ضحكـ يؤؤ صرت اطرّش بطااطين من قوة الضحكـ وحسيت بثقه في نفسي لاني دريت انه ماهو انا الدبشه الوحيد في المملكه اثر كل رجال يضعف امامـ هالصوت الناعمـ الله ابووه


طبعا انا مخلي شريحه خاصه للدبش وكل اللي يتصلون عليها شبااب مغرمـ رايحن فيها

وبعد فتره جاني اتصال من بنت استغربت وش جاب هالبنت على هالشريحه قلت خلني اشوف نهايتها معها واقعد معها على اتصال اسبوعين بعد اسبووعين الا هو طالعن بصوته الحقيقي طلع تمساح وقال والله قبل احسبكـ ولد تقلد صوت بنت بس الحين تأكدت وانا اطلع بصوتي الحقيقي قلت لا يا ابو الشباب توقعاتكـ كانت في محلها جلس يضحكـ وجلست اضحكـ تقابلنا سوينا تعاقد مع بعض بحيث ان الوضع يكون بيني وبينه ففتي ففتي شوي شوي الا تطور المشروع وصار عندنا مؤسسه وانشاء الله على وشك نطرح الاكتتاب على شركتنا الجديده تحت مسمى شركه الخرفان المحدووده الحد الادنى للاكتتاب عشر بطاقات سوا ام خمسين والحد الاقصى خمسه اجهزه حديثه النوع



::مايستفاد::


1) الترقيمـ مافيه كويس


2) اذا ارتبطت بوحده وواعدتكـ بلبس معين اعرف انه مقلب


3) ياويلكـ لو تقرى ولاترد ترى نموذج الاكتتاب لاغي تلقائيا


4) اذا رديت بدون ماتقرى لكـ برنامج تسهيلات خاص في هالاكتتاب


"ملحووظه"

اعتبر كل هالكلام لعب اصابع سهران شارب بايسون وفرغ طاقته <-- دعايه مجانيه

زُلَالْ

فـــجـــر

<<متسطحه ضحــك صحت امها من النوووم

مو قادره اتخيل المظر بصراااااااااحه


عزوووووووووز

مالك ومال الترقيـم ,,, خلاص عرفت حظك من أول مره مع ولد خالك

ليـه ترجع


أمـا تجلس تكلم تماسيح مثلك وتواعدهم بعد >>قووة عين وربي

المره الجايه خلي بدل الشرق الأوسط الرياضيه أحلى <<لاياشيخه



المـهم خيوووو

الميستفاد الأول مافيه أحلى منه

وشلكم والترقييييم يعني تضيع فلوس على غير سنع <<عجيز




والمره الجايـه لاتكثـر البايسووون >>مضر بالصحه

][ قمـر نجـد ][

خخخخخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

وقسم فآصل

انت والترقيم شي مو طبيعي ياشيخ

عشق لن ينتهي :p

الزبده

نستنى موضوع جديد <= عجبها الوضع :D

يعجبني اسلوبكـ

يوسف التميمي
بالبداية اخي الكريـم

كلامك لاغبارَ عليه

ولكن أنظر إلى نفسك . . .

فأنت تضعُ أقدامك في الفرح والمرح والفرفشة<+++ وهل للفرح والتسلية فائدة ؟ ؟ ؟

ليس لهما سوى الترفيه عن النفس

أخي الكريـم مقالك للعام والمواضيع الجادة وليس هُنا جزاك اللهُ خيراً

أثابك الله على هذا الكلام الرائع ولكن تواجُدك هو الخاطئ ! ! !

هذا وتقبل تحياتي
ويعطيك العافية على نصحك وإرشادك

أخوك في الله
عبدالعزيز